ابي اعرف الفرق بين الانسحاب والاعتذار والتأجيل؟ بسرعه بليز

[دُنيا]

انا اول سنه بالدراسه منتسبه يديده يعني وطلبت من 3 ايام طلب اعتذار وعقب انخرعت قريت انه استرداد المبلغ كامل عبالي انه ماراح يقبلوني اذا قدمت عالكورس الثاني وقدمت اليوم الثاني الغاء الطلب انا مو فاهمه شنو السالفه وشنو المفروض اسوي

انا اللي فهمته ان الانسحاب ما اقدر ارد للجامعه مولياااااا

اما الاعتذار اتوقع اعتذر عن كورس
والتأجيل يعني لسنه او سنتين واكثر

فهل اللي انا فاهمته صحيح

انا اللي ابيه اني اأجل ليما الكورس الثاني يعني على شهر ديسمبر أويناير مع الطلبه الجدد ابتدي وبالمره أغير التخصص ارسلت رسايل لموقع الجامعه دقيت عالجامعه لين تعبت مكالمات خارجيه ولا احد عبرناالمفروض يكون فيه سكرتير او سكرتيره اترد على كل المكالمات لان احنا نظام مطور واكيد راح نتوهق ونبي احد يفيدنا
:s9: والجامعه مافيها احد يرد لايكون جامعه وهميه هههههههه

المهم الحين اللي قريته بالتقويم الزمني انه فتره للاعتذار مازالت مستمره لكن مع استرداد 50% من الرسوم شنو يعني مافهمت يعني اذا قبلوا اعتذاري يخصمون من المبلغ اللي دفعته وادفع عالكورس الثاني من اول ويديد


آخر موعد للإعتذار عن الدراسة للفصل الدراسي الاول من العام الجامعي 1431/1432هـ مع استرداد 50% من الرسوم

اما بتاريخ 25\10

اللي هو يوم الاثنين

بداية السماح للإعتذار عن الدراسة للفصل الدراسي الاول من العام الجامعي 1431/1432هـ بدون الحق في استرداد الرسوم
بسسسسسسرعه ردوا علي لان هذا اخر يوم للاعتذار

واللي بعده مايحقلي اي رسوم

[راضي الشمري]

ودي افيدك بس انا مثلك ابي اجل الترم هذا مادري وش الطريقه

[L U X U R Y]

الإعتذار زي ماقلتي اعتذار عن سمستر واحد , [ وقف قيد ] !
واسترداد 50% من المبلغ لأنك تأخرتي عن الطلب هذا , وايوه تدفعين لهم من جد وجديد ع السمستر الثاني ,

هذا اللي انا اعرفه ,

مآحبيت أقرآ موضوعك ومآ أرد , لأنو على قولتك آخر يوم ف حبيت أفيدك لو بشي بسيط ,


يَ ليت من عنده الأخبار الأكيده يفيدك فيهآآآآ ,

بالتوفيق عزيزتي

[دُنيا]

مشكورين الله يوفقكم يارب خلاص راح اعتذر الحين بس يؤيؤيؤ ابوي اذا عرف انه ح يدفع من اول وجديد
الله يعين


يسلمووووو

راضي اذا تبي تاجل عالكورس الثاني مثلي توكل على الله بس مثل مافهمنا من Luxury

لازم ندفع مره ثانيه المبلغ عالكورس اليديد لا حول ولا قوه الا بالله مع اني من 3 ايام تصرفت صح بس الله يهداهم اللي مايعرفون بالموقع يردون ويضيعونك

هاليوم يخصمون مننا 50%

اما باجر كل المبلغ ينخصم

ندخل من بوابه التعليم المطور للانتساب

بعدها ندخل عالخدمات الطلابيه
نكتب الرقم الاكاديمي
وكلمه المرور

ونختار ايقونه الاعتذار عن الدراسه

وتكتب سبب رغبت بالاعتذار وترسل الطلب


بسم الله توكلت على الله

[L U X U R Y]

هههههههههههههههههههه , آنتظري شويآت مابعد يخلّص اليوم
يمكن أحد عنده رآي ثاني

[دُنيا]

خلاص ارسلت وتوكلت على الله

دخلت كل مواقع دول الخليج ادور على الاعتذار والتاجيل والانسحاب

وعسى اللي فهمته صح كل شخص له 3 اعتذارات او 4
ياخر فيهم لترم ثاني
اما التاجيل لفترات طويله وسنوات
والانسحاب خروج نهائي من الجامعه

الله يستر ويكون فهمي صح
ونتي مشكوره ياعمري
وهم اللي عنده رد يرد عادي بس لا تخرعوني والله من يوم ماسجلت ونا متوهقه وخايفه والجامعه الله يهداهم مايردون ولا حتى منتدى الجامعه منتدى النقاش مايقبل تسجيلي فيه ودزيت للاداره ماكوا احد كاني مجنونه اتكلم مع نفسي :tj4:

سوري قرقر وايد صح

لاني معصصصصصصصصبه

يسلموو:s9:

[L U X U R Y]

ههههههههههههه , ايه قرقر وآيد بس يهبل

عادي اكتبي وفضفضي أهم شي لاتزعلين ,

ماتدرين وين ربي كآتب لك الخير فيه , يمكن خيرة لك يوم اعتذرتي .

وسعي صدرك الدنيا رايحة رايحة ,

نشوفك السمستر الجآي يَ عسل

[دُنيا]

ههههههههه ان شاء الله بس يقبلون طلبي وتسلمين يالغاليه الله يريحك بالدنيا والآخره مثل ما ريحتيني