القرار الملكي لإلغاء رسوم الإنتساب من عام 1429

[htooom]

يا جماعة الخير عوذوا من ابليس و ركزوا معي انا مسمي رسوم الجامعة قسط تراكمي يعني بعد كل اربع او خمس اشهر يستحق خلنا نفرض ان كل قسط جامعي يساوي 2900 اغلبنا كذا
لو طلعت من راتبك750 يطلع اربع اشهر ب 3000 ريال
يعني لو نسقنا وضعنا كذا رح نرتاح من ضغط الرسوم لكن تجي و تكيشها كل ترم تقل ولد وزير اسمح لي اقولك مع نفسك
الحمدلله راتبي ممتاز لكن ساهر يصور و القروض فالبنك تخصم و التسليف ياخذ و متزوج يعني سيم سيم كل الشعب
لكن ابي اخذ هالبكالريوس باي طريقة و باقل خساير و لا السلامه مامن سلامه




بكره و خلونا نفرض لو اعفوكم من سداد الرسوم اقسم بالله ليعيفونك الدراسة ليعقدونك بكل شي حتى المرسام الي تلقونه فالاختبار على الطاولة قدامك انت وياه بياخذونه هههههههههههههه
و اضف على ذلك رح ينقصون من التقنيات الي مقدمه لكم الحين مثل المحاضرات المسجلة و الواجبات
يعني يحشرونك يا تحضر المحاضرة الفلانية بالساعه كذا او تروح عليك
و الواجب كذلك يحطونه لك بيوم محدد يا تحله يا يروح عليك


لذلك ارجو منكم المطالبة بالمعقووووووول
مثل تخفيض رسوم الدراسة وليس الاعفاء يعني بدال الساعة ما تكون ب 165 ريال تكون ب 120 او 100

[طموح فتاه]

الحين الدراسه بفلووس والشهاده مو معتمده
كيف اذا صارت مجانيه ننقع الشهاده ونشرب مايها
نبغي اعتماد التعليم عن بعد

[فوزان المطيري]

بفلوووس مافي مشكله بس لو يخفضوووون المبلغ شوي يكون احسن مثلا مثلا تكون الساعة بمائة ريال بكذا هم يستفيدون وحنا تمشي معنا على العموم الله يكتب اللي فيه خير وسلامتكم 0

[معزوفة الشرق]

يا ابنائي العرب الحين دافعين لهم فلوس وكل شي وشهادتهم مو معتمده !!

نبيهم بس يعتمدون الشهاده بالتعليم ... بكره بس نتخرج ولا قطاع في الدوله يقبل بشهادتنا

وترى الجامعه تغني لكم تحححلمون

[P e a c e]

حسب ما أعرف أن الجامعة نفسها غير معنية بتطبيق هذا القرار

يعني سواء تم تطبيقه أم لا هي راح تاخذ رسوم

إذا لم يطبق راح تاخذ الرسوم من الطالب, وإذا طبق راح تاخذ الرسوم من الدولة

وإذا ما أخذت رسوم راح توقف البرنامج لعدم وجود تمويل يغطي التكلفة التشغيلية

اللي أعرفه أن هذا القرار تم تطبيقه على طلاب البكالوريوس في كليات الطب في برنامج الطب الموازي

وطريقته أن الطالب يدفع الرسوم كالعادة وبعدين يتم تعويضه من الدولة, والجامعة مالها علاقة بالموضوع

وأيضا بالنسبة للأطباء المتدربين في برامج الهيئة السعودية للتخصصات الصحية, يدفعون للهيئة ويقدمون لجهة عملهم مايثبت دفع الرسوم ويتم تعويضهم, والهيئة مالها علاقة بالموضوع

يعني هذا الطلب وجهته الصحيحة هي الحكومة وليس الجامعة

ولو تم تطبيق القرار أتوقع الرسوم راح تزيد, مثل ما حصل في هيئة التخصصات بعد ما طلع قرار ملكي بتعويض الأطباء ارتفعت أسعار البرامج بشكل كبير جدا, من أربعة وستة ألاف إلى ثمانية و12 وحتى 25 ألف

يعني الجامعة تتمنى تطبيق القرار علشان ترفع الرسوم بدون ما أحد يعترض

[mansor 25]

الخميس الصباح الراتب حقي نزل . الخميس العصر تم تسديد رسوم المواد بالراتب كامل بس بقي 20 ريال منه !!
يعني ماتهنيت براتبي 10 ساعات وراح بح بح

لكن ماعليه الخير واجد عندي والحمدالله بس غيري مسكين من وين له فلوس :(

[متعاون]

فيه سوء فهم في الموضوع يا جماعة
الامر الملكي يخص التعليم الموازي وليس الانتساب
التعليم الموازي برنامج مطابق للانتظام لكنه مسائي يتطلب حضور الطلاب والطالبات تماما كالانتظام حتى في الخطة الدراسية وهذا النوع من التعليم مدفوع بالفعل من قبل الدولة ومن يريد ان يدرس فهو بالمجان
اما التعليم عن بعد كالانتساب مثلا فهو خاص بالجامعات ومسموح للجامعة ان تستفيد منه ماديا ومن حقها ان تستثني المنتمين للضمان وذوي الاحتياجات الخاصة وغيرهم من الفئات المحتاجة فلا تخلطون بين المسائل وبالتوفيق

[نمارق هل]

الحين اللي فتح الموضوع يقول لكم اللي موافق "يرجعون له الرسوم او يعفونه منها"
ياللي ماتبون الاعفاء ولا تبون يرجعون لكم فلوسكم أعفونا من مشاركاتكم ولاجاتكم الفلوس والاعفاء قولوا لهم حنا مقتدرين (ارجعي يالفلوس)
لا انتم ولا الجامعه تخلونا ندافع عن انفسنا براحه
انا الآن خريجه والى الان ادور على وظيفه علشان بس اسدد اللي تسلفته من الناس وانا ادرس.
انتم بحال وحنا بحال
واللي مايبون اعفاء يعفونا من مشاركتهم ويتركون الموضوع للمتضررين مثلنا

[نمارق هل]

((أكد وزير التعليم العالي الدكتور خالد العنقري على عدم نية وزارته إلغاء رسوم الانتساب، واصفا قرار الإلغاء بهدر لموارد الجامعات، وأضاف "في حالة الإلغاء سوف يتقدم مئات الآلاف من الطلاب للالتحاق بالبرنامج، فيما المتاح في الوقت الحالي للجادين فقط"))

يهدر يهدر وليه؟؟!! المكافأه اللي تدفعونها للأنتظام مافيها هدر
تدرسونهم ببلاش وتعطونهم مكافأه
طيب لا تعطونهم مكافأه علشان مايهدرونكم حرااااااام
ولا بس حنا اللي نسبب لكم الهدرررر؟؟!!
ولو سمحتوا اللي قالوا مستحيل لا ياخذون فلوسهم لو رجعوها (طيب ياحلوين)
كل من فتح موضوع يشكي ويطالب حرمتوا عليه المطالبه ووقفتوا بوجهه

قل خيرا او اصمت
انا اشوف الصمت احسن
الفرجه على الموضوع واجد احسن لكم

[الحلم1]

المفروض عمل هاشتاق او مقابلة الملك