[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[2COOL]

أدري بإن الوقت ما يــــــرحم الحـال

ولولا غلاتك مـــــــــــــاتمنيت همّـك

هات الهموم .. وريّـح البال مـــــــنها

ودّي تـــــجى عندي وأنسّـيك همّـك

[لنا الشمري ♪]

لاصد عنك من يساوي حياتك
علمه بانك تعرف تصد ثم صد
ومن لا حشم روحك وقلبك وذاتك
على مدارى خاطره منت محتد .

[2COOL]

صرت لي " خامس جهة " لأربع جهات

وصورتك في وسـط عينـي [ مبرْوِزَة ]

كنّ ربّي .. مـا خلق غيـرك .. ذكـور !!

إن طروا غيـرك .. أحـسّ بـ " نـرْفـزة "

[Khaled.k]

لآ شفت جمر الحب بالخوف وقآد
والعين من كثر الهوآجـيس غرقـى

أخـآف من فرقـى على غير ميعـآد
وأخـآف من مـوعد مرتب لـ فرقى

[Khaled.k]

الشعر نبض الروح من داخل الروح
نزف الشعور يترجمه في قصيده

ابوح له لصرت في حاجة البوح
مثل الخوي وقت الظروف العنيده

[✶ جُمان ✶]

.
.
ولا تَخَيِّب هقوة اللي تهقواك
مادام جاء بين المخاليق ناصيك

[2COOL]

تعبت أصّـبر أشـواقي وقـلبي والصـبـر غـلاب

كأن الشوق في صدري لهيب ونـار تكوينـي

أنا مابي سوى قربك يطمّن خافقي المرتـاب

تراك إنت الوحيد إللي غيابه حيل يشقينـي

[ناصـّر]

،


- مِن دُون وَصلَك سِوار.. ودونَه ألفِين بَاب
.... وانتَه شقِيق الفُراق ، وليش تَسَأل حَزينْ ..
- سَلّفت لِك هالغَلا يُوم الوفِا بالرقَاب
.... وسددّت فِي غِيبَتك .. ديونِي اللّي تِدينْ ..!
-يامكّفِن الشُوق فِي دَربْ الآمَال الصِعَاب
.... خَنجَر غِيابَك.}على لوحَة وفَايا ( مُشينْ ) ..
-آحبَابْ .. لكِنْ نعِيش بواقِع الإرتَياب
.... أْغرابَ يمكِنْ..ولكِن ليَش هذا الحَنينْ .. !


،

[خوله تركي]

كنت تضحك , وكنت اتأملك .."

[Dr ʀeнαв]

_

ليل الشتاء
في غيبتك أبرد من البرد بكثير
حتى أنا في غيبتك موسم جليد
طفت سوالفك الجمر
ولا بقى في غيبتك إلا يدي
وهذا الرماد!
شتت سوالفك الفرو
ما كان ف الموسم دفا
ما كان ف الموسم حنين
و كل الجروح اللي بقت شاهد على
مدري إش على..؟!
لكنها :
شاهد على إني تعبت
وإني اختصرت كل الدروب
اللي تودي لِك
وأتيه..!