[ اسئلة اختبارات ] : الاختبار الفصلي لمقرر الإحصاء للإدارة

[Ameerh1988]

أظن لازم نشوف لنا حل قبل الاختبار النهائي مع هالدكتور

[Lbaih]

في ناس شاركوا مثل سميه صالح ..ماننسها من شكر ..

[cat]

هذا الامتحان الوحيد 8 ساعات ليه ؟؟؟؟

[أبوشموخ]

المشاركة الأصلية كتبت بواسطة بندر المحمدي

ابوشموخ
ماهو كذا يرد الجميل


هدى و اجتهادات و اسوم يكفى انهم من قبل الساعة 4 وهم بالملتقى
وش اللي حادهم يرتزون قدام الشاشة اكثر من 8 ساعات الا عشان سببين:
وهو تقديم المساعدة و كسب الاجر


طالبنا كلنا من كم يوم بأن نكون مرتبين ومنظمين و تبشرنا خير بناس دقوا صدورهم بالمشاركة
ويوم جاء وقت الجد ماشفنا غير 3 اسماء فقط اللي قد كلمتهم
ولحقوا بعدين البقية بالمشاركة الله يجزاهم خير


يعى بعد كل هالجهد و التعب و ترك امورهم الشخصية والعائلية تكون هناك ردود غير لائقة بحقهم !!!


الهمجية و الوقاحة في تشتيت الموضوع وعدم الاستفادة وش حصلنا أخرتها ؟


أنا محاكيك اخذت 7 من 10 والحمدلله على كل حال
لكن لو كنت افكر بنفسي و اناني ماتواجدت بالموضوع او تواجدت اجتهادات و هدى واسوم والبعض ممن شارك ... كان اهتمينا بانفسنا و حلينا و البقية بالطقاق ... لكن الحمدلله ماربينا على مثل هالامور


وصرنا نبحث عن الاجوبة الصحيحة و نفتح المحاضرات و المحتويات عشان نطلع بنتيجة طيبة للجميع


لا نمن ولا نترفع على أحد كلنا سوى وماطلبنا شيئ كبير أو كثير على أحد


فقط طلبنا عدم التشتيت و النظام فقط لا أكثر


بعد دخول اول دفعة واحضار الاسئلة قلنا بنوقف ونحل ونتشارك ولكن فجأة شفنا انواع اللخبطة و الحوسه وكل واحد يبي الجواب بسرعة وهذا شيئ ماقصروا فيه اجتهادات و اسوم والبعض فقدموا المساعدة ونسوا انفسهم عشان ماتروح محاولات الاعضاء


راحت علي المحاولة الثانية و انا ابحث عن اجوبة بالمحاضرات ونسيت اختباري و انتهى الوقت
مازعلت بالعكس الحمدلله ان غيري استفاد من المعلومة اللي قدمتها سواء أنا أو غيري


فما جزاء الاحسان الا الاحسان ... وهنا بهذا الاختبار جزاء الاحسان كان البعض ( ...... ) مع احترامي

كل الشكر والتقدير على ردك المحترم وتم التعقيب على الأخت أسوم مشكورة ..
جزاكم الله خير لكن ليه انت ماكتبت تستاهلون انكم ماحليتوا ؟
لأنك احترمت الطلاب وهنا دور المسؤولية وتشكر عليه ..

[نجيب]

تصبحون على خير

الكل شارك ومدري ليه تخصيص اسامي


يعطيكم العافيه جميعا
وفالكم اطيب

[Ameerh1988]

ياليت نرسل إيميل ونطلب الدكتور بالإعادة للاختبار

[اكاي 1995]

المشاركة الأصلية كتبت بواسطة أبوشموخ

الأخت هدى والأخت اجتهادات ..
بصراحة انا ما أدري وش سبب الفوقية في ردودكم .؟
تستاهلون وأكلتوها .!!
هذا وانتم ماسكين اسئلة الاختبارات أجل كيف لو ماسكين عمادة الجامعة .؟!
ننتقد الدكاترة في التصعيب وحنا الطلاب يقولون تستاهلون انكم ماحليتوا صح .!
طيب ليه ماتطرقتوا للأجوبة الخاطئة ؟! كبريائكم يرفض الاعتذار ؟!
طيب حنا غلطنا ونعتذر عاللخبطة اللي سويناها أو اللي سواها البعض ..
لكن ماحد منكم اعترف بأن الأجوبة كانت خطأ .!
تتكلمون عن التعاون وانتم تبرأتم منه في ودودكم وحملتوا التقصير كله للطلاب فقط .!
عموماً الشكر لكل من اجتهد والله يعطي كلن على قد نيته ..

