شاركـــــــــــنا طريــــــــــــقتك في المـــــــــــــــذاكرة

[~ Confidence]

المشاركة الأصلية كتبت بواسطة totah talal

..

ماشاء الله طرق جميله وظريفه ايضا

اما عن نفسي انا من زمان عن المذاكره والاختبارات وجو الدراسه .. لكن لي نقاط في المذاكره ماتغيرت

لازم اخذ فكره عن الماده وطريقتها .. الكتابه اذا شي مو راضي يثبت اثبته بالكتابه غصب هههههه

غير كذا التكرار يعني مثلا سؤال له عدة نقاط لازم اكرر النقاط كم مره واحط لها رمز او اكتبها في صفحه وبلون محدد


بس أعتقد التكرار بيأخذ وقت .. بس الرمز او الربط اسرع و يثبت اكثر ..

عشان اتذكرها .. وطبعا قبل كل هذا التوكل على الله وتتسهل من رب العباد باذن الله .. وبرضو يكون الواحد شبعان

نوم ومروق .. يعني استحاااااله يكون واحد فيه النوم وكسلان وتثبت المعلومه ..

طيب و الي يواصل .. ما ينام زي العالم و الناس

وشي اخير اضيفه انا لو اشوف بزر قدامي ممكن اذبحه لانهم لا اله الا الله بقدرة قادر تختفي المعلومه بوجودهم

مع الازعاج والصجه واللعب ما اقدر اركز ابدا

أصلاً إستحالة اركز و قدامي أحد بزر و لا غيره ..

وبالتوفيق للجميع ويارب يسهلها علينا احس اني متحمسه
آمـــــين يا رب ،،

طرح جميل وظريف

يعطيك العافية على هالإضافة ..
و الله يرزقك رضى الرحمن و توفيقه

المشاركة الأصلية كتبت بواسطة مثلي قليل

اقولك كيف اعرف انها مهمه
كله بالاحساس عندي اتخيل وش ممكن يحط اساله
ولازم روقان ونقنقه
والمراجعه ترى ابصم لكم ووقت الفجر تثبت اكثر
ولاحد يضغط على نفسه لان الضغط وانا مجربه لمن احشر المعلومات تضيع ربع ساعه الا وهي بح
وموووفقين ياحلوين

آها ..
تحطين أسألة ممكن الدكتور يجيب مثلها .. اممم
و فعلاً المراجعة مهمة .. خصوصا قبل الإختبار مباشرة ..
يعني حتى و لو ما ذاكرت كويس .. تنفعي المراجعة السريعة على المذكرة ..
و راح أتذكرها .. لأنو يا دوب قاريتها ..و أحل كويس ..
صحيح بمجرد أوصل البيت أكون ناسيه كل شيئ بس تنفع وقت الزنقات ..

[~ Confidence]

المشاركة الأصلية كتبت بواسطة روما $$

بما انها ثمان مواد فكرت اني أدرس أربع مواد اﻻقرب الى نفسي والي أحسها شوي صعبه اكيد راح استخدام الخرطه الذهنية أوقات المذكره اخر الليل اذا نامو الحلوين الله يحفظهم ام الانجليزي راح يخصص لي زوجي ساعه لمذكرة المادة وسلامتكم

كيف اربع مواد ..؟
تقصدين هالتقسيم للإمتحانات النهائية ؟ و لا كيف ؟
و آمين الله يحفظهم لك و يرزقك برهم ..

المشاركة الأصلية كتبت بواسطة هممس

للحين م بدين بس اول م ابدي من عيوني بقولكم

حياك يا همس بأي وقتـــــــــــــ

المشاركة الأصلية كتبت بواسطة moola**

مسآكم وصباحكم خير بأذن الله

ربي يوفقكم على هالمواضيع والمشاركات المفيدة ألمبدعه والممتعه

تقريبا من كل طريقه ذُكرت جزئيه من نفس أسلوبي فالمذاكرة .. بالنسبه لي أهم شي الهدوء والجلوس في مكان غير غرفة النوم لأن غرفة النوم على حسب علمي وتجربتي تهيىء العقل قبل الجسم الأستراخ للنوم

صح عليك .. تذكرك بالنوم أصلاً ..

وطريقة الجلوس نحاسب عليها بعد شوي ،،

نقطة جمليه نبهتيني لها ..
ساعات لما ألقى نفسي أرهقت او بالعربي ما لي نفس في المذاكرة .. أغير وضعية جلستي أو بالعربي ما أجلس .. أوقف و أمسك المذكرة و أتكلم بصوت عالي .. أشرح بيديني و أتفاعل مع المذكرة و أتحمس و لو غصب .. سبحان الله بمجرد تغيري وضعية جسمك .. كنها تتغير نفسيتك شوي ..



طريقتي فالحفظ والفهم أتخيل ناس حولي وافهمهم وأسوي نفسي فاهمه السالفه واعيد وازيد خخخ ..

يا حليلك مثلي

وأكتب الي يتوجب علي حفظه من بعد ما أحس أن طلابي الوهمين افهموا < بسم الله
وبس والله

يسلمو يا Moola ،
أسال الله أن يرزقك ما تحبين و أكثر ..

