جااا وقت الفضفضه ياجامعة فيصل >>امحق من جامعه

[متألقة]

السلام عليكم اختي قمة الأنوثة

صراحة الجامعة مسهل كل شي والدراسة فيها جدا ممتعة وجدا سهلا بالنسبة للباقي كل شي واضح مثل عين الشمس ولكل مجتهد نصيب

[بوح نبضي]

وعليكم السلام وصباحكم أنآآقةةة


حبيبتي الطالب الجامعي غير الطالب في الثانوي والمتووسط والابتدائي << عشان يحدد لنا الدكتور الاسئلة والكتب والمنهج وما الى ذلك..


يعني تعاون من الدكاترة حددوا محتوى وقالوا الاسئلة ماراح تطلع منة ماقالووا مرااجع..!


الحمدلله الجامعة مسهله علينا كثييير >> والخطاء والنقص شي وارد كلنا بششر.!


لو كل طالب اهتم من بداية الترم وفتح المحاضرات وذاكرها مااراح يشكي ويقول الاسئلة صعبه ومن هالكلام.. >> طبعاً هذا ماايخلينا ننكر ان بعض الدكاترة عطونا اسئلة دقيقة وتلحس الراس.


احنا درسنا بفلوسنا وبإرادتنا ولا أحد جبرنا يعني هذا دليل على طموحنا ورغبتنا بالشهادة الجامعية وهدفنا طلب العلم موو كلها نبي مسمى جامعي فقط<< طبعاً اكيد البعض بس اعتقد الغالب ..


إنتي طمووحة والدليل تغلبك على العوائق اللي مريتي فيها فكملي مشاوارك وان شاء الله نشووفك جامعية قد الدنيا..

[نور القحطاني]

اممممممم ما ادري ايش ارد
لـــــــــكـــــــــــــن
اشوف الدراسه عن بعد بكل عيوبها حلوه مررررره لان ماكنا نحلم نكمل دراستنا لان ما فيه جامعه بتقبل تدرسك بعد ماصارلك اكثر من اربع سنوات وقد يكون ازود من كذا
الحمد لله على هالنعمه ..

[قمة الانوثة]

هلا وغلا فيكم اشكركم على ردوركم ولكن عندي تعليق على احد الاخوات الله يسعدها بقولها امن على الجامعه بفلوسي حبيبتي بخصوص اني امن فوالله ماجا على بالي ولاهو من طبعي المن ودرست برغبتي وربي ماهمتني الفلوس واني نويت اترك الدراسه قبل ماتبدا الاختبارات وكثير يقولون والفلوس اللي دفعتيها قلت ماهمتني ولكن بعد ضغوط من الاهل كملت لاني سبق درست وتركت دراستي وكنت من المتوفقات ولكن الحمدلله على كل حال اصبت بتعب كرهني بدراستي وبجامعتي ولكن مااستسلمت للتعب وسجلت بجامعة الملك فيصل وكنت متشووقه لها ولكن شفت شي غير المتوقع انا مانكر ايجابيات الجامعه ولكن سلبياتها اكثر انا الحين تكلمت بخصوص الملخصات اللي ضيعتنا مفروض يخصصون لنا ملخص واحد والكل يتفق عليه مو كل يوم ملخص وكل يوم مطلعين لنا شي محذوف وشي مدري ايش انابالنسبه لي ماعرفت وش اذاكر تشوش عقلي بالله شلون ننجح وهذي حالتهم بخصوص الاسئله نوع ما حلوه بس بعضهم يقول انتو غير مطالبين بالتواريخ وبعض الكلمات الموجود فيه انقلش وهذي اخر ماده كلها جات بايت ومدري وشو وانا شايفه انها مو معانا وكثير بنات معي اللي يدرسون يشكون منها صحيح الجامعه يسرت للكل بدراسه وهذا شي مانكره ولكن نبي حل لبعض الاشياء ولاانسى جهود الاخ هتان والاخت فجر الله يسعدهم بدارين .
اسال الله ان يوفق الجميع ويعينا على طاعته ويعينا على طلب العلم اللي هو حلمي ومشكورين على ردودكم اللي اسعدتني والسلام عليكم >> تعبت تكتب☺

[malak kh]

المشاركة الأصلية كتبت بواسطة فتاة الغد

خلينا نكون واقعيين الدراسه ماهي بذيك الصعوبه والاسئله بالامتحانات اغلبها مكرر والدكاتره في قمه
التعاون وكذلك الطلبه وربي حتى اسهل من دراسة الانتظام من وجهة نظري ع الاقل!

