عتبي على إدارة القبول في الجامعة

[saudirakd]

السلام عليكم ورحمة الله،،،
تحية طيبة لجميع الأعضاء،،،

كحال كثير من الطلاب إلي قدموا ع هذا الترم، وصلتني اليوم رسالة تفيد بقبولي في الرغبة الأولى وهي إدارة اعمال بعدما تم رفضي سابقاً في رمضان..

في الحقيقة أول ما شفت الرسالة فرحت ولكن بنفس القدر زعلت وكنت ع وشك أن امسح الرسالة لكن تعوذت من الشيطان..

إلي خلاني أفكر أني أمسح الرسالة هي الطريقة إلي تم بها القبول.. في البداية نقدم ويقولون آسفين مالك حظ معانا وأنسى كل احلامك وطموحاتك.. والحين يقولون خلاص يلا ترى قبلناك بس هاه ترى معاك 4 أيام علشان تسدد وترسل أوراقك..

ما هذا التعامل يا إدارة القبول..!! لماذا تستخفون في عقولنا.. في لحظة ترمون بنا في القاع.. ثم تصعدون بنا للقمة..

أستغرب هذا الأسلوب في التعامل من جهة أكاديمية كان المفروض أن يكون تعاملهم أفضل من ذلك.. كان المفروض أنهم يتعبون ع نفسهم شوي ويزيدون سطر يوم أرفضونا ويقولون أنه فيه أمل لقبولنا في حال الانسحاب أو بنكون في قائمة الأنتظار او اي شيء بس ما تكون بهذي الطريقة، كثير مننا بعد ما خذا حسابه مادياً ولازم يوفر 2475 في خلال 4 أيام ولا ذنبه ع جنبه..

أتمنى أنهم يلاحظون هالشيء ويتلافونه في السمسترات القادمة علشان ما ينصدمون إلي بيقدمون عقبنا مثل ما أنصدمنا حنا..


في الحقيقة ما حبيت أنها تكون أول مشاركة لي معكم بهذا الشكل لكن الظروف حكمت..
أعذروني ع الاطالة.. واتمنى انك تقبلوني عضو جديد في إدارة الاعمال.. وربي يوفق الجميع..

تقبلوا تحيتي،،،

[سفير الشرقية]

اهلاً وسهلاً بك اخوي الغالي ..

الف مبروك القبول .. وعقبال التخرج يارب ..

والله من كثر الضغط اللي تواجه الجامعة في عملية القبول والتسجيل .

تخيل السمستر اللي راح 11000 طالب وطالبة .. إنتساب فقط . سمستر واحد ..

يعني يبي لك تطول بالك وتوسع صدرك ..

أهم شي انك قبلت في التخصص اللي أنت تبيه .. ومن ناحية توفير المبلغ بعد بكره الرواتب وفيه مجال . أنك تسدد في نفس اليوم وترسل أوراقك يوم وهي عندهم ..

أبارك لك مرة ثانية ,,, والله يوفقك .. وخل أملك كبير ..

وحياك الله عضو نشيط تفيد وتستفيد ..

أخوك سفير الشرقية ..

[saudirakd]

يا هلابك أخوي سفير..
الله يبارك فيك.. وعقبال تخرجنا أجمعين باذن الله..

والله يا الغالي أقدر رأيك والتسامح مطلوب لكن مو في كل شيء.. أحياناً لازم تتكلم وتعاتب علشان يتم اصلاح الخلل..
إدارة القبول أخطأت بحق الجميع يوم انها ما نبهتنا وهي عملية سهلة جداً وكلها سطر زيادة..
ما أبي أتكلم عن الضغط إلي يعانونه لأن هذا الامر لا يعنيني وهو عملهم وكل الجامعات في المملكة ما يقل عدد إلي يقدمون عليها عن جامعتنا..
أما بالنسبة للرسوم الراتب نزل من زمان وصرفناه لكن ابشرك استلفت وضبطت الأمور :)

الله يوفقني وياك.. وإن شاء الله الجاي أكيد بيكون أخف من إلي راح..

[أوراق منثورة]

مبرووك القبوول.. وان شاء التخرج بامتياز ,,

بالتووفيق يارب..

[لبنونه]

مبروك واقول لاوراق منثورة باللة لاتطلعين انتى بعد وتنسحبين مثل الى ماابى اقول اسمائهم خليك معناااااولاتغيرين رايك تعودنااا عليكم

[الفهّــاد]

يعني يمدينااااااااا....او رجعت الدراهم صعبه




الله كريم’’

[رنو]

المشاركة الأصلية كتبت بواسطة الفهّــاد

يعني يمدينااااااااا....او رجعت الدراهم صعبه




الله كريم’’

يمديك أخوي تستلم الدراهم

[زيـــزومــ]

Saudirakd أولاً مبروك القبول ثانياً معليش طول بالك عادي ترا صارت أخطاء اكبر من كذا معانا منها الغموض في اللي بالجدول الدراسي وسالفة الـ15 حقت الـSMS والبلاك بورد المعلق وعدم إرسال الرقم السري للجوال معليش معليش يبيلنا نمشي على قاعدة BTB اللي هي BبدكTتطولBبالك

بيبداء الترم وبتنزل المحاضرات وان شاء الله يتلافون الأخطاء لاحقاً
موفقين أن شاء الله

[قمر السعودية ~]

الف مبروووك اخوي saudirakd عالقبول
ومعليه طول بالك بكل مكان تحصل هاللخبطه والحمدلله انهم قبلوك بنفس هالسنه وماتهدمت احلامك وطموحاتك والله كتب لك تدرس وتحققها

[كلك حركات]

الف مبرووك القبول

لسسه ماشفت شي البلاك بورد معلق وموقع الجامعه زي الزفت مايتحمل الزحمه

مششش حتقدر تغمض عنيك