[ المناقشات ] : إلى المستوى الرابع يا شبيبة .. هيا بنا

[هولمز]

وبرضه حابب أستنى هنا لغاية نزول النتائج , والحقيقة الترم دا له مكانة خاصة

وحاجات كتيرة حصلت فيه,, أيام حلوة وأيام مرة ,, وربي يوفق الجميع

وأتمنى للأخوان والأخوات المستوى ثالث (الجدد) التوفيق

[Abu Mayyar]

المشاركة الأصلية كتبت بواسطة طموح شايب

مرفق

انا ان شاء الله باخذ الخطة كما هي.

بالتوفيق للجميع.

[خفيف الدم]

والله الواحد ما وده يطلع من هنا
الجميع كان مثل السمن على العسل أخوان واخوات متحابين
الله لا يفرقنا

اتمنى لدفعة مستوى ثالث كل التوفيق ونحن حاضرين الى اي استفسار او مساعدة

دفعتي المتهورين الحلوين نراكم في مستوى الرابع واتمنى للجميع النجاح

[هتان 2]

نراكم أن شاء الله المستوى الرابع بكل جهد وأجتهاد بأذن الله سبحانه

[طموح شايب]

المشاركة الأصلية كتبت بواسطة ( ابو خالد )

وين طموح شايب؟

كثر السؤال واللغط والهمز واللمز هاليومين عن طموح شايب
جاء اليوم اللي أعترف لكم فيه عن قصته ... والسبب لاني ابي احط النقاط على الحروف
الرجال كان يرمم بيته ومتفق مع مقاول ، والمقاول شكله سحب عليه
وصار طموح هو اللي يليص بنفسه بالنهار ويروح يختبر بالليل
ومن التعب اللي في اكتافه ماعاد يقوى يلون بالقلم الرصاص
وتعاطفوا معه المراقبين وجابوا له ستكرات يلزقها على الإجابة الصحيحة

اذا بتدعي على احد قوله

جعلك ترمم

تدري ان البناء الجديد اهون من الترميم

لأن البناء فقط بناء

ولكن الترميم ... هدم ... ثم بناء
الهدم بتعب وخساير
البناء بتعب وخساير

وانا بادعي عليك

جعلك ما ترمم ولا من يعز عليك من غير شر

وعلى طاري الترميم
صار لي قصتين مع الترميم
قصة أضحكتني كثيرا والثانية آلمتني كثيرا


القصة اللي آلمتني
بعد ما انتهينا من تركيب جبس السقف بدينا في البوية
اللي حصل اني كنت ماسك الدريل واسوي فتحات اللمبات والسبوت لايت في الجبس وشغال في تمديد اسلاك الكهرباء داخل الجبس
المهم وصلوا الدهانين وانا في هذي الحالة ويوم شافني الهندي انصدم ويناظر وهو مو مستوعب , وقف شوي وقال ما شاء الله تبارك الله
فقلت له ايس فيه اول مرة تشوف سعودي يشتغل كهربا ؟ قال ايوه اول مرة
فكان رده قوي بالنسبة لي
ولكن الكلام اللي قاله بعد كذا كان مثل الصاعقة علي
قال المفروض ان كل واحد منكم (يقصد السعوديين) يتعلم شغلة وتتعاونون بينكم وطلعوا الاجانب برا البلد

