جدولي للمستوى الثالث بالإضافه لمقترحات تهمكم !!

[my Dreams]

انت مستوى ثالث فارى تاجيل مادة الادب الانجليزي لانها من المواد الدسمه

[ابو إبراهيم]

وعليكم السلام

الي انا اعرفه ان الادب الانجليزي في عصر النهضة لها متطلب سابق وهو مادة القراءة ومطالعات

واذا ما فيها مشكلة المادة واخذتها 100% الجدول وبالتوفيق

[اسيره (..]

الاخ تركي ............والله انك سنافي وماقصرت

اختي انفجار نصيييييييييييحه خلي جدولك مثل ماهو واضيفي النحو 2 لان اسهل بكثيييير من 1 وارتاحي من همه وتوكلي على الله خصوصا انه اول يوم

واخر يوم اخذي الاحصاء لان دكتوره الحالي رووووووووعه ومخلص لابعد حد الله يجزاه الجنه ماقصر والاسئله جت نسخه من المراجعه وكنت خااااااايفه منه مره والحمدلله جبت a بس هاه خصصي له 5 ايام عالاقل تراجعينه زين قبل الاختبارات عشان اضمن لك عدم اللخبطه بالاختبار وابشري بالخير
يعني اخذيه لايتغير الدكتور وعقب تبتلشين هههههههه
وبكذا تكونين رفعتي معدلك ب 3 ساعات بالراحه وبدون زحمه

اما تبديل الاتصالات بحاضر العالم فاشوف ماله داعي لان الانترنت سهللللللل مرررره ومايبيله خليه احسن

بس هذا اللي عندي واشكرك سعة صدرك

[Lubna]

المشاركة الأصلية كتبت بواسطة سعود بن جرير

السلام عليكم ورحمة الله وبركاته ..

اتمنى ان يكون الجميع باتم الصحة والعافية .. وتقبل الله منا ومنكم صالح الاعمال ..

واود ان اهنئكم بالعام الجديد .. جعله الله عام خير وسعادة على الجميع ..

بالنسبة لجدولي ان شاء الله للسمستر الثالث فهو كما يلي ..




اليوم الاول ........ الادب الانجليزي عصر النهضة .

اليوم الثاني ...... قراءة ومطالعات .

اليوم الثالث ...... الاتصالات والانترنت .

اليوم الرابع ....... انشاء وتعبير 1 .

اليوم الخامس ...... استماع واستيعاب .

اليوم السادس ...... لا يوجد .

اليوم السابع ........ التركيب اللغوي .

اليوم الثامن ......... الاخلاق الاسلامية .

اليوم التاسع ........ حاضر العالم الاسلامي .






تكون الحصيلة النهائية 8 مواد بمعدل 18 ساعة ..

ارجو ابداء اي ملاحظة تكون لديكم .. واتمنى ان لا يكون هناك اي مشاكل اثناء تسجيل المواد .


تحياتي للجميع ..

اشوف انك ما تضغط نفسك بمواد التخصص و على فكرة الكل يقول ان مادة الادب الانجليزي دسمه و الدكتور ما كان متعاون مره >> حسب ما وصلني

لا تضغط نفسك احذف الادب او استبدله بمادة ثانيه لو عندك مواد قديمه ما انهيتها


هذا رأيي و أنت شوف اللي يناسبك

[ذكيه ميه بالميه]

~~وعليكم السلام ورحمة الله وبركاته ~~

اختيارك اخوي (( سعود بن جرير )) للمواد جدّاً رائع ~~

توكل على الله وراح نتعاون ان شا الله ~~

مادة (( قراءة ومطالعات )) تعتمد على المفردات الجديده و نوعها هل هي: ( فعل - فاعل - مفعول به - او شبه جمله اسميه - شبه جمله فعليه - شبه جمله جار ومجرور - شبه جمله مصدر ) - تحتوي أيضاً هذه الماده على قاعدات بشكل متوسط تشابه القاعدات بمادة ( التركيب اللغوي ) وأيضاً على الـ ( Topics & Main Ideas ) يعني استخراج العنوان والجمله الاساسيه من قطعه وأيضاً على الـ ( suffixes & prefixes ) يعني المقاطع القبليه والبعديه وهذه تضاف الى بعض الكلمات الانجليزيه فتحولها الى اما نفي او الى صفه والى اخره ..

