[ جميع التخصصات ] : || تجهيـزآت الجــامعه ../ تجمَع خاص بالأنيقـات

[طالبة .]

مشكوووره عَ الموضووع يـآآحلوة
بججد يـآآلييت يكوون في تفـآآعـل رح نستفيييد كثيير

الحيين أنـآآ الحين مو عـآرفته الشنط نــآآس يقوولون خوذي كبيره ونـآآس يقوولو وسسط
ووبعد وش المحلآآت الي القى فيها هالشنط

يـاليت الي عندها صوور للشنط حجمهاا حلو وتفييد للجـآمعه يـآليت تنزلها ..

[نسيم الجوري]

بنزل لكم ردود من موضوع العام للتجهيزات و كذا ..
too0oofe
’’يسسعد صبآآحكم بنات
كل عآآم وانتوا بخير وينعاد عليكم وانتوا بصحه وعافيه
ومبروك قبولكم بالكليه والله يوفقكم يارب
بمآ أنكم مستجدات حبيت افيدكم بلبس الجامعه الجامعه من تنانير ونحوه
الحين طبعا هابين بالتنانير السترش < هي حللوه وخفيفه بس صراحه مو ع الكل حلوه تجيك وحده مشاءالله مليانه حدها ولابستها < يعني ثقه مره والشكل ابد موو لايق يعني الا غصب تسوين الموضه
يعني عشان كذا لاتفكرين الا اذا كان جسمك يساعد ومايكون مع السترش لافت لننظر

وو الاحظ فيه تنانير سترش يبعيونها المحلات العاديه تجييك مااسسسكه وسترش من قلب<هاذي كثير يلبسونها وتعالي شوفي البلاوي بالشمس كل شي واضح واستغفر الله كأنها مب لابسه شي
فأحسن شي الي عند زارا مرتبه وحلوه وماتجيك بعد ماسكه مره لا< سترش مؤدب


والتنووووووره بليييز ترا الجنز موحلوووووه للجامعه ولاالتنانير الي فيها جيوب وسلاسل وحوسه
وقصات وتناير واسبانيه وفرنسيه وحوسه
خذي لك سوودااا يااسكيني اوعادي ..
انا اخذت سترتش زارا مرا كانت مريحه بس عيبها اذا كنت جالسه مده طويله وقمت تطلع رسمه الركب بس خمس دقايق وترجع زي ماكانت ’’

[نسيم الجوري]

المشاركة الأصلية كتبت بواسطة too0oofe

وبآآآك
والله تذكرت نفسي ايام مانقبلت بالجامعه ماكنت مرتبه امووري كنت ابي اشتري كل شي

لدرجه اني ابكي ما اشبع فلوس


فهذا شعور طبيعي اللي يجيها تبي تخم كل شي لا تحاتي الترم الثاني لو تلبس خيشه عادي


هنا بكتب الاشياء المهمه الاولويات وستايل الجامعه وهكآ بوجهة نظري مو تجي وحده تقعد تفلسف لى راسي

وصح قبل تنطين السوق اول شي خذي ورقه سجلي اغراضك لانك اذا رحتي وشريتي عشوائي بتفاجئين ان فلوسك راحت وما جبتي الاشياء الاساسيه
الشي الثاني حآولي تقتصدين مو شرط تشترين كل شي غالي اهم شي اناقة الشي موب سعره

المهم ماعلينا بتكلم عن جكيتات البوي فرند


او بالأصح الجكيت الرسمي الي حطتها بكر احلا حلوه ودارجه هالسنه بكثره بس بالنسبه لي ماحبيتها احسها تعطي لوك شوي رجالي ورسمي بقوه
بس الحلو فيها انها تفك حيره وتفك ازمه يعني بأمكانك تلبسينها مع اي تيشيترت مثل هاذي





وفيه منه الوان كثييره ومنتششره بقوه



مثل هاذي


وهذا مثله بس قطني


ووممكن تحصلونها بـ مآنجو و زآرآ و سترآديفاريوس و اتش اند ام و سنتر بوينت
وانتبهوا تتحمسسون و تاخذون مثل هاذي القميله


