محـتـارين في الـ Reading !? طيب جربوا !؟

[وزيرة]

على بركـة الله نبدأ باالقطعـة الأولى ومثـل مـاوعدتكم راح أشرح الكيفيـة الصحيحـة لحـل التمـارين ومذاكرة القطعـة بشكـل عام !؟ طبعاً زي مـاقلت لكم راح أشرح على قطعـة واحده "كنموذج" فقط وعلى نفس الطريقـة راح تمشون على البقيـة !؟
وأي سؤال يصادفكم في الـ units الجـاية أستشكـل عليكم مـايردكم إلا الكيبورد !؟

أخترت لكم القطعة الأولى " Angels for one Another " "على سبيل المثال"
وأحسـاسي أنه بيجيب الـ Magic بس شكلـه مـابعد ينزل حـل التمـارين المطلوبة !!

[وزيرة]

أولاً ترجمـــة العنوان "مـلائكـة لأحدهمـا الآخـــر"

طبعاً مـاراح أترجم القطعـة من جد وجديد وحريفـاً وإنمـا راح أعطيكم الزبدة منهـا وأنتوا المفروض قبل مـاتحضرون حـل التمـارين منتهين من ترجمتهـا وفاهمينهـا عدل مدل !؟
يعني نروح نترجمهـا أول ونفهمهـا عشـان نحضر التمـارين !؟ < ياليت والله عشـان تعرف وش الطبخـه موب يكون حضورك مجرد حضور أو متابعة وانت مـاتدري شاالسالفه كـذا ماراح نستفيد شي ولأنه في أشياء راح أنبهكم عليهـا وأبي رااااااايكم فيهـا !؟

مـالكم خلق تترجمون آوكيـه مو مشكله !؟ في المرفقات ترجمـة القطع باالعربي بس كـل اللي عليكم اللحين تمشون جملـة جملـة أو على الأقلللل برغراف براغراف تقرونـه بالأنجليش بصوت متوسط ثم تروح تقرون ترجمته باالعربي يعني خلـوا الأثنين يمكم آوكيـه !؟
طبعاً الترجمة باالعربي "اللي باالمرفقات" منزلتهـا من المنتدى هنـا للمصداقيـة والأمـانة فاالله يعطيه/هـا العافيـه على الجهـد !؟
ياالله أنطلقوا لترجمتهـا وفهمهـا على مـاأسوي الكيكـة يعني يمديكم عندكم وقت أن شاء الله

لنـا عودة

[تخطيت السحاب]

السلام عليكم

انا حملت كتاب مصور للانقلش قراءة
لكن الوحدة السابعة ماهي واضحة

ياليت اللي عنده نسخة واضحة عند الطباعة يرسلها لي علشان الترجمة

لان النسخة اللي عندي عندما طبعتها ماضبطت حاولت في طابعة اخرى نفس النتيحة
الظاهر من الاسكنر مازبطها للي صورها

على العموم انا بالانتظار

[وزيرة]

تخطيت السحـاب

أنـا اللي عندي بعد الكتاب اللي مسوين له سكـان !؟ نتمنى أحد يفيدك

[صباح الخير]

هذي نسخه مضبوطه من الكتاب
وواضحه ماشاء الله والكلمات كبيره
الله يجزى صاحبتها ألف خير نزلتها
من المنتدى ونسيت اسمها
الكتاب عالمرفقات
:bawl ing:: bawling:
شكل فيه ضغط على موقع رفع الملفات
بحاول فما بعد

[وزيرة]

القطعـة بإختصـار "وأُذكـر بأنني ذكرتهـا بإختصار من باب ربط الأفكار والتسلسل إلا قراءاتهـا باالكامل مهم جداً خاصةً وان بعض الأسئلة أستنتاجية وتعتمد على مدى فهمك للقصـة آوكيـه !؟

Angels for one anthor
" ملائكة لأحدهمـا الآخــــــــر"

