اللي درس آدارة اعمال وتفوق وجاب درجه عاليه يتفضل يخبرنا سر تفوقه ...

[نسيم الصبا]

حبيباتي لاتخافو ولاتشيلو هم

الوااقع اسهل ممانتخيل

بالنسبة لي كان أهم سبب لتفوقي التنظيم ثم التنظيم ثم التنظيم

يعني لابد يكون معك جدول لمتابعة التحميل وحل الواجبات والمناقشات

لابد كل وحده تسوي خطه للمذاكره يعني لها تاريخ بداية ونهاية وتحاولو قدر الامكان الالتزام بها

شي مهم ،لاتشتتو أنفسكم بكثرة ملخصات وأوراق مالها داعي،هذي كانت غلطتي في المستوى الأول

كل ماشفت ملخص طبعتة ،خلصت أوراق وحبر المكتبات،يعني أعتمدو على ملخص يكون نفس المحتوى+

سمااع المحاضرات+ نماذج الأختباارات وأسألة الواجباات ؛؛؛؛

هذي طريقتي وكان معدلي المستوى الأول٤،٨٥ والمستوى الثاني ٤،٨٧،،كنت أطمح لل ٥ لكن مشااغلي كانت

عاائق لتحقيق ذلك،الحمدلله على كل حاال، وأي سؤال انا في الخدمة

[نسيم الصبا]

المشاركة الأصلية كتبت بواسطة prestigious

شف الأستاذه جنوني
مبدعه في قسم الأعمال

الله يوفقكم

حتى أنت ياأستاذنا لو تكتب لنا تجربتك عشان نستفيد من طموحك وأبداعك

[prestigious]

الله يسلمك انا قسمي انكليزي

بس دخلت عشان ارفع الموضوع عشانكم
وماشاء الله تجربتك صراحه انبهرت فيها الله يوفقك دنيا واخره

[gnoony]

المشاركة الأصلية كتبت بواسطة prestigious

شف الأستاذه جنوني
مبدعه في قسم الأعمال

الله يوفقكم

يخجلني هالاستاذ دائما بالعكس ماني مبدعه
وكنت بالمستوى الاول متلخبطه وضايعه فاتمنى محد يتلخبط ولاحد يضيع

كل الي عليك تتابعون المحاضره وبيدكم المحتوى او الملخص خصوصا مواد الفهم الي مثل الرياضيات والمحاسبه وحتى الاقتصاد وتحاولو تحلون المسائل بعد فهم اول وحده ورسم المنحنيات بالاقتصاد والمحاسبه قوانين تطبق فيها كل شي بتركيز والفهم يكون سهل انا بصراحه اعتمدت على الفهم اكثر من الحفظ حتى مواد الحفظ كنت احاول افهمها لاني اتعب اذا حفظت وانسى بسرعه
وهو ترى يعتمد على كل واحد وطريقته بالمذاكره لاكن حاولو تفهمون ثم تفهمون ثم تحفظون
اي شي اسالو عنه احنا بالخدمه

[gnoony]

المشاركة الأصلية كتبت بواسطة مـالـي حـل

طيب في دوره تدريبيه في فيصل ولا بس الدمام ...... ومتى تبدا

تدريب ايش ؟؟

[Nكش ملكN]

الاهم المذاكره بتركيز وحل الواجبات والمناقشات من بدري وتحميل المحاضرات من شان تضمن 30 درجه
ولاتتعبو نفسكم بمتابعة جميع المحاضرات تابعو وركزو على المحاضرات المباشره ومحاضرات الرياضيات والمحاسبه والاقتصاد لانها تتطلب الفهم اما الباقيه اتركوها عنكم لاتضيعون وقت فيها .
كذلك تعلمو على الاله الحاسبه من بدري للرياضيات وتروها سهله مره وبعد فيه موقع اسمه اختبر زملائك تحصلوه هنا بالمنتدى احفظو الاسئله والاجوبه اللي فيه مثل حفظ اساميكم .
المواد سهله بس لاتصعبوها انتم ماعدا المحاسبه هي يمكن الماده الغثيثه الوحيده لاكن حملو ملخص بو موزه وركزو وافهمو صفحات 5 - 6 - 19 - 20 - 238 واظمن لكم بعد مشيئة الله التفوق مو النجاح
ونسيت اقول لكم بالنسبه للادبي لاتشيلو هم انا ادبي ومتوقف عن الدراسه من زمان ولله الحمد قدر اجيب معدل حلو
الاهم لاتتركو المذاكره للاختبارات ذاكروا من بدري
وربي يوفقكم

[فيصل)]

نتظر الرد الباقين نستفيدمنهم

[غربة نفس]

المشاركة الأصلية كتبت بواسطة فيصل)

نتظر الرد الباقين نستفيدمنهم

موادكم بمستوى اول حلوه حيل اللي بتواجهكم صعوبه فيه هي المحاسبه لكن
هي بالاساس ماده سلسه وحلوة للي يفهمها زين ودكتورها يشرح كويس مصري الجنسية بس يعجبكم ..(مادة علمية )
أمم أما الرياضيات واوو أحلى دكتور درسنا مصري وأسمه حنفي مره مره خطيير
ويدخل المعلومه من الشرح على طووول والماده ممتعه وسهله (مادة علمية)
أما إدارة الاعمال تغير دكتورها الترم اللي طاف هي ماده حفظ وفهم يعني كلها دش لكن بصفه عامه حلوة (ماده نظرية )
أما القانون ههههه بصراحه الماده ممتعه والمنهج مو كثير لكن الدكتور الزهراني معقد الماده
بعهدنا أحسه يبي يبين أنه هو دكتور وحنا طلاب وطالبات مستحيل نقارن به كـ فهم
لكن الماده ممتعه وتحكي عن وااقع (مادة نظرية)
الاقتصاد الجزئي ههههههههههه اما ذي الماده بعهدنا تغير الدكتور فيها وذاكرنا من المحتوى
هي ماده مافيها صعوبه للي فاهم بالأمور الاقتصاديه واحس هالماده طويله يبيلها متابعه


أنا أشوف الترم ممتع لكم
كل مانزلت محاضرة تناقشو عليها وأفهموها
وأنصحكم الكتب لا تشتروها
انا شريتها ومااستفدت
دكتور القانون يقول ذاكرو من الكتاب وجاب أسئلة من الكتاب
لكن أنا بكل أمانه كان معاي الكتاب وذاكرت من المحتوى فقط

والحمد لله لا صادف وحملت ماده ولا صادف ونزل معدلي الحمد لله حمدا كثيرا



بالتوفيق

[ندى الورد*]

يارب يسهل علينا بس وش سالفه الايميل الجامعي وكيف طريقته

[عبدالله....]

الله يسرها....انا انقبلت في الدفعه الثانيه والله اني محتار برسل الاوراق وخائف من الدراسه وما ادري كيف احضر المحاضرات والدخول يكون يوميا او في اخر السنه او كيف والواجبات افيدوني الله يوفقكم