ونصيحتي لاتكثرين منها يعني واحد يكفيك و اذا كنتي قصيره ابعدي عن هالجكيتات

الشي الثاني التيشرتات
كثروا منها لأن بتجيكم ايام مالكم خلق تنسقون
فا خذيلك 3 تيشيرتات بس للبدايه لين تتعودين على الجامعه وتشوفين كيف عندك تيشرتات لاكوست حلوه ومريحه وعمليه وفيه بعد بسنتر بوينت تيشرتات حلوه ورخيصه
ولازم تاخذون معها الجكيتات الي مثل كذا لان الكم قصيرمره ممنوع






حلوه ومريحه وحتا تنفع تلبسينها لحالها او مع تيشيرت داخلها تحصلينها بنيولوك وبيرشكا وسترادافيروس ومانجو يعني متوفره


القمصان</b> ::
القمصان مره حلوه وتخليك مرتبه تاكدي من خامتها تكون بارده ابعدي عن القمصان الي تكون فيها قصات غريبه واشياء زحمه وخياطه كثيره
كل ماكان ناعم صار انيق اكثر زارا عندهم اشكال حلوه وطبعن الماركات قمصانهم دايم حلوه ومررتبه زي بربري زارا لاكوست وو كثير

مثل هاذي الحلوه
وقمصان الجنز بعد عملييه مرره وحلو شكلها ومرتبه


وهم شي بالقمصان حلو تكون طويله مع التنوره تخلي بس بشكل معقول مثل هاذي

وهاذي البلايز الي مثل كذا


حلوه ومرتبه وتطلعك كيوت بس ابعدي عن السترش اذا كنتي مليانه يجي نفس موديلها قطن بيكون افضل لك

والحين بعد طايحين بالبلايز الواسعه الي مثل كذا
حبيتها وبقوه لانها جد مريحه

وفيه منها قصيره



بس هذا اللي في بالي الحين بالنسبه للبلايز
اتمنى افدتكم لو بشي بسيط

ومابي غير دعواتكم الطيبه

لي بآآك

[ماريان]

موضوع جميل

[نسيم الجوري]

المشاركة الأصلية كتبت بواسطة mag!k

أهلآ و سهلآ بنآت تحضيري
بتنورون كليتنآ قسسم

حبيت آقولكم آول آسبوع بس بتداومون يوم تآخذون الجدوال فقط ..
احنا العام داومنا اول يوم تعرفنا ع مبآني الكليه بس , وآمممم
الجدول اخذناه يوم الاربعاء او الثلاثاء , و الاسبوع الثاني بدينا الدوام ..
الله يوفقكم يآرب ..
ويازيييين التقضي للكلية يونّس قسسمّ

الاايام الاولى خلكم مؤدبين
ويفضل انكم مآتلبسون تنآنير ميد مره او استرتش ولا أشيآء فوق الكوع لآن العالم اول يوم متحمسه و كذآ
ف البسو تنانير عاديه ( لأن يمكن تلقون الامن والعالم مستقعدين عند البوآبه ) , بعدها باسبوع اسبوعين ابدو خذو راحتكم < آهم شي النصايح

النظارات الشمسية : ماحس تحتاجينهآ بالكليه أبد ماعندنا شمس .. الا بايام آلشتا اذا قعدتو برا . وآحس انو بعد مايحتاج
نظارات الرآي بان الطبيه .. تقريبا اغلب بنات كليتي الحبيبه لابسينها طقمّ

بنآت .. صح انو كليتنآ تصير القطب الشمآلي من البرد .. وانا أحس أن اطرافي وشعر راسي يوقف من البرد
بس ترا جت ايام يكون التكييف متعطل واللي لابسين ثقيل ذاك اليوم يفطسون :(
طبعا السبب يكون عطل بالتكييف او ان الصيآنه ماجو او مدري وش سسالفتهم ..

الشوزآت / لا ـأشششوف وحده فيكم تلبس كعب او حتى تفكر بهالششيّ
يكسرون الخاطر اللي يلبسونه .. والله ترجع البيت رجولها حالتها حاله
وخصوصآ تحضيري .. محاضراتتكم تقريبآ كل مره بتكون بجناح .. يعني بتفرفرون وانتو تطامرون من محاضره لمحآضره ف خذذوآ شوزآت مرييحه .. آنـا كنت ب 4 كوتش و 3 فلاتات .. و تمام التمام , الصصنآدل حلوه بس مو دايم عمليه + اذا صارت الكليه القطب الشمآلي رجولكم بتتجممد