Jean وهي في أثناء عودتهـا إلى الوطن إلى ولاية Arizona من تركيـا حطت الطائرة في Frankfurt والإنتظار مـابين الرحلتين كـان يستدعي 4 ساعات عاد هي قالت مـاعندهـا مشكلة تقضي وقتهـا باالقراءة أو كتابة الرسائل بس أهم شي راحت شيكت مع شركة الطيران على المكـان ووقت المغادرة بعدين راحت تبي تجلس في غرفة الإنتظار والمطار كـان في ذاك اليوم زحمة عـاد شافت صف مكون من 5 مقاعد اللي يشوفه من بعد يقول فـاضي بس لمن قربت منه شافت عليـه شنطة كبيرة تـاخذ 4 مقاعد عاد قالت مو مشكلة أجلس في المقعد الآخر اللي في النهاية !؟
بعد 15 دقيقة أقبلت عليهـا أمرأة شابة جميلـة حـاملة بيبي وعلى جنبهـا ثنتين بنات صغـار أكبر وحدة فيهم بنت عمرهـا 7 سنوات وقاعده تطـالع في jean بنظرات غضب وحـادة المهم أنهـا قعدت على الأرض وطلعت شريط مزركش روعة فيه قلب وطلعت مقص تبي تقصـه !؟ Jean أستغربت قالت لهـا أكيد في أحد يحبح سواه عشـانج " قالت آيه جدتي بعدين نزلت المقص !؟
البيبي يسعـل ويبكي والأم منشغله باالأهتمام فيـه وتبدوا أنهـا مرهقة وغير سعيدة !؟ البنت اللي عمرهـا 7 سنوات موب نـاويه تهجـد راحت مره ثانية فتحت الشنطة وطلعت القطعة المزركشة الرائعـة وياالله تبي تقصهـا !؟ إلا jean تخرب عليهـا "الله آش هاالشريط المزركش الرووووعة ترى تقدرين تعملين منه شي " إلا البنت وأختهـا اللي عمرهـا 3 سنوات يلتفتون عليهـا ولسـان حالهم يقول " سـلامـات " المهم أنهـا قالت لهم تعالوا خـل أوريكم وبدت تشتغل وياهم في تحرير الغرزة لمدة أكثر من ساعة وفي نفس الوقت تسولف وياهم وتدردش !؟ ومنهم عرفت أنهم رايحين إلى Cincinnate وهم يعيشون في الهند وأبوهم يشتغل هناك هم كـانوا في الهند عشـان عرس خالهم !؟ ألتفت Jean على الأم إلا هي غاطة في سابع نومه مع البيبي !؟ عقب مـاخلصوا من الغرزة طلعت سارة كتاب من الشنطة وصعدت Ama < البنت اللي عمرهـا 3 سنوات إلى حضني وجلسنـا نقرأ الكتاب مع بعض !? Ama نامت بس سـارة مـاسكه خط معاي وجـالسه تهذر < حسيت ناشبه لهـا من جد يابتقصقص باالمقص ياتهذر مـاعندهـا حل وسط أبد
البيبي جلس والأم بعـد جلست وشافت بناتهـا معاي بعدين قامت تعرفني على نفسهـا أسمهـا Chandra عرفتهـا أنـا على أسمي شكرتني لأني منحتهـا وقت لترتـاح وفكيتهـا من لجة بناتهـا بعدين أستأذنتي عشـان تبي تروح تغير للبيبي قلتهـا مـاعندي مشكلة البنات يبدوا أنهم مرتاحين معاي روحي أخذي راحتج !؟
المهم بعد شوي راحت Jean عشان تغسل أيدهـا وأيادي البنوتات وفي نفس الوقت يمشطون شعورهم بعدين رجعوا غرفة الإنتظار مرة ثانية !؟ فجأة sara تطالع فيهـا وتقول لهـا "حاولوا يقتلون جدتي " قمت أنـا ولمحت أمهـا بمعنى صحيح يعني اللي تقول بنتج !؟ قالت Chandra آيه صحيح
أحنـا كنـا رايحين لعرس أخوي خـال البنات وكـان كبيييير حفل على مستوى جددنـا فيه البيت وطلعنـا كـل ثروة العايلة وجبنـا خدم وطبـاخ عشان يجهزون ذيك الليلة وعزمنـا 300 ضيف !؟ عقب الحفلة العروس مع المعرس راحوا رحلـة وأنـا رحت مع عيالي مع أبوي باالسيارة عشان نلحق على الطائرة وكـان يستغرق الوقت يوم كـامل من مطـار Delhi عـاد أتصلنـا عليهم من المطـار عشـان نبي نسلم عليهم إلا سمعنـا أن الطبـاخ "حط مخدر لهم في الأكـل وسرق كـل شي ومشى !؟ عـاد تقول الحمد الله جات الشرطة و كلهم أستيقظوا إلا أمي ودوهـا المستشفى وأستأذنت من jean عشـان تخلي الأطفال عندهـا وتروح تكلم تتطمن على أمهـا إلا ترجـع والوجه مستبشر لأنه أمهـا صحت بس صحتهـا لج عليهـا شوي !؟
بعدهـا بدوأ يعلنون عبر المكبرات عن أستعداد المسافرين لركوب الطائرة أستفسرت Jean عن مكـان جلوسهـا وطلعت الصدفة أنهـا قريبـه منهم < يعني مـالهـا مفر من هذرة sars
جلسوا يسولفون وأكتشفت أن أم chandra مولودة معاهـا بنفس اليوم في النهـاية قالت لهـا chandra "كنت محتاجة لمـلاك وأنتي بُعثتي لتأخذين مكـان أمي "
ونفس الشي Ama تسلقت إلى حضنهـا وsara طول الرحلـة داقتها هذرة !؟


< حـاولت أختصر بس الظاهر أني أقرب للـ Sara مسكت خط


لـي عودة

[وزيرة]

words and Idioms List
قائمـة الكلمـات والمطلحـات

الكـلام المكتوب تحت يقولك بأن هنـاك بعض الكلمـات الجديدة والصعبـة اللي يمكن واجهتك في القطعـة آشر عليهـا إذا مـاعرفتهـا !؟ وحـاول تشرح الجملـة عشـان تفهمهـا أكثر ، ترسـخ في البال لمدة أطول وتكسبك ذخيرة لغوية وتساعدك على التعبير < الكـلام موب كـذا نصاً لأ بس قصـده كـذا يعني !؟

