[ مذاكرة جماعية ] : (( مجلس مذاكرة علم المعاني والبراغماتيك )) - الخميس 21 / 7 / 1437هـ..

[rayed1986]

الله يوفقك يا تاهوووو في الدنيا والاخرة

[rayed1986]

Tawah

[Tawah]

# باسم الله نبدأ المحاضرة 13 ..
- أول شي تكلّم عن الـ implicature , أحنا سولفنا عنها في المحاضرة الأولى لكنّه رجع
وتكلّم عنها , مثال واحد يختصر سالفتها ..
مثلًا : لو سألت صديقتي : شنو رايك نروح السوق بكره ؟!
وكان ردّها : عندي إختبار ولازم أذاكر ..
هنا إنتي تفهمين إنها مارح تروح مع إنّها ما قالت ( لا ما أقدر ) ..
إذًا إنتي تقدرين تستنتجين المقصود مع إنّه ما أنقال , هذا هو الـ implicature ..

- بعدها تكلّم عن الـ The co-operation principle :
Make your contribution appropriate to the conversation
معناها إنّك تخلّين مساهماتك ملائمة للمحادثة ..
يدعمها 4 مبادئ Four Maxims ( يسمونها جريسيان ماكسيمز نسبةّ للكابتن اللي وضعها )
1\ The quantity maxim : إنّك تخلّين مساهمتك في الكلام قدّ المطلوب لا أكثر ولا أقل ( من أسمها كوانتيتي متعلقه بمقدار الكلام وكذا ) ..
2\ The quality maxim : إنّك ماتقولين شي غلط أو ماعندك دليل عليه وكذا ..
3\ The relation maxim : إنّ كلامك يكون مرتبط بالمحادثة وكذا ..
4\ The manner maxim : إنّ كلامك يكون واضح ومختصر ومنظّم ..
هم واضحين حيييل , لكن بعدين رح يرسخون أكثر ..

- بعدها تكلّم عن الـ hedges ..
words or phrases used to indicate that we’re not really sure that what we’re saying is sufficiently correct or complete
هي كلمات أو عبارات تشير إلى إنّك مو متأكده من إن الكلام اللي قلتيه صحيح أو كامل ..
مثلًا : لما أتكلّم لك عن بنت , وأقول لك إنّها طويله نوعًا ما ..
هذا يعني إنّها أقرب للطول , لكن مو عملاقه , هنا أنا أستخدمت الـ hedges اللي هو التحفّظ وكذا ..
أقدر أستخدم أما Kind of أو sort of معناهم نوعًا ما أو شي زي كذا ..

- وفيه عبارات يستخدمونها النّاس في بداية الكلام ,مثل :
Now, correct me if I’m wrong, but الآن صحّح لي إذا كنت غلطان , لكن ..
I’m not absolutely sure, but أنا مو متأكد تمامًا , لكن ..
هذي العبارات والمثال اللي قبلها تعتبر هيدجز للكواليتي ماكسيم , ليه ؟! مو أحنا قلنا إنّ الكواليتي
ماكسيم إنّك ماتقولين شي غلط أو مو متأكده منّه ؟! هنا إنتي بإستخدامك للـ hedges بيّنتي للي تتكلّمين معاهم إنّه لو كلامك مو دقيق أو كذا إنّهم يصحّحون لك وكذا وعطيتيهم خبر إنّك مو متأكده ..
بوضّح لك السالفة بهالمثال :
لما أقول : رموش هي اللي كسرت الكاس .. هنا واضح إنّي متأكده 100% من إنّك إنتي اللي كسرتيه لأنّي كنت شايفتك .. لكن لو قلت : أتوقّع إن رموش هي اللي كسرت الكاس .. هنا قلت أتوقّع يعني مو متأكده وهذا هي فكرة الـ hedges ..

[Tawah]

# تابع م 13 :
flouting or violating the maxims : معناها الإستهانة أو كسر أو عدم الإلتزام بالماكسيمز وكذا ..
1\ the maxim of quantity : لما نكون معزومين على حفلة زواج مثلًا , وأنا كشخت وكذا بعدين سألتك : شنو رايك في شكلي ؟! وقلتي لي إنتي : الفستان لونه جميل !!
طيّب والمكياج وتسريحة الشعر , هنا إنتي ماعطيتيني رايك كامل في كل شي , بس علّقتي على الفستان , وهذا يعني إنّك ما إلتزمتي بالكوانتيتي ماكسيمز لأنّ كلامك أقل من المطلوب ماعطيتيني رايك كامل , المفروض إن كلامك يكون بالقدر المطلوب مثل ماقلنا في البدايه , لا أكثر ولا أقل ..
مثال ثاني , لما تسألك الوالده : خلّصتي المذاكرة ورتّبتي غرفتك ؟! وقلتي لها : إي رتّبت الغرفة ..
طيّب والمذاكرة يا آنسه ؟! , هنا نفس الشي كلامك أو ردّك أقلّ من المطلوب يعني ما التزمتي بالكوانتيتي ماكسيم ..

2\ the maxim of quality : لما نكون في عزّ الصيف وأسألك كيف الجو اليوم ؟!
وقلتي : ثلوج كالعادة .. هنا أنا أدري إنّك ماتتكلّمين جدّ , إنّما مجرّد مزح وكذا ..
بردّك هذا خالفتي الكواليتي ماكسيم ( قلتي شي مو صحيح بغض النظر عن كونه مزح ) ..

