 |
|
||||||
|
|
أدوات الموضوع |
|
#1
2010- 3- 13
|
||||
|
||||
|
رسالة السربــــــــــــــــوت طالب علي
(اللهم يامقلب القلوب ثبت قلبي على دينك)
بسم الله الرحمن الرحيم ~ السلام عليكم ورحمة الله وبركاته ~ ...... طفاَكي القدر ياشمعتي .. خلاَني اَجر بحسرتي شلي بهالعمر ياَدنيتي .. محسود على حظي وقسمتي ..... ااخ بس توي حسيت بمعاني هالكلمات الله لايوفقكم ياوزارة التربيه والتعليم .. اسف قصدي وزارة الملعنه والتحطيم ياناس ياعالم ياهوه وش هاللي قاعد يصير فينا حنا الشباب بدينا نظيع والسبب للاسف مومنا .. السبب من ........ !! ...... الله لايوفق من حط هالأنظمه الزفت الي زي وجهه الي خلتنا نعاني بعد الثانويه يعني معقوله دراسه سـ 12 ـنه من الابتدائي الى الثانوي وبالأخير ماتؤخذ من نسبتك الثانويه غير 20% طيب هذا الشي قلنا يمشي مومشكله ولوانه مايمشي بس بنقول يمشي ليه التعقيد ؟؟ ليه اختبارات قدرات وتحصيلي ليه !! يعني معقوله الجامعات تهتم بنسبة القدرات والتحصيلي اكثر من الثانويه يعني دراسة عمرك كلها راحت بالهوا ؟؟ القدرات : ركب احمد فوق ظهر وزير التربيه .. وركض به نحو الدرج فكم سرعة الوزير من مكتبه الى الدرج ؟ <<< سؤال مشابه لأسئلة القدرات طيب يرحم لي ام امك هالسؤال وش بيفيدني بالجامعه ؟؟ اجيب بالقدرات نسبة ززززفت على اسئله ورب النعمه ماتسوي والله !! ..... ويابختك لاقالولك بكرة اختبار تحصيلي .. ههاااااااااااااااااااااي روح دور لك كتب من اول وثاني ثانوي عشان تذاكرهم .. طيب لييييه انا دروس ثالث زين اني اذكرها تبون تختبروني بدروس اول وثاني !! السالفه هل هي تعقيد ؟ ام لعانه ؟ ام قلة حيا ؟ ام تصريف الشباب والفكه منهم عشان مايكملون دراستهم ؟ ولا وش المقصد بالظبط !! .... طيب خلوني اتكلم عن نفسي شوي !! انا واحدن قدر الله علي بثاني ثانوي وصار لي حادث وتنومت بالمستشفى .. وللاسف كان وقت دراسه تميت بالمستشفى تقريبا شهر الا كم يوم وجا وقت الاختبارات النهائيه ونا ماكنت احظر منوم بالمستشفى كلمنا ادارة المدرسه وراسلنا الوزاره بخصوص تأجيل اختباراتي عالاقل بعد الطلاب باسبوع اكون ذاكرت وجبت مدرسين وسنعت اموري !! كان ردهم : ياتختبر مع اخوياك ياتعيد السنه .. بغيت ولاكيفك ختفووووووووووووو عليكم واحد واحد ودخلت الامتحانات وجبت ام ام العيد واخذت نسبتي بثاني 70% طيب جا ثالث وقلت لازم اشد حيلي .. والحمدلله شديت حيلي واجتهتد وجبت 95% وتجيك حلاوة التربيه والتعليم بنظام التراكمي .. وتخسف ام امي من 95% إلى 82 % بذمتك ماهو تحطيم .. بالله عليكم ماهو ظلم وجبت بالقدرات 77 % .. وبالتحصيلي 72 % يعني نسب حلوه ومعقوله .. الاغلبيه داجين 70 وتحت .. نص الي اعرفهم بالستينات ماعلينا اخذت ملفي من المدرسه ومبسووووط اني خلصت الثانويه الحين وشاق ام ام الابتسامه خلاص كبرت .. هههههههه المهم وتميت فتره مابقى جامعة .. ولاكليه .. ولامعهد بالمملكه العربيه السعوديه الا قدمت فيه والله العظيم لواحسبهم فوق الـ 18 جامعه وكليه ومعهد سجلت فيهم !! وطلعت كل نتايجهم وكلهم نفس الرد : نعتذر بعدم قبولك .. نتمنى لك التوفيق اي توفيق بيجيني من وراكم حسبي الله عليكم .. وش تبون مني تبوني غصب اجيب لكم 99% .. يعني هذا الي الله كتبه لي وجبته ليه الرفض !! مسكييين الي يقول حلمي ادرس كذا وكذا ههههههههههه هذاك اول ياحلو ياللي تفكر بمستقبلك .. مستقبلك من الان ورايح موبيدك فديت قلبك بايد غيرك يانايم صح صح ~ رساله لطلاب الثانويه الان : لحد جاك وسئلك ها يابطل وش طموحك تكمل بعد الثانويه ؟ قله كل تبن وظف وجهك .. وعطه ظهرك وروح المقصف خذ لك شي تاكله قال ايش قال وش طموحك ؟ ياما سئلوني هالسؤال وكنت اجاوب اقول ودي : مهندس مهندس مييين ياحبيبي .. لوتجيني خباز الحين بروح اقدم ملفي .. هههههههههههههه ...... هل يعقل ياناس نسبة الطلبه الي قدمو عالبعثات هالسنه هي 47 ألف طالب وطالبه معقوله كل هذولي اظطرو يطلعون يدرسون بره بسبب انهم مالقو لهم جامعات هنا !! حنا عيال الديره مانلقى لنا جامعات هنا ؟؟ يظطر الواحد يروح للغربه عشان يدرس ويتعلم الغربه صارت هي وطنا بهالأيام .. الغربه للاسف هم الي قدرونا واهتمو فينا ودرسونا وعلمونا .... كنت بالثانويه اخطط احلامي .. كنت افكر بمستقبلي كنت وكنت وكنت .. !! لكن كل شي انهدم خخخخخختفووووووووووووو على كل من كان السبب بضياعنا .... من اليوم ورايح خلاص .. والله لاصير اكبر ســـــــــــــــــــــربوت بالسعوديه بدج بالشوارع .. بتحرش بالبنات .. بفحط .. بهستر .. لين حد يحس فينا !! ... المشكله كل جامعه تقدم فيها يقولك نبي مثلا 80% وفوق ويبون عدد الطلاب 10 الاف طالب مثلا تلقا 20 ألف طالب مسجلين نسبهم 90 وفوق بالله حنا يااصحاب الثمنينات وش نسوي ؟؟ .... افرضو انه فيه جامعه ماتقبل الا طلاب نسبهم من 70% إلى 90% فوق الـ 90% ماتقبل خلاص يشوفون لهم جامعات ثانيه ياكثرهم بهالديره جامعه وحده بسسس لويصير فيها هالنظام وقسمن بالله العظيم ان نص العاطلين الحين تلقاهم يدرسون فيها يعني ليش وزارتنا مايشغلون عقلوهم ليش الوزير جالس على كرسيه وراز خنفرته ومغير يطلع قوانين وشروط مدري من وين جايب امها ليش مايفكر كيف يلقى حل لهالطلبه الي متكين ببيتوهم ماجاهم شي .. ليه كل تفكيره بالطلبه الدوافير ليييه ليه يبي كل الناس يجيبون 90 وفوق ليه مايفكر ان الدراسه مستويات .. ناس مستواهم عالي وناس متوسط وناس نازل .... انا اهم شي طلعت كل الي بقلبي ومتأكد ان هذا مثل ماهو بقلبي برضو بقلب كل طالب خريج الثانويه وكلنا بصوت واحد : حسبي الله ونعم الوكيل على من كان السبب .... وبالأخير............. انا كتبته عشان توصل رسالتنا للمسؤولين ولمن يهمهم الامر عشان كذا انا مابكتب لااسمي ولالقبي ولاشي. ولاتوقفوه عندكم وانشروه وهالشي لمصلحتنا كلنا وتقبلو تحياتي للجميع واعذروني على زلاتي لكن وربي من حرر مافيني السربـــــــــــــــــوت طالب علي ,,,,, |
|
2010- 3- 13
|
#2 |
|
:: مشرفة ::
ملتقى الفنون الأدبية سابقاً 
|
رد: رسالة السربــــــــــــــــوت طالب علي
ههههههههههههههههه
 بس والله كسر خاطري  بس اللي ضحكني لقبه بالأخير السربـــــــــــــــــوت طالب علي ,,,,, يسلمووووووووووو رندوشه
