[ استفسار ] أنطباعكم عن دفعـة القمندة :)

[انجليزى 2011]

بالتوفيق للجميع بدون استثناء

ومستقبل مشرق للجميع

[FRANK]

السلام عليكم ,,,,,, ياليتكم متواجدين ياخريجين .,,,, عشان اقول لكم مبروك التخرج وعقبال ماتصبون اليه...... وسؤال بسيط لو تكرمتوا عن ارتفاع او انخفاض المعدل في الاترام السابقة !! هل هو ملحوظ او تغير بسيط .....وخاصة ترم 5,6,7 وبارك الله فيكم

[P e a c e]

المشاركة الأصلية كتبت بواسطة frank

السلام عليكم ,,,,,, ياليتكم متواجدين ياخريجين .,,,, عشان اقول لكم مبروك التخرج وعقبال ماتصبون اليه...... وسؤال بسيط لو تكرمتوا عن ارتفاع او انخفاض المعدل في الاترام السابقة !! هل هو ملحوظ او تغير بسيط .....وخاصة ترم 5,6,7 وبارك الله فيكم

وعليكم السلام
كلما كان مجموع الساعات اللي أخذتها في الجامعة كبير كلما كان تحريك المعدل أكثر صعوبة سواء ارتفاعا أو نزولا

[gєℓηαя]

افا سقط اسمي سهوا يا وزيرة

[تخطيت السحاب]

المشاركة الأصلية كتبت بواسطة سعد العماوي

تذكر القصيده اللي رديت عليك فيها بمستولى ثاني


هيضتـنـي يـاشـيـن يـــا عـايــش الـــدور**وحست الحساب وحست حتى المعاني
مـن عقبهـم ياخـوك ماشـفـت انــا الـنـور**ومــن عقبـهـم كـنـي صـويـب المـحـانـي
مـدري بشـر مـدري خلقـهـا مــن الـحـور**الـلــي رفـــع سـبــع وســبــع طـمـانــي
غــزت رمــاح العـيـن وســط الحـشـاجـور**حـسـبـي علـيـهـا مـاعـديـت الـمـكـانـي
امشـي مـع العـالـم كـمـا عـايـش الــدور**خـالـي عـقــل والـنــاس دالـــه وهـانــي
ياجـعـل تفـداهـا قـطـر مــع هــل الـخــور**ويـاجـعــل تـفـداهــا جـمـيــع الـمـعـانــي

صح لسابك

[تخطيت السحاب]

المشاركة الأصلية كتبت بواسطة وزيرة

قريت كـل ردودكم وأكيد راح أشقر عليكم كـل فترة وفترة

باالنسبـة لأخوي عايش الدور مـانسيتكم والله بس كنت أكتب على عجالة وسقطت مني أسماء كثيرة
يادوب الموضوع كتبته في 5 دقايق يمكن ؟
نسيت fraQ
نسيت سعد العماوي
نسيت لعيونهـا جيت
نسيت غاليـة
نسيت I Zainb
رندز
كويين
نسيت أسماء كثيييييرة
نسيت أيضاً أخ من دفعة كوين ورضوان أسمـه مطلق المطيري كنت دائماً أدخل أنطباعات العام وأدعي له لأنه زي سحاب يحب يتذكر الأسئلة عشان يفيد الأجيال القادمـة
كلهم في بالي والله وأنتم كذلك بس بسرعه بسرعه كتبت
طبعاً اذكرك أخوي عليش الدور والدليل
أني أعرف أنك مـاطيق شي أسمه أنجليش
أنت اللي لخصت لك المـادة الإسلامية والصحـة واللياقة بس بعدين قلت لي أنك بتذاكر من ملخص المعتقل ودليتني عليـه جزاك الله خير وفعلاً كأنه كنز وطحت عليـه
______________
باالنسبـة للي تسأل عن معنى القمندة فديتج اللحين كل الدفعـة عرفت معناهـا إلا أنتي
معنى القمندة = السر ، فحوى الموضوع ، زبدة الموضوع ، مربط الفرس في الجملـة .
_______________

