روايه همس .. قلبي بعد كل هذا الحـبـ ,, الماضي لايعود > حزيينه وطويله

[اخت البطه]

الجــزء الســادســ :-

الفــصــلــ الأولــ :-


"..الحـــظ الردي ردي .. "

" كل يوم نقول اليوم تتحقق الاحلام,,,,,ياقلبي يامحروم من فرحة الايااام "

انتهى الحفل على خير .. رغم كنت الاحظ نظرات البعض اللي شوي وبتأكلني.. سلمت على خوات زوجي المصون

ماحسهم يحبوني ولا يتقبلووني رغم ان لولو شكلها حبوبه , وفايزة احسها شوي جامده معاي , اما حصه وهي سميت عمتها

الكبيرة المتوفاه شايفه نفسها علي ..مااظنها تحبني و كأني غصبتهم يخطبوني "يااربي ايش ذا الحظ هناك امي وهنا حصه

لا وفهد اخو زوجي .. الله يخارجنا .. والبنات ..بنات عم زوجي و بنات عمته حصه

(( حصه اكبر اخوات بابا ( ابوفهد ) متوفيه من خمس سنين ومن احب خوات ابوفهد واقربهم له ))

ماارتحت لنظراتهم .. حسيت جسمي كله يألمني اعوووذ بالله .. خفت على نفسي جلست اتحصن واقرء على نفسي رغم اني

تحصنت .. هذا كله يهون مقابل قعدة ساعه ويا الثلاثي المرح "نجود ومنورة واصيل " بصراحه رغم نجرتهم وهواشهم

الا انهم احلى من العسل .. القعده معهم تنسي الهم .. والعمه حفصه حنووونه وكلامها يهبل .. كان نفسي تكون عندي جدة مثلها

احسها بعمر جدتي وانحرجت اناديها عمه .. ياليتني مثل منورة ولا حتى اصيل اناديها جده وانادي حصه ولولو خاله ولا عمه

والله استحي اناديهم باسمائهم .. مشكله ..

كانت ليله رووعه حلووة كل البنات كانوا ويابعض ولما قلت لنجود نروح لمهم

رفضت و اتحججت بإني تعبانه و رجلي تألمني .. ومنورة معاها حتى اصيل .. وانا كنت ابي اقعد معاهم اتعرف عليهم اكثر ابغاهم

يحبوني مثل الثلاثه الحبايب "جود,منورة,اصوول" .. حسيت من احتجاجهم كأنهم بيبعدوني عن البنات .. معقووله يغااروا

ليش لااء .. دانه كانت تغار علي .. بس دانه كنت انا اللي انتبه لها .. وادلعها واقدر اقوول مربيتهاا يعني لو غارت يحق لهاا ..

ياربي بديت اخربط .. شكله من الصداع .. ولا من ألم رجلي ولا ... والله مدري , مدري ..

طبعا البنات جود ومنورة واصيل ماقصروا بالضيافه وكل الاشياء اللي سويناها .. الحلى والبيتزا والمعجنات غير العشاء ..

الكل يأكل و يمدح ويطلب الطريقة .. واللي سويته .. قاموا يسألوا مين اللي سواه ..

قالت منورة : والله هذي شووشوو حبيبة قلبي هي اللي سووته .. " طبعاا هالحوار دار بيننا حنا البنات والامهات كانوا بركن

المجلس بالطرف البعيد .. وهذا بعد اصرار مني على البنات انه لازم نجلس ويا البنات شووي لا يزعلوا ويقولو مغرورة ولا شئ

فوافقوا وكأنهم اقتنعوا .. "












































Xx عــــــــــــــــدنـــــا Xx




منورة : والله هذي شوشو حبيبة قلبي هي اللي سوته ..

هديل "باستهزاء وااضح .. وهي تأشر بايدها بدلع تتمصخر فيه" : الحين هذي المدلعه تطبخ .. لا وبيتزا وبف ..

تضحكين علينا منوور .. " وتبتسم على جنب بسخريه "

عاد منيرة هي والهواش والمناجرة اصحاب ماصدقت احد تكلم الا نشبت بحلقه : والله ياعمري اذا شوشو حبييييبة قلبي "وشددت

على كلمة حبيبة" مدلعه فهذااا الشئ مزروع بدمها .. ولا ناس يدلعوون وهم والدلع بطريق ..

هنا اصيل ضحكت بصووت : ههههههههههههه احلى منووور..

طبعاا انا ماعجبني الحال لاني مااعرفها وحاقدة علي بدون سبب .. وانا خايفه من منوور اعرفها لو تكلمت مابتسكت لما تبرد حرتها

طلبت العون من جوود بعيوني وفهمتني جوود .. وتدخلت ..

نجود : زين بنات شرايكم نطلع برا نشم هوا .." بدل لا تطفيها الا انها اشعلتها "

منيرة "تطالع بهديل وبقرف" : ايه واالله صدقتي جوود حبيبتي ترا باختنق الهوا صاير خنااق ..

قاطعتها أصيل وهي تطالع بهديل : الا صاير الجو مغبر وانا اكره ماعلي الغبار .. يالله نطلع ..

" ياربي اما لو اجتمعوا منوورة واصيل ,, الله يعينهم " >>> ياناس هذي البنت بتذبحني الحين يطنزون عليها وهي تدعي لهم

بدل لا تدعي عليهم والله اخر زمن .. انا اشك ان المخبل هي مشاعل مهب منيرة و أصيل ..

سارة : اشووفك يااصيل متغيرة علينا ولا من جاء احبابه نسي اصحابه

اصيل : شوفي ياعمرري .. تدرين شقد امووت بعمي واللي يمسه يمسني وميشوو زوجته فلا تغلطين

تراني ساكته بمزاجي مهب لاجلكم لاجل هالزوينه "وهي تقصد مشاعل" مسكينه مهيب عارفه شئ..

رغم اني مااعرفها الا من ساعات دخلت قلبي و تملكته مثل ما عمي متملكه .. خليك برا العب اكون معك حلوو

بس تمسينهم بشئ يجيك اللي ماتحبينه ..

هديل "بحقد " : الحين هالبزر المغرورة ودلعهااا ماصخ قلبتكم علينا .. وحنا بنات عم ابوكم .. والاقرب لكم

ودمنا من دمكم .. تقوم هالماايعه تخربكم علينا ..

مشاعل "بهدؤ" : عفواا اختي , ايش اللي سويته لكي .. من الصبح وانتي طايحه فيني شتايم وانا ساكته مو لشئ لا

احتراما لكي لانك ببيتي ..

فاطمه : عشتووووو ,, بيتك ..اي بيت ياحظي .. الحين بيت خالي اخو امي .. يصير بيتك من متى ؟؟

لا يكون تحسبين انك يوم تزوجتي ماجد اوسم شباب العايله واحلاهم .. نسب وحسب ومال .. تحسبين انك ملكتي كل شئ

لااا يااعمرري فوووقي .. وشوفي تكلمي منو ؟؟ تراك لا اصل ولا فصل ولانسب .. ماغير هالشكل اللي فرحانه فيه

ترانا كلنا نطيح الصقر من السماء ..

طبعاا انا سكت مو من الاحراج لا .. سكت لان الكلام اللي بداخلي ضاع .. ضااع .. ضااع ..

ونجود ماقدرت على هالكلام : حدك عـــاد الزمي حدودك ..عن الغلط .. اذا حشمناك لانك بيبيتنا ولا ترى الباب يوسعك ويوسع اللي

بجنبك .. مشاعل ,, يوم قالت ان البيت بيتها ,, فهذا الانه صدق بيتهااا ..وهي الجالسه وانا وانتم الطالعين ..

فهمتم ..

جات منيرة تتكلم .. مسكتها من يدها ومسكت اصيل وجريتهم وراي لاني ادري .. مابيتفاهموا بهدؤ اخاف

يتماسكوا بالايادي والسبة انا ..

وخرجنا مع الشرفه جهة غرفة الاكل لبرى وكان فيه زرع وورد ياااه نسيت كل اللي صار يوم شفت الوررد ..

مشاعل "بنعومه وفرحه" : منووورة شوفي وورد ..

منيرة ساكته هي ونجود وأصيل .. ولو بأوصفهم بقول عن منورة انا اباليس الدنيا براسها يحومون ..

امممم أصيل .. البنت ودهااا تتضارب بالشعوور وهذا واضح من طريقه تشابك يدهااا ويابعض .. أخاف تخنقني ..

نجوود هي اللي كانت اهدء من فيهم .. قربت منهم ..

مشاعل : بنات عادي خلوا روحكم رياضيه ما صار شئ .. بعدين هم حريين اللي يبون يقولونه يقولوه

مابيقطعوا رزقنا .. اهم شئ خلونا ننبسط ..

..وهم يناظروني بقهر مني ولا من كلامي .. اخاف يحطون حرتهم فيني ..

مشاعل "بصدق" :اليوم المفروض يكون لي وعلى شرفي .. حسسوني بكيذا .. "سويت نفسي حزينه "

هذا وانا اقول اليوم بيكون اسعد يوم واحلى من يوم الزواج لانه بيكون وناسه .. ولعب وضحك ..

لكن مو مكتوب لي انبسط اليوم .. الشكوى لله ..

منيرة : شوشو .. تسمحين لي اطقك ؟؟

مشاعل "ماسمعت" : نعم ؟؟ ما سمعت ..

منيرة : يااانااااااااس هذي بتذبحني هي وبرودهاا والله انك ثلج .. شعووله ترى خالي نار .. اخاف تسيحين ..

مشاعل : هههههههههه لا ياشيخه .. وانتي الصادقه اخاف هو اللي يسيح ..

" بصراحه مدري كيف طلعت الكلمة من فمي.. استحيت ووجهي صاار الوااااااااان "

أصيل بخبث: احــــــــــــــلى ,, مرت عمي ,, والله حركااااااااااااااااات .. تسيحينه هااا ؟؟

مشاعل " ياااربي من الفشيله فين اودي وجهي .. الله ياخذ ابليسك هذا وقته "

نجوود : شعوله .. اعترفي انك متشووقه تشووفينه .. اعترفي ..

مشاعل "بدلع طبيعي ": جوووووود

منيرة: شعوووله ترانا ستر وغطاا .. خذي راحتك قلبووو ..

أصيل : آآآآآآآآآآآآآآآآآآآه ياناس متى اتزوج انا بعد ... والله ان الزوااج حلوو ..

نجود : أصيل استحي ياللدبااا .. وجهك مغسوول بمرق .. ماتستحين انا عمتك وهذي مرت عمك قدامك وتتكلمين

عن الزواج عادي .. صدق بنات اخر زمن ..

مشاعل " استغليت الوضع عشان اغير الموضوع واضيع فشيلتي " : ايووه صح ؟؟ ماتستحي .. اخر زمن ...

