هاشتاق يشارك فيه صحفيين ومحامين لرفع التظلم للطلبه ضد الجامعة شاركوا

[أمورة نجد]

المشاركة الأصلية كتبت بواسطة nona22

قولوا امين
ياجعل من دخل وهايط ومدح وطبل وهو ماحس بيظلم يجعله يشوفه الترم الجاي
اسال الله ان يفرحنا فيكم وانتم تبكون وتشتكون يارب اجعلنا ما نطلع من الجامعة هذي الا واخذت حقنا من كل شخص دخل يستفزنا ويهليط علينا ويتشمت فينا بدون ما يحس فينا او ينصرنا لو بكلمة حق تدعمنا

وقال الرسول بمعنى الحديث
والذي نفسي بيده ماتزول قدم ابن ادم لين يشوف شماته باخوه المسلم

الحين انا وكل مظلوم محروق على تعبه وجهده يبارك لكم
الترم الجاي لنا لقاء باذن الله

ماعليش مع إني ماطبلت ولا هايطت ولا قلت شيء بس بقلك شيء

الرسول صلى الله عليه وسلم قال ( حب لأخيك المسلم ماتحب لنفسك )

الله يوفق الجميع وييسر أمرهم ويسهل دربهم وجعل ربي يعطي كل واحد على قد تعبه إن درس واجتهد فله التوفيق بإذن الله

عذرا إذا مريت او ضايقت أحد


في أمان الله

[صمت الرح ـيل]

المشاركة الأصلية كتبت بواسطة عبدالصمد

صح لسانك يا زورق

للأسف هؤلاء الذين يتذمرون ليس لديهم اهتمام بالمذاكرة والفهم

هدفهم الحصول على الشهادة الجامعية بدون مذاكرة ولا فهم

اعرف الكثير منهم لا يذاكرون إلا قبل الاختبارات بأسبوع

ومع هذا يريدون الحصول على الشهادة الجامعية... وهذا الشيء لا يمكن أن يتحقق لأن الحصول على الشهادة الجامعية يتطلب منهم بذل المجهود المناسب.

بعبارة صريحة هؤلاء فاشلون ويبررون فشلهم باتهام الجامعة

قبل لما صار شكوى على دكتور الصحه انقهرتي وعصبتي
وصرت بصفهم تدرين ليه لانو انتي اجتهدي وذاكرتي مع انو حنا
نبهناك لهالشي انو ممكن يكون حلك تمام وانو ناجحه انتي والماده
سهله ومايحتاج نقدم شكاوي وووالخ ..
بس الان كلامك ابد مو في محله ماانكر انو طريقتهم غلط تماما في
هالشتاق لانو ممكن ياثر على سمعة شهاداتنا ..بس مااقول عنهم
فاشلين لانو لكل شخص ظروفه انتي اجتهدتي واخذتي نصيبك من
النجاح ومبروك عليك بس تشملين انو هالنوعيه اللي رسبوا فاشلين
كلامك متناقض اختي ماانكر مساعدتك لي تماما بس فيه ناس
اجتهدوا وقبل كم شهر بدو يذاكرون لكن رسبوا بالماده هل يعتبرون
هذولي فاشلين اختي ؟؟
حتى اللي بدوا قبل الاختبارات باسبوع انتي ماتدرين شنو ظروفهم
عشان تحكمين عليهم بالفشل .. اختلق لاخيك المسلم سبعين عذرا
ماقال اتهميهم بالفشل
مجرد راي لاغير

[سعوديات]

وانا اقول ليش يبون يلغون التعليم عن بعد والانتساب وم يوظفون فيه

من هالخنبقات اللي يسونها

اجل تويتر وهاشتاق سلامات بكره ب يهجون علينا ويروح التعب والسهر والدراهم ع الفاضي

كل يوم يصدر قرار جديد بسبب هالشكاوي اللي ع غير سنع

ودكم تشتكون اشتكو ع دكتور ع شيء لعمادة الجامعه هنا معقول

مهو تجمعون الجامعه كلبوها وتخربون السمعه

في دكاتره اسئلتهم بايخه وصعبه وفاشلين اصلاً ف الشرح

اشتكو عليهم يغيرونهم مهو تمشون ف التويتر وتعليم عن بعد وتعليم عن بعد

خلقه طايح حظنا ف هالجامعه مره يقولون معتمده الشهاده ومره لا

وب تزيدون الناقص انتو

بينكم وبين الجامعه توصلونها ل التويتر ليش

[ســــلآف]

[nona22]

سعوديات خلاص وكلناك تقومين بالمهمه وتروحين تشكين الله يقويك وحنا معك
بس اذا احد صك الباب بوجهك وقالك امسكي طريقك من انتي حتى تجين تعترضين على نتيجتك
وقتها نشوف شطارتك
واذا الغوا التعليم العالي بستين داهيه اللي يشوفك يقول طلعتي بفايده منه ماغير لهط فلوس
استغفر الله ناس ترفع الضغط

