خطة التفوق والنجاح لمقرر : مبادئ الادارة المالية

[اهلاوي ملكي]

المشاركة الأصلية كتبت بواسطة زهرات

السلام عليكم
يعطيك الف عافيه أخوي أهلاوي
سؤالي قديم ومتراكم عليه شغلات كثيرة والغلط مني طبعاً

ابي مثال من واقع الحياة وفي معاملاتنا توضح لي المدين والدائن

وعليكم السلام اخت زهرات وربي يعافيك ويسعدك
سؤالك جدا مهم وبصراحة دائماً يسبب لبس بالفهم لكن باذن الله اوفق
في طرح امثلة تزيل هذا اللبس نهائيا ولنفترض ان
زهرات اقرضت اهلاوي مبلغ 300 ريال وارادت ان تدونه في دفترها الخاص
فتكتب اقرضت اهلاوي مبلغ 300 ريال
او مطلوب من اهلاوي مبلغ 300 ريال
او اهلاوي مدين لي بمبلغ 300 ريال
او زهرات دائن لاهلاوي بمبلغ 300 ريال اي دينتيني المبلغ

وفي مثال لما شخص يغلط على الاخر فيقول الاول للثاني انت مدين لي باعتذار
اي لابد ان تقدم لي الاعتذار اطالبك باعتذار لانك غلطت علي

مثال اخر عندك 1000 ريال يازهرات وتبي تودعيها في حسابك بالبنك وبعد ايداعك المبلغ
وطلب كشف الحساب فالبنك يكتب بكشف الحساب بانك دائن بمبلغ 1000 ريال اي ان لك هذا المبلغ
لكن لوسحبتي منها 100 ريال فيكون كشف الحساب كالتالي :
دائن 900 ريال اي لك , ومدين 100 ريال اي عليك

طيب لو اقترضتي من اهلاوي مبلغ 100 ريال واردتي تسجيل ذلك بدفترك الخاص فتكتبي
اقترضت 100 ريال من اهلاوي
اهلاوي يطلبني 100 ريال
زهرات مدينه لاهلاوي بـ 100 ريال
اهلاوي دائن لي بمبلغ 100 ريال

ان شاء الله وضحت وقدرت اوصل الفكرة بطريقة مبسطة من الواقع

[اهلاوي ملكي]

اضافة لما سبق لو ان لديك مشغل نسائي فكل الايرادات اي النقود اللي
يحصلها المشغل من الزبائن تعتبر ايرادات اي دائنه
وفي المقابل نهاية كل شهر تطلبك العاملات رواتب اي انك مدينه لهم برواتبهم كل شهر
وتطلبك شركة الكهرباء تسديد رسوم الاستهلاك اي انك مدينه لهم وكلها مصروفات تنفقيها
اما كاش نقدا او بشيك من البنك وتسجل مصروفات مدينه
فالتدفقات النقدية من ايرادات وزيادة راس المال ومبيعات التي تدخل رصيدك تعتبر دائن
والتدفقات النقديه الخارجة من رصيدك من مصروفات وايجار ورواتب ومشتريات تعتبر مدينه

[ام سلطان الشمري]

اهلاوي يعطيك الف عافيه وعساك ع القوة يارب مجهود يثنى عليه بالشكر

[آاـحان آاـشوق]

<~.. كل بين فترة وفترة تجي تشيك تشوف فيه نداء والا احد هاوشها والا شئ

.
.

اسسسعد الله اوقاتكمـ في كل خير ..
اعتذر ع التأخير .. لكن كنت انتظر المحتوى ينزل لنا
هذا غير اني احب اشوف المحاضرة عشان اكتب الاشياء المهمه ..

اهاـآوي مآـكي
سم ااـتلخيص للمحاضرتين ~{.. ااـثالثة و ااـرابعة ..~
اي تعديل لايردكم الا الكيبورد ..

.
.

..~> طبعا مستمره عندي مشكلة الحويل من الـWORD لـ PDF ..

[نجيب]

بيص الله وجهك اهلاوي ملكي وانت وكل من اجتهد في الملتقى

صراحة مبدع متميز مثل غيرك والله يوفقك لما فيه خير

[طاالبه مستجده]

يعطيك العافيه أهلاوي دايم أستفيد من شرحك الله يجزاك الخير

[اهلاوي ملكي]

المشاركة الأصلية كتبت بواسطة ام سلطان الشمري

اهلاوي يعطيك الف عافيه وعساك ع القوة يارب مجهود يثنى عليه بالشكر

الله يرضى عليك يام سلطان ويقويك وجزاك ربي خير

[اهلاوي ملكي]

المشاركة الأصلية كتبت بواسطة آاـحان آاـشوق

<~.. كل بين فترة وفترة تجي تشيك تشوف فيه نداء والا احد هاوشها والا شئ

.
.

اسسسعد الله اوقاتكمـ في كل خير ..
اعتذر ع التأخير .. لكن كنت انتظر المحتوى ينزل لنا
هذا غير اني احب اشوف المحاضرة عشان اكتب الاشياء المهمه ..

اهاـآوي مآـكي
سم ااـتلخيص للمحاضرتين ~{.. ااـثالثة و ااـرابعة ..~
اي تعديل لايردكم الا الكيبورد ..

.
.

..~> طبعا مستمره عندي مشكلة الحويل من الـWORD لـ PDF ..

عارف ان التاخير ماهو منك ولا كان نشبتلك عظم بالحلق

سم الله عدوك ياستاذة
وماجاء منك قصور التاخير من الطيب اللي مانزل محتواه
ابداع ماشاء الله تبارك الرحمن جدا جدا روعة تلخيصك ياستاذة
بامانة راق لي هو وتخليص تووتا شغل مميز جدا الله يعطيكم العافية
ويثيبكم خير الثواب على هذا الجهد المبذول في التلخيص وينفعنا به .
وانتي وصليه وورد والباقي علينا .


ههههههههههه عنيدة ماتبي تركبي الاوفيس الجديد خايفه على الاب لايخرب

[اهلاوي ملكي]

المشاركة الأصلية كتبت بواسطة نجيب

بيص الله وجهك اهلاوي ملكي وانت وكل من اجتهد في الملتقى

صراحة مبدع متميز مثل غيرك والله يوفقك لما فيه خير

وجهك ابيض اخوي نجيب
شكرا لمرورك واطرائك الجميل
وموفق باذن الله

[اهلاوي ملكي]

المشاركة الأصلية كتبت بواسطة طاالبه مستجده

يعطيك العافيه أهلاوي دايم أستفيد من شرحك الله يجزاك الخير

الله يعافيك ويسلمك طالبة مستجدة
وشكرا على الاشادة والمرور الله يحفظك ويسعدك