***ابي حكمكم يا ناس؟؟؟؟؟؟؟

[حامد زيد]

بسم الله الرحمان الرحيم

اما بعد....

اخواني واخواتي

حدثالي حادث واريد من الكل ان يكتب فيما كان خطئي وفيما كانااخاطاء هاولاء علي

في يوم الاحد الماضي ثالث العيد ذهبت مع 4 من اصحابي الى هاف مون

الشاهد با الموضوع ان انا كنت اسوق دباب واتسابق ايا واحد اتعرفت علي هناك بهافمون

المهم ولا بسياره كابرس موديل 84 يمشي فوق الثمانين صقعني انا وي الى كنت اتسابق معه

طبعا الحادث ما كان سهل انا ويا خويي اغمه علينا لان حنا طرنا من الدباب

الشاهد كا العاده اشوي ماء وصحينا و الحمد لله على سلامتنا تطمنا على بعض

الاسعاف جات بعد نص ساعه تعرفونها سريعا المهم انا ما اقدر امشي لان الاصابه والطيحه على

رجلي اليمنه الاسعاف يقولى تعال اركب وانا ما عرف امشي ما ادري كيف يبيني اجيه

المهم احد خوياني شالني الى الاسعاف هناك دكتور سوري وممرض سعودي

لفو رجلى وعقموها لان الدم كان واجد المهمنزلت ولا كان الطامه الكبرى

الشرطه جات وتقول الغلطان انا انا ما هموني لان الى صاقعه كابرس قديم

و الصقعه ما تكلف بس الرجال الى صقعته معنه اهو الى صاقعني بس يعرف الشرطى وركب

معاه قدام وما ادري وشو قاله وقلبوها على العموم يقوووول يبي 5000 الف ريال طبعا

انا قلت له لو لو صاقع هندا اكرد مو ها القيمه المهم الشاهد ان احنا نلحق الشرطي

بعد هافمون حق شرطت الظهران كانو في شرطتين فرود الشاهد ان احنا ضيعنا

وقفنا با الشارع الا ة الشرطي جاي لمهم نزل الشرطي عديم الاحساس وبداء يضرب

خويي الى يسوق يقوله انك هربان الشاهد ان ركبه في السياره المهم انا ما ضربني لان مصاب

المهم ركبنا الفورد حق الشرطه وويلع المكيف الحار وويجها علينا نقوله لوسمحت حطه بارد يقول انا متعمد

المهم وصلنا المرووور واحنا بنموت ولا زال ذاك يقول يبي خمس الاف مو معقوله كابرس ما يسوه خمس ميه يبي خمس الاف

المهم حكم القوي على الضعيف انا ددخلت عند الظابط طلع شخص محترم قلت له وشو صار قالى المهم احين اكلم راعي

السياره لان مشه والمفروض ما يمشي لان مسوي حادث وفيه مصابين بس الواسطه فوق كل شي

الشاهد دقيت على الوالد على ما وصل الظهران عطيناه 1200

والله ما تستاهل حتى 400 بس مو راضي يتنازل والوالد ما راح يخليني با التوقيف المهم

طلعت ولا الوالد يقول مشتكي عليكم الشرطي يقول ان انتو طاقينه لاحووووووول

وشو ها الكذب يعني فيه ناس ما يخافون من الله كذا المهم با الموت تنازل الشرطي بعد ما عطانه مخالفت هروب وحنا ما

هربنا وطق اثنين من خويااي

يقول احنا الى طاقينه

بس هو الى يصدقونه واحنا الكذابين
المهم ان سحب السياره وعطينا بعد 150 حق السطحه وعطيناه ميه حق يتنازل

المهم انا مسؤل عن كل كلمه قلته وانتمنى عدم حذف الموضوع

وكل واحد يدخل اما ند ابي رد منه عن الى قراه ورايه

[حياه بلاحياه]

أول شي الحمد الله على السلامه

ثاني شي مو انت الغلطان والمفروض ماتدخل الواسطه في هالمور فرضا واحد جاه شي كايد وين الدمقراطيه الي نسمع عنها ولا بس كلام

المهم جات سليمه ووكل امرك لربك وهو بياخذ حقك وحقك أخوياك
واذا كانوا هم في الأرض فالله شاهد بالسماء

سلااااااااااام

[حامد زيد]

الله يسلمك اخت حياه

انا ما همتني الفلووووس الى همني ان في ناس ما تخااف من الله كلين

مشكووره اختي كلامك كله حكم وصووووواب

[دفا الروح]

1000 حمد الله ع السلامه وخطاك السوء وماتشوف شر

مع إني ما أفهم بهالسوالف ,,

بس إنت قلت أمانة تردون ,,,

من رايي ,,

1. لا تتسابق بالدباب مرة ثانية ..

