[ جميع التخصصات ] : حق الطالبة في الخروج من بوابة الكلية (من غير تصريح)

[senyorita]

للأسف اكتشفت ان لسا باقي ناس من فئة الانسان الحجري ،، لازم ماتمشي الا بأحد يفرض عليها ويلقنها ، وكأن الله خلق لــ(الاهل ، الزوج ، الامن ، ولي الامر ) عقول وماخلق لها

الله يعينكم على انفسكم

[ياربي وفقني]

^
ويعنك على نفسك ان شاء الله

[Shasha]

أنا معاك أكيد , السالفه من جد مالها داعي‘

حلو لما الباب يكون مفتوح طول الوقت , لأن الكليه مو مسؤوله عن البنات وين يروحون و لا وين يجون

أنا كطالبه عندي محاضره وحده باليوم و أخلص 9:40 ايش أسوي‘ بالكليه ؟
حتى‘ هذه فيها مفاسد / 1- بشوف مناظر أنواع المنكرات ><"
2- فيني فيني بحش باللي رايحه و اللي جايه
3- يضيع وقتي
4- أنا قاعده بالكليه فاضيه و أمي بالبيت تطبخ الغداء
عالأقل يوم إني مخلصه بدري‘ خلوني أرجع البيت أسويه عنها

و غيره و غيره
يعني المفاسد حقيقه موجوده سواء فتح الباب أو لأ

و لنفترض إن أبوي‘ أو أحد أخواني جاء ياخذني , طلعت سلمت لهم بطاقتي بعدين رحت لـ اللي جايني و مشيت بالحر و أخذ بطاقته و بعدها رجعت أعطيتهم البطاقه , ألقوا نظره بعدها طلعت >> شغله ششغله

يعني يفكرون إن البنات اللي يبون يطلعون من غير إذن أهاليهم مايقدرون حتى‘ و الباب مسكر !!
ترى‘ السالفه مره سهله و أنا أعرف مليون طريقه
يعني يعنننننننني أصرف لهم يفتحون الباب لأن هالنظام كلش مامنه فايده

+ طلعت محاضرتي ملغية و ماعطونا خبر إلا الساعه 8 و ربع ,., ليش أضطر أنتظر إلى‘ الساعه 9 و نص عشان خاطر نظامهم !!

الطالبة في الجامعة هي مسؤوله عن نفسها , الفساد موجود موجود داخل الكليه و خارجها
البنت اللي ماتقدر تسوي‘ شي بالكليه بتسويه لما ينزلونها أهلها السوق , لما ينزلونها بيت صديقتها , الصالون , مكان عمل أو مركز أو نادي أو أو أو ,, و فيه بنات حتى‘ في بيتهم يسوون اللي يبون

فماله داعي أبدا أبدا هالنظام , لأن اللي الفساد اللي تبيه البنت مايوقف على‘ الساعه 8 إلى‘ الساعه 12 نهارا !!!!!

[روَح ، طفـلـه]|]

اما الدكاتره الغير السعوديين هذا قسمكم اللي فيه المشكله فقط ..

- قسمنا مو من تبع الجامعه الموقره !؟
تحضيري مافيها دكاتره أجانب ؟
قسم إنجليزي ما يدرسونهم دكاتره رجال اجانب !؟
ما يدرسونهم هنديات ومدري ايش !؟

- بطايق الشحن أوآفقك الرأي ..
- والمظلات : عندهـم 3 شهـور ، ليه جالسين يماطلون فيها ؟؟
وإذا ظلت المسأله شهر أو شهرين أو أكثر !!

شوفوا الجامعات اللي بغير المملكه يدرسون بفلووووس وماعندهم مكافآت ولا ريال واحد يعطونهم حتى الباصات يدفعون لها ومع ذلك مايتذمرون

يا حبيبه .. ليه تقارنيننـا بالردي ؟
ليه مو بالأفضل دام إننا بدوله نفطيه مقتدره ..

