[ استفسار ] وش رايكم هل تنفع هالطريقة لرفع المعدل ..؟

[هيمو @]

حلو الترم الصيفي لكن وقته طويل يتعب وتخافين المواد ما تنزل اللي تبيها

[hadialdossery]

المشاركة الأصلية كتبت بواسطة B.B.A

طبعا الطريقة هذي حلوة للي معدله نازل او يبي يرفع المعدل مع النظر بالاعتبار الى اهمية المذاكرة من اول وبدري ..

يعني كون انك تركز على 4 مواد وتطلع بمعدل حلو من المستوى الثاني فهذا شيء كويس ..

واللي يبي يعرف كم بيصير معدله يحسبه حساب توقعي يعني من خلال برنامج حساب المعدل يحط كم يتوقع بيجيب بهالمواد ويحسب ..

وطبعا انا مادعو احد يسوي نفس طريقتي .. ولكن حبيت استشيركم لا اكثر وانتم بكيفكم

الرأي اولاً واخيراً لك أخي العزيز

لكن من باب التذكير فقط أن اغلب الطلبة العام الماضي حاولوا التسجيل بثلاث مقررات في الترم الصيفي لكن لم يحالفهم الحظ حيث تم قبول البعض على ثلاث مقررات والاخر مابين مقررين ومقرر واحد وبعض منهم لم يحالفه الحظ حتى بربع مقرر .

خطة الجامعة لاباس بها لأن مجال التعويض ورفع المعدل متاح في حال انك بدءت من الأن .

وأذا فيه صيفي مايمنع تاخذ مقررات غير تخصصية من المستوى الثالث والرابع حتى تخفف من الضغط في المستويات القادمة اذا كان الامر متاح لك والأ فأن خطة الجامعة هي المعتمدة وهو عكس ماتنوي انت القيام به حالياً وهو التفريط في خطة الجامعة على أمل ان يتاح لك الترم الصيفي وفي حال عدم حصولك على الترم الصيفي سوف تبدأ اللخبطة عندك وضغط المقررات حتى تخرجك من الجامعة

لذلك أرى ان التخفيف يبدء من الترم الصيفي بهدف المستويات القادمة وليس الترم الصيفي لمستوى سابق

قد اكون ضغطة على نفسي في هذا المستوى ولكن بأذن الله في المستويات القادمة سوف اكون على قدر كبير من الحرية في التحكم بالمقررات التخصصية وغيرها .

هذي وجهة نظري وقد تكون خاطئة

تحياتي لك

[المدى البعيد 10]

انا مع الترم الصيفي للاشخاص اللي حاملين مواد فقط !!

انا بسجل ال 7 مواد كلها ان شاء الله
لانها كلها مواد سهلة مابها صعوبة او تعقيد عكس المستوى الاول 5 مواد وكلها صعبة

لكن الاهم ان الواحد يضبط وضعة اول بأول من بداية الترم وبتمشي امورة بالسليم

صدقني
في الترم الصيفي بتنكرف وتتعب نفسيتك وربي وتحس انك مضغوط من الدراسة المتواصلة

وعاد انت ماشاء الله دافور ولا عليك خوف سجل ال7 مواد معنا وتوكل على الله

[امل باوزير]

الاقتصاد الكلي مع هجهوج بعده على طول انجليزي بس هالنقطه لو تتعدل
بالجدول نقدر ناخذها
دام فيه صيفي كويس ببقي الانجليزي والاخلاق
ادرس الاخلاق بالصيفي وابقي الانجليزي للمستوي الثالث
احس فيه لخبطه بس اهم شئ نجيب معدل حلو بإذن الله

اللي فهمت من اتصالك انه قال فيه صيفي واحتمال يخصصوا المواد المقاليه
حلو كذا اتخلص من ماده وتبقي لي ماده
الصيفي لازم الحساء يعني

[عِصآميهة]

رفع المعدل ماله علاقه بكثر آو قل الموآد هذآ يعتمد على جدك وآجتهادك ف المذآكرهه
وآختيار الموآد آختارها حسب الظظروف آذا الظروف تسآعد ف خذ الخطه كآمله لان التأجيل مب من صالحك + يأخرك ف التخرج
آلترم الصيفي تنزل فقط 3 موآد وهي حسب الموآد اللي تبقى لـ مستوى 8 يعني ممكن موآدك م تنزل ف تتوهق فيها

وبـ النهايه آلآستخارهه آهم شيء وبعدها قرر

[محمد الحمدان]

اضن مو كل المواد تنزل ترم صيفي .. بعض المواد اللي دكاترتها يكونوا موجودين اما اللي راح يصيف مااعتقد بتنزل لهم مواد

[VIP.]

عليكم السلام


الي الامام الا الامام

[محمد آل عبود]

والله نظرياً يا اخوي BBm خطتك جهنميه لاغبار على ذلك ومفروض تسجل براءة اختراع <مداعبه
بس خلاصة الكلام واقعياً الوضع مخطور ومثل ماوضحو الأخوان فيه اشكاليات كثيرة يمكن تواجهك
بنسبة كبيره وخطة الجامعة هي الوحيدة المعقولة واللي مستحيل تضغط نفسك فيها
ومن الغلط ان اي طالب يحط نفسه تحت مظلة التخمين فيه او مافيه بتنزل 3 او ماتنزل الخ ..!!
ولكن استشارتك اتوقع انتجت ثمارها واتضحت خيوط يمكن ماكنت حاسب لها انت وغيرك

على كل حال الله يكتب لي ولكم مافيه الخير ويمدحون الخطة للي ماحمل اي مادة وشكراً

[ladan]

الفكره حلوه للي عنده وقت وللشباب خاصه
لانه البنات شلون يروحون للاحساء وفي الصيف بعد
بتكون جهنم اختبارات مع جو الصيف المهم انا مع الخطه
لان ماعندي خيار ثاني والحمد لله معدلي تمام وإن شاء الله
للأحسن وفالنا التوفيق يارب

[سوزي~]

طيب والي حامله ماده وش تسوي والله اني ضايعه:(