وبالاخير اقول (نعيب زماننا والعيب فينا)

اي والله ما جربوا نضام الانتظام الحمد الله مسجلين علينا واجد

[م ن ص و ر]

النبي محمد اطهر الخلق يقول ( اطلبوا العلم ولو في الصين)
اما فيه الصين على زمن الرسول اقول هاذا ماهو حديث لازم نتأكد قبل نقول احاديث عن الرسول صلى الله عليه وسلم ثانين اما بفلوسنا ندرس ويمنون علينا هاذي قويه يعني تبغين يا اخت كلي انوثه تاخذين شهادة البكلوريس وانتي جالسه عند الكوفيره مثلاً والا قاعده تتسوقين وفي اخر السنه يعطونك ثلاث اوراق لكل ماده ويلخصونها لك علشان ترضين صراحة الجامعه نضامها تشكر عليه وانا شخصياً وولله اني صادق استفدت من المواد الي درسناها من الثقافه الاسلاميه الى الانقليزي الى الصحة والياقه كل المواد على العموم لاكن ارجو لا نعلق فشلنا على شماعت الاخرين ولكي مني كل احترام وتقدير وطبعن اختلاف الرئي لا يفسد للود قضيه طبعن احنا زملا دراسه وبدون زعل

[Turning point]

اختي والله اترددت في ردي الاول اكتب اللي في خاطري والا لا بس العلم لا يقاس ابداً بالمال كوني ادفع لا يعني ان اكون الطالب المترف كوني ادفع لا يعني ان آخذ الشهادة بلا كد ولا ضغوط
معظم الدول التعليم العالي ليس مجاني ابداَ فهذا ليس من مسؤلية الدوله
انا حسيت من كلامك انه طالما انا ادفع لازم انا المتحكم بزمام الامور وهذا غير صحيح في العمليه التعليميه اعتذر لو كلامي زعلك لكن صدقيني كلنا في الهوا سوا تعبنا وجمعنا ملازم وعلينا ضغوط بس عادي العجله تسير ان شالله الى الامام واشوفك متخرجه واخذه اعلى الشهادات

[judy-abbott]

انا اقول زي ماقالت همس الصبا واخوي خافي الود وووو لايكثر

[مديحه]

والله ارفع راسي واظرب للجامعه تعظيم سلاااااااااااام بعدد
وربي انها احلى جامعه واتحدى احدن ينتقدها بشي
وكل اللي يشوفها وينقدها يكون الخلل به مو بها
الحممدالله مسهلين علينا كل شي
وربي بس مايبيلنا غير شويه اجتهاد وبسسسسس
وانا من ناحيتي مررا عجبتني الجامعه ونظامها وجعلها هيك دوم لين 4 السنوات ونتخرج انشالله


وعل طاري الفلوس ترا هالفلوس تسهيل بسسس يعني محدن يقدر يقول هالجامعه خاصه
اللي بيبي يدلع خلي يخش الجامعات ابو 45 الف بالترم ويتدلع ويترفه براحححته



كل الود

[آلله يسهلهآ]

* من زمان نزلت مواضيع كثيره بالمنتدى تقول اعملوا مقارنه بين محتوى الدكتور والملخصات عشان ما تتوهقون

* بالنسبه للأسئله وآلله أرى إن مآ فيه أسهل منهآ

* بختصر كلآمي عشآن مآ آرجع للموضوع بـ رد أعجبني للأخت فتآة آلغد
( نعيب زمآننآ وآلعيب فينآ ومآ لزمآننآ عيبٌ سوآنآ )

أتمنى مآ تآخذي بخآطرك لكن مآ آحب آجآمل عندمآ يتطلب آلموضوع طرح آلرأي

وآكتفيت بعباره وحده << عندي كلآم بس مآ ودي أرجع للموضوع مره ثآنيه

^.^