|
منتدى كلية التربية بالأحساء - الأقسام الأدبية و العلمية منتدى كلية التربية بالأحساء ; مساحة للتعاون و تبادل الخبرات بين طالبات كلية التربية بالأحساء الأقسام الأدبية و طالبات كلية التربية بالأحساء الأقسام العلمية و نقل آخر الأخبار و المستجدات . |
|
أدوات الموضوع |
#1
|
||||
|
||||
بيفتحون بنر التسجيل مره ثانيه للي فاتهم التسجيل
السلام عليكم ورحمة الله وبركاته كيفكم صبايآ انا طبعا فاتني التسجيل رحت اليوم الكليه اسأل ... سألت الدكتوره المختصه بقسمنا الدراسات قلتلها ابي جدول المواد عشان اسجل المواد قالتلي اذا فتح البنر مره ثانيه اعطيك الجدول قلتلها يعني بيفتح ثانيه ...؟؟ قالت ان شاءالله تفائلو خير .. ومشت وخلتني صراحه عليها رد وسعت صدري ماشاءالله عليها المهم .. انا قلت نساعد نفسنا احنا احسن بهذي الطريقه نتصل على هالرقم >>> 5801805 طبعا هذا رقم رجال من جهة الجامعه المختصين بالبانر ونقولهم يفتحونه انا الترم الاول ماقصروا ساعدوني كثير متعاونين احسن من الحريم الله يهديهم ياليت الكل نتساعد ونطالبهم يفتحونه ونسوي فلم هندي ونصيح عشان يفتحونه لان اذا شافونا كثير فاتنا التسجيل يمكن نكسر خاطرهم ويفتحونه ياليت الكل نتعاون مع بعض حتى اللي سجلوا ياليت يساعدونا الله يوفقكم ويجزاكم الجنه ... بالتوفيق للجميع |
2009- 3- 10 | #2 |
أكـاديـمـي ذهـبـي
|
رد: بيفتحون بنر التسجيل مره ثانيه للي فاتهم التسجيل
انا قالتي الدكتوره انه فتح البنر اليوم الا ثلاث ايااام واخره مره يفتحونه هالمره
موفقهـ |
2009- 3- 10 | #3 |
أكـاديـمـي مـشـارك
|
رد: بيفتحون بنر التسجيل مره ثانيه للي فاتهم التسجيل
شوق فديتك
لاتضايقين ولاتسوين فلم هندي ياعمري بيفتحونه بيفتحوونه غصب طيب |
2009- 3- 10 | #4 |
أكـاديـمـي
|
رد: بيفتحون بنر التسجيل مره ثانيه للي فاتهم التسجيل
مرحبا
يابنات انا اساسا ماعندي رقم جامعي وماسجلت ولا ماده لاني محوله من كلية الاداب بالدمام الى كلية التربيه وشايله هم التسجيل بهالنظام الي مدري وش سالفته وقلت لرئيسة قسمنا تطلع لي رقم جامعي والى الآ ن ماطلعت لي بس تكفووووووووووووووووووووووون يابنات اول مايفتح النظام عطوني خبر عندي سؤال الحين اذا ماسجلت موادي عالنظام اقدر ادخل الامتحانات:mh19: والا تتاجل دراستي للسنه الجايه ,,,,بالمختصر وش يصير لي اذا ماسجلت:011: ومشكورين ربي يعطيكم العافيه تقبلو مروري |
2009- 3- 10 | #5 |
أكـاديـمـي مـشـارك
|
رد: بيفتحون بنر التسجيل مره ثانيه للي فاتهم التسجيل
لاتطمني
اذا محوله وقبلوك خلي ابوك يروح لقسم الرجال في الجامعه وراجعي رئيسه قسمك بااستمرار لاتهدينهم ابداً غثيهم لما تضبط امورك |
2009- 3- 10 | #6 |
أكـاديـمـي
|
رد: بيفتحون بنر التسجيل مره ثانيه للي فاتهم التسجيل
هم اقبلوني وعطوني جدولي وقالو احضري المحاضرات لين مايطلع لك رقم جامعي بس بصراحه ساحبه على المحاضرات
وعلى قولتك شكلي بغثهم لين مايقبلوني ومشكوره اختي الله يعطيك العافيه ماقصرتي |
2009- 3- 10 | #7 |
أكـاديـمـي مـشـارك
|
رد: بيفتحون بنر التسجيل مره ثانيه للي فاتهم التسجيل
البرنسيسه شقسمك ؟؟؟
|
2009- 3- 10 | #8 |
أكـاديـمـي
|
رد: بيفتحون بنر التسجيل مره ثانيه للي فاتهم التسجيل
قسمي لغة" عربيه أذا تعرفين احد دليني
|
2009- 3- 10 | #9 |
أكـاديـمـي مـشـارك
|
رد: بيفتحون بنر التسجيل مره ثانيه للي فاتهم التسجيل
خخخخخخخخ
لا ياعمري مااعرف احد بس مسؤلات قسم العربي مرره حبوبات وخدومات مراح يقصرون معاك حبيبتي |
2009- 3- 10 | #10 |
من مؤسسي الملتقى
|
رد: بيفتحون بنر التسجيل مره ثانيه للي فاتهم التسجيل
الله يووفقكم
وان شااء الله يفتحون البانر لكم |
مواقع النشر (المفضلة) |
الكلمات الدلالية (Tags) |
للي, مره, التسجيل, ثانيه, بيفتحون, بور, فاتهم |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بدء التسجيل لإختبار القدرات العامة | علي المطر | منتدى ماقبل الجامعه والاستفسارات الأكاديمية العامة للطلاب المنتظمين | 46 | 2009- 2- 17 02:35 AM |