* بعدو عن التسسريحآت الأوفر ورفعآت الشعور وهالاشياء .. خلاص محد يسويها !
+
الميك آب الأوفر .. أبدا مارح يصير شكلك حلوّ .. يمدحون البسسآطه

شنآطكم خذو شنط بين الوسط والكبيره شوي .. مب مرررره تآخذين آكبر شنطة
يعين خذي شنطة تكفي كتآبين + نوته + عبايتك ( لان يمكن مايكون عندك لوكر فتضطرين ان عبايتك بشنطتك ) + آغراضك الجمآليه

و ترآ الكليه مرهّ ونآسسه .. غير عن نظام المدارس 180 درجه ,
حرية و راحه ومآفييه اشياء انتي مقيده فيها نفس الثآنوي
إنتم الحين شآيلين هم .. طبيعي لأن مرحله جديده عليكم ,
بس كلها فترة وتتأقلمون ويعجبكم جو الكُليه
إنشاءلله ربي يوفقكم ويسهل لكم كل أبو أموركم
و أي سؤال لآيردكم الا كيبوردكم

[نسيم الجوري]

المشاركة الأصلية كتبت بواسطة نسيم الجوري

ما شاء الله ردود البنات مرة حلوة و الشكر موصول لصاحبة الموضوع

أنا طالعة سنة ثانية و بقولكم أكثر الأخطاء المتكرره بستايلات البنات
(اللخبطة) يعني ما فيه تنسيق

مثلاً اللي لابسة تنورة سكيني و بلوزة مخططة و كارديقان مشجر و شال مورّد<-- وش تحس فيه
أو بلوزة فسفورية خضراء و جزمة فسفورية حمراء <-- ما اكثرهم
أو بنت بشرتها سمرآء جداً و تصبغ شعرها أشقر ثلجي
و أما الميك أب بتلاحظون ببداية السنة لأنهم البنات متحمسين بيكون أووووووووووووووووفر بعدين شوي شوي يخف و بآخر السنة يبقى بس كحله و روج

بقولكم شي مهم ع ـالميك أب ..
بما إنو كريم الأساس من أعدائي اللدودين <-- بحذِّركم منه
يعني و الله حرام تشوفين بنت وش زينها بداية السنة و بشرتها حلوة و بعد اسبوعين تطلع لها بثور و حبوب و تخترب بشرتها
و كله لأنها تكثر كريم الأساس ؛ دوام كامل مو قليل,, من تتجهز الصباح لما تشيله الظهر أو العصر .. يعني يظل على بشرتها كم ساعه هذا غير إذا بتنام به في الطريق أعظم و أعظم ..
نصيحة لوجه الله خففوا كريم الأساس رفقاً ببشرتكم

و بعد بالنسبة للأظافر محد ذكرها ,, أهم شي تكون نظيفة و مرتبة ,, سواءً لليدين أو القدمين

و إذا كنتي حاطة منيكير و تقشر منه شوي شيليه كله و مو تتركين ظفرك نصه بمنيكير و نص بدون

و ننتظركم بالكلية و تصيرون أكشخ شي و أحسن شي و أشطر شي قولوا آمين

’’إي صح نسيت أقولكم شي عن السرقات اللي بالكلية
من زود الشطارة أكثر شي ينسرق الكتب المخططة و الملخصات
و ما ننسى العبايات
تصدقون ذاك اليوم تركت لاب توبي على الأرض ساعتين ونص و لا انسرق الحمد لله ,, بس اتركي كتاب مخطط ربع ساعة ما تشوفين حتى غبرته

انتبهوا لأغراضكم و لا تأملون باللوكرات .. صار لنا سنة كاملة ما في ولا واحد فاضي ’’

[نسيم الجوري]

المشاركة الأصلية كتبت بواسطة نسيم الجوري

من الفضاوة و الملل اللي واصل الـ .max عندي قلت خل نوريكم شغلات شوي من هنا و هنا ..
طبعاً أغلب اللي بحطه من ذوقي و ممكن يعجبكم ممكن لأ ..
و اللي ذوقها اوفر و تحب البهرجه و الحفلات تمرر ردي لأن ما بيعجبها شي هنا <<
.؛.؛.