2. من كلامك سيارته رايحة فيها وماتستاهل 5000 ,,يعني لو سيارة كشخة أكثرها 4000

على أي أساس يطلب هالسعر من مزاجة المفروض يروح عند محل يشوف الخراب ويسعره ,,مو على كيفة حضرته أو حتى الشرطي المفروض يتكلم لن شنو نقول فيتامين" واو "فوق كل شي

3. الإسعاف متخلف نص ساعة على مايجي ,,وليه مايشيلك حضرته ,,يده فيها حنى

4. خير إن شاء الله شرطي يطقكم ويتبلى عليكم من كيفه ,,

5. ياشيخ إرتفع ضغطي مع سالفتك ,, وع الظلم اللي فيها ,,

* من رايي والله أعلم الغلط الوحيد عليك ,,إنك تتسابق بالدباب وبس ولا عاد تتعودها

وآسفة ع الإطالة ,,,وحمدالله ع السلامة

سلامي لك ,,دفاااااااااااا الرووووووووووووح

[الحور]

الله اقوى من الجميع

الحمد لله على سلامتك اخ حامد

[مرزوق]

السلام عليكم ورحمة الله وبركاته

الحمد لله على سلامتك اخوي حامد وان شاء الله اخر الشرور

ولو اني ما فهمت سالفتك عدل بس بعلق بالي فهمته

شلون سيارة تصدم دبابين واهي الي تتعفس وتطلب تعويض ؟؟؟

بعدين حسب ما اعرف ان الي يصدمونه واهو ماشي على الأرض ما يدفع شي حتى لو كان هو الغلطان اذكر مرة صدمت مصري وكان هو الي غلطان علي ومع ذلك قال لي القاضي ما نقدر نقول له انت الغلطان وعطاه ربع الأإرش الي له يعني انت في كل الأحوال المفروض ما تدفع شي

وسالفة الشرطي الي ضربكم هذا قصة بحالها مدري ليش اصلا يطول ايده حتى لو انتوا صج منحاشين ما له حق يطول ايده عليكم

عموما الله يعوض عليك اخوي حامد وما تشوف شر يالغالي

ولا عاد تتعودها مرتن ثانية وتتهور بهذا الي يسمونه دباب

[# أنغـــ الوجدان ــام #]

على سلامتك
وماتشوف شر إن شاء الله

وأهم شئ صحتك ياأخوي دوم أن صحتك بخير
فدوه لك هالفلوس
صحيح قهر ....... لكن الله فوق كل ظالم
والله يعوضها عليك
أهم شئ تهتم بصحتك
وكن واثقا بأنك لم ترتكب غلطا
وركوب الدباب ليس غلطا ..... ولكن الحذر واجب

إلا ويش وصل السياره لكم ؟؟؟؟؟؟ إنت وين كنت تسوق الدباب ؟؟؟؟:mh19:

على العموم
الحمد لله على السلامه

[جامعي]

اولا: حمد الله على السلامه,,,,,,,,


ثانيا: في الحديد ولا العبيد......


ثالثا : الله على الضااالم وعلى الذي يستخدم نفوذه ضد الأخرين ويتبلى عليهم بعد .....


رابعا: انت ما غلطت ولاكن الحذر واااجب وحمد الله انها جات على كذاا

[بـــو أحــمــد]

حامد زيد
الحمد لله على سلامتك .. خطاك السوء و ما تشوف شر
حسبي الله و نعم الوكيل على كل ظااالم

للأسف .. الواسطات تلقاها في كل مكان
و المشكلة أن حكم القوي على الضعيف موجود ، حتى لو ما طقيتوا الشرطي يقدر يتبلى عليكم ، و رايح يصدقونه
وانتوا بتطلعون كذابين .. و حتى لو طلبوا فلوس
المفروض ما تعطونهم .. تروحون للتأمين و هو يقدر القيمة

الله يقتص من كل ظالم .. و ما فيه حق يضيع عند الله يا حامد زيد
حقك بيرجع لك .. و الله يمهل و لا يهمل

[سمانجد]

مع اني ما فهمت ملابسات الموضوع ولكن المهم ما تسكت وتاخذ حقك وخاصه حركة المكيف الحار نصيحه ارفع شكوى لجمعية حقوق الانسان مشكلتنا حنا السعوديين ننسى الموضوع بمجرد ماينتهي ونقول هذي ولاغيرها
انتظرك خبرنا وش تبي تسوي خلك شجاع وطالب بحقوقك الماديه والمعنويه