منيرة "بنص عين " : شوشو لا تضيعين فشيلتك .. ماسكينها عليك ماسكينها وين بتروحين ؟؟

أصيل : شراايك منوور نعلم عمي ,,

مشاعل : أصوول انكتمي لا يجيكي ذاك الكف اللي يلفك لف ..

منيرة : ههههههههههههه فشلوووووووهااا ..

مشاعل : انطمي لا اقول لسعوود عن المخفات اللي فيك بسأل سعود سؤال واحد وهو

ايش سويتي فيه يوم الزواج .. اقربها لك اكثر,, يوم الدخله اخاف كنتم تلعبون تنس ..

نجود : ههههههههههههههههههههههههههههههه ههههههههههههههههههه هههههههه

أصيل : ههههههههه هههههههههههههههههههااااااااااااااااااااااااااااااا اااي .. حلووة

طبعاا مااقولكم ان منيرة "صارت الوااان ومو أي لون ابشركم الالوان الناريه اللي تحبهاا "

شوي ودخلنا .. عشان ماما لا تزعل منا .. وقبل اتفقنا لما يروحون الضيوف بنغير ملابسنا وننزل تحت بالمزرعه .. وعلى هذا

الاساس دخلنا داخل طبعا كل مجموعه بطرف ..

خلص الحفل و الناس سلمنا على ماما وكل وحده على غرفتهاا ..

وانا أستحميت ولبس بجامه برمودا والقميص اللي عليه ربع كم لونه وردي فاتح عليه قلوب حمراء..

بعدها بنص ساعه اتلاقينا عند باب غرفتي ..

منورة : شوشو ..مهبوله انتي .. وش ذا شعرك مبلل ..

مشاعل "ببراءه " : اكيد لاني ببساطه استحميت ..

أصيل ضربتني على راسي بخفه : بيصفقك هواء و نبتلش فيك لا يايمة اخاف اتهزء عشانك .. برجع انام ..

مشاعل : حرااام عليكم .. الحين متحمسه وبالنهاية بتروحو تناموا ..

نجود : خلها شعوله تروح فكه منها حنا نلعب ويابعض .. ونستهبل ونااسه .. وهي مسيكينه بتنطق بغرفتهاا

" عاد انواع الاغراءات .. الا الخبله أصيل تحب الاستهبالات .."

أصيل : يالله بنات ننزل بسرعه ..

منيرة "بعباطه " : سمعتم شئ بنات ؟؟

نجود : ايه كأنه صوت صرصور ...

مشاعل : ههههههههه والله انكم هبااال ..

نجود : افففففففف بتفضحينا انتي ... اشششششششش .. " وهي تقصد مشاعل "

وقررنا نلعب استغمايه .. وحده تعد وحنا نتخبى وكانت اصيل هي اللي بتعد وحنا نتخبى

كل وحده فينا تدور مكان تتخبى فيه .. طبعاا هم يعرفوا المزرعه واماكنها وانا الهبله نسيت اني مااعرف شئ عنهاا

لكن هذا بعد فواات الاوان .. لاني بالظلام واصطدمت بشئ

وانا على بالي نجود ولا منورة .. وموباين شئ من الملامح ..

مشاعل "برقه ونعومه " : جووود .. " انزاح الظلام بنور سيارة كاشح وضح لي الصورة , تفاجأت والمفاجأه ألجمت لساني ..

كان قريب منها ماسكها مع وسطهاا وشعرها يطير بفعل الهواءمابينهم أي حواجز الا الهوا هواء القصيم

" وماادراك ماهو الهواا؟؟؟ "

وعينها مسمرة بعيوونه .. وهو عيونه تعلقت بأجمل انسانه بالوجود .. ما قد شاف بجمالها .. احد ..

^^^

الجــزء الســادســ :-

الفــصــلــ الثــانــيــ :-

المقطــعــ الثــانــيــ :-

" صـــدفـــه "

صدفه ومن بين كل الناس علقني .. من يوم شفته وعيني جات

في عينه .. حسيت في عيونه شئ يجذبني ..

... لما ابتسم بانت بوجهي تلاوينه ...

مشاعل : آآآآآآآآآآآآآآآه " بألم وأنين خافت "

أصيل "بخوف تنادي بصوت عالي شوي أعلى من انين مشاعل و هي تدورها ": مشـــاعل ..

" طالعهااا بذهووول ".. ؟؟؟؟ : "هذي هي مشاعل .. هذي الجميله هي مشــــــــاعــل .. "

ولما حس انهم قربوا وسمع اصواتهم قريبه .. ابتعد,, طفى الكشاف اللي بيده واتخفى وراء الشجر ...

وهو يراقب الوضع من عنده ..

للحين مب مصدق اللي شافهااا .. وعلامات الخووف على وجهها هي مشاعل ماغيرهاا .. آآه عيونهاا عذااب ..

شقاعد اقوول انا ,, اكيد منيب صاحي .. الله يغربلك يا حمد كله منك لو انك ما قلت لي اجيب لك الشنطه من السيارة

كان الحين ماشفتهاا .. " وصورتها للحين بباله مو قادر يمحيهاا "

أصيل " وشافت مشاعل بالارض تإن من الالم " : مشــــــــــــــــــــاعل "بصوت كفيل ان منيرة ونجود يسمعونه "

ركضووا لمشاعل وهم متخرعين شافوها بالارض و ملابسها تراب و ماسكه بطنها تتألم ..

نجود " بخووف " : شعووله .. قلبي فيك شئ ؟؟؟

مشاعل : ..... آآه ...

منيرة" والخوف وصل حده" : شوشو عمري الله يخليك قولي شفييك ؟؟ شصار ؟؟

ومشاعل مو قادرة تتكلم من الألم ..

أصيل " وهي تصيح " : ميشو الله يخليك لا تخوفيني ,, تكفين .. فيك شئ ؟؟

نجود"بعصبيه" : اصيل سكتي مب فاضيين لك .. وهنا قالت نجود لمنيرة : تعالي اسنديها معي ..

مسكتها نجود من جهةاليسار تسندها ,, ومن الجهة الثانية منيرة وأصيل تصيح ..

نجود "تصارخ على أصيل " : بدل منتي بواقفه مثل العنز تعالي افتحي الباب وشوفي الطريق ..

أصيل تشوف الطريق .. فتحت الابواب وهم يمشوون مشاعل بهدؤ.. وخايفين لاحد يقابلهم بالطريق

و يسألهم وشبيردوون عليه .. وصلووا لغرفة مشاعل وفتحوها وفتحت أصيل اللايت .. وشالت اللحاف وسندوها عالسرير ..

جرت منيرة لتحت تجيب ماي .. ونجود وأصيل واقفين عندها .. راحت نجود فتحت الدريشه شوي ..

ومشاعل مغمضه عيونهاا من الالم وهذا واضح من عقد حواجبهاا .. وشوي الا بدت حواجبها تاخذ شكلها

وهذا يبين ارتياحها و خف الالم ..

نجود بهدؤ : مشاعل ,, كيفك الحين ؟؟ ان شاء الله زينه ؟؟

مشاعل "حركت رأسه بايه" وابتسامه على شفاتها ..

منيرة : شصار ؟؟ كنتي بخير شلي خلاك تتعبين ؟؟

نجود : خلص منيرة خلها الحين .. وبكرا يصير خير .. شعوله تبيني انوم عندك ..

مشاعل " حركت براسها لااا "

نجود : يالله بنات .. خلها ترتاح ... " ونجود عند الباب بعد ماخرجوا البنات الا هي .. بتسكر الباب..

مشاعل : جوود .. آآسفه خوفتكم ..

نجود "بإبتسامه" : ارتاحي ...

خرجت و سكرت الباب ..

ليلة بدايتها تعارف ,, مفاجأة كانت كالكارثه بالنسبة لمشاعل وهي ان زوجها اسمه ماجد .. تبي تنسي هالاسم لكنه وراها وراها ..

مااكتفى القدر بهالشئ الا حقد وكراهيه وشتائم بدون سبب لانسانه رقيقة المشاعر عانت كثير ..

ياترى هل بتعاني أكثر ؟؟؟؟؟؟؟؟؟؟ سؤال بيضل يتردد ببالها دوووم ومابيوقف ....

<<<< زييييييييين لاا تدفووون .. ادري بتعرفون شصار .. شالقاااااااااااافه ..اعوووذ بالله ملقوفاااااااااااات ..

عدنـــــــــــــــــــا

مشاعل وراسها عالمخده .. وتضم نفسها بيدينها بقووة .. وجسمهااا يرجف من اللي صاار

؟؟؟؟؟

؟؟؟؟؟

؟؟؟؟؟

؟؟؟؟؟

؟؟؟؟؟

الهوا بذييك الوقت بارد .. وجات معه رياح هادئه خلت شعر مشاعل يتناثر بالهوا وخصل منه جات بعينها .. ورمشهاا

ماتحرك من صعوبة الموقف و المفاجأه .. الجمت لسانها .. وبيدينه ماسكنها من خصرهاا ..

صدفه ومن بين كل الناس علقني..

من يوم شفته وعيني جات في عينه..

حسيت شي في عيونه حيل يجذبني..

لما ابتسم بانت بوجهي تلاوينه..

سلم عليي وجلس جمبي وكلمني ..

كل الحواجز تلاشت بيني وبينه ..

اخذ ايديني بايديه وقام يوصفني ..

ولا تمنيت ايدي تترك ايدينه ..

قالي كلام بصراحه حلو دوخني ..

ماقد سمعت بحلاته اه يازينه ..

معاه احس الأغاني عنه وعني ..

واجمل اغاني الغزل شعري وتلحينه..


.. حسيت بحرارة تسري بعروقي .. اللي اشوفه انس ولا جن .. معقوله اتخيل ..

كنت أظن بالبداية انها أصيل او جود ويمكن منورة .. ماتخيلت ولا خطر ببالي يكون ....

لو مانور السيارة وضحت لي الصورة ..

يوم جات عينه بعيني حسيت بشئ بعيونه يجذبني .. كنت قريبه منه مايفصل بينا الا الهوا ..

خصله من خصلات شعري جات بعيني وضايقتني .. بكل رقه و رجوله طاغيه وجرأة جذابه باعدها عن عيني

وردها وراء اذني ..أطراف اصبعه لمست اذوني ,, وبعدها لمست اطراف فكي .. وهذا الشئ خلاني ارجف مو من الخوف

لا .. ارجف من شعوري اللي حاسه فيه .. قلي كلام بعينه بصراحه حلو دوخني .. ماقد شفت بحلاته آآه يازينه ..

ولا تمنيت ايده تتركني ..

و مثل ماظهر فجأه اختفى فجأه .. يوم كشح نور السيارة ظهر هو وانا باحضانه .. ويوم قربت السيارة وسعمت صوتها

وانطفى نورها ,,اختفى هوو .. كأنه طيف و خيال خرج من افكاري و قلبي وتجسد بإنسان ..

و آآآه من هالانسان ... آآآآآآآآآآآآآآآه آآآآآآآآآآآآآآآآآآآآآآآآآآآآآآآآآآآآآه ..