|
|
2010- 3- 13
|
#3 |
|
أكـاديـمـي فـضـي
|
رد: رسالة السربــــــــــــــــوت طالب علي
^
^ أسعدني مرورك ,,,,, قصم قصمات أنه أحلى سربوت |
|
2010- 3- 13
|
#4 |
|
أكـاديـمـي مـشـارك
|
رد: رسالة السربــــــــــــــــوت طالب علي
مسكين ذا السربوت يكسر الخاطر
|
|
2010- 3- 13
|
#5 |
|
:: مشرفة ::
ملتقى الصور و عالم التصوير 
|
رد: رسالة السربــــــــــــــــوت طالب علي
والله انه صاااادق
 ما اقول الا الحمد الله ع كل حال عندي سؤال محيرني الحين العالم اينشتاين وغيرهم عندهم شهادات جامعيه ولا؟!! :mh19:****
|
|
2010- 3- 13
|
#6 |
|
أكـاديـمـي ذهـبـي
|
رد: رسالة السربــــــــــــــــوت طالب علي
رندوشه طالب هاااااااااااااااااااااااا
هين يا رندوشه |
|
2010- 3- 13
|
#7 | |
|
أكـاديـمـي فـضـي
|
رد: رسالة السربــــــــــــــــوت طالب علي
اقتباس:
أسعدنـــــــــي وجودكـــــــ (*!^) |
|
|
2010- 3- 13
|
#8 | |
|
أكـاديـمـي فـضـي
|
رد: رسالة السربــــــــــــــــوت طالب علي
اقتباس:
الحمد لله ع العقلـــــــــــ أكيــــــــــــد مو جامعيــــــــــــــين لأنـــــو أينشتاين طاحت عليه التفاحـه لما كان مهرب من المدرســـــــه ... ومن زود التنح إلي براسه يبي يعرف أولـــــــــــ ليــــــــش طاحة عليه ,,,,وما طارت بالجو  والعالم بندل حق الوراثــــــه كان مطرود من المرسه التوســـــطه لأنــــــو دلخ بأمتياز وقالو عنــــــــه أنو من الأحتياجات الخاصه ,,, وبعد مامات بستين سنه  خذو أبحاثه وخلونــــــــا ندرسهـــــــــا طرق عن خشومنــــــا ,,,,  بالعربي لازم تصيرين محشششه عشان تمشي أموركــــــــ
|
|
|
2010- 3- 13
|
#9 | |
|
أكـاديـمـي فـضـي
|
رد: رسالة السربــــــــــــــــوت طالب علي
اقتباس:
شفتـــــــــــــــــي وشلون قام يشكيـــــــــــــلي يابعد روحي  هيــــــــــن ليه هيـــــــــــــن لايكون ............ 
|
|
|
2010- 3- 13
|
#10 |
|
:: مشرفة ::
ملتقى الصور و عالم التصوير
|
رد: رسالة السربــــــــــــــــوت طالب علي
:hahahahaha h::hahahaha hah:والله عليتس تعليق موب طبيعي اجل الاول طاحت عليه التفاحه والثاني مهرب لا ومع مرتبه الشرف خطيرررررر الله يعين 
|
| مواقع النشر (المفضلة) |
| الكلمات الدلالية (Tags) |
| السربــــــــــــــــوت, رسالة, علي, طالب |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رسالة د\احمدالشعيبي اليوم لمن تاخرت نتائجهم (هام) | roroal7alwa | ملتقى طلاب التعليم عن بعد جامعة الملك فيصل | 7 | 2010- 2- 19 07:11 PM |
| طالب كلية المعلمين هل هناك امل في الماجستير | أحمد الكعيبي | ملتقى الدراسات العليا و الابتعاث | 2 | 2010- 2- 3 01:10 PM |
| 5000 طالب وطالبة باختبارات الانتساب بجامعة الملك فيصل | دمعه الشوق | ملتقى طلاب التعليم عن بعد جامعة الملك فيصل | 8 | 2010- 1- 24 07:30 PM |
| رسالة اب | Dala3~ | ملتقى الفنون الأدبية | 0 | 2010- 1- 16 11:14 PM |
| طالب ثانوية محتار | عبدول | ملتقى المواضيع العامة | 2 | 2010- 1- 2 04:24 PM |
