النفـس طابت من الدراسه .. وماعاد بالنفس شهاده جامعيــه

[الوحيدهـ*]

لو اجلت الدراسه اغسل ايدك ترجع لها فشوف نفسك واستخير والله الدراسه خير من جلسه الاستراحه واطلب العلم احتسابا للاجر وربك بيبارك لك في وقتك بأذن الله
والله خالي متزوج ثنتين وزحمممممه وقت وعمل ودراسته انتظام ويداوم خلص دبلوم في كليه التقنيه وطلع من الاوائل
ورجع كمل في جامعه الملك فهد هندسه ماشاء الله لا اله الا الله ومستواه ممتاز وبيتين وماشاء متطلبات حياتيه وماشي يبي لها وزنيه وتركيز وحب لطب العلم وربك ييسرها باذن الله

[فلسفة..~]

لو اجلت هالترم راح تااجل بعديين ومااراح تكمل
صدقني الايااام مو بس تمشي الا تركض
عن نفسي مو مصدقه اني بمستوى 4 يعني بقى لي نص المشوار الحممدلله
وعقبالك ي رب نشوفك هينا بالملتقى وباخر مستوى
والف الحممدلله دراستنا مريحه وماهي متعبه
واذا ع النفسيه وع التاجيل خذ لك شهر والا شهرين
واعط احد يحمل لك محاضراتك ويحل واجبااتك عشان مايفوتك شي
لمن تتحمس اشوي للدراسه
موضوعك يااخوي زدني طمووح وحماس بكل رد يحمس
وانا ضد اللي قالوا لك اجّل
اتمنى هالموضوع يكون تاثيرره اقوى من saleh 1999
الله يووفقك يااخوي
ويوفق االلي ردوا ويسهل امووركم ي رب

[عمدة المنتسبين]

أخي أبو راكان

أولاً أحييك وأرحب بك وأرجو أن تقبّل لي ( راكان ) لأنه يحمل اسم ابني الأصغر أصلح الله الجميع

ثانياً .. أرجو أن لاتستسلم لليأس والإحباط مهما كانت مشاغلك ومهامك مادمت تملك - بفضل الله - الصحّة والرغبة والطموح

يبدو أنك - ماشاء الله - في ربيع عمرك المديد - بعون الله - فماذا تقول عن ( عمدتكم ) الذي يعيش خريف العمر ومع ذلك أنتظر الموافقة النهائية على انتسابي ؟!!

أرجو أن تنظّم وقتك وتعيد حساباتك وتستعد للأفضل
خفّف من ساعات الأصدقاء والشلّة والاستراحة واللهو - إن وجد - !!!

واجعل من نفسك قدوةً لراكان وإخوته ليجعلوا من طموحك ومثاتبرتك نبراساً لهم في المستقبل

صدّقني - أيها الغالي - أنني لا أتوجه لك بالنصيحة بل أطلبها منك لكن حرصي دعاني لهذه الحروف

تقبّل محبتي واعتزازي

وأسأل الله لك الثبات نحو مستقبلٍ أفضل !

ولا تنس :

( ومن يتهيّب صعود الجبال @@ يعش أبد الدهر بين الحفر )

و

( لاتحسب المجد تمراً أنت آكله @@ لن تبلغ المجد حتّى تلعق الصبرا )

[عمدة المنتسبين]

المشاركة الأصلية كتبت بواسطة خمائل الورد

أخوي الأخوان والأخوات ما قصروا فوق كفوا ووفوا إن شاء الله

لكن كل اللي بقوله لك لا تخلي عزيمتك تفتر ولا تبدأ عامك الدراسي بتشاؤم وإحباط

والسنين تركض مثل لمح البصر يعني بالعامية غمض عين وفتحها تلاقي نفسك متخرج بإذن واحد أحد

فلا تأجل ترم ولا تعطي فرصة للإحباط والكسل أنها تخرب عليك مخططاتك وترى دراستنا عن بعد ماهي بصعوبة الإنتظام

ما يحتاج لها بحوث و استبيانات ولا تسجيل الحضور والغياب ولا ولا ولا أشياء كثيرة

إحنا هنا في نعمة كبيرة ولله الحمد والمنة تقدر تعدي فيها بإذن الله مهما كانت مشاغلك

ولا يبي لها الا توفير القليل من الوقت يوميا فصبر نفسك وحثها على المواصلة والمثابرة وذكرها بالنتيجةالمرضية و القريبة بإذن الله