[~ Confidence]

المشاركة الأصلية كتبت بواسطة msyuna

ايون
لاني لما اشغل التركيز مود لا عاد اسمع ولا عاد اشوف
بالفعل انا ذاكرتي (خرطي) ما افتكر اي شي بسهوله وهذي الطريقه ساعدتني كثير
امين انا واياك ياقلبي

P.S
هوا يفترض انو Miss yuna (فاينال فانتسي 10)بس بعيد عنك هذا الاسم من ايام متوسط معي ايام ما كان انقلشي مهربد فمشيت عليه لما لقيت انه يقرأ مزيونا ههههههه ^^

آها .. هيك القصة .. أنا صراحة مالي في الأنمي و المانغا ..
بس خلاص و لا يهمك .. Miss Yunna

[مسك المحبه]

موضوع حلو ومفيد .. بالنسبه لمذاكرتي اقفل الغرفه لان ذهني يتشتت من دبيب النمله لكن الاهم قبل ابدأ اني احط فبالي ان مذاكرتي تكون لله فممكن بعد الجامعه افيد غيري وممكن افيد ديني ويكون وقتي اللي اقضيه لله وهذي نقطه مهمه اكسب دنيا وآخره وايضا ابعد عن المطبخ والطريق المؤدي اليه لاني وقت المذاكره ادور على العذر اللي يطلعني من الغرفه واحب ارتب كل شي في دفتر خاص وانوع بألوان الاقلام حتى تنفتح نفسي

[N'DOW]

انا بذاكر كل يوم محاضرتين واحل واجباتي اول ماتنزل ومناقشات عشان اذا جا وقت الاختبار بس ارجع مايصير فيه ضغط علي ..

[سبحانك يارب]

يييييييييييييييييييييييياي عليكم دخلتونا جو الاختبار ات ,,انا حاسه المذاكره متوتره بنسبه لي انا للان موعارفه طريقةالدراسة عن بعد اش ,,كيف,متى,,لكن شكرا لكم جميعا منكم نستفيد

[سلفستر الجنوب]

بالعكس الدراسه حلوه لاتتوترين ابد هذا كان زمان بس الحين كل شي
كل نقطه كل المواضيع سارة سهله بس انتي خلك في المنتدى واقري القديم
والجديد............عشان تتطمنين وتستفيدين
اما الدراسه ماده وذاكريها بفهم واستيعاب وتنتهي السالفه ماعدا الظروف الله
يعين عليها والله لايجعل احد يطيح في ظرووووف تمنعه يارب

[أسعى لهدف]

شكرا لك موضوع مفيد
بالنسبه لي اذاكر بغرفه بروحي واذاكر بدون رفع الصوت يعني بعويناتي بس

[~ Confidence]

المشاركة الأصلية كتبت بواسطة سلفستر الجنوب

ثلااث اشياء مهمه......
اولا..لاازم اروق بكوووب نسكافيه محلى طبعا
ثانيا..الساعه مهمه جدا بالنسبه لي
ثالثا..اقلاام ملونه لتحديد
ابدى مذاكرتي في مكان هادي عشان مايتشتت ذهني بشي اويقطع
مذاكرتي اي احد بعد ما اخذ ثلاث ساعات مذاكره لاازم اخذ لفه على البيت
اجلس مع الاهل اذا صادفوقت قهوتهم تقهويت معهم بعدها ارجع للمذاكره
طبعا المهم احدده بلوون غير اللون الي اخططفيه عشان ارجع له وارسخه في
ذهني بعدين اكمل مذاكره بعد......اذاكرفي مجلس الرجال لانه بعييد ومحد
يروحه......... اما اذا جانا ضيوف اضيع ما اعرف ابدى

تقبلو مروري

اسعدني كثير مرورك
الله يرزقك رضا الرحمن و توفيقة ..

[~ Confidence]

المشاركة الأصلية كتبت بواسطة malak.k.f

الى الان مو عارفه كيف ما رتبت نفسي
لاكن راح استفيد منكم

عندي سؤل
الموظفه والطالبه وعندها التزامات بالبيت
كيف ترتب وضعها !!!!!!!!!!!!!

يارب انك تسهل علي

آمين يا رب ..

تبغين ترتاحين و لا تحسين إنك مضغوطة من كل جهة يا ملاك ..

التنظيم .. التنظيم .. و ارجع اقولها لك التنظيم ..

لكن قبل ما تحطين جدول لك و تنظمين نفسك .. شوفي جدولك الحين او نظامك الحين
و عاى هالأساس عدلي فيه .. و حطي لك جدول منظم و يخدمك ..

جيبي قلم و دفتر صغير .. و اكتبي فيه كل صغيرة و كبيرة تسوينها .. من بعد اسبوع
اطلعي على الدفتر .. راح تشوفي بلاوي .. و اشياء كثيرة مالها داعي و تاخذ كثير من وقتنا ..
بعد ما تشوفين أكثر شيئ ياخذ وقت دون فائدة احذفيه من حياتك دون رجعة ..
و ابدأي نظمي نفسك .. عاد على حسب وضعك ..

صدقيني هالفكرة فادتني كثيــــــــــــــر ..
لأنو أنا زيك عندي التزامات و ارتباطات داخل و خارج البيت ..
و إذا حابة اعطيك اقتراحات اكثر عن جدولك ارسل لي على الخاص ..
علشان افيدك اكثر ..

و الله يبارك لك في وقتك و يسهلها عليك يا رب