القدر مااكتفى بكيذا .. مثل ماظهر بالظلمه و اختفى بالظلمة .. ظهر وراه شخص ثاني ماكان على بالي ..

تركني طيف الغريب بعد ماكان ماسكني .. وارتمى جسدي بحرية بالارض وانا مصدومه .. لانه تركني واختفى

سمعت صوت اقدام تبعد واقدام تقرب ..

والاقدام اللي قربت نطقت " بصوت رجولي " : مين هناااا ؟؟؟؟

توجه نور كشاف بظلمة الليل ضايقتني ماشفت بسبتها شئ غطيت عيوني بذراعي اليسار والنور مازال مسلط علي ..

شوي شوي نزلت ذراعي من عيوني .. الى ان ظهر وجهي بالكامل .. ظل النور مسلط علي

وسكون الليل مسايرني .. ونا مدري مين اللي يناظرني ...

الصداع رد لراسي وبدء القولون يألمني <<<< نسيت أخبركم ان مشاعل من صغرها يجيها توتر بالقولون ..

وهذا الالم ناتج عن ضغووط نفسيه ماتقدر تفرغها بالواقع و تكبتها بنفسهاا ادى الى توتر بالقولون العصبي و هالشئ

مو خطير .. بس اذا زاد الالم بيكون متعب بشدة ...

عدنا

طحت بارض المزرعه وانا أئن من الآمي .. الى ان سمعت صوت اصيل .. وبسرعه انطفى نور الكشاف

واختفى الانسان اللي كان يناظرني بسكون .. وانا ماشفته ..

معقول يكون هو نفسه اللي صدم فيني قبل ,, لا مستحيل .. كيف يكون هو وهو راح باتجاه والثاني جاء من اتجاه ثاني ..

انا حاسه ان كل اللي صار يامن الخيال .. يااااللي شفتهم جن .. بسم الله علينا وعلى حوالينا ..

لان الاحلام ماتتحقق ومستحيل اللي كان يكون واقع .. مستحيل ..

رديت للواقع وانا على سريري..

تحسست خصري وانا اتذكر لمساته ...

رجع الم قولوني يألمني .. وقفت ورحت لشنطتي اخرج الدواء وشربته ويا المويه اللي جابتها منيرة ..

رحت لسريري .. وانا دمعتي لامست خدي .. وجرت وراها دمعه ثانيه خانتي ونزلت ..

طالعت فوق بالسقف ,,,

مشاعل " بصوتها الرقيق وبحزن " : ياربي انا مااعترض على حكمتك ولا على قدرك لاني راضيه فيه .. وانا ادري انك

بتكافأني وتجازيني خير .. لانك تحب الصابرين .. ربي مو بيدي انسى .. بيدك انت تنسيني ..

اللي صار قبل شوي .. مالي يد فيه وانت ادرى .. اثنين شافوني ..الاول وكان خيال طيف من ذكرياتي .. ويمكن من شياطين الجن

والثاني مدري مين هو ؟؟؟ ويمكن يكون مثل الاول ..

بهذي الليله 3 ازواج من العيون ما نامت .. ومن هالعيون عيون مشاعل ...

ياترى مين العيون الثانيه اللي النوم جاافااه و ماعرفت عيونهم للنوم طريق ..

وهل هذي بدايه لمشوار صعب ؟؟

ولا بدايه لفراق جديد ؟؟؟ ويمكن بدايه لحب جديد ؟؟

حب مستحيل,,, حب محرم ,,, حب اول ,,, حب أبدي ,,,

[لحن الورود]

مافي بعد جزء ثاني >>> ترى استحليت

[اخت البطه]

المشاركة الأصلية كتبت بواسطة لحن الورود

مافي بعد جزء ثاني >>> ترى استحليت

امبلى ياقلبي راح احاول اخلصه قبل رمضان
واذا ماخلصته قبل رمضان
انشاء الله بعد العيد

[اخت البطه]

الجزء السادس

الفصل الثاني

المقطع الثاني والاخير ..

"حـــــادث "

ياعين لاتبكين ليه مايفيد كثر الصياح ,,,ماكل ماتحلميه بالليل ياتيك النهااار


" احس اني بغابه .. كلها شجر,, اشجار لها اشكال غريبه ,, والظلام ارتخى بالغابه .. ونا الم نفسي بذراعيني ..

البرد صقع بعظامي .. اصوات من كل جانب وكل اتجاه ظليت تحت شجره كبيرة تحميني .. حتى صوتي اختفى

بين الاصوات .. اصوات مرعبه .. حزينه تئن بألم .. ضحكات تتعالى ,, من الخوف غمضت عيني ..

حسيت بحرارة غريبه رغم العواصف الباردة ,, فتحت عيني .. شفت نفسي بوسط الغابه وحولي ناس كثير ..

والغريبه هالناس رجال ,, هم يقربون مني والاصوات تتعالى .. وانا ارجع لورى .. شفت الدم تحتي غطى رجليني

,,, من كثر رجعتي لورى دست على ثعباان كبيررر .. ومن الخوف شهقت .. جريت وركضت .. مدري لووين .. احس اني

مااشووف من كثر الخووف .. شفت البحر قدااامي والثعبااان وراي والرجال حولي .. كل الطرق مسدوده ..

وين اروح .. ظهر لي بالبحر نفس الشخص اللي ظهر لي بالصحراء .. مد ايده لي .. فرحت واستانست ..

جريت لما ايده ونصي بالبحر الا هوو وخر يده واختفى ... مافقت من صدمتي الا احد من وراي يمسكني من رقبتي

ويغرقني ..والبحر لونه صار احمر.. ونا منيب قادرة اصرخ .. غير اني ابتسمت ..لاني حسيت براحه ..ابتسمت ... "

فتحت عيني .. مشاعل "بنعوومه .. وهي شكلها جنان عالصباح": صباح الخير ..

أصيل " باستغراب " صباح النوور .. ميشو انتي كنتي تحلمين ؟؟

مشاعل "تذكرت حلمي ,, وصديت الجهة الثانية قمت من سريري صحيح رجلي خفت من امس ..

بس اذا ضغط عليها تألمني .. وقفت عند التسريحه وعيوني تدور الشباصه الم فيها شعري ..

مشاعل : يمكن .. ليش السؤال ؟؟؟

أصيل : شفت العرق بجبهتك ,, وحواجبك معقودة .. وجهك احمر .. والخوف بملامحك ..

وتضمين نفسك .. شوي الا ابتسمتي وفتحتي عينك .. ميشو احس ان فيك شئ ..

مشاعل : لا مافيني شئ..

"بتردد " اقول لك شئ و ماتزعلين ؟؟؟

مشاعل "الله يستر" : ايوه قولي ..

أصيل : أشك انك امس بالليل صابك مس جن ..

مشاعل "انفجرت ضحك " : ههههههههههههههههههههه هههههههههههههه ههههههههههههههههههه ههههههههههههههه

أصيل : جد اتكلم .. مايضحك ترى .. اففففففففف ..

انفتح الباب و دخلت منيرة "بمرح" : هاااااااااااي بنات .. شخباركم ؟؟؟

أصيل "بدون نفس": هااايااات ..

منورة " اصيلووه ماابيها اذا بدون نفس .. على طاري النفوس .. شلوونك يااادلوعه المااماا ؟؟

مشاعل : تصدقي منورة مو فاضيه لسخافاتك .. " ورحت للحمام " اوانتم بكرامه ..

خرجت عزكم الله من الحمام .. واشوف نجود معهم .. قلت بصوت مسموع : صباح النور ..

منيرة : شوشو صاب عقلك شئ .. من ساعه ونا عندك وماصبحتي تو الناس ..

مشاعل " رفعت حاجب " : تراني صبحت على جود حبيبتي ..

هنا جود من الوناسه الابتسامه شطولها ..

منيرة " بغيرة " : ايه خلي جود تنفعك الحين انا اللي خطبتك مب هي ..

أصيل : تستاهلين احد قالك تستخفين مع الصبح .. جات على راسك ..

مشاعل "بضحكه " : هههههههههه انا مدري مين اللي من الصبح يستخف " وتحرك حواجبها تقصد فيها اصيل " ..

منيرة "بلقافه معتادة " : الا شصار أصيلووه ؟؟؟ عسى مااا استخفيتي انتي الثانيه ..

نجود : منيرة انتي واللقافه خويات (يعني اصحاب) ولا شلوون .. نعنبو دارك اللحين ماتقدرين تسكتين دقايق وعرفنا .. زين ماتقدرين تشلين عنك

اللقافه .. شلوون بنتحملك ..

منيرة : نجوووووووودوووه ..

مشاعل " والصداع رجع لها " : بنات الله يخليكم بعدين الهواش طيب ..

نجود : شفيك ؟؟

مشاعل : جود قلبي عندكم كافيه لاتيه ولا حتى شوكولاة ساخنه ؟؟

أصيل "بلقافه وارثتها عن منيرة " : بالله عليك حنا صحيح بيتنا قصر وعندنا مزرعه وكل شئ والحمد لله ..

لكن مالقيتي الا هالاشيات تطلبينها .. صدق ناعمه شكل و فعل ..

مشاعل : طيب نسكافيه ولا حتى قهوة تركيه ..

منيرة "تخفف دمها" : تنفع القهوة الفرنسيه ..

أصيل : ههههههههههه احلى يافرنسية . خخخخخخخخخ حلووة منوررر ..

منورة "تغمزلاصيل " : افااا اعجبك انا ..

نجود : شعوله تبين قهوة عربيه ؟؟

مشاعل : طيب ,, بتعبك معاي ..

نجود : فداك التعب ..

ابتسمت .. فطرنا حنا الاربعه ويابعض رغم اني ماحب افطر بالصباح بالقوة اخذت لي تفاحه.. طبعاا ماقدرت انزل .. وجات ماما طقت الباب ودخلت ..

ماما : مشاعل يمة ليه مانزلتي بالفطور ؟؟

طبعاا ماااقولكم ان منيرة جاوبت بالنيابه عني .. ملقووفه شتستنون منها خخخخخخخخ << عاد الا منورة مشاعل تموت عليهااا

عدنـــــــــــــا

منيرة : مادررريتي جدتي ؟؟؟

ماما : وشوووو ؟؟

منيرة "بسرعه قبل محد يقول قبلهاا" : مشاعل امس طاحت بسبة أصيل ..

أصيل "بشهقة " : كذااااااااااااااابه .. انا ماطيحت احد ..ميشوو انا طيحتك ؟؟

مشاعل : لا ماما ماصار شئ انا كنت ماشية وتعنقلت ببرميل بالارض .. وطحت لكن جات سليمة .. واصيل مالها دخل ..

مشاعل "ونا اطالع بمنوورة ,, اوريها الملقووفه "

ماما "بتفهم " : ونا اقول شفيك امس ماتتحركين كثير .. اثري رجلك تألمك .. يمة تريدين نوديك الطبيب ؟؟

مشاعل : مايحتاج ,, انا بخير ..

