موضوع للنقاش : شاركنآ خطتك للمرآجعه واستعدآدك للأختبارات ()*..

[قفلان]

صباحكم ومساااااائكم ورد
بصرااااااااااااحه الاخت دودي تستاهل التقدير مواضيعها رووووووووووعه وتجيبها على الطاير



اما بالنسبه يالحلوين لطريقتي في المذاكره الى الان ماشتريت الملخصات وتقريبا محاضرات الانجليزي وصلت الخامسه بس مشااهده للمحاضرات واطلع على المنهج وبصراحه ملخصات الاخ هتاااااان روعه سهله علي جدا الله يوفقه و ويوفقنا جميع ............زافضل طريقه بنظري حل المناقشات اول باول عشان نفتكه منها ....ثم الواجبات واكتبو يااخوان لضمان الدرجات الكسل شين لاحد ينسخ ويلصق وكلنا مشغولين يدوب نلقى ساعتين يوميا ندرس فيها ....وبالنسبه للمحاضرات كل يوم محاضرتين وحده الصبح وحده بالعصر او الليل ع حسب وقت فراغكم ...والافضل التنوع بالمحاضرات عشان تكسب وقت يعني تاخذ الصبح محاضرة انجلش مثلا وبالليل محاضرة نحو تطبيقي ...وكهذا حتى 28 \1\1433....بعد مايفقل الموقع وتنتهي من التحميل بوجه عام ومن حل المناقشات ابدا راجع والافضل اخذ اسئلة الاختبارات للاعوام السابقه ...مع العودة للملخصات واسئلة الواجبات لانها تجي بالضبط في الاختبار .....وان شاء الله يجي 6\2\1434 وانت بس تقرا الماده وتراجعها يوم الاختباااااار ........وانتهى ......................................اتمنى اعجبتكم طريقتي الله يوفقنا وينجحنا بالمستويات العاليه

[عبير الحلوه]

ربي يوفق الكل بس الاتخوفون ههههه

[ياطموحي تحقق]

السلام عليكم ورحمة الله وبركاته
اشكرك عزيزتي دودي ماشاء الله دائما متميزه بمواضيعك ...وبارك الله فيك دائما ما استفيد منها فجزيت خيرا عني
بالنسبه لي ...وبما اني توي اول مستوى ولي 12 سنه من تخرجت من الكليه المتوسطه فدخلت بحماس والحمد لله لاني خايفه من الصدا اللي براسي بعد هذي السنين نسيت عالم المذاكره وربي الخوف من انه تجي الاختبارات وانا مالحقت على كل المواد بس الحمد لله منظمه وقتي الى الا الان حليت المناقشات وكتبتها احوط لي وحليت الواجبات وحملت المحاضرات بس باقي علي ابدا امسك الملزمه واذاكر بس فيني خوف احفظ وارجع انسى لاني طولت على المذاكره واسال الله ان يفرجها على الكل والجميع وناويه اخصص ثلاث ايام لكل مادا يومين مذاكره ويوم مراجعه حل اسئلة السنوات السابقة ويارب يجي الوقت اللي نهني فيه بعض على النجاح والكل فرحان بجني ثمار تعبه

[كبريائي بصمتي؟]

شكرا لك موضوع جميل

حقيقه لم ابدأ وسأبدأ ان شاء الله عما قريب

[بوح نبضي]

صبآآآح الاجتهاااد ...


سبحان الله دآآيم البدآيات تكوون قوووية اذكر الترم اللي فات حمااااااااااااس مووش طبيعي حفظظ من القلب

واجتهاد من الاعماااق


آمآآآ الترم هذا .. مادري ليية احسسسسسسسسس حماسي شفطة الترم الاول ..

بديت من اول الترم انزل محاضرات بدوون مااسمعها واحل مناقشاات ولا ادري ووش السالفةة ..

