[ موضوع اكاديمي عام] : تطوير التعليم عن بعد ..

[Dr. nsroon]

المشاركة الأصلية كتبت بواسطة إنْتِهَاكْة حَرفْ

_

انا ما اعجبني انهم اهتموا بزيادة المحاضرات المباشرة وقرروا بسرعة وانتهوا
والاشياء اللي طالبنا فيها ونطالب من المستوى اللي فات تجاهلوها
مثل الترم الصيفي راحت اصواتنا وحنا نقول نبي

ومهريماه غير وقت المحاضرات المسجلة عددها
يروح الترم كله وانا احاول الحق افتحها كلها ما اهتم اني اشوفها وافهم وش يشرح الدكتور

زيادة المحاضرات المباشرة لازال تحت الدراسة
+ الترم الصيفي ماعندهم مشكلة من اول يقولون كلموا الدكاترة وابشروا

[إنْتِهَاكْة حَرفْ]

_

وليه هم ما يناقشون هالموضوع مع الدكاترة
وش وظيفتهم اجل اذا احنا نقرر ونقنع الدكاترة و .... الخ
الدكاترة لو يسمعون منا كان تكلمنا لكن من قبل لا نقول الرد بالرفض معروف
والمحاضرات مسجلة تنزل وذا عن بعد يعني ما فيه داعي يداوم الدكتور عشان يطرح محاضرة
والمباشرة ما نبيها بالصيفي خل يفكونا وبس
غير انه هم اللي يقدرون يقابلون الدكاترة وجهاً لوجه موب احنا
وليه مجتهد قاعد يأخذ طلباتنا اذا اخر شيء احنا مسؤولين عن تنفيذها وعن اقناع الدكاترة !
وش الفائدة من هالموضوع ؟
ولية انفتح الموضوع من الاساس .
دام مسؤوليتنا احنا اقناع الدكاترة باللي نبي
العميد والباقي ما يحتاجون يعرفون وش بنسوي
نقرر وننفذ وبعدين نعطيهم خبر

[✿ e s я α`α]

المشاركة الأصلية كتبت بواسطة M.k♔

مشكور اخي مجتهد

فقط اتمنى يعوضونا ب ترم صيفي نحن الدفعه الاولى
عن الترم الذي تم تاجيله من قبل الجامعه

وكان من المفترض السنة القادمة سنة التخرج لنا

وبالتوفيق للجميع

+1

من جد ضاع عليناا نص ترم آه يالقهر

[العضيد]

المشاركة الأصلية كتبت بواسطة Enaso

نبي ترم صيفي لجل يسهل علينا ضقط المواد ونتخرج اسرع :)

ضقط

[العضيد]

موضوع طيب من رجال طيب


مجتهد أنا و أعوذ بالله من أنا معاك بكل حرف يسلم عمرك .. دايم أقول هذا الانسان شقردي


أذا شفت الطلاب مرتاحين أكيــد برتاح

ودي ارد على ناس كثير بس فيكم الخير و البركة

ان شاء الله ما يلزمون بوقت للحل

و نحتاج نبداء في الاوقات المحددة

و اتمنا يكون لنا منهج خاص من الدكتور و يكون معقول عشان ننهي مشكلة

(من وين هذي الاسئلة او اول مرة أشوفها )

و أخراً نحتاج ان الجامعة تقدرنا شوي و تاخذ بيدنا مهما صار حنا طلابها و الشد و الجذب شي لابد منة

و الناس اللي تزعل لها مني هذا الشي الجميل ( )

[العضيد]

طلعت النتايج

بالتوفيق للجميع

[نوف*]

اهم شي يوقفون تنزيل واجبات واختبارات بالويكند
تعبنا واهلنا يطلعون واحنا منطقين بالبيت نحلحل :(

[نوف*]

وبعد المحاضرات المسجله غير مرتبه ابدا وحوسه ومفقوده بعض المحاضرات
ودايما قبل النهائي نتوهق لمن نلفاها ناقصه
وبدال ماتتسمى بارقام ولخبطه لو كل نحاضره تتسجل بايم الدرس او اسم الوحده او اسم الفصل افضل
بدال مانفتح ونقفل مليون مره واحنا ندور

[Shery soft]

مساء الخير عليكم جميعا

ممتنة لك اخ مجتهد , طرح راقي نقي . جميل كل مايصب في مصلحة تطور الجامعة والطالب

طبعا ماشاء الله طرحك قبل التحديث وبعد شامل تقريبا

فقط احب ان اؤكد على ان تكون المادة العلمية محددة ومعقولة منذ بداية الترم كما ذكر الطلاب الافاضل اذ اننا واجهنا وخاصة هذا المستوى مواد بطولها الله بها عليم خلال الاسبوع يصبح الصباح مانتهينا من مجرد قراءة فمتى وقت المراجعة ناهيك عن الارهاق والتشتت اللذان يصيبان الطالب مما يؤثر سلبا على اداءه.

** كما ارجو ان يقفل تنزيل محاضرا ت مسجلة كانت او مباشرة قبل الاختبار ع الاقل باسبوعين الوقت الذي يحتاجه الطالب في جمع المادة العلمية وترتيب وقته في الطباعة و المذاكرة الاولية .... الخ

عميق شكري وامتناني لك ولكل من شارك , أشيد حقيقة بمثل هذه الاطروحات النافعة باذن الله

** نلتقي لنرتقي **

[مهريماه]

المشاركة الأصلية كتبت بواسطة إنْتِهَاكْة حَرفْ

_

انا ما اعجبني انهم اهتموا بزيادة المحاضرات المباشرة وقرروا بسرعة وانتهوا
والاشياء اللي طالبنا فيها ونطالب من المستوى اللي فات تجاهلوها
مثل الترم الصيفي راحت اصواتنا وحنا نقول نبي

ومهريماه غير وقت المحاضرات المسجلة عددها
يروح الترم كله وانا احاول الحق افتحها كلها ما اهتم اني اشوفها وافهم وش يشرح الدكتور

اعتذر توي اشوف ردك
ماراح يقللوا عددها اتوقع لانه اساسا
مختصرين عندنا الدروس غير عن الانتظام
بس يمكن يقللوا نتمى ذالك ..