ماما : زين ارتاحي يمة ونا بخبر الجماعه اللي برا انك تعبتي .. لانهم بيمشوون ..

مشاعل : سلمي لي عليهم ..

ماما " وهي تأشر على نجود والثنتين الباقيات "

انتي وياها امشوا سلموا عالضيوف مروحين الحين ..

كلهم ماعدا مشاعل : ان شاء الله ..

نزلوا البنات بعد ماخرجت ماما .. وجلست الملم اشياتي اللي بالدولاب بالشنطه واللي عالتسريحه ..

أصيل " دخلت بدون ماتدق الباب .. ووجهها معتفس .. ماكلمتها لان بطبعي مااتدخل بشؤؤن غيري ..بعدها تكلمت وقالت انها

بتروح مع ان ودها تقعد بس ابوها عي يخليهااا سلمنا عليها ,, تعودت عليهه رغم ان ماصار لي يوم "

المهم اللي صار اننا تغدينا وبعدها بساعه حركنا من المزرعه الى البيت .. وهاليوم عدا على هالشكل رغم اني مانسيت اللي صار

بالمزرعه .. وناس مانسوا اللي صار بعد ..<<< منوو هالناس ؟؟؟؟؟؟

واللي صار باليوم الثاني ان بابا جاء يوم كنا بالصالون الجلوووس ..

بابا : منيرة ..

منيرة "باضطراب " : سم يالغالي ..

بابا : سم الله عدوك .. ماتشوفين انك لزوم ترجعين بيتك ؟؟

منيرة و عينها بحضنهاا : هذا بيتي ولا ماعاد هو بيتي ؟؟

بابا : يايبه هذا بيتك و مفتوح لك بس همبعد اللي تسوينه مهب زين .. مره متزوجه وعندها عيال مكانها عند زوجها و عيالها ولا انا

غلطان ؟؟

منيرة : حشاك الغلط ياغالي ..

بابا : طيب جهزي نفسك بيوديك فهد الرياض .. ولا ابي اشوفك الا بيوم الزواج زين ؟؟

منيرة "وصوتها تغير " : زين .." قامت سلمت على بابا وراحت ..

بابا " صد ناحيتي بابتسامه " : هايبنيتي .. بشري عسى مرتاحه معناا ؟؟؟

مشاعل " بابتسامه فيها من الصدق والحيا" : االحمد لله .. الله يخليكم لي ..

بابا : زين يايبه .. متى بتروحين تقضين ثيابك ولوازمك .. الوقت ضيق .. حنا بنشووف حجز بالقاعات ..

لكن بهالوقت القاعات محجوزة ..

مشاعل " انحرجت " : اللي تشوفه بابا ..

قام وقف بابا ووقفت انا و نجود ,, لان اصيل كانت نايمة .. وقال : زين خذي هذا " وخرج من جيبه كرت مصرفي "

هالكرت لك سحبي اللي تبينه ..

مشاعل "رفعت حواجبها باستغراب " : بس يابابا انا عندي المهر .. وبشتري منه .. وماشاء الله المبلغ اللي عندي يكفي 3 عرايس

مو عروس وحده ..

بابا : ماعليه خذي هذا واصرفي منه والمهر لا تمسينه .. هذاك مهرك لانك مرت ولدي .. وهذا مصروفك لانك بنتي ..

ولا نسيتي ..

مشاعل "مو عارفه تتكلم .. " : .........
قرب منها ابو فهد : خذي يابنتي "مد لها الكرت "

مشاعل مامدت يدها قام اخذ يدها ابو فهد وحط الكرت فيها وقفل يدها عالكرت وحط يده الثانيه على راسهاا ومسح شعرها

وقال : الله يهديك .. مشي لعند الباب رجع لف وقال : ان بغيتي شئ يايبه مايردك الا لسانك ونا بوك .. وخرج .

..... دام سكون ... بعدها نجود نطقت : شعووله شرايك نغث منيرة ونطفر بهااا ..

مشاعل : خلينا نروح لها ... حاسه فيها شئ ..

ورحنا طقينا الباب .. ماردت بالنهاية دخلنااا .. وكانت تجهز شنطها .. جلسنا عالسرير ..

مشاعل " بصراحه ماتخيل البيت بدون منوورة ,, ماريدها تروح .. بس زوجها وعيالها أولى فيها "

نجود : الحمد لله والشكر بنفتك منهاا ..اففف .. اخيراا البيت بيخلى لنااا ..

مشاعل " ادري فيكي يانجود ,, مهما حاولتي تخبين مشاعرك بس بالنسبه لي مفضوحه ,, ماتبينها ترووح لانها تؤامك ..

ذكرتوني بشيخه .. آآآه ياشيخه ..ايش تسوي دحين ؟؟؟ كيف دانه وهذا انا وعدتها اكلمهاا اوبس توني افتكرت "

منيرة "بصوت يميل للصياح " : ايه هذا اللي تبيه .. بترك لك البيت وروح .. اصلا انا الغلطانه اللي جيت .. كان جلست ببيت

زوجي ارجل ..

مشاعل : منورة .. جوود ماتقصد بعدين لا تصيرين حساسه .. اخبرك انسانه متفاهمه .. وهذي جود تؤامك لاتقولي انها ماتحبني

انتي اكثر وحدة تدري ان جود اكثر انسانه تمووت فيك ..

نجود كانت منزله راسهااا .. ووجهها احمر .. يعني بأي لحظه بتصيح ..

مشاعل : منورة بتروحي الحين ؟؟

منيرة : ايه .. فهد توه متصل ..

مشاعل " باستغراب " : فهد يصير خالك صح ؟؟

منيره : ايه صح ..

مشاعل : طيب كيف تقولي له فهد ؟؟؟

نجود : اذا كانت متضايقه ولا زعلانه تنادي ماجد وفهد باسمائهم وان كانت فرحانه همبعد تناديهم اسمائهم ..

منيرة وانا و نجود نطالع ببعض: ههههههههههههههههههههههه هههههههههههههه هههههه

نغمة مجانين خلق الله مجانين يبوني اتخلى عن هواته .. هذي نغمة جوال منيرة ..

جلست اضحك عليها وعلى نغمتها والله ان الاغنيه مخبل زيها وتناسبهااا ..

ودعنا بعض وراحت منيرة الرياض وبقيناا انا ونجود مع ماما وبابا .. وجالسين نكتب ايش نحتاج ونخطط وين نروح نتشرى

وباليل نمت مع نجود بالغرفه ..

وباليوم الثاني ..

بفترة مابعد الغداء.. دق تليفون البيت .. وماما وبابا كان وقت قيلولتهم .. ونجود راحت المطبخ ..

رحت لها المطبخ وقلت : نجود التليفون تراة من اول يدق ..

نجود ويدها كلها عجين : زين ردي شعووله ..

مشاعل : لا مااعرف ايش اقوول..

رجع رن التليفون وطالعت نجود ,, ونجود اشرت بيدها اللي بها العجين .. استسلمت ..رحت و رديت

مشاعل "برقتها المعتاده" : الــو

: الووو وين ابووي ؟؟

مشاعل استغربت "وقلبها يدق بقووة" : نعم .. من معي ؟؟؟ " طبعااا مشاعل صارت لهجتها تتحسن بالنسبه لهم "

" بعصبيه " : هبله انتي ,, ماتسمعين شقوول .. اقولتس عطيني ابوووي ..

مشاعل "شفيني احس اني بينفجر فيني عرق ": عفواا اخوي من تبي ؟؟

.. "على باله نجود ترقق صوتها و تستخف بدمها " : ياحيوانه عطيني ابوي لا اجيك الحين ووريك شلون ترفعين التليفوون

اصلاا التليفون كثير عليك ..

مشاعل "تنرفزت من طريقته من هو عشان يكلمها بهالاسلوب ,, شكله واحد مغلط بالرقم " : غلطان ياااخوي .. وقفلت السماعه ..

رجع دق التليفون مارفعت بالبدايه .. بعدها جاها صوت نجود "تصارخ" : شعوووله مارديتي من قبل .. حرام عليك التليفوون

بينطق ...

مشاعل " رفعت السماعه بهدؤ وللحين ماتكلمت جاني صوته "

... : تدرين ان اخوك فهد استوى عليه حادث وهو مرقد بالمستشفى وحضرتك تتمصخرين .. يالحماارة ..

مشاعل " من الصدمة طاحت السماعه من يديني ووقفت مصنمه .. مو سامعه غير كلام الغريب يتردد ببالي "

فهد صار عليه حادث و منوم بالمستشفى ..

^^^

^^^

^^^

^^^

^^^

^^^

^^^

^^^

^^^

^^^

^^^

يتبع بالجزء السابع ..

ياليت اشوف ارائكم شبيصير بمشاعل لما سمعت الخبر ؟؟

ومنو اللي كلمهااا ؟؟

وليه لما فهد صابه الحادث مشاعل صار لها اللي صار ؟؟ معقوله تكون حبته ؟؟؟

&&&&&&





.
يتبع

[لحن الورود]

اتوقع ماجد الي

شافاها مو احد غيره

[اخت البطه]

الجــزء الســابــعـــ :-

الفــصــلــ الاولــ :-

" زيـــ لها وقع خاص ـــارة "

هذا أنا حالي مثل ماهو....ماشي بدربي وبكيفه مشى بي



مشاعل " رفعت السماعه بهدؤ وللحين ماتكلمت جاني صوته "

... : تدرين ان اخوك فهد استوى عليه حادث وهو مرقد بالمستشفى وحضرتك تتمصخرين .. يالحماارة ..

مشاعل " من الصدمة طاحت السماعه من يديني ووقفت مصنمه .. مو سامعه غير كلام الغريب يتردد ببالي "

فهد صار عليه حادث و منوم بالمستشفى ..

وقف فترة وانا مو مستوعبه اللي صار .. لا ااكيد يكذب علي .. منيرة .. منورة لاا يكون صار لها شئ..

نجود : شعووله ,, شفيه وجهك مصفرر ؟؟ نفس الصداع رجع لك ؟؟

مشاعل "توني استوعبت ان نجود قدامي .. ناظرتها ونا ابلع ريقي بصعوبه ,, كيف بقوولهاا ؟؟ كيف؟؟ "

مشاعل " بهدؤ رغم العاصفه اللي بداخلي": جود " مسكتها مع ايدها وقربتها مني وجلسنا " انا بقولك شئ..

نجود " تضيق عينها " : ايه .. قولي ..

مشاعل : تدري من اللي اتصل ؟؟؟

نجود "بشك" : لااا .. مين اللي اتصل ؟؟

مشاعل : مدري ..

نجود : ههههههههه مالت عليك الحين .. تجلسيني وتقولين بقولك شئ بالاخير طلع مدري ..

