موضوع للبنات

[متفائل ولكن !!]

حالتكم حالة ... ما شفنا هالكلام عندنا يالشباب بس انا مع البنت الي تهتم بنفسها بالمعقول ..
والي عنده مشكله من العود يجلس عن الباب وانتهت السالفة

[للطموح عنوان]

نفس الوضع بالقاعة والشكوى لله


الحمد لله خلصت


ملاحظة: العود للمناسبات وليس للاختبارات

[AISHA ALOMARI]

كثيرة هي السلبيات اذا اردنا نتحدث عنها في مراكز الاختبارات
لكن هناك سلبيات تطغى على أخرى ؟؟؟؟ ويصبح الحديث عنها حاجة ماسه . لأنها خرجت عن المألوف
ونرجع نقول حريات شخصية والله الحسيب والرقيب على العباد
لكن منباب النصح وحب الخير للجميع نتطرق لها في موضوع حواري ونقول هناك قواعد شرعية لا بد ان تراعى ؟؟؟؟؟؟
ومن قال لك يا أختي الفاضلة ان ما فيه رجال يشمون الروائح والله وتالله وبالله اني في اغلب الأحيان اطلب من زوجي ينزل معي حتى يفتحلي طريق كي امر الى البوابه
فيه رجال هداهم الله يترجلون من سياراتهم وكأن ولاياهم صغيرات سيأكلهن الذئب اذا ما نزل وأخذ بيدها ونظل نقول حرية شخصية؟؟؟؟؟؟
وبالنسبةللكمامات هناك مرضى جهاز تنفسي لا يطيقون الكمامات ويصبح الوضعي صعب عليهم !!
(((النظافة من الايمان ) وعنوان للمرأة المسلمة واكيد نحب نرى مشاهد الجمال والنظافة والهندام الحسن في حدود الاعتدال والوسطية )) ايظا ظاهرة الضحك الهستيري والمحموم والصخب في ردهات المركز وممرات القاعات وعند ((دورات المياة ؟؟؟؟)) أصبحت من المأسي التي تتنامى في كل فترة اختبار تجي بعض الطالبات وكائن المكان لهاوحدها تضحك بصوت يدوي في ارجاء المكان صداه من الدور الثالث تشتت انتباه مركزبأكمله وتخلق جو فوضوي من حولها صراخ واصوات عالية وكعوب تخسف الأرض من تحت اقدامهن في صوت منفرومشتت وكأنها مطرقة جدار !!!!
يا اختي الفاضلة أي كان مكان اختبارك وهدوء مركزك وكثرة ايجابياته وقلة العدد او كثرته فيه نساء يأتين من احياء بعيدة يختلسن ساعات قليلة من يومهن قبل اختباراتهن
ليحظين بلحظات هدوء يستذكرن فيها مواد اختباراتهن يجب ان نراعي هذا الجانب . انا اشاهد نساء يأخذن وضعيات في زوايا المركز بحث عن الهدوء ويجلسون على كراسي غير مريحة للجلوس بالساعات عليها او على الأرض ثم تأتي مجموعة طالبات(انانيات ) كلمة قليلة في حقهن يصنعن جومرح خارج عن قواعد الادب متناسيات منحولهن من الطالبات وحاجتهن للهدوء هذا غير ظاهرة الازعاج اثناء الخروج من الاختبار وإصرار بعض المراقبات على عم اغلاق الباب بدافع انه ممنوع
هذا ايجاز بسيط عن سلبيات كثيرة نختصرها في الأهم والأولى ان يعالج نسال الله الصلاح للجميع والهدايةوالتوفيق

[غيدْ.]

يــــاارب لاتشغلنا الا بطاعتك .

[moghtrb]

الموضوع كبير صراحه وكان من الواجب انه ينفتح من زماااااااان ومو للبنات بس... واسمحوا لي بالتعليق

اولاً العطور والزينه والعبايات والحجاب هذي كثرت مشاكلها والبنات للأسف يجهلون بأمور الدين او انهم من باب سعة الصدر ولا يهتمون بالدين ولو نتناقش من هنا للسنه الجايه ماراح يقتعن لذلك مابي اتعمق بهالموضوع اللي وربي يسبب لنا احنا الرجال ازمات نفسيه كبيره...