من يوومين حسيت بنفسي شويتين جمعت الملازم اللي ابيها ربي يسسسهلها واجيبها اليووم في

الاجازه هذي ناوية اطلع اهماال اول الترررم واذااكر المحااضراات اللي اهمتلها (( احيانآآ نحتاج نعاقب انفسسنا عشان نحسسس))

آآهم شي قبل اسبووع من الاختباراات كل الموواد اكون مذاكرتها من قبل ..

ربي يوفقنا ونجيب معدلآت صاحييية

[مانسيتك !]

طالبة ينبع جوعتينا مافهمتيني طريقة المذاكره

[شهد المدينه]

دودي الله يجزاك الجنه ويوفقك ويفتح عليكي....والله يجزا كل من شارك في هذا الموضوع والله استفدت منكم كثير وفالنا التوفيق والنجاح وانا والله الى الان مابديت بس الله ييسرها

[حلم مستحيل]

يعطيك العافيه دودي
موضوع مهم خصوصا انه مابقى إلا اقل من شهرين ع الأختبارات ويادووب نلحق


عن نفسي الترم هذا متأخره لأني اشتغلت بمقصف ووقتي كله يا بالمقصف يا نايمه
وقررت اطلع دراستي اهم
واللي زاد الطين بله
اللمبات اللي بغرفتي كلها انفقعت (إنفجرت)
الحمد الله ماجاني شي
وان شاء الله انه شر وجاء باللمبات مو فيني
وقتي كله بالصاله عند ازعاج التلفزيون واهلي:(

فـ ذا الإجازه بإذن الله ناويه الحق ع المحاضرات كلها اللي نزلت 7

1- سويت لي جدول بحيث اني كل يوم افتح مادتين من كل ماده لازم اخلص محاضره وحده (مشاهده وكتابه) اكتب مع الدكتور وأترجم لنفسي وادور عن الكلمات اللي ما اعرف معناها ولازم اكتب النطق لها مثلا(book-بوك-كتاب)

2-اذا صار عندي يوم خلصت فيه المواد بدري لازم استغل الوقت واكتب اللي كتبته بالدفتر بنوتات والزقها بالأوراق اللي عندي

3-اول وثاني يوم عيد بريك لأن ماعندي وقت يادووب اتجهز للعيد

4-عندي مقرر مافتحته وهو الأدب الإنجليزي عصر النهضه لأنهم مغيرين الدكتور
فـ الى حد الان نزل له 5 محاضرات والى الأن مافتحت ولا طبعت ولا شيء
حدي بس احمل الملخصات والترجمات اللي لقيتها ومخليتهم بملف
ومحدده للماده تقريبا 4 ايام اللي هم من الثلثاء الى الجمعه بعد العيد وقبل الدوام
تكون مخصصه للماده (متابعه مشاهده كتابه ترجمه )

وبكذا اكون لحقت ع االمحاضرات كلها بإذن الله




اجي لفتره الأختبارات
بما ان الأختبار في 6\2
اسوي جدول من 1-1 بحيث اني ابدا فيه
وراح ابدا بالمواد العامه اللي انا عارفه ان الدكتور اسئلته سهله ولا يطلع من المحتوى او انه منزل اسئله واللي عندي ذا الترم هم ( حاضر العالم الإسلامي-قضايا ثقافه معاصره) لكل ماده يومين

وبعدها ابدا من اخر ماده تخصص عندي بجدول أختباراتي الى اول ماده واخصص لكل ماده يومين الى ثلاث
ولازم اكون محدده صعوبه الماده بالنسبه لي من قبل عشان ازيد الأيام ويزيد التركيز, طبعا وانا اذاكر يكون عندي دفتر اكتب فيه اهم الاشياء الموجوده بالمقرر وعليه اسوي الملخص