الله يوفقك ويدلك إلى كل ما يحبه ويرضاه

أختي وابنتي ( خمائل الورد ) كلما قرأت لك ازددت إعجاباً بمدى وعيك وفكرك وعقلك
رعاك الله وأكثر من أمثالك

[مناااااير]

بالضبط

كلامهم صحيح

خلك من الي يحطمونك

[Heli-Pilot]

والله يا اخوي ابو راكان ما ازيد على كلام الاخوان والأخوات اللي ردودهم تشرح الصدر وتقوي العزيمه



يا عزيزي الغالبيه منا متزوجين وموظفين وعندهم عيال ومشاغل (الى قبل)

لكن صدقني ٩٠٪ من مشاغلنا بس نفسياً والا على ارض الواقع مافيه شي

يعني بجدول الدوام صدقني بالغالب ساعه او ثنتين هذي اللي نشتغل فيها والباقي تكيه وسوالف مع الزملاء

وبالجدول اليومي مع الاهل ساعه او ثنتين نخلص اغلب الشغلات

وباقي الوقت استراحه وضحك وبلوت مع الاصدقاء

فلو الواحد استفاد من وقته لو نص ساعه يومياً ( ومو كل يوم بعد)

لو مسويين هذا الشي من زمان كان امدانا اخذنا الدكتوراه

بعدين احسن شي بهالدراسه عن بعد انك تقدر تدرس باي وقت واي مكان الامور متيسره اللهم لك الحمد ، اغلب الناس ( اذا مو كلهم) عنده لاب توب واي فون وآي باد.

[bebo0osh]

اخوي الكريم لاتخلي احد يأثر عليك ولا يحبطك ولا يحسسك بعدم أهمية الدراسه لسنك ولا لوضعك ولا ولا... الاغلبيه عندهم مشاغل لكن عندهم عزم وطموح وتفائل بالمستقبل ..

انا متزوجه وعندي اطفال وضغـــــــــــــــــــــــــــــــــط وكل سنه اقول الي بعدها لحد ماشفت اولادي جالسين يكبرون وانا على موضوع التأجيل بحجة ماعندي وقت ولا تعب لكن قررت هالترم اقدم واترك سالفة كل سنه بقدم بس ماقدر اكتشفت ان السنين تمضي وانا محلك سر

حتى لو الانسان مو محتاج للشهاده كفايه قدام نفسه و اولاده عنده شهاده جامعيه تخليه قدوه لهم وتخليهم يفتخرون فيه اكثر واكثر احنا في وقت الناس تشتغل على الماجستير والدكتوراه ماتوقف عند البكالوريس بس ...في زمن الي ماعنده بكالوريس كأنه مادرس شي بحياته ..
حتى لو عندك وظيفة تغنيك عن الشهاده تبقى الشهاده فخر لك واعتزاز اكثر بنفسك وزي ماقلت دافع لاولادك بالمستقبل بعد .. كل شي بالتنظيم والترتيب يصير والسنين مثل ماانت شايف غمض فتح الا خلصت الاربع سنين

وعلى فكره حتى زوجي سويت له غسيل مخ واقنعته يسجل الترم الجاي
الحمدلله مع انه مو محتاج ابدا للشهاده وحتى لو اخذها لا راح تقدم ولا تاخر بوظيفته وشغله ضغط ودوام يجيب المرض
مع ان كان ودي يسجل معاي هالترم علشان استغله بوقت الاختبارات بدل مااجيب مدرسة خصوصيه ههههههههههه<<< اجرام

كلمة للاخ saleh 1999 بس خلاص خلصت كلمتي

الله يوفق الجمييييييع ياااااااااااارب

[Student 2010]

ابو راكان .. سجل مواد تحس انها خفيفة على قلبك وعلى بال ما تجي الامتحانات راح يتغير مزاجك وتحمد ربك انك مافوت الوقت والفرصة .. واذا انت ددسن لا تغلبك الهايلوكس

[هــدوء ملكــه]

والله حتى انا مثلك بس عقب كلالام اخواني واخواتي رااااح اكممل انشالله واجييب معدل وانت كممل اللهم اشررح صدوورنا للمذاكرره ويوفقنا يارب وييسرلنا كل مايصععب عليينا

[بنت الداود]

شدعوه أبو رآكآن مآخبرتك تستسلم على طول

كلها ثلاث سنوات ونص ومخلص

الكل عندهم ضغوط و مسؤليه طلبتك استخير و ي ليت لو تستمر معانا