ابتكلم عن نقطه كثر الكلام عنها وهي ان الله جميل يحب الجمال.. يا اخوات الكلام هذا ينقال من باب النظافه والاهتمام مو في باب المكياج ولا في باب الزينه المحرمه فقط حبيت اوضح للي متفلته بالكلام هذا وهي تعتقد انه ينقال في المكياج اللي هو بالاساس مررررررض وخراب البشره

[لنو!]

مال اي احد حق يتحكم بغيره طالما مافيه احد تعدى عليه كلن حر مالكم على اي احد سلطان .. تروح مبهذله او تروح متكشخه شعرها مستشور او كشه بعطر او بدون اختبري واطلعي وانتهينا ..

الموضوع قلب كل وحده تنتقد الثانيه


فترة انتظار النتايج تطلع مواضيع غريبه

[اميرة الاحلام]

انا ما همني هذا كله كل وحده تعكس تربية اهلها .. وخوفها من رب العالمين .. ما يقهرغير عدم الاحترام والازعاج اللي يصير في فترة المراجعه قبل دخول الاختبار يعني انا وحده ما عندي وقت ابد الا نص ساعه قبل الاختبار

[خطوة بخطوة]

من قالكم ان الحرية الشخصية انك تؤذي الاخرين !!!

ابي صاحب هالمقوله

الحرية بالمعقول ولكن اللي معك له حقه وحريته ولا تتعدى عليه

المال العام ملك للجميع سواء مدرسه او شارع او أي مكان عام

في بيتك تبي تتعطر تبي تصير معفن براحتك

واهم شي اهم شي الوسطيه

وتذكروا قول الرسول عليه افضل الصلاه واتم التسليم

لا ضرر و لا ضرار

[نوفييي]

انا اداوم بعباتي وماكثر عطر ولا احب العود بس بخصوص البنات الباقي انا اشوفها حريه شخصيه وفيه كمام حق اللي ماتحب الريحه الزينه 😋♥️
احمدوا ربكم انه عود والله كنت ادرس مع بنات الله يهديهم اتمنى انهم يتعطرون او يتنظفون
وانتوا تتكلمون عن مقر الاختبار اجل ماداومتوا مع البنات المنتظمات وشفتوا الزينه واللبس كل واحد على ماهو متعود البساطه او الاوفر او النتانه او النظافه مع احترامي للجميع

[اقلام لاتمكث]

انا كنت عادي ممكن اتقبل العود بس حملت مرتين وفي حملي مااتحمل روائح مثل العود والبخور ونادراً اتقبل رائحه..
وبنتي صار عمرها سنه وشهرين ومازلت اعاني من العود اكرهه كره ومااتحمل..اليوم نفس الشيء ماقدرت راسي صدع ونفسيتي زفت بسبب عطر بس رائحته مثل العود..
مانقصد نمسك حرية البشر ..او نضايق الناس بحكم ان الشيء يزعجنا بس لازم مراعاه..
بالزواج مانعلق لان نحن مخيرين نروح الزواج او لا ..بس الاختبار والقاعات مانقدر نغيرها!!
وتكلمنا بالقصير لان الشيء يزعجنا ..ماهو قصد ازعاج البنات ..يزعجنا نشوف مناظر كذا بصرح تعليمي لكل مقام مقال!!!
ونفس الشيء المكياج للأمانه انا وانا بنت اشوفه يقبح البنت اعتقد لو احمر شفاه مع كحله يكفي بس ماعلينا خذوا راحتكم بالالوان ومع ذلك اذا علقنا مايعني نتحكم بالبشر بس كل انسان المفروض يعرف ان كل مكان مختلف عن الآخر..
ومثل ما العالم أعطت رأيها انا عبرت عن رأيي
وبالنهاية يظل لكل بنت حريتها ورأيها وعن نفسي احترمه..بس مثل مانحترم ياليت يتبادل الاحترام بموضوع الروائح أقلها