باالنسبة اللي يقولون راح يكملون ماستر الله يوفقكم والله معاكم أن شاء الله وفالكم الدكتوراة
أنـا والله كـان حلمي الماستر بس بصراحـه بعد مـاتزوجت صعب جداً
أدري مـافي شي مستحيل
بس الحق يقال أقل معدل راح أحققه هذا الترم وخاااااااايفـه جداً أنه يخسف لي المعدل وأجيب تحت الأربعه ونصف لأني جازفت وأخذت 10 موااااد في عين العدو وأنكبت صراحـه عشت ضغط ضغط كبييير بس كنت أبي أتخرج لأني عارفه بكره المسؤولايات راح تزيد أكثر
لأن بصراحـه لاقيت صعوبه في التوفيق مـابين المذاكرة والزواج والمسؤولايات الأخرى توني متزوجة حديثاً ماصار لي إلا كمن شهر رغم تعاون زوجي معي لكن برضوا فيـه صعوبـه
وأنـا من النوع اللي مـاعرف أوفق بين شييئيين
أنـا واقعيـة جداً أن شاء الله راح أسلك خط هوايتي اللي أعشقهـا وهي التصميم وراح أفتح لي مشروع يخصـه

وبس وبديره من بيتي عشان مـاحب الخدم وأبي عيالي في المستقبل قدام عيوني :$

:d 5:
الله يوفقك ويسعدك ويرزقك بالذرية الصالحة
كلهم قمندات مثل امهم



خخخخ
موفقين خير

[تخطيت السحاب]

المشاركة الأصلية كتبت بواسطة ابو هتان

الله يبشرك بالخير م دام معي الاخ العزيز تخطيب السحاب ان شاء الله م علي خلاف

هلا فيك ابو هنان
لاتشيل هم ان شاء الله نعديها على خيييييييييير يارب

[تخطيت السحاب]

المشاركة الأصلية كتبت بواسطة سعد العماوي

صح بدنك مايحتاج يادفعة القمنده انت ووزيره وسحاب وتتخطيت كلم بجيبكم فيها

انا ابي لش بيت وشقة تكفى
خخخخخخخخخ
الله يسعدك يارب ياسعد

[سمسووومه]

باخر يوم اختبارات حسيت بغصه وما حسيت بالفرحه اللي كلاً توقع احس فيها

كانت الدراسه ممتعه بحلوها ومرها

وافتقدتها وانا ما بعد طولت عنها

لمتكم اسلوبكم افكاركم تعاونكم محبتكم للكل وخوفكم على درجات الكل ونصايحكم شي بنفتقده بقووه

كلنا عيلة وحده تحدينا قوانين الجامعه الجائره احيانا وردائة الانظمه غالباً وشجعنا بعض وكنا مع بعض نتقاسم فرحة النجاح والم الاخفاق احيانا مع ابو حليمة والمعاني والسليسي ونهونها على بعض ونفتح صفحة جديده لمقرر جديد مع بعض ، جربت اذاكر مع مستويات ثانية وما لقيت زيكم

راح افتقدكم وراح افتقد لمتكم الله يوفقكم وين ما كنتوا فرد فرد والله يجمعنا على خير في مشوار تعليمي من نوع جديد

[وزيرة]

المشاركة الأصلية كتبت بواسطة رضوان

وعليكم السلام
كلما كان مجموع الساعات اللي أخذتها في الجامعة كبير كلما كان تحريك المعدل أكثر صعوبة سواء ارتفاعا أو نزولا

الله يبشرك باالخير يااخوي رضوان دايمـاً مـاتجي إلا باالأخبار الزينـة واللي تسرسح عاالقلب
لأني أخذت هاالترم 10 مواد وأحس مـاقدمت زين زي الأترام الباقية وخايفـه يتأثر معدلي
لكن أن شاء الله خير
______________

سعد العماوي
شاعر دفعـة القمندة هاالله هالله في دغعتنـا وتكفى نزل القصيدة في موضوع منفصل خلهـا تاخذ حقهـا والكل يشوفهـا
________________
gel
أكيد سقط سهواً أنتي من أعمدة الدفعـة بس وينج مختفيـه هاالترم كلش
________________

سمسومـة
كلامج جداً مؤثر والله
أحبككككككم يادفعتي فاالله ولله والله يشهد على ماأقول
_______________
تخطيت
الله يسمع منك أن شاء الله ويوفق الجميع يااارب