أول شي بتكلم عنه التنورة ,,
في منها انواع الكلوش و السكيني و الستريت ..الخ .. الخ
عن نفسي ألبس أزرق فاتح و بني و ما حد يقول شي
بس النظام بكليتنا ما يسمح إلا بالتنورة السوداء أو الكحليه و إذا كانت جينز ممكن زرقاء ,, و ما تكون سترتش شفافة او ضيقة
شوفوا هذي مرتبه و طولها و عرضها حلو و تناسب على أي شي ,, إذا بتفصلين ممكن تحطين بها جيوب حتى تصير عمليه اكثر
^

.؛.؛.

أما الحين عن التوب
البسي اللي تبغيه ,, دانتيل , قطن , صوف , سترتش , كتان ..الخ ... الخ
و الألوان اللي تبغيها ,, أصفر. أحمر , أخضر , برتقالي ...الخ .. الخ
بس النظام يمنع يكون الجيب واسع سواءً من الأمام أو الخلف ؛ و يمنع الشفاف ( و يا كثر اللي يلبسونه ) ؛ و يمنع ربع الكم .. يعني حدك للكوع أو فوقه بأربع خمس أصابع ما تزيدين ..
مثل هذا


أما أكثر شي مهم يكون عندك هو :
1- قميص أبيض نعوم مثل هذا


2- بدي أو بلوزة داخليه كت ,, اشتري بيضاء و سوداء حتى تناسب كل شي

^
فتحة الجيب ممكن دائرية أو مربعه او مثلثة ,, شوفي اللي يناسب جسمك ، و حلو لو كان بطرفها دانتيل تطلع أنثوية مرة

3- جاكيت خفيف للصيف لأن خارج الكليه لآهوب و مرآ حر فنلبس جابانيز و إذا دخلنا الكليه نلبسه عشان البرد
مثل هذا


4- بلوزة كاجوال عادية جداً تلبسينها إذا مالك خلق كشخة من الصبح و ألوانها حلوة
مثل هذي

^
تقدرين تزينيها باكسسوار أو شال و تصير مرة كيوت ^_^

.؛.؛.

و جبت لكم موديلات للأشياء الحلوة و اللي تنلبس و ممكن تلاقون مثلها بالسوق

بالنسبة للأقمصة و اللبس الرسمي بتشوفون البنات بالسبت و الأحد و ممكن الإثنين هآبين فيهم و الكل يلبسهم .. بس الثلاثاء و الأربعاء يكون اللبس مريح .. سبورت او كاجوال مثلاً

القميص الأبيض العادي مهم ,, و لو كان عندك واحد زيادة يكون أحسن
مثلاً هذا مزين باكسسوارات


و موضة السديري (أو الصخمة) اللي لابستها لسه دارجة و ما راحت


و ممكن إذا برد الجو شوي تلبسين جاكيت خفيف عليه مثل كذا


القميص الكاروهات دآآرج بقووة .. مثل هذا

^
صحيح بتحسونه ولادي شوي بس بشوية حركات يصير بناتي

.؛.؛.

البلايز القطنية مرة عمليه خصوصاً إذا كانت المحاضرات كثيرة و مضغوطة
مثل هذي


او هذي اللي مرآ عاجبتني


أو حتى هذي


و لازم يكون عندك بلوزة بيضاء سادة نص كم مرآ بتنفعك
دورت صورة أوضح بس ما لقيت غير هذي


و بما انو الشتاء قرب حلو يكون عندك بلوزة كم طويل و ناعمة بدون زحمة ,, يعني تحتاج اكسسوار خفيف و خلاص
مثل كذا

او كذا


شوفوا هذي ستايلها حلو بس احس الوردة مالها داعي أبد..


و البلآيز الأنثوية تنلبس بالمناسبات ,, يوم وطني , احتفال , نشاط .. الخ .. الخ
مثل هذي تجنن





و طبعاً ما قصروا اللي قبلي بجاكيت البوي فريند << اسمه مدري وش يبي

.؛.؛.

الحين نجي للجزم << الله يكرمكم

شوفواً مثلاُ هذا حلو ,,


و التايجر دارج هالخريف


بس أعظم أعظم اعظم غلط إنكم تلبسون مثلهم ,, انتي رايحة دوام و الكعوب العاليه بتهلكك انتي و ظهرك و رجولك و الله يستر ع ـالباقي .. مو تقولين انا قصيرة و متعوده عليهم ,, وراكِ شي غير جسمك بتحملينه << المقصود الشنطة
يعني رفقاً بأجسامكم ..
البسوا جزمة سبورت لونها حلو


أو صديقي الفلات


أو صندل مرييح ما كأنك لابسه شي

.؛.؛.

