‌‌‌‌‌ ‌ ‌ ‌‌‌‌‌ ‌‌‌‌‌ ‌ ‌‌‌‌ ‌‌ من الظلمآت الى " النور !

[ريمنقو]

_



يالله ياربي لايضيع لي تعب و وفقني و وفق كل الطلاب والطآلبات

اعطيت نفسي بريك عن الشغل
سويلفه /
اذكر قبل سنتين يمكن كتبت تدوينه الاهداف اللي ودي احققهآ قبل اتخرج ..
كتبتهآ ونسيتها , لكن مانتبهت لنفسي اني كنت اعمل بهآ لاشعورياً ..
المهم قبل كم شهر افرفر بمدونتي ولقيت اللي كتبته واكتشفت ان اغلبها حققته
الا شي واحد [ حفظ القرآن كاملاً ]
حفظت لكن مابعد خلصته لاني افسّر واقرا والخ واحفظه سمعاً مب قرايه

[ريمنقو]

الصبر مفتآح وبالله نستعين
وكل نيه باين(ن) مدلولهآ . .

ان بغيتو طيب فحنا طيبين
وكل كلمه نقولهآ بنطولهآ

وان بغيتو فارتكو على متين
والحقآيق ازهلو مسؤولها

قولنا يمشي على الحق المبين
وكل كلمه طيبه بنقولها

ان عطينا ماعطينا الا الثمين
وكل شده بعد ربي نزولهآ ..



هذي قبل كم شهر , احيانا اكذّب نفسي اني كتبت هذا الكلام
شكلي كنت على الحد الجنوبي

[ريمنقو]

-



القران مُربي ، موجهه ، مبشر و منذر ..
فمن كان في قلبه غيظ وجد ( والكاظمين الغيظ والعافين عن الناس والله يحب المحسنين ) ..
احيانا يكون كتمان الغيظ و العفو من الصعب العمل بهما ولكن ما يروّض النفس الا قول ( والله يحب المحسنين)
فتطيب النفس وتسعد وتعفو وتصفح ..

[ريمنقو]

https://www.youtube.com/watch?v=j8VA1ITGq6E



مقطع جميل لايفوتكم ..
اسمعوآ وش يقول عن الصحابي عبدالله بن عباس وهمته في طلب العلم ..



آحب اسمع لمعلمي د.محمد العريفي كان هو الوحيد اللي اخذ العلم منه اعتقد اني ختمت مقاطعه باليتيوب كنت اسهر عليها امسكها من الليل الى مابعد الظهربدون ملل وتعب
واغلب كتبه قرأتها , اخرهآ ( تجربتي في ربع قرن )
3 دفآتر عندي كلها زبدة ماتعلمته منه ..

من زمان ماعاد كتبت شي اخر مره كتبت ماتعلمته منه قبل 7 سنوات تقريباً ..
اذا تشتغلون على بحث والا على ملخص والا على ريبورت او اي شي
افتحوا اي محاضره لاي شيخ ثقه واستمتعوا ..


المهم


اذا احد اخذ جهازي ودخل على اليتيوب يشوف الصفحه الرئيسيه يشك فيني
يقول انتي اخرتك بتصيرين ( داعشيه )
لان مقاطعي احيانا تكون مريبه وهالسواليف
المهم واحد من الربع يحذرني لا اخوض بهالامور علشان ماتجي الحكومه وتقشعني من محلي
اثنين معه فالشركه كانوا مثلي ويجون يشلون الاثنين ..
واحد منهم بريئ كان مجرد فضول والثاني الله ربنا وربه
انا والله اني بريئه

[ريمنقو]

_

يالربع
تكفون يالربع

آحس بارتفاع الحراره والم خفيف , يالله ياربي مايصير بي مثل قبل كم اسبوع
الله لايعود ذيك الآيام , صرت اخاف كل ماختلف علي شي
شفت الموت الموت ماعاد ابي احس به
ولا ابي اشوف د.صفوت للحين ماطلعت من حالتي النفسية السيئه اللي سببهآ لي
بكره لو اجيه قال تنويم تنويم يخرشني لاحول ولاقوة الا بالله كني بموت

يالله اني زابنتك يالله

[ريمنقو]

-


من الصباح في بآلي نونية ابن القيم في وصف الجنه
وتشفقت للجنه
هنآك حياتنآ لا نذل فيها ولا نشقى ، نلتقي في الجنه ان شاء الله ونذكر مكاننا في الدنيا
و اشوف الرسول وخلاص ماعاد فيه اماني ولا اتمنى روحه للمدينه علشاني بس ( مشتاقه )
يارب يارب الجنه
يارب اني احب من بهذا المكان فاجمعني بهم بالجنه
قولوا آمين

[ريمنقو]

-


كلمه الانسان تشمل الذكر والأنثى ، ومن الخطا قول ( انسانه )

لذلك انا انسان احب الالتزام بالمواعيد .. اذا قلت بكره خلاص على الموعد
اذا قلت لي الساعه كذا وكذا تكونين مخلصه ، اخلص بالوقت المحدد ..
يعني عندي الالتزام امر مهم سواء انا او من اعمل معه لابد ان يكون ملتزم بمواعيده معي

ما احب المماطله ،
............ المماطله

[ريمنقو]

-



لو الزمن قآسي وصواديف الاقدار
غطت على دنيآك ودارت رحاهآ

تحزّم بذكر الله في سر واجهار
والله عليمن بالقلوب ودعآها


احيانا في عز انشغالي أُلهم فأكتب ما اُلهمت به ..

[ريمنقو]

-


لا يضرب المرأه الا عديم المروءه

يُذكر ان ملثم يمشي ويقتل المسلمين حتى وقف في وجهه علي بن ابي طالب رضي الله عنه
واخرج سيفه حتى يقتله فكشف المقاتل لثامه فاذا هي امرأة تصيح خافت من سيف علي رضي الله عنه
فلما عرف علي انها امرأة ادخل سيفه وتركهآ !! وهي مشركه مقاتله !!

[ريمنقو]

يا لله اللي ما خشى غير خوفي منه خــوف
لأشـريكٍ له بـــملكه ولا يـــــعبد سواه
فيك تشخيص البصــاير ولك مد الكـفـوف
يا كــــريمِ يكرمون الاكارم من عطاه
عالم اللي ما اعلمه شايف اللي مانشــــوف
خـــافيِ سره والإسرار ما هيب تخفاه
لاجفانا القـــل واللي روابــعهم ضــعــوف
جــــعل ربي ما يرينا غضبه ولا جفاه
ولانقفل بابِ من الرزق حراسه وقـــوف



رحم الله [ بن جدلآن ] لا والله الا راح الشعر

قصيده مهوب اي قصيد ولا هو يسرد اي شي .. قصيد جزل بمعنى الكلمه
من الشعّار اللي اسمع لهم كثير واحفظ لهم الكثير والكثير
فإبن جدلان ماينطق الا بدرر وحكم ..
الله يرحمه , الله يرحمه ..


تتوآلى الآخبار السيئه اسأل الله ان لايفجعني ولايفجعكم بغواليكم ..
قبل عدة ايام كان تخرج صديقتي بجامعه الدمام فكانت تقول اخاف اروح للحفل ويتوفى ابوي [ ابوها مريض]
حضرت الحفل , الفجر بعد الحفل توفى ابوهآ الله يرحمه ويلهم اهله الصبر
اليوم ان شاء الله بروح اعزيها

وجدتي بالمستشفى من البآرح , بمرّهآ