[ استفسار ] واخيرا خلصت الطبي....,

[أنثى من حرير]

للحين مابديت اسوي شي مستصعبه الماده

محتاجه مدرسه بالخبر متعاونه وياليت لو التقرير عندها جاهز زي البرج الطبي

ان شاءالله ربي يسهل واتحرك بداية الاسبوع واسوي التعليمي والطبي وارتاح

[دمعة حلم]

اختي كيف مابديتي ؟؟؟؟؟
ماعاد باقي وقت حاولي تخلصينهم بكره كلهم او شوي اذا سنحت لك فرصه
طمنينا وقت ماتخلصي ؟؟؟

[مشاكس الخليج]

انا اللهم لك الحمد والشكر اولاً واخيراً

خلصتها ورحت للمكتبه وسنكره لي ...... وبدفه لي.......... لاني ما اعرف بس كان النظام ما يفتح معه وكل يوم يقولي ....... بكره ..........بكره ........... ليش طيب يقول النظام ما يفتح معي قلت جبه .... بس جبه انا ازينه بس قلي الطريقه ......... واول ما فتح النظام معي وانا انقز ........ وارفعه مع اني اول مره ازينه مااااا اعرف شيء زينته ورفعته وطلع كل شيء تمام التمام الحمدالله .

واحد مستانس انه سوى شيء .......................

[بيرو+a]

الحمد الله خلصت التقرير التعليمي والطبي ورفعتهم وفتكيت الصراحه هم وانزاح

[ولد عرنان]

الحمد لله خلصت الطبي بمستشفى دله وكانوا مره متعاونين والتعليمي بمدرسة تحفيظ القرآن ادعوا ان عيالنا يحفظون القرآن والله شفت طلاب صغار حافظين احسن منا ياكبار الله يحفظ كتابه الى يوم الدين

[رغــد]

المشاركة الأصلية كتبت بواسطة خدمه اجتماعيه

عالبركه
وانا بعد نفسك اليؤم تو خلصته الساعه تقريبا عالتسعه في مستشفى الامام عبدالرحمن الفيصل واعطوني نموذج جاهز
وكانو متعاونين مرررره
فاللي بالرياض يروح لهالمستشفى
تدرون بعد عذاب من المستوصف الاهلي انصحكم ماتروحو له الا اذا تعرفون احد هناك
لان رحت ودفعت فلوس والله ماحصلت منهم الا الختم بس ورفضو يحلون الاسئله يقولون حلها انت >>>>لان اخوي هو اللي دخل وارتفع ظغطي من قالي اخوي هالكلام وانحرج انه يدخلل مره ثانيه يقول الاخصائي مسشغول نجيه بوقت ثاني ورفضت اني ارجعله ورحت نسخت استماره وتقرير جديد ورحت لها المستشفى والحمدلله
تعاونو معي الله يجزاهم الف خير وخلصتهم رجاري الرفع بالساعات القادمه

بالتوفيق لكم اخواني واخواتي
بس حبيت انزل لكم تجربتي عشان ماتصير معكم نفس هالمشكله وكمان عشان اللي بالرياض يروح هالمستشفى

ماشاء الله
اي منطقة بالرياض شمال جنوب شرق غرب وصفي موقعهم
الله يجزاك خير

[دمعة حلم]

حبيبتي رغد
هو بجنوب الرياض بحي عكاظ

[دمعة حلم]

الله يوفقكم يارب جميع
اي والله هو هم ولله الحمد انزاح

[memee00]

السلااام عليكم .. اللي باقي ماراحت من بنات الدمام و لا الخبر روحو الثانويه العاشره ورا مجمع العثيم بدون ماتمرون الاشراف يكون فيه نموذج جاهز مثل ماقال اخوي الجارح و الاجتماعي جمعية جود الخيريه مررره متعاونيين

[حجاب الوريك]

طيب يالزملاء النموذج لازم طباعه ولا خط يدوي
واذا كان خط يدوي عادي اكتب بالقلم الاسود ولا لازم ازرق احس فيه احد يقول هذا اسئلته مادري كيف جايه لاني يوجد لدي قلم سائل اسود ودورت ابي ازرق مثله ماحصلته وبس
تحياتي الاخويه