مشاعل : فهد اخوكي صار عليه حادث و هو بالمستشفى .. " قلت كلامي ونا عيني بالارض ماحب اشوف احاسيس انسان قريب

مني مفضوحه .. مااحب اشووف وقع كلامي عليهاا "

شفت رجلها وهي واقفه "بعصبيه " : مشاعل لا تكذبين .. ادري انك تكرهين فهد لكنه اخووي ومارضى تفاولين عليه ..

مشاعل " بتفاهم رغم انه حز بنفسها تشك فيهاا نجود " : اتصلي فيه وكلميه .. تطمني عليه و طمنينا ..

"نجود بدون تفكير رفعت سماعة التليفون ودقت ارقام ... تستنى الخط الثاني يرد "

نجود : الوووووو فهد ..

" قاطعهاا " : لا سعوود ..

نجود : سعود تكفى عطيني فهد ..

سعود "ساكت" : ...

نجود " بخوف " : صار عليه حادث ؟؟؟؟؟؟

سعود : الحين هو بخير .. توني خارج من عنده ..

نجود"وهي تصيح " : سعوود ولي يرحم والديك قلي الصدق , اخوي صابه شئ ؟؟

سعود : كسر بسيط برجله وشوية رضوض بجسمه .. وكمن غرزة عند حواجبه ..

نجود : زين عطيني ياه ابي اطمن عليه ..

سعود : قبل شووي نام ..

نجود : بأي مستشفى هو ؟؟؟

سعود : بمستشفى الــ ...........

نجود : زين باي ...

" كنت مع نجود وهي تكلم .. الى ان طلعت فوق .. شكلها بتخبر بابا و ماما .. احس انها تجاهلتني انا ماسويت شئ عشان تتغير

علي ان شاء الله مايكون هالشئ مقصوود .. ماابي نجود تتغير علي بأحس بغربه .. "

جلست لوحدي دقايق حسيتها ساعات .. ياربي لا يكون صار لها شئ .. لا لا مااعتقد الله لا يقدر هالشئ ..

قلبي يدق بسرعه جنونيه .. لا انا قلبي يقول انها بخير ليه افاول عليهاا .. صحيح كلام نجود ايشبني افاول على خلق الله ..

سترك يارب ..

طلعت غرفتي .. توني دخلتها الا الباب يطق .. فتحته .. كانت نجود و شكلها متوتر ..

مشاعل " ابتسمت لها بحنيه وكأني اواسيها بابتسامتي " : هلا جوود .. تفضلي

نجود ماتحركت مثل ماهي ..

مشاعل " ظليت ساكته ماحبيت اضغط عليهاا ,, ودخلت الغرفه وخليت الباب مفتوح .. شفتها قربت وسكرت الباب وراهاا "

نجود "باحراج " : زعلتي مني ؟؟؟

ظليت ساكته ,, عشان تاخذ راحتها ..

نجود : لو زعلتي ااسفه ..

مشاعل : ومن قال اني زعلانه ,, احد يزعل من احبابه ؟؟ يالله عاد شيلي هالملامح ..

"بهدؤ" : جوود ليش ضنيتي اني افاول على اخوكي ؟؟؟

نجود "طنشت سؤالي و عادت كلامها" : مشاعل .. للحين زعلانه ..

مشاعل : والله مو زعلانه .. ماجاوبتيني ؟؟

نجود : لان أي وحده بمكانك قدام اللي قاله فهد اقل شئ تسويه انها تدعي عليه هذا اذا ماردتها له بطريقه ثانيه ..

مشاعل "بهدؤ" : جود ياعمري .. يمكن اللي تقوليه صحيح هذي وجهة نظرك ,, بس انامشاعل نفس البنت اللي قابلتوها بالحرم

وحبيتكم لله فالله .. هذي المحبه ما كان وراها مصلحه والحين صرت بنتكم ومرت ولدكم .. محبتي صارت عشق لكم ,, وماابي

اخسركم ,, ماصدقت القاكم .. وفهد مثل اخوي الكبير اذا غلط فهو مسموح ,, مثلي مثلك .. اذا شافني غلطانه عادي لو هزبني

والشئ الوحيد اللي اتمناه منه يتفهمني فيه وهو اني من منطقه ثانيه متعوده على اشيات غير ,, لساتني ماتعودت على طريقتكم

ان شاء الله مع الايام اتعوود ...

نجود : والله اني بعد احبك وامووت فيك و ربي شاهد اني تمنيتك اخت لي .. تصدقين انتي الوحيده اللي بعد منيرة حسيتهاا قريبه

مني من يوم التقيتك بالحرم وانتي ببالي ,, لكنن شعوله هذولا رجال مايفهمون غير اللي يبون

مشاعل : صار خير ,, الحين كيفه فهد ؟؟

نجود " ماردت عليها لأنها تذكرت ,, ووقفت " : شعووله نسيت اعلمك ,, ابوي قال بنسافر الحين الرياض تجهزي خذي لك ثياب

ليومين او ثلاث مرة وحده نتسوق هناك .. بروح اجهز نفسي 10 دقايق ونكون برا .. ومشت بدون ماتسمع ردي..

مشاعل : لا حول ولا قوة الا بالله ,, اثري غير رواء فيه اللي يطنش ويتركني ..

ماطولت ونا اجهز ثيابي اللي جاء بيدي خذيته ..

ونزلت تحت .. وخرجنا كلنا .. وكانت ماما ام فهد قلقانه وتدعي .. ونا حطيت ايدي على ايدهاا وقلت : ان شاء الله يكون بخير لا

تقلقي ..

بابا : قولي لها ,, تحاتيه وهو بخيرمافيه الا العافيه ,, هي المفروض اللي تحاتي نفسهاا ..

وصلنا المطار وانتظرنا يجي نص ساعه ... وخلصنا اجراءات

وقبل مانطلع الطيارة دق جوال بابا : هلاا

: مساك الله بالخير يبه

بابا : مساك الله بالنور ..

: يبه متى العزم ؟؟

بابا : الحين ..

: زين يبه ,, أنا بالمستشفى الحين .. ووقت ماتوصلون بتكون الزيارة انتهت ..

بابا : من قال ؟؟ توه سعود قال انها باقي عالزيارة ساعتين ونص ..

: ايه يبه وانتم عبال تمشون الدرب توصلون 4 ساعات ..

بابا : حنا بنسافر بالجو يبه .. حنا بالمطار الحين دقايق وتقلع الطايرة ..

: وليه مهب بالبر ؟؟

بابا : امتس تعبانه ياولدي ماتحتمل السفر بالبر ..

: عيل يبه بروح الدوام إستأذنت ومارجعت ,, ووراي شغل .. انتم بتقابلون فهد وتقعدون وياه .. زين يبه ..

بابا : ايه .. زين .. في أمان الله ..

: في حفظه و رعايته ..

قفل جواله ...

صعدنا الطائرة والى بلادا ً جديدة لم تراها عيني الى قلب نجد الى عاصمة المملكة العربيه السعوديه الى الرياض

.. وكم تمنيت ان ازورهااا ,, كم حلمت ليالي و ايام بهااا ..

سميت رياض نظرااا لإنخفاضهاا فتلتقي بها مياه السيول لتنبت الارض رياضاً خضراء تنتشر فيها رائحة الورود.. وما الأحب الى

قلبي الا الورود.. ومن هنا جاء اسم مدينة الرياض عاصمة المملكة العربية السعودية

كما تحتل الرياض موقعاً تستمده من موقع المملكة الجغرافي الذي يتوسط قارات العالم. فإنها تحتل قلوبنا واينما تذكر المملكة فإن

الرياض تطرأعلى البال قبل الخاطر .. <<< أبوووك ياللغه العربيه ..

عدنــــــــــا

وصلنا المطار وخلصنا كل شئ كان بإنتظارنا سيارة ,, مانتبهت من؟؟

المهم ركبنا السيارة .. ونا اناظر الطرق والشوارع , اللايتات والسيارات .. حسيت بشعور رائع ..

ولا شعوريااا نطق لساني قصيدة شعريه للشاعر العراقي يحيى السماوي .. " ونا على بالي اني اقولها بنفسي.. قلتها بصوت يعبر

عن نشوتي .. وروعة الحضارة اللي اشووفها واللي اسمعه عن الرياض و لحبي لهالمدينه اللي لها وقع خاص بقلبي "

وأنجدت الروح ..

لاتخش ـ قالت ـ فان الكتاب أنيسي

وشمس اليقين الدليل

تضرجت شوقاً إلى رشفة من عرار

لأطفئ جمر الغليل

........................

تطير حمامة روحي

إلى واحةٍ سيّجتها التراتيل

يجلس فيها الصباح

على شرفات الأصيل

مباركة الرمل والعشب ـ قالت حمامة روحي ـ

صبيحة ألقت عليّ السلام

وودعتها بالدعاء الجميل

* * *

تحط حمامة روحي

على شرفة في " المصمّك " :

من هاهنا كان بدء الصهيل الذي

جاء بالسلسبيل

عشية صلى فتانا الجليل

وسل حسام اليقين

مضيئاً لنا يومنا والسبيل

.............................

تعود الحمامة ..

ـ ماذا رأيت ؟

جنائن أرضيةً تأنس الروح فيها ..

حبوراً يفيض على حدقات القبيل

وضوءاً توضأ بالرمل ..

رملاً توضأ بالصلوات ..

وعشباً له كبرياء النخيل

ـ وما في المصمّك ؟

سجادة للصلاة .. كتاب اليقين ..

وسيف به خاط " عبدالعزيز " فتوق الجزيرة

وأجمل ماقد رأيت :

البصيرة !

سلام عليه فتانا المحنك

سلام على صحبه ..

سيفه .. والمصمّك

سلام على راية لاتعاض

على أهلها ..

رملها ..

عشبها .. والحياض

سلام على واحة العنفوان " الرياض "

نجود وبابا و ماما و شخص ثاني : صح لسانك

مشاعل " ناظرتهم بإستغراب .. وبعدها حسيت بشئ غلط .."

نجود : شعوله والله انك شاعرة .. الحين عرفنا عنك اخلاقك , ثقافتك , وشعرك .. وناااسه ..منتيب هينه ..

مشاعل " انحرجت .. وحسيت اني غبيه اتكلم بدون مااحس"

شخص ثاني مدري مين هو قال :

مدي جناحك تيها وانتشي طربا من قال إنك أخت المجد ماكذبا

مامر طيفك في الأعماق يشعلها إلا وجنّ دمي بالشوق

واصطخبا

وإن نأيت ولو حينا على مضض ضج الحنين وثارت مقلتي غضبا

وراح يشعل وجداني على عتب فكيف أطفئ فيه اللوم والعتبا ! ؟

أدير عنك عيوني والشجون بها كمن يروم بساح المحنة الهربا

يحيي صباي عبير منك منسكب طاب العبير من العينين ما

انسكبا

أنت " الرياض " جناح مد هامته إلى الذرى وجناح عانق الشّهبا

بصراحه قالها بأسلووب رائع ..

