[ المناقشات ] : إنطباعك (قبل) وبعد الإختبار النهائي لمقرر صنع القرارات وحل المشكلات

[ARWA223]

الحمدلله احلى اختبار مر علي للحين ....

[امل مغربي]

ما ادري الدكتور ادعي له بالسعاده ولا ادعي عليه بالسعادة !!
ماقصرررر يشوفها بدنياه قبل اخرته ياررررب .. فتح نفسي لمذاكرة باقي المواد

[كائن غير طبيعي]

المشاركة الأصلية كتبت بواسطة abu 3id

انا كلمته قلت له تبغاهم بالترتيب قال ماتفرق شفتهم كلهم يتشابهون حطيتهم جميع ماذكر
بس السؤال حق الانواع و الراحل الارقام شنو جوابهم ؟

المستويات 5

المراحل 3

[wed majed]

السلام عليكم ..

الاختبار وايد حلووو ^_^ .. بس لخبطت بكم فقره والحمدلله ع كل حال ..

عقبال باقي المواد .. نفرح فيها ونطلع واحنا ندعي للدكتور ..

:
شكرا لكل الي ساهموا بالكوزات والمراجعات ,, احبكم وايد :o

[Dr. nsroon]

المشاركة الأصلية كتبت بواسطة كائن غير طبيعي

أخواني وأخواتي
بالنسبة للي يقول أن الدكتور لازم ينقص منا كم درجة
انا اقول هذي سياسية لازم يتبعها الدكتور ويميز فيها مستوى الطالب
يعني مو معقول بيجيب كل الأسئلة مثلا من الفصلي والواجبات بس
على كذا كل الطلاب 70/70
لكن هو معروف الأمر من بين 10 إلى 15 سؤال لتميز الطالب الممتاز من الجيد جداً
وهذا يعتمد على مذاكرتك للمادة
فلا تتذمرون من هذا الأمر


نجي لأنطباع الأختبار ... الأختبار كان جداً رائع وواضح الصراحة
والدكتور يشكر ويشكر على مثل هذا الأختبار
انسى الأخطاء الإملائية يمكن ماغيرت بالمعنى كثير
لكن أغلب الأسئلة أو خليني أقول الغالبية العظمى مافيها لا لف ولا دورن وكانت مباشرة
أيضا بالنسبة للي يقول أنه ماجا من الفصلي ولا الواجبات ... شكلك تذاكر الفصلي والواجبات حق المستوى الماضي
لأنه كثير من الأسئلة كان مصدرها الفصلي والواجبات يمكن بعض منها غير في صياغته ولكن ما اختلف المعنى ولا الجواب .

بالنسبة لسؤال
الطلاقه و المرونة و الأصالة و الحساسية

طبعاً هو جاب أربع خيارات
1- الطلاقة والأصالة والحساسية للمشكلات
2- الطلاقة والأصالة والمرونه والحساسية للمشكلات
3-الأصالة والمرونة والطلاقة وحساسية المشكلات
4- كل ما سبق

أنا كنت مختار الثانية ... فجانا الدكتور وسألته هل أنت يهمك الترتيب في الأمر قال انا ما ابي الترتيب يهمني الأجابة الصحيحة ... قلت له أنه إذا ما يهمك الترتيب الفقرة الثانية والثالثة نفس الشي مكررة باختلاف الترتيب قالي والأولى ؟ قلت له أنه الأولى نفسها بس فيها نقص ... قالي يعني نفسها يعني صحيحة قلت له نعم ... قالي خلاص واضحه .... فتداركت الموقف وغيرت إجابتي ... فالأجابة السليمة كانت كل ما سبق إدري فيه كثير صارت لهم مشكلة فيها

لكن مجمل الكلام ... الكل كان متخوف من المادة ويقول يارب أنجح بس ب C لكن اعتقد الكل طلع مبسوط اليوم إلا اللي ماذاكر ولا كلمة أو جلس يتصور مع المحتوى من أمس

موفقين جميعاً

اتوقع هنا انا المقصودة


الحمدلله من افضل الاختبارات اسلوبه دكرني باسلوب بلال الوادي
الله يسعد الدكتور

[jon92]

ربي يسسسسسعده دنيا واخرة زي ما ريحنا وأسعدنا بالأختبار

ليت يتعلمون منه بعض الدكاترة :))

[النادر فهد]

صباح الخير

الحمد لله على كل حال

الاختبار كان ممتاز, فيه كم سؤال ادوخني بس بشكل عام كان زووووين.


احب اتقدم بالشكر والتقدير الى ( طيف الموادع و الاشقر ) في عملهم المميز للكويزات التي اسهمت ودعمت في ثبات المعلومات.

واحب ان اقدم شكري وتقديري لفريق عمل التلخيص\ الملزمة ( نصرون , مها ناصر و moon2009 )

وراعي الفزعات اخونا حمودان والى مشرفتنا المميزة رذاذ لما بذلوه من انهاء الملزمه .

بالتوفيق ان شاء الله للجميع

[اﻷشقر]

الحمد لله على كل حال .. واتمنى التوفيق للجميع

[أمواج...]

-

الاختبار كان وايد وايد وايد سهل $'
سلس ومباشر اغلب الاسئله مافيها لف ودوران
ونسبة الاسئله اللي من الفصلي والواجبات جداً كثيييره
وشششكرا ميما فزعت لي وهي تميز بين ال*او وبين ال*و*
المحير والمدري وشو الثانيه
المستويات اظني عكستها مع المواحل :/
وبالنسسسبه للرسمه اول ماشفتها قبل م اشوف الخيارات قلت هذي خريطه ذهنيه
لكن مشكله اللي م يعرف يحط لا شي مما سبق يستاهل :(
اللي ضحكني وانا طالعه اسمع بنات بقولون اصلا هو قال ما معنا رسما يعني لا شي مما سبق
اوكي شكرا حسيتني *** على هالتفكير
يلا الحمدلله على كل حال وبشكل عام مررره كان الاختبار جميل

[marawi88]

الحمد لله كان الاختبار مررره حلو