امورة نجد صحيح حب لاخيك ماتحبه لنفسك

صمت الرحيل كفو والله خليتي اللي مايعرف يسكت يسكت

[moghtrb]

صاحبة الموضوع اولاً موضوعك مو واضح فيه مطالب محدده وموضح فيها الظلم بالتحديد

الشيء الثاني اسلوبك رجالي وسوقي وهمجي (مع احترامي للبقيه هنا من اعضاء وعضوات) انتي مو داخله سوق غنم عشان تتكلمين بهالاسلوب الوقح وهذا اقل شي يقال عنه

الشي الثالث وش اللي يعجبه الموضوع والا لايتفلسف ويطلع برى ؟؟ يبوي افهمي انتي في منتدى انترنت عالم مفتوح للزين والشين وماتتعاملين معانا بهالشكل الا اذا دخلنا بيتك وقتها لك الحق تطردين اللي تبين وترحبين باللي تبين


اوووول شي وقبل كل شي حسني الفاظك واسلوبك الوصخ هذا

ثانياً طالبي بمطالب محدده ومحدد فيها موقع الظلم

ثالثاً ماحد يشره عليك لااا الشرهه على الاداره من مشرفين ومشرفات تاركين الطيب والبطال يكتب


اعتذر من اخواني واخواتي جميعاً على الرد السيء ولكن والله نرفزتني بهالاسلوب السوقي قسم بالله حتى احنا الرجال نستحي ننزل مستوانا بهالشكل.


الله يهديك

[abu loulwah]

المشاركة الأصلية كتبت بواسطة moghtrb

صاحبة الموضوع اولاً موضوعك مو واضح فيه مطالب محدده وموضح فيها الظلم بالتحديد

الشيء الثاني اسلوبك رجالي وسوقي وهمجي (مع احترامي للبقيه هنا من اعضاء وعضوات) انتي مو داخله سوق غنم عشان تتكلمين بهالاسلوب الوقح وهذا اقل شي يقال عنه

الشي الثالث وش اللي يعجبه الموضوع والا لايتفلسف ويطلع برى ؟؟ يبوي افهمي انتي في منتدى انترنت عالم مفتوح للزين والشين وماتتعاملين معانا بهالشكل الا اذا دخلنا بيتك وقتها لك الحق تطردين اللي تبين وترحبين باللي تبين


اوووول شي وقبل كل شي حسني الفاظك واسلوبك الوصخ هذا

ثانياً طالبي بمطالب محدده ومحدد فيها موقع الظلم

ثالثاً ماحد يشره عليك لااا الشرهه على الاداره من مشرفين ومشرفات تاركين الطيب والبطال يكتب


اعتذر من اخواني واخواتي جميعاً على الرد السيء ولكن والله نرفزتني بهالاسلوب السوقي قسم بالله حتى احنا الرجال نستحي ننزل مستوانا بهالشكل.


الله يهديك

صح لسانك

[7rf 9amet]

وباذن الله سيتم رفع برقيه عاجله للملك ولولي العهد

الملك مره وحده شالسالفه
موضوعكم شكله كايد
الله يكون بعونكم وتاخذون جميع حقوقكم إن شاءالله
لكن الموضوع وش هو بالضبط
وإذا التظلم على نتائج الاختبارات أعتقد فيه أيقونة التظلم
وإن شاءالله الجامعه مراح تقصر معاكم

[Sulaiman]

المشاركة الأصلية كتبت بواسطة زورق*

فيه أيقونة تظلم فتحوها طيب تظلموا وشوفوا نتيجة التظلم

والله الذي لاإله إلا هو ليس لأجل الجامعة قلت هالكلام بل لأجلكم


بتصير سمعة الجامعة وشهادات منتسبيها غير مرحب فيها لكثرة


مايرفع فيها ويقال مافيها ,


ع فكرة عشان ماأحد يقول اني بصف الجامعة أو لأني ماتعرضت لظلم أو لأني أطمح لوظيفة


قلت هالكلام


فأنا موظفة ولاأحتاج لاترقية ولا مايحزنون شهادتي بكالوريوس انتظام وع المستوى اللي استحقه


ولكن كلمة في صالح الطلاب أكتبها لله


انتظروا وشوفوا النتيجة وإذا ماصار فيه رد في صالحكم وقتها افعلوا ماشئتم


أسأل الله أن يوفقكم ويرضيكم بما تطمحون له

[مــجــازفــــ]

اعتقد ان هذا الموضوع ماله اي داعي اطلاقاً الشخص الي يذاكر ويجتهد راح ياخذ اعلى الدرجات اما الي في راسه ما زال فكر المدارس الليلية ودف الدرجات ترى الدراسة الجامعية غير تبغى مننا جهد واجتهاد ومثابره والي ماخذها طقطقه لا يخرب على الاخرين