مادة (( الاستماع والاستيعاب )) تعتمد على مدى فهمك واستيعابك واكثرها راح تكون انك تسمع للدكتور وتحل من مجرد استيعابك من دون ان ترى القطعه اللي يقراها - تحتوي هذه الماده على مفردات ايضاً ومعانيها - وعلى بعض القاعدات البسيطه في النطق ..

مادة (( انشاء وتعبير 1 )) تعتمد على البحث عن الاخطاء الاملائيه وايضاً القليل من المفردات و على قاعدة الـ These , Those ,That ,This و فيها القليل من الـ ( Topics & Main Ideas ) ولكن الفرق بين هذه الماده ومادة (القراءات والمطالعات) ان دكتور مادة الانشاء وضع لنا فقط جملتين قصيرتين ويطلب منكم ان تستخرجوا له الـ (Topics) بس الدكتور الله يهديه شرحه بسيــــــــــط ومخاااالف لاختباره ، ع العموم هذا احنا متواجدين لأي سؤال عن الماده هذي بالذات واتمنى منكم انكم تراسلون الدكتور بإنه يشرح لكم اكثر عن الاختبار لأنه بصراحه حاسنا ..

مادة (( التركيب اللغوي )) تعتمد على القاعدات وكانت ماده جداً ممتعه ..

مادة (( الاخلاق الاسلامية )) سهله وبسيطه تعتمد على قسمين، الاولى : اخلاقنا الاسلاميه التي يجب ان نتحلى بها اقتداءً بأخلاق النبي فمنها راح يذكر لكم اخلاق النبي مع كل شي ( مع زوجاته - مع الاطفال - مع الخدم - مع الحيوانات ... الخ ) والثانيه : آداب المهنه وهذا القسم راح يعلمكم الدكتور ماهي الاخلاق التي يجب ان نتحلى بها بالمهنه من تعاون وطهاره .. الخ الخ ،ولكن هذه الماده يحتاج لها تركيز لأن الدكتور بالاختبار يحط لكم 4 اختيارات و احدى اختياراته ( ليس مما ذكر ) وتكون هي الاجابه فأتمنى منكم التركيز على الادله ، وترى الادله اللي جابها لنا كانت من بين السطور رغم انها كانت قصيره وسهله الا ان اختياراته تلخبط شوي فركزووووووووووا وعلى فكره الدكتور ركز على القسم الثاني من الماده اللي هي ( آداب المهنه ) فذاكروها زين ..

مادة (( الاتصالات والانترنت )) تعتمد على مخاطر استعمال النت و فوائد استعماله وراح يعطيكم جزء عملي بس انتوا راح تحفظونه نظري ماده جدددددداً رااااااائعه ودكتورها قمّة الذوق وصدره رحب بصراحه اكثر دكتور كان متعاون معنا هو ولا تشيلون هم اختباره ترى مادته حيــــــل سهله ..

بقية المواد ماا عندي خبره عنها لأني باقي باخذهم هالسمستر فأتمنى احد يفيدك اخوي ~~

تحياتي لك

[بيان باراس]

المشاركة الأصلية كتبت بواسطة Lubna

شوفي مباديء الاحصاء انا فاشلة بشي اسمه رياضيات بس سجلتها الترم الماضي لقيتها لابأس فيها و الدكتور ما قصر نزل لنا اسئلة مراجعه و جت اسئلة الاختبار منها

و جبت فيه معدل حلو مع اني خبصت شوي لاني فقدت الذاكره يوم الاختبار هههههههههههههههه

انصحك ترتاحين منه و تسجليه

عندك تعارض معناها سجلي النحو 2 و الاحصاء

نورتيني الله يسعددش

الحمد لله امشي بالرياضيات واحبه بعد ..بس النحو

يعني حلو احصاء ونحو ان شاء الله باخذهم ..

