نطالب بال 70سؤال بعد نزول المعدلات

[memy515]

المشاركة الأصلية كتبت بواسطة كان في مكان

القصة مش 50 او 70 سؤال الى دكاترة مدري وش عندهم رايحه المستوى السابع وكل ما الاسئلة ماتصعب و دكاترة يجيبون من بين السطور قبل ما كان كذا يعني كم دكتور يصعب بس الحين كلهم خاصة المستوى هذى

فعلا .. المشكلة الاساسية في الاسئلة الي يحطونها الدكاترة مو في ال خمسين سؤال ولا السبعين ..
اذا كانت الاسئلة سهله راح يحلونها الطلاب وما تاخذ وقت طويل منهم .. يعني هذا مو عذر لفكرة الخمسين سؤال..

وانا شخصياا افضل السبعين سؤال مع العدالة في وضع الاسئلة .. لانه خسارة الدرجات فيها اكثر ..
ولو اني على يقين بان نظام الخمسين سؤال لن يتغير ..

[JJS]

معكم 70 سؤال


تكفون خلوني أتخرج .. ما بقى إلا سبع مواد

[Abu Mayyar]

أنا و أعوذ بالله من كلمة انا مع جماعة الـــ 70 سؤال و لكن بالنظري فقط

يا جماعة الخير لما يكون عندك اربع اجابات غلط تفرق عن ما يكونوا خمسة غلط .. تخسر +a علشان سؤال واحد.

المهم و على كلٍ و على كل حال يعني بكل الأحوال ان طلعنا و ان نزلنا الجامعة ما رح تغير هالقرار لأنها أصلاً ما أخذت القرار إلا بعد طول دراسة و تدقيق و تمحيص.

لذاااااا لا تتعبوا قلبكم و تتعبونا معاكم لأنه لا حياه لمن تنادي.

أهديكم بمناسبة النجاح و دمتم بود.

[omjehaad]

أنا صراحة مافرقت معاية في الأول زعلت من قرار ال50 سؤال قلت 4 أخطاء راحت الa+
بس بعد اختبار الصحة واللياقة قلت الحمد لله الذي لايحمد على مكروه سواه يعني هو 50 سؤال وجاب حوالي 12 سؤال بين خارج المحتوى واللي بين السطور واللي غير مباشر لو 70 سؤال ايش راح يكون مصيرنا أكيد كان بدع فينا السيد مطر
وفي النهاية اذا ذاكرت وأجتهدت ماراح تفرق كتير بس لا يجونا ناس زي الدوغان ومطر وحنكون بفضل ونعمة سواء 50 أو 70 وبالتوفيق للجميع

[هوآجيس]

بالعكس انا ارتفع معدلي 45 بالميه

ال50 سؤال حلوه



بالتوووووفيق للجميع..

[omjehaad]

المشاركة الأصلية كتبت بواسطة shoroq

كيف يرتفع مع الخمسين نفسي افهم اذا درجه وربع تروح مع الغلطه الوحدة

عزيزتي المعدل ماله دخل الشغلة نسبة وتناسب يعني غلطة في ال50 سؤال = يمكن 3 أو 4 في ال70 سؤال وغير عامل الوقت اللي أغلب الأعضاء بتضيع درجته بسبب عدم استطاعته حل كامل الأسئلة لانتهاء الوقت والتوتر عامل يساعد على تفاقم الأخطاء حتى لو مذاكر من التوتر يمكن يخطأ
50 سؤال تخليك مرتاح وريلاكس على الآخر وتحل وإنت مرتاح غير الدوائر تضليلها المتعب يقل

وفي النهاية مافي فرق بين ال50 وال70 المذاكر مايهمه ولو 10 أسئلة وبالتوفيق

[هبوب نجد]

انا والعياذ بالله من كلمة انا من انصار 70 سؤال
معدلي هالترم نزل عن اول

[Try The Best]

المشاركة الأصلية كتبت بواسطة مطيريه وافتخر

بعد ظهور النتائج والمعدلات اللي نزلت للأسف بكثير عن المستويات السابقه
أنا أطالب بأعادة ال 70 سؤال
واللي معاي يرفعون يدينهم

ليتك قلتي أطالب بدل ( نطـآلب ) لأن في ناس تبي 50 سؤال ونـآس تبي 70 سؤال .. فبدون تعميم كــآن من الأفضل .. وشكرا








من وجهة نظري ال 50 أفضل وبكثيرررررر ..

[omjehaad]

المشاركة الأصلية كتبت بواسطة charisma

مستغربة من شيء دام تقسيم الدرجات فيه أرباع وكذا ، ليش درجاتنا أعداد صحيحة معقول
مافي ربع وإلا نص بالغلط ، وإلا يجبرون الربع

نفس نظام الهللات في السوبرماركت

يعني أقل من النص حلال على وأكثر من النص حلال على راعي البقالة

مثلا أنا غلطت 3 غلطات في العقيدة المفروض 95.8 جبروها صارت 96

في الصحة المفروض 87.4 أكلوها علي وصارت 87 فهمتي عزيزتي
وبالتوفيق للجميع

[شرقيه وبس]

والله مادري عن التخصصات الثانيه بس بالنسبه لنا اداره اعمال صراحه 50 سؤال يكفي للمواد العلميه يالله نخلص وحتى بعض المواد مايمدي تراجع ..

والله يوفقنا جميعا يارب.