الصيفي تجربه لن اكررها

[بدرالرياض]

ولايهمكم راح اعطيكم اماكن تواجد سيارات ساهر الي مخرج كبري سعد


1-ساهر ثابت ( كبينه) بعد محطة التسهيلات ( ثاني محطه على الطريق) ب 4 كيلو تقريبا على اليسار
2-أحياناً جيب امن طرق قبل نقطة الرياض بـ 5 كم يرصد السرعه خاصة الصباح
3-ساهر ثابت ( كبينه) بعد تفتيش الرياض ب 15 كم تقريبا للمتجهين للدمام
4-جيب ساهر 50 كم بعد التفتيش الاول يعني قبل تفتيش سعد قبل محطة مرحبا للمتجهين الدمام


والله يحفظكم وعموما لا تنسون دعاء السفر

[جُ ــنُونُ]

المشاركة الأصلية كتبت بواسطة ندى العالم

رمضاااااان مايصلح للإختبارات رمضان عبادة الصيف دا ماحسيت بطعمه مذاكرة و 6 محاضرات ما أبغاها تفوتني
بس أحلى مافيها تخفف علينا الجدول بعدين والمادة إلي أخذتها قضايا ثقافية يبغى لها شدة حيل ما تصلح مع مواد مستوى خامس بعدين
عندي سؤال أنا في الدمام حي الفيصلية متى أنسب وقت أخرج من البيت الساعة 7 ونص مناسب وألا متأخر

الأفضل تمشين الساعه 7 تحسباً لأي طاريء لا سمح الله

أنا عني اختبارين بعد يوم الثلاثاء ويوم الخميس وبمشي الساعه سبعه


بالنسبه لساهر ترا مافي عالرايح من الدمام للاحساء استغربنا

موجود أكثر شي اذا تعدينا بقيق راجعين للدمام كل شوي ساهر

[رنو]

المشاركة الأصلية كتبت بواسطة العضيد1

ال 95 ليه زدتيها أربع مرات وأنتم نفرين وفي وجبة للسحور فقط؟
إسراف وتبذير. الله يهديك ويتوب عليك. شكلك بنت نعمة ما شاء الله عليك. بس ولو، تبذير غير مبرر.
أنا فطوري هنا جبن مثلث بريالين ونصف مع عسل بريالين ونصف وخبز. يكفيني يومين، يا ربي لك الحمد، وعليها إلى الساعة ما بين 12 و 1 منتصف الليل. ربع دجاجة مع الرز ما يتعدى 9 ريال. ويكون هو العشاء والسحور.
ليس بخلاً الصراحة، ولكني مرتاح مع هذه الوجبات.
اليوم في الفطور إن شاء الله، احتمال أضيف زبادي علشانك. ناسيه الزبادي.
-----------------------
وفي كل رمضان، كثير من الأيام أفطر على وجبة ممتازة:
في صحن واحد: جبن كرافت مقطع وقشدة التاج مع قليل من العسل. لازم في صحن واحد.
ليه الفطور يختلف في رمضان عنه في بقية الأيام؟ من قال؟.

زودتها 95 مرتين لانه انا وماما ...'

انشهد ان جبنة مثلث ابو 3 ريال ابرك وافضل بس تخبر البنت لو كانت لوحدها تحتاج ان تكون بمكان امن نظيف وحتى لو دفعت دبل الدبلات )":

بس حبيت اوضح انه سبحان الله حتى وان كان ماعندنا ساهر عندنا اختيارات اخرى تخلينا ندفع قيمة ساهر 3 مرات <شكلك ماعمرك سمعت بنت تقول ياليتني ولد هههههه < ترا والله ماقالوها من عدم )":

[Dalal da]

هههههههههههههه
شكل محد قاهرك بالسالفه كلها غير ساهر ..
الله يعوضك بالنتيجه الحلوه ..

[أسير نجد]

المشاركة الأصلية كتبت بواسطة جُ ــنُونُ

الأفضل تمشين الساعه 7 تحسباً لأي طاريء لا سمح الله

أنا عني اختبارين بعد يوم الثلاثاء ويوم الخميس وبمشي الساعه سبعه


بالنسبه لساهر ترا مافي عالرايح من الدمام للاحساء استغربنا

موجود أكثر شي اذا تعدينا بقيق راجعين للدمام كل شوي ساهر

هههههههههه



اجل عارفين انكم بتروحون للجامعه وتختبرون ههههههه

[ام فلوة]

صراحه تجربه حلووووه ما توقعت الاحساء كذا نظيفه جوها حلو وان شاء الله راجعين يووم الخميس للماده الثانيه

[أسير نجد]

انا كنت متحمس للصيفى الترم القادم وبعد كلامك هذا ماعاد نبى مررره


ههههههههه


الله يسعدك ياخوى ابو غيداء اذا كان الموضوع على ساهر هذا حنا في وسط البلد بالرياض


وكل شوى مخالفه يعنى المخالفه بتاخذها بتاخذها

والمساله ماهى مسالة مخالفه فقط ولكن سلامتكم اهم شي ياجماعه

[Abdulaziz Gh]

انا كنسلتها السنة هاذي لأن المواد اقدر اضمها مع اي جدول في الفصلين القادمين

احتمال السنة الجاية ان شاء الله اذا كان فيه مواد طيبة وفي صلب التخصص مباشرة اسجل

[كلي مهابـهـ]

اختباري يوم الاربعاء ولكن توووبه اخذ صيفي لو كان المركز بالرياض

الواحد ينحاس برمضان والوقت يطير بسرعه

[موظف بالصحه]

وش اقول انا اللي جاي للاحساء من يوم الجمعه وماراح ارجع للرياض ان شاء الله الا الخميس او الجمعه الجايه والسكن بـ 200 ريال كل يوم والحسابه بتحسب ...

بس بيني وبينك قالبها سياحه هنا يعني عصفورين بحجر منها نختبر ونفتك من كم ماده والاهم نفتك من دوام رمضان باجازة الاختبارات

ولو رجع بي الزمن مانزلت مواد بالصيفي