و الحين الإكسسوارات

لا تكثرين منهم ,, تكفي قطعتين و بالكثير ثلاث ..
و اشتروا اول شي فضي و ذهبي حتى يناسبوا كل شي ,, و بعدين اشتروا الألوان الثانية ..
و الكريستال لا يكثر لأننا بالنهار و بالجامعة ..

مثلاً هذي سوارة لؤلؤ ناااعمه و حدها كيوت


هذا البروش بزيادة شوي بس عاجبني مرآ


و سلسلة طويلة توصل لتحت الصدر بشوي ,, تعطي إيحاء بطول الرقبة
مثل كذا


و حلق طويل او قصير بس انتبهي ما يكون وزنه ثقيل


بالنسبه للحلق و السلسال ,, أبد ما ألبس الإثنين ,, إما الحلق أو السلسال ؛ إلا إذا كانوا ناعمين مرآ و الحلق صغير
.؛.؛.

الشنط و المحافظ



ما عجبوني مرآ بس يمكن يعجبوكم

يالله ضيعت شوي وقت و أنا أرد بدل الملل ,, اللي عجبتها أشياءاتي تحط like

[نسيم الجوري]

المشاركة الأصلية كتبت بواسطة نسيم الجوري

في بنت ردّت بموقع الفراشة للتحضيري و كلامها عجبني فبسدحه لكم هنا ,, مع إني أختلف معاها شوي ببعض النقاط


||
بسم الله نبدآ ..

أ / اللغة الآنجليزية ة ...

يْ


صبآيآ لآزم وشئ آسآسي اللغة ة ..

لآزم


تطورين من لغتك ..

واللي تحس آن لغتهآ ركيكة عآدي بآقي عندهآ وقت تدخل معهد ...

واللي مآعندهآ وقت تدخل المعهد ..
في


برآمج ع النت تحملونهآ ..

واللي مآتعرف ودخلت الجآمعة ة لآ تستحي تتكلم وتحكي ومع الآيآم تتعود وتآخذهآ ..

وركزوآ ع الكلمآت .. آحفظوآ كلمآت كثير ..

وآنتبهوآ من مترجم قوقل ...>>ترجمته غلط...


ب/ لـك




1/ الآستعدآد آلنفسي ...




لآزم تهيئين نفسك للجآمعة .. للعآلمك الجديد..

عآلم مليئ من آلصبآيآ آشكآل آلوآن آخلآق غير منطق غير ..
رآح تششوفين صبآيآ كثير .. بس مو كلهم صديقآتك ..
مو نفس ذآك آلفصل آلصغير وجمعتكم عند الشبآك تسسولفون...
لآزم تكونين وآثقة من نفسسك
وتعرفين آنك دخلتي للجآمعة ة تدرسسسسسسسين ..
وآنك تبين توصلين لطموحك وتحققينه ع آرض آلوآقع ..
لآنو آذآ مآآحطيتي هآلشي ببآلك من آول يوم
صدقيني رآح تنسين الهدف اللي علشآنه دخلتي الجآمعة ة ..

* آلجآمعة ة مآهي صديقآت ولبسس وهبآل وكفتيريآ وسوالف ومن تحبين...



- آول آسبوع لـآزم تدآومين ..

تشوفين جدولك .. تتعرفين ع الجآمعة ة يعني تدخلين مع كل الصبآيآ وتششوفين آستفسآرآتهم تفيدك .

تعرفين الكلآس اللي رآح تدرسين فيه ..
تتعرفين ع آعضآء هيئة ة آلتدريس حقينك..

- لآ تستحين آبدآ .. لآ تخجلين.. لآتقولين فشلة ة آسآل ولآ آسكت آحسسن..



نو يْ قلبي عآدي آسلئي وآحكي وسولفي وقولي رآيك بطلآقة ة وثقة ة آعيد وآزيد وآكرر

آلثقة ة بالنفس ثم آلثقة ة بالنفس ثم آلثقة ة بالنفسس ...
قولي آسمك بكل ثقه..

- لآتحصرين نفسسك مع وحدآ وثنتين لـآنك في بدآية ة الآمر مآتشوفين الآ الظآهر ..