المشاركة الأصلية كتبت بواسطة ~Queen~

انفجار

كيفك حبيبة قلبي .. أتمنى تكونى بخير وكل امورك ماشيه
نصيحتى لك
/
خذي النحو2 والله اجانا الاختبار بسيط ومتشابه
بعدين الدكتور اختصر من المحتوى اشياء كثييره المحاضره الوحده ما تجي 2صفحه /كلهم الـ14 محاضره 50 صفحه تقريبا وواضح جدا ما تفرع بالمواضيع
_ خذيه وافتكى منه
* * *
عندك التلاوه والتجويد سهل خليه لمستوى ثانى عشان يرفعلك المعدل لا تاخذيه .. خذي التخصص احسن (قراءات ومطالعات)
* * *
الأخلاق الاسلاميه :/ ماده بسيطه وواضحه اتطلعت على ملزمتها وقرأت منها شوى .. يعنى ما بدها جهد بس قراءه وحفط واسترجاع (تقريبا متل العقيده) ما تحتاج تركيز واستيعاب كلام واضح ومفهوم بس محتاج حفظ ..
اشوف انك تاخذي الاداره
بس!!!!
الأداره (تجيــب المرض ) بدها جهد كبير بالحفظ والفهم والمحاضرات كبيره وطويله .. والدكتور بالمره مو متعاون واسلوبه مو واضح
بعدين دراستها ما تخلص بيوم يعنى عندك قبل بيوم اختبار الفتره الثانيه بعدين الاداره ثانى يوم الاولى ما راح تلحقي مذاكره !
لاء خليك على الاخلاق واداب المهنه
* * *
مبادئ الاحصاء :/ انا راح اخذها هذا المستوى اللي درسوها المستوى اللي راح كلهم مدحو دكتورها ومدحوا الاختبار انه ما طلع من المراجعه
* * *
عندي لك راي !
شيلي (الانترنت والاتصالات) بقولو انها سهله بتتكلم عن الايميلات و..الخ ..
وخذي حاضر العالم الاسلامى / بس هذي الماده شويه دسمه شويه بس مو كثير يعنى مكس تاريخ وعليه رشة جغرافيا

ممم
شوفي :/
نحو 2
قراءات
الأخلاق الاسلاميه
احصاء
حاضر العالم الاسلامى
+ مواد التخصص
4 عامه و 4 تخصص .. 8 مواد
مستوى رابع يبقى عندك :/
انترنت واتصالات
"مبادئ الاداره"
تلاوه وتجويد
+ مواد التخصص
مو هيك أحسن !

اهلين عيوني ..خبارش انتي انا الحمد لله بخيير ماغير صوعة الجدوول

حمستوني اخذه النحو ..لان نحو 1 عقدني كان متعمق كثيير ..وانا متخرجه علمي في اشياء كثير ماكنا ناخذها ..بس خلااص باخذه قدني افتك منه ..

قراءه ومطالعه ان شاء الله ,

اخلاق اسلاميه بعد باخذها حلو يعني من مواد ابو مذاكره بليلة الاختبار

والاداره باجلها عل وعسى يتغير الدكتور او يلين في المستويات الجايه ..

والاحصاء مو ماخذه همه ..حلوو انا وياش بناخذها

اجل بإذن الله هذا جدولي 9 مواد بنضغط شوي بس عشان كل ماطلعت مستوى المواد بتصعب علي ..






رررربي يسلمكم حبيباااتي نوررتوني الله يوفقكم يااارب

[جوورري]

السلام عليكم ورحمة الله وبركاته



سؤال لو سمحتوا متى يبدأ تسجيل المواد ، وهل نظام البانر يعمل عندكم


وشكـــــــــــــــــــــــــــــــــــــــــــــــ راً

[جوورري]

وسؤال مهم اقدر اجمع ما بين اتصالات وانترنت وتقنية معلومات في نفس السمستر او فيه مشكلة ودمتم في حفظ الرحمن

[مطلق المطيري]

بحسب الرسالة اللي وصلتني على الجوال

التسجيل راح يبدأ يوم الاثنين تاريخ 14/10/1432 هـ الموافق 12/09/2011 م يعني بعد بكرة يبدأ التسجيل

.. ماجتك رسالة من الجامعة بالمواعيد؟؟ انا جتني في رابع عيد

[ابو إبراهيم]

المشاركة الأصلية كتبت بواسطة جوورري

وسؤال مهم اقدر اجمع ما بين اتصالات وانترنت وتقنية معلومات في نفس السمستر او فيه مشكلة ودمتم في حفظ الرحمن

نعم

الترم الماضي انا جمعت بين المادتين

ولا صار اي مشكلة