[Noosh]

المشاركة الأصلية كتبت بواسطة ياربي وفقني

في بعض البنات يحسسوني اني انا ضدهم الاني رافضة الموضوع

والله ياعزيزتي ناس مايشبهون بعض وكذالك وجهات النظر

كل وحدة عندها حرية الري وحلو الاحترام

جداً الأحترام حلو

[صوت الضمير]

لا تلومون الإدارة على قرارهن ,, لو كانن كل البنات منضبطات سلوكيًا ما كنـا اشتكينا سوء المعاملة و التشديد المرهق ,,

حنـا ما لنا ذنب ,, بس الشّكوى لله ,, و حسبي الله و نعم الوكيـل ..

أنـا لا أؤيّد خروج الطالبات من دون تصريح ,, بغض النّظر عن رغبي الشخصية ( رغبتي الشخصية تقتضي بأن أخرج فور انتهاء ساعات الدّوام ) .. لكن تحقيقًا للمصلحة العامة أجدني أكبت رغبتي ..

و لا تنسين يا حبيبة إن هذي أمانة مسائلين عليها في يوم الحساب ,, فطبيعي يتّبعون إجراءات معيّنة حتى يحفظوا أنفسهم من عقوبة المولى جلّ و علا ( كلّكم راعٍٍ و كلّكم مسؤولُ عن رعيّته )

كل الشكر غاليتي

[مسز شانيل]

أنا اوافق و بشده انه يكون الباب مفتوح من بدري

لانه ماراح يأيدني إلا إلي حس و مر بمواقف ترفع الضغط


و اعتقد انه كلنا نخاف الله و نعرف انه ربنا يراقبنا و احنا عايشين في عوائل محترمه

يعني حتى لو كان الشيطان بيننا تراه بيننا في كل الاوقات مو بس في الكولج

و اذا كان تربيتك و ايمانك با الله و تفكيرك بيرفكت و ممتاز .. فا ماله داعي تخافون من الشيطان


ترى احنا في السعوديه بلد امن وامان مو في لوس انجلوس عشان تخافون لهاذي الدرجه

ووو كل وحده و أدرى بمصلحتها و عندها عقل تعرف فيه الصح و الخطاء


يعني الله فوقنا يحاسب كل وحده فينا وش له تجي الكليه و تسكر علينا

كأنه اذا حبستنا راح تحمي الكل من الخطأ ...

[صوت الضمير]

المشاركة الأصلية كتبت بواسطة senyorita

للأسف اكتشفت ان لسا باقي ناس من فئة الانسان الحجري ،، لازم ماتمشي الا بأحد يفرض عليها ويلقنها ، وكأن الله خلق لــ(الاهل ، الزوج ، الامن ، ولي الامر ) عقول وماخلق لها

الله يعينكم على انفسكم

بالعكس أختي ,, تأييدنا لقرار المنع هذا يدل على إنّنا لنا عقول نفكّر فيها ,,


كلامك جارح قليلاً أختي الحبيبة ,, أنتِ تتحدّثين بأسلوب ( أنـا آللي فاهمة و أعرف أفكر ) أمّا أنتنّ فقد أسلمتنّ عقولكن لأولياء أموركن ..

غفر الباري لي و لك .

أخواتي أرجو عدم شخصنة القضية و جعلها بين حزبين ,,

نطرح وجهة نظرنا من تهميش الطرف الآخر و التقليل من طريقته في التفكير ,,

[nooni-s]

أنا مع وبشششده واللي برآسها أي شر ماراح يمنعها البآب والوقت ممكن اصلا ماتدخل الكليه الصباح اذا نزلتها

سيآرتها أو تطلع الساعه 12 وتقول لأهلها انها تطلع 2 :)

يعني اللي فيه شر بيطلعه ومآعليه من أححححد لآ وقت ولآ أمن ولآ شي بيمنعه :)

[nooni-s]

ومآزالت قلة الإحترام لدى البعض موجججوده