نصيحه لكم كلكم... لا وظائف للإنتساب بعد التخرج

[سلمان,]

المشاركة الأصلية كتبت بواسطة ابو غيداء

ياحلووووين


لن يصيبنا الا مكتب الله لنا

وانا متأكد لو فيه فرصه افضل من اكمال الجامعه ما وفرتوها


اتكلو ع الله وتفألو بالخير تجدوه واتركو عنكم المحبطين


صاحب الموضوع ارجعو المواضيعه تجدوه كلها يطلب المساعده لمساعدة زوجته بحل الواجبات وغيرها ولان يقول اخوه واخته بالجامعه كنت اشك في مصداقيته ولا زلت


والان جاي يحبطكم


من الافضل اقفال الموضوع او حذفه

هههههههههههههههههه صادوووووووه فتح على نفسه باب هو غني عنه

[الراقي222]

مقبوله نصيحتك..
ولكن
انصحك ماتكون مثبط لاخوانك المسلمين خاصه وانا القرآن والسنه تحث على التعلم ولم يحدد سن معين ولا زمن محدد..
يمكن المشكله في تخصصك وانا اخوك..
اما الوضاةئف والنصيب بيد الله يمكن .. وترى تخصص علم الاجتماع بالذات عليه طلب غير طبيعي في الايام القادمه في مجال التعليم بحكم ان اغلب المرشدين الطلابيين ليس تخصصهم اجتماع ..
اسال الله التوفيق وللجميع

[F!x]

المشاركة الأصلية كتبت بواسطة دار الأمل

انا مستوى سابع وبصراحه محبطه جدا جدا ماتدرون اشكثر تعبت عشان اوصل الى هذي المرحله والله العالم بي كيف ادبر مبلغ لتسدسد قسط الجامعه على امل الوظيفه المجهوله عقبات من كل الجهات الاهل والناس والقليل القليل من يحفزني ويدفعني والله العظيم تعبت ابي اتوظف واتقدم ومن حولي يقول مافي امل يارب اطلبك القوه والتحفيز يارب

لاتحبطين ,, بإذن الله بتتيسر كثير من عنده ظروف وتعبك ومجهودك بتلاقينه والله شاهد

[abo fars]

نصيحة غير موفقة

[7amood]

ياخي ليش الكذب والتحطيم ؟
وش مصلحتك بالضبط ؟
ومين طلب رايك اصلآ واذا انت ماتدررس شعندك جاي مسجل ؟

الشهادة معتمدة ومصنفة والتعليم جاري إعتمادها للتدريس مايحولونها إداررين وبس

ومحدد إدارة عامة بعد

[الخيال 9633]

الله يكتب اللي فيه خير ورزق على الله

[غرام القلب]

بالنسبة لي ادري انه شهادة الانتساب غير كافية ...

وشكرا على النصيحة ..

لكن حاليا انا ادعم الشهادة بدراسة دبلوم انجليزي ...

وبعدها بدعمها بدبلوم الحاسب ان شاء الله ..

نصيحة مني للي مايشتغل ..

يفكر يدعم شهادة الانتساب باشياء تدعم الشهادة .

مثل الانجليزي الحاسب وكل مايخصه ...

وربي يوفقكمم ان شاء الله ...

[جديد عن بعد]

يابن الحلال
لو تجيب لي تصريح مصور لمسؤول يقول انه مافيها فايدة الدراسة عن بعد برضوو راح اكمل ان شاء الله

شغل السلبية والنظرة السوداوية شبعنا زماان منه
واذا احد بيطيع كل من هب ودب عز الله ما افلح

انت افصل اخوانك اذا هم يدرسون معنا (حسب كلامك)

اما الكلام العشوائي الخربوطي مايمشي

لا وبعد البديل جامعة الملك عبدالعزيز
الله أكبر يا اكسفورد


نبي نكمل
ونبي ننجح
ونبي نتوظف أو نترقى إن شاء الله
وانت اقعد تحلطم

[جديد عن بعد]

المشاركة الأصلية كتبت بواسطة feelfree

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .

عليه الصلاة والسلام

عشر طعش لايك لك
هذا الكلام الزين

[المستقبل المشرق]

المشاركة الأصلية كتبت بواسطة مرفى الامل

طيب فية تناقض بالموضوع يعني ناس متوظفة على ثانوي اودبلوم ماتوظف على شهادة بكالوريوس جامعي سوا انتظام او انتساب

هذي تجربه شخصيه ومو فلان قال وعلان سوى. تحصلت على وظائف بشهادتي الثانويه وبعد حصولي على دبلوم حاسب تحصلت على وظائف بالدبلوم. للاسف لم استمر لظروف عائليه خاصه. اخرها كانت وظيفه براتب جيد لكن الحمدلله على كل حال, مالله كتبها لي.

اذا إن شاء الله تخرجت, بحصل بتوفيق الله احسن من هالوظايف. الوظائف يامكثرها بالبلد. المشكله الكل يبي الحكومي ومايبي الخاص. والخاص فيه رزق كثير بس عندنا مفهوم بالمجتمع الا وظيفيه حكوميه.