كل طلاب يتحمل مسؤولية مو اجتهادات ولا هدى هم ماقصروو معكمم
إذا أنت تحمل مسؤوليه انك ما ذكرت أو غيره محد يتحمل مسؤولية غير طالب هم ضيعوا محاوله عشانكم جزاهم الله الف خيرا اجتهادات وهدي

[Lbaih]

المشاركة الأصلية كتبت بواسطة Ameerh1988

ياليت نرسل إيميل ونطلب الدكتور بالإعادة للاختبار

ههههههههههههههههههههههههههههههههههههههه لمازا؟؟

[ms.aljazi]

في ختام الموضوع بقول كلام واسمعوه زين ,,,


اللي صار اليوم خذوه عبره لكم عشان ثاني مره تمشون على التوجيهات اللي حطيناها
شفتوا كيف كليتوها ؟؟ اعذروني على هالعباره (همجيه) في الردود وطرح الأسئلة
كل واحد همه يخلص نفسه وبس ليه التذمر ألحين واللي يقول مالت عليكم كلكم !
ذي غلطتكم وتحملوها لو الوضع منظم ما صار اللي صار أتمنى بالاختبارات الجايه تكتفون
بالمشاهده لين تكتمل الأسئله إذا ما من ردودكم فايده عشان ما ينضرون الكل نتيجة
عشوائيتكم ...



خلوا اليوم درس لكم ..


وبالنهاية اللي ما اخذ درجه كامله معوض خير بالنهائيات شدوا حيلكم فيه وفي الواجبات ...






^هذا اللي قلته وين قلت تستاهلون ؟؟
قلت خلوه درس لكم يعني بالاختبارات الجايه ننظم عشان الكل يطلع من اختباره راضي بدرجته
كل انسان ياخذ دروس في الحياه عشان ما يطيح فيها ؟ وين الخطا باللي قلته ..


بالنهاية حصل خير

[أبوشموخ]

المشاركة الأصلية كتبت بواسطة اجتهادات

كبريائكم ؟ هل شيكت ردودي كم مره قلت بدلوا السؤال ذا بالإجابه ذي !
ارجع عيد الصفحات قبل تأشير أصابع الاتهام على الغير منك
هل شيكت الردود أو لا كم مره طلبت اللي خطأ ينرفع ! شيكت كم صوره اقول بدلوها بذي
وما تبدلت وأكرر ؟؟؟
هل تعرف كم محاوله جربنا وكم الدرجه اللي اخذناها ؟ وتجردنا من التعاون ؟؟
وين الكبرياء والتبرءه من التعاون اللي تقول عنه اللي يطالع ويتذمر يبغى الإجابه
ولا اللي ترك كل شيء عشان يحاول ينظم اللي يصير ؟؟ هل مفروض انا اتحمل مسؤولية ذلك

قليل من الحق اللي تطلبه هو الاعتذار من اللي ضاع وقته وضاعت درجاته عشان الغير
للحين ما حطيت لقمه بفمي من 3 وأنا هنا !..

قلتها بالنهاية أنما الاعمال بالنيات وأنت وضميرك بعد هالكلام ..

ماحدد قلل من عملكم انتم اللي قللتم منه ..
لما الشخص يسوي لك خدمة عظيمة ثم يتمنن عليك بها وش بتقولين ؟ ليتك ماسويتها صح ؟
المقصد لما تسوين خير اتركي للناس تقديره لاتفرضين ذلك عليهم ..
التحفظ كان على الاسلوب فقط والاجوبة وتم توضيح مسألة الأجوبة لكن لايوجد تبرير للأسلوب ..
دور المسؤولية يكمن في تقبل جميع ردود الأفعال ..
عموما ما أحب اطول وكل الشكر لك ولفريق العمل وان شاء الله الخطأ مايتكرر منا ولا منكم ..
جزاك الله خير والاختبار راح بخيره وشره والعوض في القادم والله لايضيع تعبكم ..