رساله من الجامعة اليوم الخميس 18 /11 /1433هـ

[bissan]

احد يجاوب علي ؟؟؟؟؟؟؟؟؟؟

[Mnoory]

المشاركة الأصلية كتبت بواسطة صدى الأحزان

يعني وش قصدهم
الواجبات نزلت

لا هو مجرد تنويه من الجامعة للطلاب والطالبات عشان يحملوا المحاضرات ويحلوا المناقشات والواجبات لا نزلت ان شاء الله وبرضوا عشان يخبروا ان اللي مااختاروا مكان للاختبار هم اختاروا لهم المكان اللي سجلوه في البيانات واللي موظف يعبي البيانات لا اكثر ولا اقل

[bissan]

طيب وش يبون بعنوان العمل بالتفصيل متضمنا المدينة والشارع ؟؟؟
احد يطمنا ياجماعة الخير؟؟؟

[Mnoory]

المشاركة الأصلية كتبت بواسطة bissan

طيب انا موظفة بشركة يعني لازم احدد شنو وظيفتي ؟؟؟؟؟

و اشتغل بقطاع خاص يعني لازم احط اني اشتغل بقطاع خاص
وليش طالبين عنوان العمل بالتفصيل المدينة والشارع؟؟؟؟؟؟؟؟؟

ايو ضروري هم اصلا بخياراتهم حاطين قطاع حكومي او خاص يعني كلا القطاعين يسجلوا بياناتهم
اما ليش طالبين علمي علمك يالغلا بس انتي سوي اللي عليكي وعبي بيانات وظيفتك

[amjad]

واذا دلوا مكان عملكم متضمنا المدينة والشارع تراه عادي وراكم خايفين

تراكم ماسويتوا شي غلط اكتبوا وحدثوا وقضينا

لعلها استبانة حصر لهم من الموظف ومن اغير موظف ’’ احصائية دورية سنوية




ركزوا بالمحاضرات وخلوا التحديثات ’’

[رزان عبدالله]

وانا بعد ماتطلع لي ايقونة الواجبات ليش ...

[Mnoory]

يا اخواني وخواتي لا تقلقوا هذا شيء طبيعي مايستاهل كل هالتوتر وانا جمعت استفسارتكم اللي بهالموضوع وبجاوبكم عليها
اولا للي يقولوا انهم غير موظفين خلاص طنشوا سالفة تحديد طبيعة العمل لانهم كاتبين بالرسالة (ان كان لديك وظيفة ) يعني مخصصة للموظفين والموظفات بس
واللي يقولوا انهم بقطاع خاص يحددوا او لا ضروري تحددوا لاني شفت الخيارات حقهم بالموقع فيها قطاع حكومي وخاص يعني كلا القطاعين يحددوا ولا تتوتروا لانهم طلبوا المدينة والشارع هذا شيء عادي نفس لما سجلنا بالجامعة طلبوا من برضوا الحي والشارع فعبوا بياناتكم وانتم مطمنيئن
واللي يسالوا عن كيفية حل المناقشات بالبلاك بورد خلاص انتو حليتوها في الافتراضي يكفي وعشان تتطمنوا اكثر انا بسالكم الجامعه بهالخصوص وبقولكم الخبر اليقين
واللي تسال تقول انها حملت الجافا بس مافتحت معها المحاضرة المباشرة
اذا فتحتيها بعد انتهاء الوقت فاكيد ماراح تفتح واما اذا فتحتيها وهي مسجله يعني نزلت عندك لان هي المفروض نزلت بس بعض الطلاب يقولوا انها مانزلت اكيد الغلط من الموقع نفسه من الضغط اللي عليهم قولي لي كيف طريقتك عشان اشوف صح ولا لا
واللي سسال عن طريقة تحديث البيانات روح لموقع الجامعة و بعدها بوابة التعليم عن بعد ومنها تضغط على الافتراضي او بلاك بورد وتلاقي تحت عند الرقم الجامعي تحديث بيانات اضغط عليها وفي اسئلة وفي اختيار كلمة سر جديدة بس ضروري كلمة السر اللي بتخترها انجليزية فيها حروف كبيرة وصغيرة وارقام ورموز وبكذا تصير هذا كلمة السر تبعك بدل الرقم السري اللي ارسلوه لك الجامعه اما اذا كنت محدث من قبل ومختار كلمة سر جديدة من اول وتقدر تدخل على البلاك بورد والافتراضي خلاص ما يحتاج تحدث بيانات من جديد
اما كيفية تحديث بيانات العمل اخوي روح الخدمات الطلابية اضغط عليها دخلك رقمك السري والرقم الجامعي ولما يفتح معك حتلاقي ايقونات منها ايقونة تحديد طبيعة العمل اضغط عليها وعبي بياناتك
واللي تسال عن المحاضرة كيف طريقة تحميلها تروحين بلاك بورد وبعدن تختاري مادة المحاسبة وتختاري منها ايقونة المحاضرات المباشرة وتطلع لك المحاضرة الاولى اضغطي عليها ومنها اختاري المحاضرة المباشرة المسجلة وبعدها بيطلع لك تنزيل برنامج جافا حطي اوكي للي محرك البحث حقهم فيرفكس واللي محرك البحث حقهم كروم حطي مواصلة وبيتزيل عندك افتحيه وبعدها تحديد سرعة واشياء ثانية نسيتها وامكن ماتفتح من اول مره ارجعي حاولي كذا مره لما تفتح
وبالتوفيق يا رب واللي نسيت مااجاوب على استفسارهم يطرحونه وانا بساعدهم باللي اعرفه

[Mnoory]

ايو صح نسيت اللي يقولوا الواجباات مانزلت هذا شيء عادي كلنا مانزلت عندنا ولا نزلت بتطلع لكم ايقونة الواجبات وان شاء الله مابتطول خلال ايام بينزلوها

[bero0]

يعطيك العافيه والله ، اعطيتينا اجابات كافيهه

والاكيد انك شلتي القلق مني ومن كثير

[عزتي سمو ذاتي]

السلام علييكم..


ابي حد يساعدني رقم السري ماعرفت ادخله ولافهمت عليههم.. ابي شرح مفصل و واضحح......