[ مذاكرة جماعية ] : ::: يد الله مع الجماعة :::

[omjehaad]

فطوم بالنسبة لسهولة لمواد أنا أشوف أسهل شئ أساليب كمية بعدين إدارة مالية بعدين أساسيات محاسبة بعدين إحصاء وكلهم بشوية تركيز وتمارين كتير تصير زي الموية

نظم وتقنية ماحبيتهم بس أكيد مافيهم أي صعوبة وبالتوفيق للجميع

[F-fatimah]

مافيهم صعوبه التقنيه والنظم صحيح النظم طويله لكن مع مذاكرتي لها عرفت انها مجرد سوالف عن التقنيه واستعمالنا للتكنولوجيا ويعني زي كذا بس حلوه والله تستمعين بدراستها



بالنسبه للمسابقه لمادة الاساليب الكمية جات في بالي فكرة


بالبدايه تعلنون عنها في المستوى الرابع والثالث لكن تقام في مستوى رابع لان الاصل هناك تطلبون مشاركين بدون حصر للعدد لكن حددوو وقت لتسجيل اسماء المشاركين واعلانهم في بدايه المسابقه لكن لابد كل من يشارك يحضر فيها


اولا تقسمونهم مجموعتين مستوى ثالث ومستوى رابع


كيف تكون المسابقه ! اي فرد من المستوى الثالث او الرابع يجاوب على السؤال صح تحسب نقطه لفريقه وبعدين تجمع النقاط لكل فريق وتعطى لأفراد الفريق الفائز لكل فرد نفس عدد النقاط المتحصل عليها وممكن تهدى اوسمه وتكون للشخص اللي جاوب على اكبر عدد من الاسئله



مجرد فكرة ومممكن تغيرونها باللي تشوفونه مناسب وننسق مع مشرفاتنا هنادي وجنون الحياه وبوسي كات وناخذ ارائهم برضو




وعندي شغله ثانيه ابقولها لكم لكن للحديث بقيه




......

[ام ود]

مره روعه فكرتك فطوم ياليت والله تتطبق وانا اول مشاركين ان شا الله

[F-fatimah]

المشاركة الأصلية كتبت بواسطة medo0o0

السلام عليكم ورحمة الله وبركاتة
واخيرررررررررررررررررررررررررررررررررررررررررر خلصت من البيت مو من المذاكرة لاحد يطمر علي هم وربي ..
تراي صغير من شايب يعني 24 كيفكم ان شاء الله بخير وصحة وعافية
وكل عام وانت بخير وصحة وسلامة يا رب
ومبروك عليكم العشر
وادكر نفسي وادكركم بصيام يوم عرفة ..
واشكر كل من نبهني واخص ..كلا من :
هنادي
فاطمة
ام عساف
ms.moody
ترف اسعد
بدون ترتيب
الله يسعدكم يارب

ابي ابدا مذكرة انا منين ابدا وش ترشحون لي مادة ..؟ وكمان وش الملخص ..؟
تراي غياب عن العالم الفترة الماضية ..الي كسبته الفترة الماضية راسي شيب وربي
احس لي هيبة من الشيب
الله يحفظكم ..

مبرروك عليك وكل عام وانت بصحة وسلامة


ارشح لك مادة الاحصاء بالاول بعدها اساسيات المحاسبه واللي بعدها انتم رتبهم على راحتك



حيااك




.....

[F-fatimah]

تكملة الحديث


في بالي فكرة من زمان ودي اقولهارلكم وهي نقاش مفتوح بالمواد ... كيف ؟!


نكتب بشكل مبسط وشامل شرح لفقره بالدرس على حسب مفهومنا والافضل ماتكون نصاً من شرح الدكتور او المحتوى لأن لو صارت نصاً كأنك يابو زيد ماغزيت لان اللي مافهم على شرح الدكتور والمحتوى ماراح يفهم عليهم لو تعيدها مليون مره لكن تعال له من كذا مدخل بيلقى له مدخل يفهم منه لذلك قلت على مفهومنا لتصل المعلومه للطرف الثاني بشكل اسرع


اعطيكم مثال لتوضيح الفكره اكثر .. مثلاً في مادة الاحصاء كثير مو فاهمينها يجي اخونا شئ آخر ويشرح اول فقره عن ماهو الاحصاء وتعريفه وكذا بعدها تجي مس سولو وتشرح الفقره اللي بعدها وبرضو تجي ام جهاد وتشرح بعدها وهكذا من نفس الدرس على اساس مايكون للشخص الواحد درس كامل ويحس انها ثقيله وبتكون مثل السوالف


الهدف من النقاشات هاذي :

- انت نفسك اللي تشرح تعرف ايش فاهم وايش مو فاهم مو بس اللي تشرح لهم .


- بكذا نكون اعتمدنا اساليب وطرق شرح اخرى للمادة ونسهل الفهم على بقيه الطلبه


- ًممكن حاجه فاهمينها غلط ونظن فاهمينها صح مع متابعه شرح البقيه بنعرف هذا الشئ


- بتكون القروبات غنية بالشروحات اكثر واكثر


- الاخذ والعطاء يرسخ المعلومات اكثر واكثر



النقاشات تكون بالقروبات الخاصه بالمواد




ايش رايكم معي انتم بهاذي او لاء ؟




.....

[Ms.Solo]

معك فطومه خطيره الفكره

[omjehaad]

معاك حبيبتي في المسابقة وموضوع النقاش والشرح فكرة جميلة ومنطقية الله يوفقك ويوفق الجميع

[هتان 2]

الله يوفقنا يارررب ولايحرمنا من هالشهاده يارررب سبحانه ان شاء الله جميعا متفوقين هالسمسترر بفضل الله سبحانه وبفضل تعاونا جميعا يدا بيد نحوا النجاح :)

[mqamrh]

فكررررة حلووووه فطووووم الله يوفقنا جميع

[عريبღღ]

فكره حلوه فطوم
انا عندك راح أخلص جميع الموادعلى آخر شهر ذي الحجه انا موادي 6وشهر محرم راح اقسمه كل عشرة ايام مادتين مادة حفظ والثانيه تفهم فهم آخر محرم بكون مخلصه جميع المواد وشهرصفر يعبر مراجعه حل نماذج اختبارات وتمارين تطبيقيه الاترام الماضيه اتبعت نفس الطريقه والحمد الله نفعتني كثير
انتم حددوا الوقت وإن شاء الله لكل يستفيد وبالتوفيق