والله وقفت مذهول ومصدوم من كلمته
تخيلوا اجنبي يقول كذا ؟

ما لقيت كلمة ارد عليه بها الا اني قلت (صدقت .. لكن الله كريم)
هذا الموقف المؤلم


اما الموقف المضحك
ايام الترميم كانت زوجتي وعيالي عند اهلها وبعد انقطاع اسبوع اشتقت لعيالي ووحشوني فقلت باستأجر شقة مفروشة لمدة يوم واخذ عيالي واجلس معهم والعب معهم
المهم نسقت مع ام العيال وكان ليلة جمعة لأن الجمعة ما يجون العمال وكانوا اهلها معزومين
فطلبت مني اجيب عشا لأن ما فيه عشا
المهم تأخرت شوي في البيت ثم طلعت مستعجل ورحت لمحل بيتزا وطلبت وجلست انتظر على كرسي في وجه باب المحل
وانا جالس مروا اثنين من قدام باب المحل وناظروا فيني .. لاحظت فيهم ابتسامات يحاولون يخفونها
وشوي مر واحد ونفس الابتسامة وانا ما ادري ليه الابتسامات هذي
المهم سألت راعي المحل عندك سفن اب قال لا.. شوف البقالة اللي جنبنا
طلعت من محل البيتزا وبمجرد اني وضعت رجلي على الرصيف خارج المحل سمعت صوت غير معهود بالنسبة لي
ناظرت تحت واكتشفت "الله يكرمكم ويعزكم" اني لابس نعال مختلفة
فردة نعال والثانية شبشب

احراااااااج

ومن حسن حظي ان جنب البقالة محل احذية فقلت ما يبيلها وادخل عنده
صديق بكم هذي ؟ ما اذكر بكم قال
قلت هات ولبست الجديدة وحطيت القديمة في الكرتون

لي اكثر من 20 سنة ما لبست زبيرية الا ذاك اليوم
ومسكتني حالة ضحك الى اليوم الثاني


الله يسعدكم جميعا ويرزقكم بيوت ما يحتاج لها ترميم

دعوة من قلب

[Zahorita]

مرااااحب بالجميع ..

عن جد ما أشارك و لكني عايشة معاكم قلباً و قالباً ..

أشكركم كلكم من غير إستثناء

وتكفون لا تروحووووون عني ترى أغراضي مازالت منثرة بالمستوى ما مداني ألمها على طول

داومت بعد آخر يوم أمتحان

معاكم وين ما تكونوا خذوووني لا تخلوني

[stc9999]

المشاركة الأصلية كتبت بواسطة طموووحه

يعني قد أخذت الاساليب الكميه والبحث والتفكير ولا أستبعدتهم

انا نفس الشيء باخذ خمس موواد فقط .

راح اخذ 6 مواد = 18 ساااعه

4 مواد المستوى الرابع لأني اخذت الاساليب الكمية بالنسبة لمهارات البحث والتفكير ماراح اخذها لانه لازم اكمل 18 ساعه يعني بأجلها للصيفي او اي وقت مناسب

2مادتين مستوى خامس ادارة الاعمال الكترونية سهلة جدا و ادارة عمليات سهله فقط الاولية لهذ المادتين اذا ماناسب الجدول بأخذ بنوك ونقود بدل اي مادة فيهم

[بدوور الأقمار]

مازلتم هنا
الافضل ننتظر النتائج ..

بالنسبه لي المستوى الجاي لو ماتغيرت الظروف راح اخذ ماده او مادتين فقط لاني مابي اوقف

الاخ/ طموح شايب
الله يعينك

الترميم فعلا تعب وخسارة اكثر من البنيان <<مجرربه

موووووووفقين جميعا

[طموووحه]

المشاركة الأصلية كتبت بواسطة stc9999

راح اخذ 6 مواد = 18 ساااعه

4 مواد المستوى الرابع لأني اخذت الاساليب الكمية بالنسبة لمهارات البحث والتفكير ماراح اخذها لانه لازم اكمل 18 ساعه يعني بأجلها للصيفي او اي وقت مناسب

2مادتين مستوى خامس ادارة الاعمال الكترونية سهلة جدا و ادارة عمليات سهله فقط الاولية لهذ المادتين اذا ماناسب الجدول بأخذ بنوك ونقود بدل اي مادة فيهم

بالتوفيق لك ..لكن تراها ماهو أجباري تكمل 18 س لك الحريه بالمواد

[تركي العياش]

خذني معاك مالي قعده عند عرب الشيخ مهاوش مليت من النظم والاحصاء بترك المستوى الثالث وبرحل للرابع يم عرب الشيخ مفلح هههههههههههههههههههههههه