خليك مع الكل بعدهآ آنتقي صآحبآتك...


- آبعدي عن ثنتين : - آلبوية ة ..



- والفآشن >>تبع آلموضة ة ..




لآن هذولآ آلثنتين مو حقين درآسسسة ة ة آبدن ..


- كوني آنيقة ة آهتمي بنفسك بس برضو لآ تنسين آنك جآمعية ..



- مو ع طول تجي وحدآ تسسولف معآك تعطينهآ رقم جوآلك آو البن تبعك خليهآ




ولو طلبته قولي لهآ آشوفك بنفس آلمكآن آو ......آلخخخ ..


- تجي وحدآ تقولك ممكن آستخدم جوالك شؤي ... : لآتعطينهآ ... >>لآنو معروف هي ش~ بتسسوي فيه ..



الأآ اللي ب يبآن عليهآ طالبته ضرورة آو جوآلهآ مقفل .. ممدري بس عن نفسي مآآعطيه آحد ..


- سلآمة القلب لآزم تكون من آلدآخل ومن آلخآرج ععشآن ربي يوفقنـآ ...
_ لـآ تلتفتين للقيل والقآل وفلآنة ة قالت وهذيك سمعتهآ لآ يْ قلبي >>خليهم مع نفسسهم وآشتري رآحة ة بالك ..

ودآم آنتي عآرفة نفسك مآعليك ش~ يقولون ...


- آنوه للمورآ الثآنية ة آعرفي مع مين تمشين...



لآنهم لـ سـآلفوآ عن فلآنة ة قالوآ شؤفي مين صآحبآتهآ ...


2/ آلوقت ..



آلوقت موهيم جدآ...

لآزم تعرفين متى تبدآ محآظرآتك ومتى تنتهي...
ومتى تكونين موجودة ..
آوقآت البريكآت تبعك..
آوقآت آلصلآة ...
صلآتك لـآ تآخرينهآ ..
لـ رحت آلبيت صليتهآ (لـآ )
يعني عندك محآظرة بعد آلظهر وآجلتي صلآة آلظهر
وبعدهآ عندك محآظرة وتبين آلتوفيق من ربك..
كيف تبين تحلين بآختبآرك بعدهآ وآنتي مآصليتي آلظهر ..؟
حتى لو مآعندك آختبآر ولـآ شي ..
صلآتك ..

صليهآ ربي يحفظك من كل ششر ..



3/ آلنظآفة




عن رسول الله صلى الله عليه وسلم أنه قال : " إن الله طيب يحب الطيب، نظيف يحب النظافة..."


آحرصي ع آلنظآفة ة يْ حلوآ ..


　


4/الآبتسآمة ة ..



خلي روحك ححلوآ ..

بششوشة ة ..
آبتسمي ..
مو عآقدة حآجبينك...
يقول صلى الله عليه وسلم مخاطباً كل واحد منا: (وتبسمك في وجه أخيك صدقة)! سبحان الله!
بمجرد أن يبتسم أحدنا في وجه أخيه
فإنه يكون بذلك قد تصدق
بمبلغ من المال دون أن يدفع شيئاً!!
إنه أسلوب نبوي كريم لمن لا يملك المال.



　


5/ لـآ تتردين..



لـ


طلب منك آحد مسآعدة وعندك القدرة على مسآعدته وتقديمهآ له..

فلآ تترددين ..


لآنه بيجي الوقت اللي تحتآجين لمسآعدة ة آحدهم ..


6/ آغرآضك..




آنتبهي لـ شنطتك جوآلك سآعتك نظآرتك

كل آبو آشيآئك .. مآينفع تحطينهآ بمكآن وتخلينهآ ..

تروح ععليك...




ج/ في آمآكن موهيمة ة لآزم تكونين عآرفتهآ ..

مثل : مكتب عميدة الجآمعة ...
مكتب شؤؤؤن الطآلبآت ..
آلمكآتب اللي تبع كل مآدة تسسآلين عن غيآبك وهيك..
مكتب رئيسه كل قسم .. >>تحتآجين لهآ ..
آمآكن محآظرآتك ..
المكتبة


..
العيآدة آلطبية ..
مكتب آعضآء هيئه التدريس ..
الكفتيريآ ..
البوآبآت اللي تدخلين وتطلعين معآهآ ..


　
د / درآستك...


