[ المناقشات ] : متفرقات

[وردهه]

المشاركة الأصلية كتبت بواسطة mesha

لقيت واحد يسال الشعيبي عن موضوع حفيد الملوك وهذا رد الشعيبي تطمنو يااخوان

الحمدلله والشكر لله تفائلو بالخير تجدوه وان شاء الله كلام حفيد كله غلط في غلط لا تخافون الشعيبي مصدر معروف اما حفيد الله اعلم وش مصدره وش نيته من هالكلام وترويع الناس الله يهديه

والواحد ماياخذ الا المكتوب له وارجع واقول تفائلو بالخير وان شاء الله الامور بخير

[أَبُو يـَزَنْ]

افا ويني عن الموضوع هذا

يعني ادري من تويتر قبلكم :(

الف مبروك اخوي حفيد تستأهل كل خير

اما مسألة الاعمال الفصلية ولله الحمد والمنة ثقتي في الله كبيرة

اهم شي الالتزام بالشروط الجديدة وهي توضيح مقر العمل عند اكمالها من اجهزة العمل

وعدم دخول اكثر من يوزرين او ثلاث الظاهر من جهاز واحد

وغير كذا الأمور تمام .. الا اذا الفريدان مسكت معه قرارات جديدة

المهم احمد الشعيبي يقول كلامك غير صحيح .. وانا والله الذي لا اله الا هو اني اثق فيك وأصدقك اكثر من الشعيبي والفريدان

:)

[Dr. Diamond]

ياجماعة أشك في إن حساب حفيد الملوك مهكر أو مسروق

وإلا من هو أصلاً عشان يحصل على نتائجه الكاملة قبل تاريخ إعلان النتائج بأكثر من إسبوع ونص؟

وبعدين باين إن الخبر مفبرك أو مجرد إشاعة؛ لأن موضوع الأعمال الفصلية لا يمكن للجامعة تقليص درجات الطلبة إذا ظهرت لكل طالب علامات إشارة الصح ولا يقدرون إنه يدققون مابين آلاف الطلبة على تشابه الأجوبة، إلا فقط من عن طريق أرقام أجهزة الحاسب أو مايسمى بالـIP Adress إن كان إستخدامها متكرر

[الــجــوري]

ماحبيت الموضوع من اساسه بعدين كيف طلعت نتيجتك واحنا لا

والاعمال الفصليه كيف عرفت عنها الا اذا كنت معاهم وهم يرصدون

مدامك واصل كان توسطت لنا وسهلوو علينا الاختبارات

بعدين شخبار الاختبار المدمر عساك نجحت فيه

[Reero]

بعد الدنيا يا حفيد
الف الف الف مبروك النجاح ومنه للأعلى
الله يوفقك بمسيرتك العلمية والعملية كثر ما عاونت
كوني اكره نكارين الجميل وابغضهم ، انا ممنونة لك على كل معلومة ساعدتنا فيها
وفيما يخص الدرجات الفصلية شفنا من الجامعة وش كثر .. وحفيد تطرق لها درءا للبلبلة ﻻ سمح الله اللي ممكن تحصل بسبب نقص بعض الطلبة .. والله الموفق
تقبلوا مروري وتحياتي ..

[الــجــوري]

الله يعلم كم اكن لك من الاحترام والتقدير ياحفيد للجهود التي بذلتها في سبيل مساعدت اخوانك الطلاب

بس للاسف استفزيت الاطلاب بمثل هذا الموضوع هدفه اثارة البلبله

[ملاك السويدي]

الف مليون مبرووك حفيد ومعليش على كلام اخواني وخواتي في الموضوع اعتبرها
عتاب احباب وتوتر اختبارات وانتظار النتيجة كمان زاد الوضع انت لك فضل كبير بعد الله
في هذا الملتقى استفدنا من وجودك كثير
مابخلت بكل معلومة تعرفها وتحب تفيد الكل شكرا لك

[وردهه]

تفائلو بالخير تجدوه ولا تصدقون كلام من غير مصدر معروف واصلا صاحب الموضوع ماله وجه بعد هالترويع

قال رسول الله صلى الله عليه وسلم: (من أخاف مؤمناً كان حقاً على الله أن لا يؤمنه من أفزاع يوم القيامة) رواه الطبرانى

[أيه أحبكـ أنا]

اللي اعرف ان الكلام كثير والواقع شي ثاني

تمنياتي للجميع بالتوفيق

[l a v e n d e r]

سبحان الله العلي العظيم ..

حفيد الملوگ اعذرني ع الاغلاق ..

والله احترام لك فقط ..

لان من جد لا تعليق ..

بيض الله وجهگ ليوم الدين ..

ورفع قدرگ ..

وجزاگ الله عنا كل خير ..

احترامي وتقديري لگ ..