[ اسئلة اختبارات ] : انطباعكم عن اختبار سلاسل الامداد والتوريد ~

[رااقي]

خلونا كلنا نراسل صالح الراشد على أيميله ونقدم شكوى بصعوبة الاختبار
والمثل يقول ( الحقوق تبغي حلوق )
دكتور المادة مايقدر ضروف الناس
ياجماعة حنا طلاب تعلم عن بعد وليس انتظام
فينا اللي متزوج وعنده عيال ووظيفة والتزامات اخرى ياخي قدر ظروف الناس .
ااااه بس كرهني نفسي .

[ميمو العسل]

انا ماحبيت الاختبار صراااحه ماقدر اقول اكثر من كذا

غير منكم لله يادكاترة هالسمستر ماعدا دكتور فتحي فرماوي ربي يسعده وين ماكان

واجازه سعيده وربي يفرحنا بالنجاح

[البرنسيسية]

المشاركة الأصلية كتبت بواسطة رااقي

خلونا كلنا نراسل صالح الراشد على أيميله ونقدم شكوى بصعوبة الاختبار
والمثل يقول ( الحقوق تبغي حلوق )
دكتور المادة مايقدر ضروف الناس
ياجماعة حنا طلاب تعلم عن بعد وليس انتظام
فينا اللي متزوج وعنده عيال ووظيفة والتزامات اخرى ياخي قدر ظروف الناس .
ااااه بس كرهني نفسي .

مدري ويش احكي لك
بس بصراحة انا تعلمت من هالمستوى اشياء كثيرة
جد كنت مو ذاك الاهمال بس المستوى ذا ماعرفت المواد إلا اسبوع الاختبارات
عكس السمسترات الي راحت كنت بررافو
خلالاص أيقنت انو لازم تذاكر كل شيء وتجتهد من اول يوم بالدراسة وكل محاضرة تابعة وكل كبيرة وصغيرة تلاحق وراها لاتخليها تفووتك واتوقع لو اعمل كذا بالمستوى الجاي صدقني مرراح اتعب واسوي قلق لنفسي وهررج ماله دااعي ترى الدكتور من حقة يحط الاسئلة ومال الجامعه دخل سؤال : الدكتور لازم يحط اسئلة سهلة واسئلة متوسطة واسئلة صعبة ؟ تدري ليش عشان ينخل الطلاب كوويس ويعرف الجااد والمجتهد وغير الي يبي درجة النجاح وبس ويقطف ثمررات غرسة طول الترم على طلابه

[kenani]

أنا الي قهرني إن من 80 سؤال ما جاب منهم إلا 6 أو 7 أسئلة غير الرسمات أما باقي الأسئلة كانت من بين السطور ...

بعدين حتى لو كان في مدة كافية لمذاكرة المادة ... ترى هذي المادة هي آخر مادة وكل الطلاب طاقاتهم خلاص الي منتهيه مثل حلاتي ولا شبه منتهيه .... في شي إسمه إنسانية يا عاااااالم

السميستر هذا كان الهدف منه خفس نسب الطلاب والطالبات لا غير ... ولكن ما أقول إلا الله يوفق إلي في جامعة فيصل ولا عبدالعزيز ... وعلى فكرة حتى الجامعة السعودية في ناس من أخوياي فيها والله حتى وهي بالإنجليزي إنهم يقولون أسهل بكثير من جامعة الدمام.

صار التعلم عن بعد في جامعة الدمام معروف إنه أصعب شي والكل يشهد بهذا ... وعلى فكرة النهاية إن إحنا راح نتخرج بنسب مخفوسه عشان نرجسية فاضية ... وغيرنا بنفس نظام التعلم عن بعد بجامعات ثانية يتخرجون بنسب أقوى ودراستهم أسهل بكثير.


ما أقول إلا (اللهم أجرني في مصيبتي وأخلف لي خيراً منها) ...... (حسبي الله ونعم الوكيل)

[ريم 10]

المشاركة الأصلية كتبت بواسطة العضيد

و لا أبشركم اول ما دخل القاعة

قال بصوت عالي ( لا تقولو الاسئلة كذا او كذا واضحة وضوح الشمس )

و المشكلة انة ما طلع من القاعة الا بعد 10 دقايق او اكثر لف على الطلاب لف ..

لية طيب تحط نفسك في مواقف بااااااااااااااايخة .. اذا حنا عن بعد و الاسئلة كذا اجل الانتظام كيف

نااااااااااااااااار

و الله مقهور من البدلة

اللهم لك الحمد حتى ترضى
حسبي الله ونعم الوكيل ياليت كان لون بدلته مثل الاسئله بيضاء
وتفتح النفس بس اخر يوم والله قهر لا ..وكل سؤال وراه خمس اسئله ويتشابهون يعني لو تخصبق باالأول تروح عليك ..قهر وربي رحنا فيها ونزل المعدل

[عبود الاهلاوي]

اخس اختبار من دخلت الجامعه الحمد لله على كل حال

[البرنسيسية]

الله يصبرناا بس
والله الحين همي كله بالمعدل بالله كيف يكون معدلي اذا تخررجت؟
سؤال والله جد ودي اعرف اجاابته ودي يسوون حصر لمعدلات طلاب المستوى الخامس من يوم دخلنا الجامعه الي المستوى ذا كم طالب جاب معدل كاامل 5 ؟
يمين اخووي يدرس طب وجااايب 5 وانا تعليم عن بعد مالت علي تخب علي 4.ونص

[إحسـاس]

الحمد لله على كل حال

والحمد لله خلصنا اخيراً من هم المذاكرة والاختبارات

تعب وإرهاق غير طبيعي بس الحمد لله

[العضيد]

لا حووووووووووووول


توني طلعت و جيت الا و الرسايل الخاصة اشتغلت

حذف مشاركة

حذف رد

حذف جبهتك

انا القاها من ابوبدلة بيضة ولا من ادارة المنتدى


يالله الامور طيبة

ودي أسوي موضوع خاص للشكر و اخص فية بعض الطلاب و الطالبات

بس الاسلوب ماش مصلي شرق الاسلوب

يالله بشكرهم بأسلوبي الخاص

[الدراسة لعبتي]

الحمد لله الاختبار كان مره ممتاز بالنسبه لي
الحمد لله اقرا السؤال ومايحتاج اقرا الاجابه بس اتشهوا الحرف والون
كان اختبار فنيه رايق