الجآمعة ة غير عن آلمدرسة ة
آنسسي سآلفة ة تطلعين تنآمين وتقومين بالليل تحلين وآجبآتك وتروحين...
هيك ششغل مآينفعك ...
يبي لك بعد كل دوآم تمسكين اللي آخذتيه اليوم
وترجعين تقرينه بالبيت ععشآن يثبت مو تنسينه
اللي يبي له حفظ تحفظينه..
الوآجبآت حليهآ وقدميهآ بالوقت آلمححدد ..
مشآريعك آبدعي فيهآ فـ لهآ قدر من الدرجآت ..
خلي معك دفتر تدونين فيه الآشيآء الموهيمة ة ..
واللي تعيده لكم آل مسـس آو آلدكتورة آكتبيه..
مو تسمعين وبس ..



و / ستآيلك..




1- النظآرة آلشمسية ة تغني عن المظلة يْ حبوبة ة ..




2- شعرك..




يعني سؤؤي حركآت فيه آرفعيه

خليه ستريت .. جعديه ..
بس آنتبهي آنو رآيحة لجآمعة ة مو طلعة ة ملآهي آو جمعة ة صبآيآ ..

3- آلشوز ..



آبعدي عن الكعب و مشتقآته ...

شوفي السبورت آكثر لآنو رآح تمششين كثير من مبنى لمبنى ..
يعني الشوز المريح آحسسن لك ..
والفلآتآت ححلوآ ..

4- التنورة ..



آلجينز ثقيل و بعض الجآمعآت مآنعيه..

عندك تنورة سودآء سآدة طولهآ ححلو ..
لـآ هي ذيك الطويلة ة اللي تطيحين منهآ ولأآ القصيرة ..

5- التيشرتآت و القمصآن..



الرسومآت واالحركآت الكثيرة واللمعة ة ع الصبآح مآتنفع ..


6/ آلميك آب ..



لآيصير آوفر..

خليه هآدي..

7/ آلشنطة ة



لـآ تكون صغيرة ة ..

عششآن تشيل آغرآضك من ملفآت و غيره



وبآختصآر..

مو كل لبسسسنآ اللي بالدولآب ينفع ينلبس بالجآمعة ة ..
مو كل موضة ة تصلح لنآ ..
لك شخصيتك المميزة ة يعني لك طلتك الححلوآ ..

سوآء كآنت كآجول آو رسمي آو سبورت وووالخخ ...


والآهم رآعي حرمة الله في لبسك وفي حيآتك كلهآ ..
||

[نسيم الجوري]

خوآآآطر مكسورة
’’صدقتي اختي من ناحية الريحه صج بنات هالشي لازم نهتم فيه اذكر وحده من بنات الكلاس وقفت معي بالممر تكلمني بشي والبنيه الله يستر عليها معها ريحة عرق تذبح انا كاتمه نفسي وصابره واحاول مابين على فيسي اني متضايقه استحيت احرجها المهم مرو شلة بنات وقحات ويع ويع وش ذا الريحه انا دورو وجهي ماتلقونه على بالهم مني هالريحه صج فشيله <<<انا ليش حكيت لكم هالموقف

حبيت ابين لكم ان ريحتك لو كانت شينه تنفر البنات منك يعني انا بصراحه كل ماشفت هالبنت انحشت خلاص يصيرو ياخذو منك موقف انا موبي احد يتحسس انا ماقصد انك انتي يافلانه ريحتك شينه بس تنويه بوجه عام كمان ريحة الفم لها دور يعني انتو تو تحضيري والأغلبيه منكم جايه لوحدها ماتعرف احد واكيد تبون تتعرفون على بنات وتسألونهم مابيضرك اذا استخدمي معطر للفم او اقلها علك >>هذا مستحيل تلقين شنطة بنت مافيها علكة او حتى حلاوه يعني انتبهو لذا النقطه


كمان فيه نقطه وين اروح اول يوم هاذي وحده من البنات تقول انا بحياتي كلها مازرت الكليه ولا اعرف شي فيها وتسأل اول ماوصل للكلية وش اسوي وين اروح وكيف اتعرف !!