-قبل المذاكره اشرب(حليب بالموز بالعسل) لأنه يقوي العقل والذاكره
-اثناء المذاكره (فشار) مسويته بالأله عشان مافيه ملح (يشبع ولا يزيد الوزن)
-المشروب ماء او عصير واذا هل النووم نسكافيه
-القران يشتغل من الابتوب بالغرفه بصوت لاهو بعالي حيل ولا بواطي حيل اهم شيء اني اسمعه واركز باللي اذاكره
-الجوال صامت
-بعد المذاكره الإسترخاء التام(التمدد على الارض لـ 15 الى 20 دقيقه) .. لترتخي الأعصاب والعضلات اللي كانت مشدوده


ليله الأختبار:
اذاكر من الدفتر اللي كتبت فيه وانا اذاكر الماده اللي اسوي منه الملخص
النوم المبكر (نام بكير واصحى بكير وشوف الصحه كيف بتصير) لازم ناخذ كفايتنا من النووم عشان اذا جاء وقت الجد مايجينا حاله الصداع والزغلله بالعيون وارتفاع الضغط ناموا بدري واشبعوا نووم

بمقر الأختبار:
اخذ معي كل شي للماده (مجرد اسم اني ماخذه معي شي عشان اذاكر)
اذا صرت شاكه بمعلومه او ناسيه شيء افتح واقرا واسكر
اذا لا اخليهم بالشنطه ماخذيين حيز

لأني اخاف ما اجيبهم معي واتوهق اكون ناسيه او مشككه من وين اجيب لي ملازم؟
فـ ااخذهم معي للإحتياط


اثناء الأختبار:
اول ماتجي ورقه الإجابه اعبي البيانات بدون ما استنى احد يقول عبي
خلاص انا عارفه الطريقه والبيانات عندي مابي اضيع وقت ع قالوا ماقالوا مااعرف شلون
تجي اوراق الاسئله (بسم الله الرحمن الرحيم, اللهم لاسهل إلا ماجعلته سهل وانت تجعل الحزن اذا شئت سهل, اللهم رد لي ضالتي, توكلت على الله وحده, سبحانك يارب استغفرك واتوب إليك)
وابدا احل
استخدم ورقه الاسئله كـ مسوده ولا علي من احد (لأنهم كاتبين بالورقه بمربع الإرشادات[يمكنك استخدام المساحات الفارغه كـ مسوده])
واذا خلصت وحليت كل الأسئله (نو مراجعه)
لأني عارفه وواثقه اني حاله صح
لو براجع بشكك بحلي واحل غلط
فـ ما اراجع ابد ابد ابد ابد ابدآ


بعد الخروج من قاعة الأختبار: اشرب ماء. عشان الدم يمشي بالعروق بسهوله بعد التوتر اللي كان بالقاعه.

اذا صار عندي اختبار باليوم الثاني اروح البيت اكل شي وانام (ماافتح شيء) [ مهدود حيلي مخي مقفل المزاج قافل الجسم متكسر انام ارتاح جسديا وذهنيا]
لأني بصحى بدري ويمديني الوقت اراجع


بالتوفيق للجميع








ربي اسألك الصبر والقوه والركاده
ربي أسألك علم نافع ورزق طيب وعمل متقبل
ربي أسألك ان ترد لي ضالتي اذا فقدتها
ربي أسألك ان تسهل امري فلا يسهل الامور إلا انت
ربي أسألك ان تزل حزني فلا يزيل الحزن إلا انت
ربي أسألك ان تبدد همي فلا يبدد الهم إلا انت
سبحانك اللهم وبحمدك استغفرك واتوب إليك لا إله إلا انت.

[يابعدهم]

***


ابا طريقة اكتب فيها الاس في الرياضيات ..؟

[علاية]

بالتوفيق للجميع
انا ابدأ المذاكرة كالاتي اشاهد المحاضرة ثم الملزمة وابحث عن ترجمة الكلمات التي لم تمر عليا من قبل المادة اذاكرها في يومين وانتقل للاخرى وهكذا ثم ارجع للمناقشات واسئلة الواجبات ومتابعة الملخصات التي يقوم ا لزملاء بتنزيلها الله يعطيهم الصحة والعافية
بس مدري دا الترم انا احس بتعب ونسيان
الله يعين
ان شالله نجاح