الكل ماعداي قال : صح لسانك ابو ضياء ..

مشاعل " اذا هذا هو سعوود .. زوج منيرة "

نجود بصوتهاا ::

عرفت الرياض

فأنشدت شعراً

وغنيت للحب فيها البياض

فصرنا الرياض

ومهما تنائيت عنها ستبقى الرياض بوسط الفؤاد !

كلهم ونا معهم بس بهمس سمعته نجود : صح لسان يالجوود ..

هالمرة جاء دوور بابا :

يانسيم الرياض في أرض نجد كيف عادت حال الأحبة بعدي

شفني الوجد من هواهم ولقيا هم مدى غايتي وغاية وجدي

إن لي( بالملز) إخوان صدق وبوادي( البطحاء) أخدان ودّ

كم تفقدت في (المربّع) ربعي وتعودت في(الشميسي) وعدي

كلنا : صح لسانك يابو حمدان ..

بابا : صدق اني بو براهيم وافتخر انه ولدي .. لكن احب ينقال لي
بو فهد ..

سأنلي بابا : هاا يبه تريدين ترتاحين نوديك البيت .. وبعدها نحرك للمستشفى ..

مشاعل "بحيا واحراج ,, دحين بعطلهم عشاني ,, احسن اروح يمكن فهد يغير رأيه عني لوشافني زرته " : لا عادي بابا اروح

معاكم بالاخير فهد اخوي .. ..

بابا : زين .. توكل يابوك .. درب المستشفى ..

وصلنا المستشفى ونا اقول بنفسي هذا فهد .. شكل اهله يحبونه ,, وشكله حبوب ,, طيب ليش يكرهني .. بس لاني

لابسه عباي عالكتف واتلثم ,, اذا على هذا يههوون القهر انه تكلم على بابا الى الان كلامه ببالي مانسيته

ولا نسيت الموقف وكأنه بالامس ..


فهد"بغيظ مكتوم" : وانا الرجال ولا مهب مملي عينتس يااا خضيريه ..

مشاعل : مو فاهمة شئ , عموما انا بدفع عن نفسي ..

فهد بحدة واضحه سمعها منيرة ونجود والمحاسب : اذا تحسبين اني مثل رجالكم مخنثين

ماعندهم غيره على اهلهم فانتي غلطانه ..

نجود : فهد حدك ..مارضى على مشاعل ..

فهد"يكلم نجود" : ماتسمعين وش تقول .. ولا هذي سوايا بنت ناس متربيه ..

" وبهمس سمعته مشاعل " : العبايه عالكتف ,,

والعيون يطالعها الرايح والجاي ماكأن لك زوج ..

مدري شلي بلانا فيك .. لوما امي كان الحين ماشفنا اشكالك ..

مشاعل : مااسمحلك تغلط علي دام انا ماغلط عليك ..

واذا غلط بحقك حاسبني .. بس لا تغلط بأهلي ..

قاطعها فهد بهمس :الحمد لله والشكر مهب مثل ابوك اللي باعك لنا ..

كل الكلام اللي قاله نسيته الا جملته الاخيره مازالت ترن ببالي .. ليه يا بابا زوجتني بهالسرعه كان تغليت عليهم ماكان رفضواا ..

الله يسامحك

مشينا بين الممرات ووصلنا لغرفته .. طبعاا الدكتور منع اكثر من اثنين يدشون الغرفه ..

بالاول دخلوا ماما و بابا .. وطولوا و نجود تمووت وتدخل ..

بعد اكثر من عشرين دقيقه و اقل من نص ساعه .. خرجوا .. وجاء دور نجود و سحبتني معاها رغم اني باخر لحظه قررت ان

ماادخل اخااف يهنني .. خصوصاا اني تذكرت كلامه معي ,, وهذا مايطمن اني ادخل .. بس مايفيد اللي ابغاه لان نجود سحبتني

سحب قدام الكل و ماقدرت اتراجع ..

دخلنا الغرفه و كانت هدؤ .. ونا ابلع ريقي .. اخاف يطردني ذيك الساعه يافشيلتي .. سترك يارب ..

نجود "جالسه جنب اخوها تصيح" ,," ونا مازلت عند الباب وراسي بالارض "..

وفهد يهدي فيهااا وهي بحضنه : يالجوود يااقلبي لا تحاتين ,, ماتشوفيني مثل الحصان ,, يالله عاد جوود ..

"ورفع راسه جات عينه بعيني ,, مدري ليه حسيته بيكلمني ,, نظراته غريبه,, لدرجه ان عيني تعلقت بعينه ,, ليش يناظرني

بهالطريقه ,, ياربي لا يكون بيطردني ,, خليك قوويه مشاعل و تقربت منهم .. ونا عيني بعدتها عنه "

مشاعل " بصوتها الرقيق وباحترام" : الحمد لله عالسلامه .. فهد .." خفت اقوله اخووي ,, يروح يقولي مالي الشرف ولا شئ "

Xxxx

فهد

دخلت علي نجود ومانتبهت ان احد غيرهاا دخل جلست ضامها لصدري واهدي فيها لاجل توقف صياح .. شوي حسيت بوجود شخص ثالث معنا رفعت عيني

الا عيني بعين اجمل عيوون .. شقول وشحكي ,, هالجمال مالاحظته قبل .. صدق اول ماشفتها لفتني نظرة عيونهااا

يوم سألتني عن عصافيرهاا ..

ليه صرخت عليهااا ليه ؟؟؟؟ ليه هاوشتهااا ؟؟؟ شفيها لو لبست عباة الكتف .. مااشوف عباتها مخصرة ,, صحيح ان العباة عالكتف

بس الحق لله انها واسعه ومهب ضيقة .. واذا على عيونهااا ,, ماكانت بمكياج ولا حاطه فيها شئ .. بس همبعد عينها تهبل بدون

شئ ..

أذكر شلوون صار الحادث بطريقنا من القصيم للرياض بالبدايه منيرة ساكته ماتسولف وهذا الشئ مب من عادتها .. احس ان فيها شئ لو كنت بوعي

كان سألتها شفيها وعرفت منها لكن احس ان عقلي مب معي .. ايه نعم ..

عقلي بالمزرعه .. عقلي مع الجميله اللي شافتها عيني ,, معقوله هذيك هي مشاعل .. اللي هاوشتهاا .. شلوون اهاوش وحده برقتها و جمالها ولا شعرهااا

الرطب اللي لامس خدهااا بنعومه .. آآه .. ليه افكر فيهاا ؟؟ ليه؟؟ .. انا لزوم ماافكر فيها هي محرمة علي .. لازم اشغل نفسي بشئ وبدون شعور مني

زدت سرعة السيارة فوق ال140 .. وهنا

منيرة : فهدوووه خفف السرعه بتذبحنا انت ..

فهد "بضيق " : منيررره انطمي الحين لاطمك بالغصب ..

منيرة "ترفع حاجب و حاجب لا وهي تتطنز" : لا ااا خوفتني انت ووجهك ..

فهد بستغراب : منيرة .. شفيكك ؟؟

منيرة " انفجرت بوجهه" : اصلاا مقابلة نجود توأمي وشوشو حبيبت قلبي ابرك واحلى من مقابل وجهك ..

فهد " لما سمع كلمة شوشو صار قلبه يدق بقووة .. وبهدؤ حاول يبين صوته طبيعي " : والله .. لا تكون شوشو ذي رقاصه وحنا ماندري ...

منيرة "بضحكة " :هههههههههههههههه هههههههههه وانت بعد تحس ان الاسم يناسب رقاصه ؟؟

فهد " باستغراب" : ومن قبلي حس انه ينفع لرقاصه ؟؟

منيرة : من غيرهااا شوشو ..

فهد "بنرفزة " : مالت عليك اللحين انا وشدرراني من هي شوشو " وهو بقلبه يارب تكون هي .. "يقصد مشاعل " "

منيرة "بعباطه : مرت اخوك مشاعل .. فهدوووه نسيت ؟؟ تبيني اذكرك ؟؟

فهد "تنرفز من كلام منيرة بس طنش وحاول يستدرج " : وليه يعني هي تكره هالاسم ؟؟

منيرة : ايه .. ودوم تقول لي " وهي تقلد صوت مشاعل وطريقتها ودلعها " <<< بس اللي مايعرفه فهد ان مشاعل صحيح انها دلووعه بس دلعها

مختلف دلع طبيعي له طعم ثاني وتأثير حلو للي حولها ..رغم كل المشاكل اللي مرت فيهاا .. ورغم طبيعة اهلها الا ان دلعها مهب ماصخ لا دلع رباني

مثل جمالها .. يمكن هالدلع نابع من طبيعتها الشفافه .. ورقتهااا ..

عدنـــا

منيرة : ايه .. ودوم تقول لي " وهي تقلد صوت مشاعل وطريقتها ودلعها " : منووورة قولي لي عباس ولا حمدان ولا أي شئ لكن لا تقولي شوشو

ماااحب ..

فهد " ودققات قلبه كل مالها تزيد لدرجه يسمع فيها صوت منيرة واطي رغم ان منيرة صوتها ماشاء الله مسموع و مايحتاج " ..

فهد : لهالدرجه يعني مب عاجبهاا ,, زين شتبنا نناديهاا ؟؟؟

منيرة : وانت شكووو على قولة اخوانا الكويتين ؟؟

فهد"حاول يستدرك الوضع " : اقصد هي شتبيكم تنادونها اذا ماكان شوشو اجل شنو ؟؟

منيره "تقلد مشاعل " : اهااا ..

فهد : شفييك تتدلعين .. ترا دلعك مثلك ماااصخ ..

منيرة : والله انا ماادلع اناا اقلد شوشو حبيبتي ..

فهد "اكيد الدلع عايها حلو دام اللي شفته .. جمال ساحر .. خلاب " <<< حشى صاير منظر طبيعي لوووووووول ..

عدنــا

منيرة "بعفويه" : زين فهدووني متى نصل ؟؟

فهد "غيرت مجرى الكلام خلى فهد ينقهر" : ساعه وان شاء الله وحنا بقلب الرياض ..

منيرة : بكرا وراك دواام ؟؟

فهد : ايه ..

وصلنا الرياض ووصلت منيرة بيتها اصرت اني انزل انوم وارتاح شووي لكن رفضت .. ونا بطريقي .. عند الاشارة كنت مسرح بطيف الجميله ..

اللي قهرني اني تذكرت انها مرت اخووي يعني.. " ونا باخذ اللفه من عند الاشارة ماانتبهت للسيارة اللي جت وصار اللي صار .. بس الحمد لله جات

سليمة "


^^^




.
يتبع

[اخت البطه]

الحــلــقــهــ الســابــعــــ :-

" خاب أملي ,,, من قال اني احبهااا ؟؟؟ مـــاجد "

يا وقت وش باقي حزن تخفيه ؟؟

أظن حزن الناس كله وصلني !!

كل التعاسه والألم عايش أنا فيه

!!حتى الأمل خيب بها اليوم ظني !!!!

