نصف مليون ريال راتب لاعب واحد من لاعبي المنتخب السعودي

[طالب منتسب4]

المشاركة الأصلية كتبت بواسطة سلمان اللحيدان

هذا والله الفساد الإداري والمالي ليلة البارح كنت أتابع برنامج وذكر فيه بأن راتب مدرب المنتخب رايكارد 37000،000 مليون ريال سنوياً!!!!!! يعني بالشهر ثلاثة ملايين وثلاثة وثمانون ألف ريال ريالاً عداً ونقداً !!!!!!!!
ارجوكم لا يقل أحدكم هذا لايعنينا والله يرزقهم!!!!!!
بل يعنينا ويخصنا فهم يستلمون تلك المبالغ الطائلة من مالنا نعم من مالنا!!!! رعاية الشباب قطاع حكومي وليس قطاع خاص ليؤمن مصادره المالية من تلقاء نفسه وهذا يعني بأن الرعاية تستقطع من وزارة المالية نصيب لايستهان به من الميزانية والميزانية يدخلها مبالغ مهولة من أموال المواطنين من فواتير كهرباء وماء واتصالات وضرائب المرور والجوازات ومصلحة الزكاة ومكاتب العمل والبلديات والجمارك وووووووووووووو
هذا بخلاف أن الرئاسة العامة لرعاية الشباب هي من القطاعات القليلة بالدولة التي تستفيد من بند ملعوووووون اسمه بند التشغيل والصيانه وهذا البند لمن لايعرفه هو أشبه بالرمال المتحركة ويستنزف من أموال الدولة ماهو كفيل بأن يجعانا قادرين على بناء أكثر من دولة قائمة بذاتها داخل بلدنا!!!!!! يارجل شئ فظيع حسبي الله على من يعلم ولايحرك ساكنا،،،،،،،،، سؤال لماذا الرئاسة العامة لرعاية الشباب ليست وزاره؟؟؟؟؟؟؟؟ أتعلمون لماذا كي لايكون لها مخصصات معلنة بموازنة الدولة وكي لايحاسب رئيسها من قبل السلطات العليا كونه ليس وزير وكي لاتطاله مراقبة الديوان الملكي ولكي ولكي ولكي آآآآآآآآآه من الفساد والله لأني أحزن على نفسي وعلى المواطن المسكين بالله بأي منطق يكون راتب العسكري أو موظف الأحوال أو الجمارك أو حتى المعلم والمعلمة يتراوح مابين ا ل 5000 وال 20000 الف وراتب خالد عزيز مثلا 80،000 ألف ريال شهريا لي قريب كان لاعبا واعتزل العام الماضي وأعرف بأنه يستلم شهريا 175،000 ألف ريال ويملك ثلاث فلل أي منطق هذا بل أي ظلم!!!!!! ولي قريب والله العظيم بأنه يستلم راتب تقاعدي 1800 ريال وعسكري خدم قرابة ال23 سنه حسبي الله ونعم الوكيييييييل

يا سلام عليك تعجبني الناس الفاهمه
انا قبل فتره اسمع كثير انهم بيحولن الرعاية الشباب لى وزارة مثل جميع الدول بس ما فيه امل
عندك ناس تبي تاااكل بل الكريك سرق ملييين وياليتهم يفزون ولا ينجزون والمواطن والعسكر متلحط ههههها
مااقول الا اللهم لك الحمد على نعمة الاسلام و الامن

[سلمان اللحيدان]

المشاركة الأصلية كتبت بواسطة hdhirlogia

لا لا كلامك مو صحيح إلآ إذا كانت من تحت الطاوله ..

في عام 1431 لا اعلم في اي شهر كان .. تم رفع سقف الرواتب للآعبين إلى 30 ألف ريال شهرياً

حبيت أصحح المعلومه فقط

ولك مودتي

اعطيك معلومه يالغالي استاد الملك فهد تم افتتاحه عام 1408 وكل سنة يصرف له مبلغ 28000،000 مليون ريال وهي عبارة عن صيانة وضيافة واستضافة الوفود الرياضيه ولنا الآن 24 سنه اضرب المبلغ بعدد السنين تقريبا 6 مليار و720 مليون ريال!!!!!!!!!!!! وهذا حسب كلام مدير الاستاد سلمان النمشان بالله أي صيانة حدثت للاستاد والله لو انهم يزرعونه كل نصف موسم يارجل خلك أعقل

[سلمان اللحيدان]

المشاركة الأصلية كتبت بواسطة بنت الشمري

ماشاء الله عليهم مبالغ عاليه اجل بروح اسجل ايه صح مايصلح لنا

اجل ببحث عن واحد المذكور اعلاه اذا يبي له مره

ياسيدي الله يهنيهم فيها كله من تعبهم ومراكضهم ورى هاالكوره

ترى السالفه ماهي سهله

يعطيك العافيه اخوي على النقل

كله من تعبهم !!!!!!! والله اللي يتعب انا وانتي يابنت الحلال خالي بالدفاع المدني دوامه يوم بيوم يعني لو خدم بالدوله 30 سنه يكون ثلث عمره دوام والثلث الثاني نوم والثلث الاخير عند اهله هذا والله اللي يتعب مو اللعيبه

[طالب منتسب4]

المشاركة الأصلية كتبت بواسطة طلال المالكـي

اخوي طالب منتسب نسيت اذكرلك نقطه مهمه
انت تتوقع مثل مايدور في الااذاعات والصحف ان المنتخب تشبعوا واصبحوا لايقدمون مستوى
انا برأيي ان هذي هي امكانياتهم وهذا كل مالديهم واكبر دليل ناظر بالدوري الاسباني والدوري السعودي او الخليجي....... تجد الفرق في الامكانيات والجمهور وفي المتعه والحماس وفي سرعة تناقل الكره حتى في سرعة البديهه ... اما في ملاعبنا عكس ذلك الجمهور 300 مشجع وتصوير خايس وحكام اسوأ واللاعب يجيبونه من حاره ويقولون له قدم مستوى ...اي مستوى تتكلم عنه وهناك في الملاعب الاوروبيه يتبنون اللاعب وهو ماتجاوز عمره الخمس سنوات وياسسونه صح ويطورون مهاراته حتى يصبح لاعب ناضج يعرف وشلون يتعامل مع الكوره .

تحياتي

ونسيت اقولك لو الجمهور شخصين
فيه مال + ادارة + لعيبه تعطيك نتيجه
ومثل ما قلتي سرعة التنقل والفلسفه هذي جت من الادارة والشغل والاماااااااااااانه اهم شي
مدارس اكادميه على مستوا عالي وهنا متوفر المال والمدرب يقلون تخيرو ما شاء الله بس للا سف ما عندك اداره صح ولا فيه اماااااااانه

وبذكرك قبل على ايام يوسف الثنيان وسامي و صالح انعيمه وماجد والمحيسن
ايام البطوللااات والتاريخ يشهد ما اقلك اني اذكرها بس التاريخ يذكرنا

[سرادق]

ياليت انا معهم قسم اسحب على الدرسه واهلها كل هذه الفلوس عشان كوره يركضون فيها يمين ويسار

[3zez]

الشهادة مالها دور ؟