[ اسئلة اختبارات ] : لمن اراد رفع تظلم لمادة الثقافه والعولمه دكتور المقرر وتسجيل الأسأله دكتور آخر ...!!!

[أفهمك]

المشاركة الأصلية كتبت بواسطة أسماء عبدالعزيز

مو أول مرة ناكلها ولا أول مرة نرفع تظلم ,,
من ناحية الاختبارات نادر الندرة يعطونكم وجه
غاسلة يدي من الجامعة
مامر علي اختبار رفعنا تظلم وجاب نتيجة غير مضيعة الوقت ...

خلوا العولمة على جنب والتفتوا للباقي لا تطير من يديكم كلها ...

ليه نغسل يدينا وحنا نقدر نوسع نطاق رفع التظلم ونتجهه لماكن اذا ماخافوا مننا فيه بيخافون من ردود الفعل وسمعه الجامعه


يعني نفس التويتر الي دكاترتنا واساتذتنا يتفاخرون ان جامعتهم احسن جامعه وطلابهم ماخذين حقوقهم ع اكمل وجهه

وبصراحه انا شايفه كذا شخص يحاول يضبط اموره مع عزام ف لما نرفع تظلم بالتويتر بيسمعوننا بتوحيد هاشتاق

واول التظلمات بيكون بخصوص المشروع الي يرسبون الطلاب فيه عشان الاقتباس وكل الجامعات وخاصه الانتظام ينجحون بالمقرر بكل سهوله ولا يدخلونه لا ببرنامج ولا شي اهم شي الغرض من المشروع

[نودي-25]

المشاركة الأصلية كتبت بواسطة بيآض

_

أنا من أمس أدخل وأطلع من هالموضوع لأني إحترت بطريقة الرد عليه !
أولاً ماهي إشكاليه كبيره إن كان الغلط المطبعي بإسم الدكتور وكلنا عارفين إن الدكاتره غيرو أساليبهم هالترم
يعني ماعندكم إثبات إنو مو زين العابدين اللي ماكتب الأسئله ..
ثانياً كثير من الطلاب ترى ماكانو بيدرون وش الموضوع لو ماأحد قال إن حصل غلط والا كانو مشوها ومحد منتبه ..
ثالثاً إنتو في مستوى يخليكم تلتفتون للأمور الأكبر من خطأ مطبعي موادنا تستحق الإجتهاد يعني اللي فات مات ..
رابعاً وهو الأهم كل واحد عنده يقين داخلي إنو مهما تكلمتو ورفعتو تظلم محد بيلتفت لكم ..

وإعذروني ع الشفافيه لكن هذا الكلام اللي المفروض ينقال بغض النظر اللي حل زين واللي ماحل زين
إسم الدكتور ماهي إشكاليه وللجامعه مبررات كثيره أقلها بتقول خطأ مطبعي يعني ريحو نفسكم وإبدو بمادة بكره
وربي يوفقني وإياكم ..


.

للأمانه عين العقل، خير ماقِيل هنا

[mnoosha]

المشاركة الأصلية كتبت بواسطة بيآض

_

أنا من أمس أدخل وأطلع من هالموضوع لأني إحترت بطريقة الرد عليه !
أولاً ماهي إشكاليه كبيره إن كان الغلط المطبعي بإسم الدكتور وكلنا عارفين إن الدكاتره غيرو أساليبهم هالترم
يعني ماعندكم إثبات إنو مو زين العابدين اللي ماكتب الأسئله ..
ثانياً كثير من الطلاب ترى ماكانو بيدرون وش الموضوع لو ماأحد قال إن حصل غلط والا كانو مشوها ومحد منتبه ..
ثالثاً إنتو في مستوى يخليكم تلتفتون للأمور الأكبر من خطأ مطبعي موادنا تستحق الإجتهاد يعني اللي فات مات ..
رابعاً وهو الأهم كل واحد عنده يقين داخلي إنو مهما تكلمتو ورفعتو تظلم محد بيلتفت لكم ..

وإعذروني ع الشفافيه لكن هذا الكلام اللي المفروض ينقال بغض النظر اللي حل زين واللي ماحل زين
إسم الدكتور ماهي إشكاليه وللجامعه مبررات كثيره أقلها بتقول خطأ مطبعي يعني ريحو نفسكم وإبدو بمادة بكره
وربي يوفقني وإياكم ..


.

صح لسانك
اللي فات مات

[Diala]

تم رفع التظلم

[أنيقاع ذووق]

وشوله رفع تظلم وهالحوسه ماله لزوم ولا فايدكم معلييش خلاص موب عايدينه لكم ولا بيعطونكم درجات :)
وذا على الاسم انا ماهمن ولا فكرت به استغربت من التدقيق عالأسم بالأخير مختبرين وقاضين
و الاسئله كانت واضحه بصراحه اللي مذاكر زين بيعرف يحل من الاخر أنا ذاكرتها بنفس اليوم وحليت زين الحمدلله
خلاص هدو نفسكم و أنسوه واللي فات مات على قولة بياض ✋والله يوفقكم و بتعوضونه بالجاي ان شاء الله ��

[تشكيلات]

وين أرفع التظلم وكيف لأني أبي أرفع تظلم

[Manooshy]

اخاف يخلونا نعيد الاختبار وكيف ارفع

[كتمودو]

سلامات ليش ترفعون تظلم
هل الاسئله جتكم غير المحتوى اللي ذاكرتوه ؟
اعتقد نفس المحتوى والاختبار كان متوسط الصعوبه الي ذاكر بيحل
صدق ناس فاضيه عشان اسم الدكتور غلطانين فيه بتقومون الدنيا

[ابو فارس الجبيل]

كلام غير منطقي الاعتراض لو كان الاسئله من خارج المنهج انتوا ناس اكاديميين وهذا الي تقولون يتنافا مع شخص يحمل مؤهل بكالوريوس
المسالة ماهي احباط لكم ولكن هي نصيحة محب احنا صف واحد ومستوى واحد من بدينا الدراسه ويجب ان نقول رائينا بصراحة واطلب من الجميع عدم رفع تظلم وانشاء الله ناجحين

[3ANKTTAFIK]

ليش مانرفع تظلم وليش مانسوي هاشتاق؟ أنتم طلبة أكادميين , كيف ترضى تحل أختبار وتجاوب على أسئلة مهي لدكتور المادة , ولنفرض أنها نفس المحنهج والمحتوى , الخطأ من يتحمله الجامعة وألا الكنترول و آلة الطابعة وآلا الطلاب والطالبات ؟ وأنتم على أخطاء بسيطة ونقصان درجة أو درجتين للنجاح مايعطونكم يعني أدفع فلوس من جديد, مع العلم أني غيرت أسم الدكتور وبلغت المراقب وبفضل الله حليت بالأختبار لدرجة +a , مايمنع نعبر ونتكلم ونتظلم هذا حق لنا كأكادميين وطلبة جامعيين . اللي فات مات على أيش سلامات ;)