Xxxx

فهد

قربت مني .. و شالت عينها عني ,, ونا عيني منيب قادر اشيلهاا ,, وراء هالحجاب وهاللثمة ,, رقة وحلا ..

سمعت صوتها الرقيق ينطق ويقول : الحمد لله عالسلامه فهد .. مادريت ان اسمي بهالحلا ,, ياحلوو اسمي لانطقها

شفاتها ,, " وهو يتذكر شكلها يوم سلط الكشاف (المصباح) عليها وهي حطت ايدها على عيونها من قوة النور ..

شاف شفايفها الرقيقة ترتجف ,, وشوي شوي نزلت ايدها "كنت اقوول يوم يوصفون العيون بعيون المهااا يبالغون ,, اثري فيه عيون

احلى من عيون المهااا ,, تأكدت انها مااعرفتني لان النور كان قووي عليهااا وهي ترنحت بالارض بالم وتئنن ,, حتى وناتها رقيقه ,,

<<<< طيح الميانه الاخو حسباله نانسي عجرم ولا هيفااء وهبي يقز فيهااا <<< يخسوون مايجوون بجنبهااا شئ ..

نجود "بهمس في اذني " : فهد اخووي ,, حبيبي شوي شوي عالبنت تراها ماتتحمل ..

فهد " بصراحه انحرجت من كلام نجود .. اخاف اكون زودتها .. ولا طيحت المياانه" <<< بدرررري : احم .. شتقصدين ؟؟

<<< يسووي فيهاا الاخو بريء و هو بطريق والبراءه بمدينه خخخخخخخخ

نجود " وقصدها شئ ثاني بعيد عن مخيلة فهد ,, لكن المسكين من ربكته لانه عارف ان اللي هو فيه غلط " : اقصد أرفأ بها

مسكينه متعنيه تجيك و تحمد لك بالسلامه ,, وقالت عنك كلام واايد .. "نجود كان ودها تحبب فهد بمشاعل وتغير فكرته فيها ماتدري انها

بهالطريقه بتفتح ابواب ثانيه بتجيب رياح وعواصف <<< الله حمدة جغرافيه لوووول

فهد "بسرعه ولهفه" : شقالت عني كلام واايد ؟؟؟ بسرعه شقالت ؟؟

و الحمد لله ان نجود مافهمتها لهفه شووق ,, الاخت فهمتها لهفه للهواش" : فهد حرااام والله .. رد عليها اقل شئ ,,

.. ان بعض الظن اثم يااخوي ,, لا يكون هالحادث بسبتها ..

فهد " بخوف من نجود تكون فاهمته " : شلوون .. شقصدك ؟؟

نجود " بعفويه" : يعني من حوبتها و ذنبهاا ,, ربي رد لها حقها و يفتح عيونك ..

فهد داخله وبينه و بين نفسه" والله اخاف كرهي لها يصير شئ ثاني ,, "

فهد " بصوت رجولي جذاب " : الله يسلمك .. " حاول ينطقق اسمها ماقدر "

وبعدها بدقايق خرجوا .. ونا اقول .. شصار فيك ؟؟ شلوون افكر بمره متزوجه .. ومن اعز الناس لقلبي من اخووي ..

اعوووذ بالله منك يالشيطان .. تحلي بنظر بني آدم الحرام .. حبي لها حراام .. ومن قال اني احبهاا ..

فهد توه انتبه لنفسه .. وكأنه أكتشف شئ واستوعبه اكثر " اناا .. انااا .. معقول .. معقول احبها احب مرت اخووي ..

لااا .. من قال .. يمكن لفتني جمالها لان أي واحد بمكاني بينبهر بهالجمال .."

ولما خطر بباله ان ممكن حمد لو راح بدااله ذاك اليوم بالمزرعه كان

الحين هو شافهااا .. تنرفز من هالشئ ,, وكره الدنيا وضاق .. مايتخيل احد غيره يناظرهااا <<< الاخ يظن نفسه اول من شاافهاا ,, اجل لو دريت

ياافهداااني ان غيرك قبل شافهااا ,, لااا وازيدك من الشعر بيت كانت بحضنه بعد ,, وش بيكوون موقفك لو دريت ؟؟

غير انها زوجة اخووك ..

Xxxx

مــشــاعــل

مارد علي بالبدايه حسيت وجهي طاح من الفشيله والاردى انه قاعد يناظرني طول الوقت ,, حشى مابقى شئ فيني الا شاافه .. مو صاحي .. اكيد

يحتقرني ,, ولا ليش بالبدايه مارد علي الا لما سمعت همهمات و همسات نجود .. اكيد هي اللي قالت له يرد ولا لو على نفسه كان مارد ..

ياربي مدري ليه هالرجال مايحبني ؟؟؟ <<< و الله انك ضعيفه ماتدرين شصااار ؟؟

,, لما رد علي ظل يناظرني ,, لا يكون فيني شئ غلط ,, ايه اكيد يطالع عبايتي ولا لاني متلثمة ,, طيب شسووي مااعرف البس زيهم (مثلهم)

احس اني مابشووف لو غطيت عيني ,, والله اني اتلثم مو عشان اتغازل او حتى اجذب احد ,, بس لاني مااعرف غير اللي تعودت عليه ..

^^^

^^^

بعد دقايق طلعنا مابغت نجود ,, وربي احراج الدنيا فيني ,, استغفرالله الحين ازور اخو زوجي واعرفه و زوجي للحين مااعرفه ..

خرجنا كلنا من المستشفى ووصلنا البيت .. وش اقوول وش ابقي ,, كنت اظن بنبات بفندق ,, اثري عندهم فيلا بالرياض ..

والله حركات .. ماشاء الله عليهم ,,, على قولة شيووخه عندهم خير ..

وش اقولكم عن البيت صحيح انه حلوو ,, بس اللي بالقصيم احلى بكثير رغم ان هذا فيه مسبح وحضاري اكثر ,, بس انا امووت بالاشياء القديمة

نجود خذتني لغرفه جنب غرفتهااا ,, وقالت : شعووله هذي غرفة اختي لولوه زمان و بعدها صارت لمنيرة والحين خذيهاا ..

مشاعل " بحيا " : شكراا ,, بس هذي غرفة اختك كيف اخذهاا ؟؟؟

نجود : شعوووله ,, عندنا غرف كثير للضيوف ,, وانتي اختي ,, زين ومنتي بضيفه يعني الغرفه اللي تبيها دخلي فيها وخذيهاا ..

نجود "بتعب " : تكفين ,, تعبااانه وابي انوم ..

مشاعل " قدرت تعب نجود ,, رحت الغرفه ,, بدلت ملابسي وتوني بدخل الفراش الا الباب يدق .. استغربت ,,فتحت الباب .. وكانت نجود وخرتني

بيد وباليد الثانيه شايلة مخدتهاا .. ولابسه بجامتهاا .. حطت مخدتها بالسرير ودخلت تحت اللحاف وناا لساتني عند الباب اشوفها شتسووي

وابتسمت على حركتهااا .. اللي يشووف نجود مايقول ان عمرها 24 سنه "

ورحت لمها و تغطيت و نمت ..

: يالله عاد وش ذا النوم اعووذ بالله ولا أصحاب الكهف ,,

مشاعل " ونا مغمضة عيني وسامعه الصوت ..مو غريب علي "

فتحت عيني والصورة اتضحت ,, ابتسمت بفرح : منورة ..

منيرة : لااا خيالهااا .. شوشو اعطيك الحين بذا المشط براسك لاجل تفووقين ..

مشاعل " قمت من مكاني وعانقتهااا .. وضحكت ,, وهي بعد ضحكت "وقالت : يعني بتقولين لي لهالدرجه وحشتكم ؟؟

نجود "بضيق" : اعوووووووووووووووذ بالله ,, ماصدقت افتكيت منك ,, انتي وراي وراي ..

منيرة "بنص عين .. تسوي فيها تكلمني ,, وهي تقصد جود" : الا ماقلتي لي ياشوشو ,, شفيها كشتك طالعه ,, تخرعين ,, اخاف على عيالي لا

شافوك ..

مشاعل دوبني استوعب ,, وقفت و قلت بسرعه : منوورة عيوني ,, ضي وضياء هنااا ؟؟

منيرة : اممم حبي راسي بقولك ..

نجود "بقهر": منووورة بالنذاله و المعايرة مافي مثلهااا ..

منيرة "اعتدلت بجلستها و بدءت الحرب " : لا والله .. الحين انا بالنذاله مافي مثلي أجل انتي وشووو ,, انتي النذاله بأصلها تذكرين يوم كنا

بالمدرسة شسوويتي ولا أذكرك ,, هااا ,, تشهدين علي يالنذله وتنفذين بجلدك ..

نجود " بنرفزة " : يااامنيرررووه نسيتي انك انتي راتسبتس الغلط راتسبتس ( راكبك الغلط راكبك ) قلتي لي انك مابتتركينهاا ,, صح ولا لاء ؟؟

<<<< اخخخخخخخخص يالدم ,, قصيمي مااااتقدر تترك اللهجه ..

والأدله كلها كانت ضدك

منيرة " بإستهزاء" : لااا ,, مادريت اني بمحكمه وحضرتك الدفااع , وضدي ..

مشاعل " ونا على قول اختي مشاعر قطريه ضاايعه من قلب وسطهم ... " : بنات اصواتكم عليت , وماما على مااعتقد تعبانه ومو ناقصه

وسكتوا الاثنين ,,

وبعدها كملت :انا مدري شبينكم ,, ولا ابي ادري ان كنتم بهالطريقه وهاتعامل ,, وانتم كبار كفايه ..

بعدها نجوود "توجهت للحمام عزكم الله "

منيرة " حسيتها متضايقه ,, ونا مثل ماتعرفون ماحب اللقافه فمااسألتها رغم اني قلقانه عليهاا "

مشاعل " حبيت اخفف التوتر " : منوورة امممم من جد جبتي بزورتك ؟؟؟

منيرة طالعتني وبعدهااا : هههههههههههههههههههههههههه هههههههههههههه

مشاعل " استغربت ,, لكن استانست لانها ضحكت " : قلت شئ يضحك ؟؟

في ذا الوقت خرجت نجود وطالعت فيني ونا مازلت مستغربه ,, بعدها قالت منيرة : نجوود تدرين مشاعل شقالت .. <<< و لا كأنهم توو متهاوشين ..

تقول عن البزران ,, بزورتك ..

هنا نجود تضحك .. هههههههههههههه ههههههههههههههه ههههههههههه ومعاها منيرة

مشاعل " ونا حاطه وجهي على يديني بمللل من ضحكهم " : هااا خلصتم ,, ممكن اعرف شفيها كلمة بزورة ؟؟

رجعوا يضحكوااا ههههههههه هههههههههههههه ههههههههه

مشاعل : يارررررررربي ,, خلص .. تركتهم ورحت بالحمام عزكم الله ,, خرجت وماكانوا موجودين ..

