[ تجمع ] : الشعور اللي تجاهك غير حروف القوافي

[2COOL]

،'

هات الوصال اللي يبل عروق
الورد لا طال الضما .. يذبل

وش تستفيد إليا قتلني الشوق؟
والشوق من كثر الجفا .. يقتل

،'

[n0_0r]

حملت من جُور العنّا فوق ما أطيق
‏ولا زلت اشرب شاهي واتجرع بالقصيّد.

[n0_0r]

أنت لو تدري عن الخافي وعن مغليك
‏تركت اللي بكفّك يا مناي وجيت لي عاني

[2COOL]

،'

ما يورق الغصن في جذع الهوى الناحل
حتى ولو شب في شال الدجى.. بدرك

شف نزعة الموج من بحره الى الساحل
مثل هروبي.. من الدنيا إلى صدرك

،'

[n0_0r]

طمني ياخالد عَلَيْك مِنْ لَهْفتِي وَدْيٌ أجيك تَدْرِي بِأَنَّه أمووت فِيك

وبقربك أَصْبَحَ شَخْصٌ غَيْرُ ياحبي الْأَوَّلَ وَالْأَخِيرَ تَدْرِي فِي غيابك

وَش يَصِير تُظْلَم فِي عَيْنِي دنيتي وَأَصْبَح بِلَا شوفك ضَرِير

[2COOL]

،'

على مداار السّـاعة اشـوفك
كّن ربّي مثبّتك .. قـدّامي !

أسهر .. وتسهر حولي طيوفك
واذا غفيت .. ألقـاك بـ أحلامي

،'

[n0_0r]

تعاتبنا بقسوة لين شفتك للغياب ارتحت
‏ذبل فيك الغلا واللي بقى معاد يلزمني

‏تساميت وخذتني عزتي عن كل شي ورحت
‏وانا في كل خطوة كنت منتظرك تكلمني !

[2COOL]

،'

والله إن ما فيه ميّت على قيد الحياة
أكثر من اللي على الفاضي يسوق جهده

من تعنّيه التفاصيل وتبيّح خفاه
وش ترك لـ اليوم هذا وبكرة وبعده

كثرة التفكير في بكرة وفاللي وراه
تشغل الواحد عن الحاجة اللي في يده

،'

[2COOL]

،'

صاحبي ياجعلني فيك ماعيّن بديل
جعلني وياك مجموع دنيا و آخره

من عرفتك مايجي منْك ياكون الجميل
وكان عندك شي بالطيب منت بذاخره

والله اني راسيٍ معْك لا طال الطويل
مثل مايرسي على البحر ثقل الباخره

،'

[2COOL]

،'

دامني ما اخطيت في حق الأوادم
من زعل مني بدون أسباب.. كيفه

لا يحسب إني على فرقاه نادم
نظرة عيوني عن المقفي كفيفه

،'