[ مذاكرة جماعية ] : ظاهرة الغش عند الكبار .... إلى متى

[HUD1]

والله مستغربه من الي يبررون غشهم
ماادري وش دخل الدفاره والمثاليه بالموضوع !
نتكلم عن حديث الرسول عليه الصلاة والسلام (من غشنا فليس منا) ماادري أنتم فاهمين الحديث والا تسمعون فيه بس
الرسول مااستثنى الي مايعرف أو الكبير أو أي شي من أعذاركم
الله يهديكم و لا يبلانا بس

[ابو ميار777]

الله يرزقنا المراقب الغير متشدد يأخي أغلب ناس تدرس من أجل ترقيه و تحسين المستوى المعيشي أغلب المنتسبين لديه ظروف خاصه وعائليه لا تحكم على ناس من زاويه وحده با نسبه لي أنا اذاكر والحمد لله ما احتاج أحد ولا أقصر أو أبخل على أحد بالعكس اليوم خذيت ورقة طالب امامي وحليتها له كامله ورجعته ودعا لي وش تبي أحسن من كذا :):D:p

[Nanooo2]

صحيح ان من غش فليس منا انت من حقكك ان ترفض تغشيشه بس اختلق لاخيك المسلم سبعين الف عذر انت لا تعلم مامدى حاجته للشهاده او ماهي ظروفه فهو مسؤل ليس عن نفسه فقط بل مسؤول عن كذا شخص

[KEMO--]

ذاكر الكويزات وركز فيها وان شاء الله تنجح بصراحه الدكاتره متساهلين كثير الله يجزاهم خير

[هيفا الدوسري]

ياشيخ متشددين ولا كان غشينا من زمان العالم تشتري شهاده وماتستحرم وجايين على الضعوف ومتنيقصينهم :(

[طموح دائما]

آخر لكمة أقولها في الموضوع لأني مصدوم من اللي قاعد أسمعه من طلاب جامعة

القربة واضح إنها مشقوقة تماماً

لكن راح أستمر بالنفخ فيها لعل الله يحيي العقول الميتة

الي يشوف إن الغش مساعده وحق وواجب، أتحداك أن تفعلها أمام المراقب وهو ينظر إليك

تدري ليش، لأنك جبان

خفت من المراقب ولم تخف من العالي في سماه

سبحانك اللهم وبحمدك أشهد أن لا إله إلا أنت أستغفرك وأنوب إليك

[وائـل]

اولا عليك من نفسك مالك ومال مراقبة الناس مسويلي فيها انك انت الحكم وانت المنقذ دامه كبير بالسن اكيد يبي شهاده عشان ترقية وتحسين الوظيفه يعني من النهاية اترك اللقافه عنك والهياط اللي ماله داعي تحياتي

[طموح دائما]

المشاركة الأصلية كتبت بواسطة وائـل

اولا عليك من نفسك مالك ومال مراقبة الناس مسويلي فيها انك انت الحكم وانت المنقذ دامه كبير بالسن اكيد يبي شهاده عشان ترقية وتحسين الوظيفه يعني من النهاية اترك اللقافه عنك والهياط اللي ماله داعي تحياتي

ترى لما سويت الموضوع ماكان قصدي شريحة عمرية معنى

موضوعي الغش عند الكبار

اذا كنتو شايفين اللي اعمارهم 25 و 26 و 30 انهم صغار هذي مصيبة

اغلب اللي اشوفهم في الثلاثينات

[خالد الكناني]

ياخي مادام تقول فى العقد الرابع وش تتوقع بينافس على وظيفه وبعدين ترى اغلب كبار السن حاب ياخذ الجامعة عشان يرقى فيها تلاقي ورع توه متخرج امس قاعد يتفلسف عليه عشان كذا هو الح عليك انك تساعده ولو انا فى مكانك كان ساعده بالى اقدر عليه وما اتوقع فيها شي يابوى ترى انت تقول شايب يعني اكل عليه الزمن وشرب وغربلته الايام

[موسى ملحان]

إذا قل الإيمان فقل على الشخص السلام