لبست تنوورة جينز تحت الركبه وبلوزة ربع كم لونهاا بلون الخربز .. وخرجت .. مشيت محل مارجلي توديني لاني مب عارفه وين اروح ..

ونا اطالع حولي ,, أشوف اجمل اثنين بالكون ,, يانااااس عليهم يهبلوووووووون ,, يااالبووو عليهم .. ماانتبهوا لي ..

قربت منهم وبهدؤ .. وابتسامه حلوة لاحلى اثنين <<<< صلووو عالنبي يااناس عاد الا ذوول عصاافير مشاعل ,, اللهم صلي وسلم عليه

لا ينحسدوون ..

مشاعل :السلام عليكم ي احلووين ..

ناظروني بإستغراب الاول وهو ولد واظنه ضياء الا مااظن انا متأكده انه ضياء : وئليكم السلام ..

والثاني كانت بنت وهي ضي بصوت هامس وحيا : وعليكم الثلام ..

ماشاء الله تبارك الرحمن يهبلوووا ماشفت احلى عنهم بحياتي والله اني ماابالغ انتم لو شفتوهم تقولون ياحليل امهم فيهم ... مااحسهم يشبهون

منيرة ,, صحيح ان منيرة قمر وهذا مايختلفوا عنه اثنين ,, بس أطفالها حلوووين بالحييل ..

مشاعل : انت ضياء ,, وانتي ضي .. صح ؟؟؟

ضياء "بثقه حلووة وبرجوله تهبل" : ايه نئم ( ينطق العين الف ) <<< حشى صااير هندي الولد ..

مشاعل "بمرح " : تدري انك قمر ؟؟ وعسل و قشطه .. ,, قربت من خده وبوسته"

لو شفتوا الولد صار طماط ,, هذا كله من البوسه ,, اجل لو ضميته شبيسووي ؟؟

ضي "ببراءه": ههههههههه هههههههه مثيكين باثتك (مسيكين باستك)..

مشاعل "بضحكة ونا اقلدها" : ههههههه .. زين ليث مثيكين ؟؟ "وبوستها هي بعد " وهنااا ضياء قام يضحك قال بيرد لها الحركه ,,

مشاعل " ضحكت عليهم اثنينهم " : طيب ممكن نتعرف ؟؟؟؟ <<< تسووي محترمه ,, احلى يالرسمــيه ..

مشاعل " ضحكت عليهم اثنينهم " : طيب ممكن نتعرف ؟؟؟؟

ضياء : زين انتي تئرفينا حنا مانئرفك .. ( انتي تعرفينا ,,حنا مانعرفك ) .. << الولد متأثر بالسوااق لووووووووول

ضي "بخجل " انا اعرفها ..

ضياء: سلوون (شلوون) ؟؟

ضي : امي علمتني ..

ضياء: كذابه ..

ضي: انا مب تذاابه ( كذابه ) ,, انتي ثوثو مرت حالوو مزوودي ( انتي شوشو مرت خالو مجوودي )

مشاعل "بوناااسه على كلامهم اللي زي العسل " : ايه صح ,, انا مشاعل مرت خالو مــ .. وما قدرت انطق الاسم ..

ضياء: سفيك (شفيك) ماتئرفين تقولين مجوووودي ..

مشاعل "قلتها بحزن تمثيلي ,,بغيتهم يرتاحوا لي": لا مااعرف ,,

ضياء : ذين (زين) قولي مئي (معي) م ج و د ي ..

مشاعل " والضحكه فيها " : م ج و ...

قاطعتنا نجود : انتي هنيه ,, و منيرة تقول يمكنها ضيعت ,, اثريك مع هالقروود .." اعتفست ملامحهم الاثنين"

مشاعل : حرام عليكي جود والله انهم احلى من القمر .. " ابتسموا ثنيناتهم" .. يالله نروح لماما ..

ومسكت ضي من يد وضياء من يد رغم ان ضياء حسيته مايحب بس سويت نفسي مو فاهمه ولا منتبهه لحركاته ..

رحنا لمى المطبخ وكانت منيرة هناك جالسه على كرسي وماسكه بايدهاا كووب ..

مشاعل : مساء الخير .. ياام القمرين .. والله انهم اسم على مسمى ..

منيرة " بغرور" : ايه ادري دامهم عيالي طالعين علي قمااري ..

نجود "باستهزااء" : هه ايه صح ,, والله انهم يشبهوون اخوي ماجد ولا الحلا وين وانتي ووين .. سكتي منورر بالله سكتي ..

منيرة "بشهقه " : الحين يااانويجيد انا وين والحلا وين .. مااقول غير الله يخلف عليك .. سباااااله ..

نجود : تسووين فيهاا امااراتيه ,, ماتجين مثلهم ,, هم رزه وانتي الحمد لله و الشكر ,, الرزة والثقل بجنب وانتي همبعد بجنب ثااني ..

منيرة : والله يانجود و صار لك لسان .. الــ ..

قاطعهم ضياء " بملل " : يااااالبي (ياااااربي) انتم دووم هواااس (هوااااش) رحماااك يالبي ( رحماك ياربي )

مشاعل : هههههههههههههههههههههههه هههههههههههههه حتى الصغار ملوا منكم و من هواشاتكم ,, على الاقل بطلوا هواش قداامهم ..

ضياء : هريم ستبين فيهم ( حريم شتبين فيهم )

منيرة : ايالحمار الحين تطنز على امك .. اووريك يالبطريق ..

مشاعل : منوورة عاد كله ولا ضياء ماارضى عليه .. ضياء قلبي انا بعد حرمه يعني مثلهم ..

ضياء : لاااا انتي اهلى ئنهم ( انتي احلى عنهم ) ,, هم بس يهااوسوون ويتهااوسون ( يهاوشوون ويتهااوشون )

مشاعل : هههههههههههههههه

منيرة "بقهر" : ضحكة بليا ضروووووس قولي اااامين ..

ضياء : بئدووينهاااا .. واللي يكرحونحاااا ( بعدوينهاا واللي يكرهونهااا ) << معلومه : ضياء يقول عن الهاء حاء والحاء هاء ..

: لقيتي من يناصرك بين المهبل "وهي تقصد منيرة و نجود "

جرت ضي تسابق ضياء لماما ..

و ضي تقول : جدتي ,, احبت ( احبك ) ,,

ضياء : ونا بئد اهبك ( وانا بعد احبك ) ..

ضي "بعناد " : بث انا احبهاا اتتر ( اكثر ) ..

ماما : ونا بعد احبكم كلكم اكثر من هالمناااقر .. " تقصد نجود و الملقوووفه منوورة >> هذي تذكرني بوحده اسمهااا هلوونه ,, خخخخخخخ

مشاعل : هههههههههههه هههههه ..

منيرة ونجود ويا بعض : ضحكة بليا ضرووووس قولي ااامين ..

مشاعل "بابتسامه" : آآآمين ..

الكل ناظرها مستغربين إنها دعت على نفسها و قالت امين ..

ام فهد : مشاعل يا يمة مايجوز تدعين على نفسك ..

مشاعل : من قال اني دعيت على نفسي .. بس امنت (يعني قولت امين ) ,, الا ماما كيف فهد ان شاء الله تمام >>> قال تصرف .. ماتعرفين ..

ماما "فهمت تلميح مشاعل ,, وهالشئ حز في نفسهاا ,, وقلبهاا قزهاا " : توني كلمته و قال بيطلعونه اليوم بالعصر بيمر عليه الطبيب

وان خلص كشف بيطلع ..

نجود : يمه من بيجيبه ؟؟؟

ماما : اظن انه ماجد ,, اذا ماوراه دوام بيجبه واذا عليه دواام ..

قاطعتهااا منورة كعادتهااا : خلص بكلم سعوود يجيبه ..

نجود "بنص عين" : منووور سمعتي شقالت امي ماجد بيجيبه ,, واذا ,, اذا ,, سمعتي شقوول اذاا ماعنده دوام بنكلم سعوود ,,

ارتاحي و ريحي الرجال شووي ..

ضي و ضياء : اففففففففففففففففففففففففففففف ..

وانا و ماما نطالع بعض : ههههههههههههه ههههههههه

جلسوا ماما و نجود و منورة و يابعض .. يفطروون ونا فضلت اروح مع ضي و ضياء برا بالحديقه وجلسنا ويابعض سولفنا تكلموا عن نفسهم

وش يحبونه وش لا .. وعرفت عنهم اشيااء كثيرة ,,<<< بعدين بتعرفونها مع العشرة معي بالقصه ..

بعدها ضي كانت جوعانه ,, قلت لها تمي هني مع ضياء ونا بروح اجيب لك شئ تأكلينه ..

رحت المطبخ ونا عند الباب توني بدخل ,,, سمعت اللي ماتخيلته ,, وخاب أملي ومن الصدمه .. ضليت بمكاني رجولي ماعاد تشيلني ..

؟

؟

؟



#####
نرووح لمكان ثاني برياض المملكه و بالتحديد بمستشفى الــ ....

Xxxx

فهد

زهقت ونا بالمستشفى رغم ان خوويااي ماقصرواا معي وبالشغل الشباب جووه زاروني ,, وقعدوا معي .. لكن مدري شفيني احس اني ضايع

وتفكيري همبعد ضايع مثلي ,, كنت مرتاح بحياتي شلي تغير ..

"وبداخلي اسمع حوار بيني وبين ضميري " الضميـــر : اللي تغير يافهد انك شفتهاا ..

فهد : وش يعني شفتهااا؟؟ مثلها مثل غيرهااا ,, ماهمتني ..

الضمير : هههههههه تضحك على منووو ؟؟ فهد انا ضميرك انا قلبك و روحك ,, وادرى منك ..

فهد : امي تبيني اجي البيت .. شلوون بجي وهي فيه ؟؟

الضمير : فهد الحق على نفسك ولا تتوهم بأشياء ,, مستحيل تكون وااقع .. لا تحااول ترراها لغيرك ,, لاخـــوووك ..

... : اللي اخذ عقللك ,, اكيد مهب انا " وابتسم " ..

التفت فهد ناحية الصوت " بصدمه " : م.. مــ .. مـــــــــــــــــــــاجــد .. ^^^




--------------------------------------------------------------------------------

[زغاريد صبايا]

يعطيك العافيه بطوطه على القصه
بصرااااحه تجنن ورووووعه
بس تقهر
تحياتي لك

[اخت البطه]

المشاركة الأصلية كتبت بواسطة زغاريد صبايا

يعطيك العافيه بطوطه على القصه
بصرااااحه تجنن ورووووعه
بس تقهر
تحياتي لك

تسلمين حبيبتي على المرور

[لحن الورود]

المفروض فهد مايفكر بمشاعل

لانها زوجة اخوه

ان شاء الله فهد يصحى على روحة ولا يفكر بمشاعل

ننتظرش حبيبتي ... و لكن بسرعة ترى

ماقدر اصبر اكثر