3\ the maxim of relation : لما تسألك الوالده , غسّلتي الملابس ؟! وقلتي لها : كأن الجو مغيّم اليوم !!
هنا إنتّي خالفتي الريليشون ماكسيم , جوابك مو مرتبط بالسؤال ..
بردّك هذا تشيرين إلى إنّك تبغين تغيّرين الموضوع ..
أعطيك مثال من الواقع , لمّا أمي تتكلّم في سالفة تضايقني , أسألها عن الغدا وهي تفهم إنّ السالفة منرفزتني .. ( ما كانت تدري في البدايه كانت تجاوب جدّ , لكنّها لاحظت إنّها كلما شسمه أسألها عن الغدا وأكتشفت خطّتي ) ..

4\ the maxim of manner : عائله طالعين يتمشّون , الأم والأبو وبنت وولد - توأم عمرهم 4 سنين الله يحفظهم - قال الأبو للأم بشتري شي للعيال يشربونه ,و قالت الأم : طيّب لكن لاتشتري ب ي ب س ي .. هنا الأمّ خالفت المانر ماكسيم , كلامها مو واضح .. وأحنا قلنا إنّ المفروض الكلام يكون واضح ..
على أية حال هدفها كان أن البنت والولد ماينتبهون إنّها تقول لأبوهم لاتشتري لهم بيبسي ..

وبكذا تنتهي حفلتنا لليوم , إن شاء الله وضحت السالفة ..

[Tawah]

- الأسئلة اللي جات على المحاضرة 13 من أسئلة إختبار السمستر اللي راح :

Father to daughter at family dinner: Any news about the exams result? Daughter: Ice-cream anyone
What maxim does the daughter flout/violate in this conversation -
A.The Maxim of Quality
B.The Maxim of Quantity
C.The Maxim of Relation
D.The Maxim of Manner

By starting an utterance with "As far as I know …"the speaker is being aware of the maxim of
A. Quality
B. Quantity
C. Relation
D. Manner

By using the hedge "sort of in "The book was sort of yellow" which maxim does the speaker show awareness of
A. The Quality Maxim
B. The Quantity Maxim
C. The Relation Maxim
D. The Manner Maxim


أي تعليق أو تصحيح أو توضيح مايردّكم إلا الكيبورد ..
رموش , جاوبي على الأسئله ..

[rmooosh]

[QUOTE=Tawah;13300449]

- الأسئلة اللي جات على المحاضرة 13 من أسئلة إختبار السمستر اللي راح :

Father to daughter at family dinner: Any news about the exams result? Daughter: Ice-cream anyone
What maxim does the daughter flout/violate in this conversation -
A.The Maxim of Quality
B.The Maxim of Quantity
C.The Maxim of Relation
D.The Maxim of Manner

By starting an utterance with "As far as I know …"the speaker is being aware of the maxim of
A. Quality
B. Quantity
C. Relation
D. Manner

By using the hedge "sort of in "The book was sort of yellow" which maxim does the speaker show awareness of
A. The Quality Maxim
B. The Quantity Maxim
C. The Relation Maxim
D. The Manner Maxim


أي تعليق أو تصحيح أو توضيح مايردّكم إلا الكيبورد ..
رموش , جاوبي على الأسئله ..




حاضر يااستاذه


اول سؤال اجابته Relation maxim
لان ابوها يسال عن نتيجة الاختبار وهي ردت تبي تغير الموضوع

السؤال الثاني
the quality maxim
لان ثابت الجوده لازم تكون محادثاتنا واقعيه
استخدمنا hedges
as far as i know
عشان لو غلط يتصحح
هذي فهمتها من شرحك

السؤال الثالث
the quality maxim
لان hedge
sort of
تدل على ثابت الجوده لان لازم نقول شي صحيح وواقعي
يارب تكون تمام

[rmooosh]

انا فتحت الملزمه اتابع ششرحك وسجلت كل شي فهمته منك يارب الله يوفقك ويرزقك الحين استوعبت المحاضره شرحححك يجنن ياختي انتي كمميه سعاده لاتوصف الله يسعدك
والحمد لله لاحظت الدكتور مايطلع من امثله الملزمه
الحين ارتحت

[sham9966]

اليوم بفتح الماده دعائكم لي ومشكورين جدا على المجلس الرائع والشروحات الجميله مثل اصحابها


Sent from my iPhone s6 plus

[rmooosh]

هذا السؤال جا بااختبار 36 الفصل الثاني للدهيش?By using the hedge "?By using the hedge "so, to cut a long story short awareness of
a- the quality maxim
b- the quantity maxim
c- the relation maxim
d- the manner maxim
يقولون الاجابه b
وانا اشوفها حسب الملزمه والشرح a
افتينا لو سمححتي

[Tawah]

المشاركة الأصلية كتبت بواسطة rmooosh

هذا السؤال جا بااختبار 36 الفصل الثاني للدهيش?By using the hedge "?By using the hedge "so, to cut a long story short awareness of
a- the quality maxim
b- the quantity maxim
c- the relation maxim
d- the manner maxim
يقولون الاجابه b
وانا اشوفها حسب الملزمه والشرح a
افتينا لو سمححتي

الجواب b لأنّه بيعطيهم الكلام من الآخر مارح يطوّل عليهم ..
وبما إنّه بيختصر يعني دخلنا في الكوانتيتي إنه بيقلل الكلام وكذا ..
لأن الماكسيم المتعلّق بكميّة الكلام ( أكثر أو أقل ) هو الكوانتيتي ..
ركّزي في الـ hedge شنو معناه , لو كان يدّل على
إنّ الكلام مو دقيق ويمكن فيه غلط وكذا هنا نقول الكواليتي ..
لكن لو قال شي يدل على زيادة الكلام أو إختصاره - زي السؤال اللي فوق -
معناتها دخلنا في سالفة الكوانتيتي ..
وضحت السالفة يآختشي ؟!
تقييمي لك 1 \ 10 على هالغلطه ..
بالتوفيق إن شاء الله ..