تويب انا بقولكم وبحاول اوضح لكم قدر الأمكان

بسم الله دخلتي مع الباب الأمن بوجهك ع اليمين الحمام وانتو بكرامة ادخلي طبعا بتلقينه زحمه احشري نفسك غصب شيلي العبايه وياليت تكون شنطتك كبيره لأنو صعبه بتنقلينها بيدك المهم عدلتي مكياجك وشعرك خلصتي امورك بتطلعين بتلقين زحمة صبايا من جهة الأمن والكفتريا
ماعلينا بتلقي مجموعة بنات اللي عليها عبايتها واللي فاتحه فمها تطالع بالرايحه والراجعه واللي واقفة لوحدها معها عبايتها وواقفه عند الجدار عاد هنا انتي وكيفك تبغي تتعرفي ع القروب او بنت لوحدها
طيب اللحين بتبدين حوار طيب نفرض انك تبي تكلمي قروب طبعا خايفه بتقولي يمكن مو تحضيري وافتشل لاعادي روحي لهم السلام عليكم صباح الخير بنات انتو تحضيري ياليت تكوني مبتسمه <<زي تسذا

اممم ترى اغلب الأقسام الباقيه مابيداومو الا من الأسبوع الثاني المهم نفرض قالو ايه تحضيري ,انتي اللحين بتفتحين حوار مدي يدك وصافحيهم عرفيهم على نفسك انا فلانه الفلاني بتقولي تويب بنات بسالكم سوو نداء لنا شي أو رحتو للشؤون سألتو !! فرضا قالو لا قولي انا ودي اروح الشؤون بس مادل مكانه طبعا أغلبية القروبات بتلقين فيها نفره نفرتين دالين الكليه كلها يعني عندها اخت جت زياره ...الخ هم اكيد بيفزعون معتس وبتروحو الشؤون كذا ضربتي عصفورين بحجر منها تعرفتي ومنها شفتي امورك <<<خطيره اعجبكم ههههع

عاد الباقي عليك افتحي سواليف وضبطي امورك معاهن اتوقع فيه بنات مارح يعجبهم حكيي بيقولو سلامات مو أي وحده تتعرفي عليها !!

طييب بتقعد الوحده لحالها تنعزل عن البشر اوكي وش يعرفها ان ذا البنت اخلاقها شينه بتعرفها من وجهها مثلاً اكيد من العشره بتميزها وبعدين الوحده لاتعرفت مارح تكت علومها كلها عندهن بتكون العلاقه سطحيه مجرد زماله مع الأيام ان شافتهن كويسات دامت الصداقه والله يوفقهن انتو لاتخوفو البنات والله ياحبيباتي ان كليتنا قليل اللي تحسين اخلاقهن مو كويسه وبعدين هذولا مع نفسهم ماحد عندك ع العموم انتي بتتعرفي على تحضيري وحتى اذا تعرفتي على بنت متخصصه عادي الحمد الله مافيها شي واذا معك صديقتك وخاطركم تسألو عن شي اسالي الأمن او حتى البنات لاتستحين مابتلقين منهم الا هلا وسمي ولبيه

نرجع لموضوعنا وين تروحين !!
ابد ياطويلة العمر والسلامه روحي للشؤون قولي انا تحضيري وهم بيخبرونك اذا بوه شي اليوم لكم او لا عاد بعدها روحي الكفتريا ولافحطي بذا الكليه وتعرفي على المناطق السياحيه فيها

<<< انا ادري كثرت حكي وقرقره بث وربي حبيت اريحكم نفسياً عسوولاتي ’’

[misho ツ]

المشاركة الأصلية كتبت بواسطة البشاير

ياعمري لاتتازمين ولاشي
الحلو حلو لو جالس من النوم
حطي لك روج خفيف ووردي خدودك الحلوه ولو تبين مسكره وكحل بدون مبيض ولامسمر ولاخرابيط

في بنات واجد مكياجهم كامل بس لايهموك انتي رايحه لدراسه
وفي بنات واجد بدون ولا شي ولايهمهم احد وواثقين من عمرهم
ولو سمعتين كلام فلانه وعلتانه بتتعبين ولو ناظرتين بالملابس والاقمصه بتقولين من وين يجيبون هالموديلات
وكيف يقدرون يلبسون.كل يوم شي مختلف ومايكررون ووو
فريحي عمرك وصيري ع طبيعتك خمسة اقمصه تكفي ههههه وكل شهر شتري لك واحد جديد وخلاص

واضيف على اللي قالتو أختي

أنوه تكتفين بواقي شمس أو كريم عادي

مووووفقه