نقــــــــــاط مهمة جــداً في هذهِ الفقرة

1/ أحفظ الكلمــــــات عددددل لأنهـا أسهــــــــل شي تقدر تضمن درجتـه باالراااااااااحـه لذلك اللي يبي يضمن درجتهم يحفظهــا مثل أسمـه !؟
العـام يقولون الصعوبة مـاكانت في الأسئلة بقد مـاكنت في ضيق الوقت !؟ لذلك أحفظوا الكلمـات صـححح عشـان أول مـاتبدون في الأختبـار فيهـا وتحلونهـا في 5 دقايق باالكثيييير وتوفرون وقت عليكم وتكونون مرتاحين نفسياً أنكم ضمنتوا شي !؟

2/ حـاول تفهم معانيهم زيييييين عشـان حتى لو تغيرت الجملـة أقصد مـاجابهـا نصاً زي التمارين تكونون عـارفين شلون تتصرفون وتتعاملون مع الجمـل بفهمكم لهـا !؟

3/ إذا كنتوا تجدون صعوبة في حفظ أو فهم شرح الكلمـات يعني مثلاً

a waiting room : a place with chairs where people can wait for appointment

البعض يشوفـه مشوار يحفظ الكلمـة أو موب شرط يحفظهـا يفهمهـا لكن عودوا أنفسكم لو أنتوا فاهمين المصطلـح صـح أنكم تبحثون في معنـاه عن الكلمـة الأقرب أو التي تعطي دلالة أكبر عليـه .
طبعاً اللحين ممكن تكون سهلـه بس في الأختبار غييير بتكون معاهـا عدة خيــــــــارات لذلك تروح تقرأ خيـار خيـار باالراحـة وتفتش عن الدلالة الأقرب اللي يوصف الكلمة !؟
فمثلاً waiting room "غرفة أنتظار يعني لمن تسمع غرفة أنتظار على طوووول بيروح بالك للمطار أو المستشفي أو أي شي يتطلب أنتظار طيب غرفة الأنتظار آيش اللي فيهـا يدللك أنهـا غرفة للأنتظار chairs : كراسي , wait: أنتظـار // يعني هذا أبسط الكلمـات اللي توحي لك بمعنـاهـا !؟
يعنـي الزبدة دائمـاً فتشوا عن الكلمـات الأقرب للمعنى ولابد كـل جملة مـاتخلى من كلمـة هي معلومة باالنسب لك يعني في أحد مـايعرف chairs ولا wait !؟ أكيد الأغلب يعرفونهـا أن لم يكن الجميـع !؟

ياالله تعـــــــــــالو نطبق على البقيـة ونشوف أن أغلبهـا تحتوي على كلمـات تدلل معنـاهـا !؟

an asil seat: a pleace to sit next to the walkway

((مقعد الممر)) يعني المقعد اللي يكون يم الممـر !؟ طيب شوفوا معنـاهـا آيش الكلمـات اللي أنت تعرفهـا وتعطيك دلاله على معنـاهـا : next to the walkway
next to في أحد مـايعرف أنهـا تعني بجـانب < مستحييييييل أكيد كلكم تعرفون !؟ طيب walkway خـل نجزأهـا walk تعني مشي way تعني طريق !؟ من هاالكمتين أقدر أستوحـي بأن الخيار هـذا هو المعني الأقرب والصحيح للكلمـة !؟

a public address system : a louderspeaker system to give information

(( شبكة مكبرات الصوت)) :بسييييطة جداً يعني من أسمهـا مكبرات صوت لذلك لمن أشوف speaker و information المكبرات الصوت اللي في المطار ولا المستشفي تتكلم على الفاضي لا تعطي معلومـات عن وقت الأقلاع لو المستشفى ينادون فيهـا أسمك ووو الخ طيب تتكلم بصوت عــــالي ولا متوسط أكيد عالي عشـان الكـل يسمـع // لذلك أخترت الكلمة الأقرب للمعنى !؟

bord a flight : to be called by an airline employee to get onto an airline before it leaves for its destination

((لوحة الطيران اللي تبين وقت أو "تُعلن عن وقت" الإقلاع )) المعنى مـالهـا طويل يمكن شوي !؟ بس لو أنتوا فاهمين الكلمـة طبعاً أنـا أتكلم على أنكم حـافظين الكلمـات صمممم !؟ المهم لو بحثتوا في معنـاهـا الطويل بتشوفون كلمـة تفي المعنى كلـه وهو
to get onto an airplane < لنصبح في الطائرة
يعني الموظف لمن يجي يعلن ليش يعلن عشـان الناس يتفرجـون لأ !؟ عشـان يستعدون لركوب الطـائرة قبل أن تقلع !؟

وهكــــــــــذا طبقوا وجربوا مع البقيـة وراح تشوفون شقد هي سهلـة !؟ وآسفه من جـد لو كــــــان شرحـي مو مفهوم وكـلامي واااجـد

[وزيرة]

Understanding Sequence
فهمك لتسلسل الأحداث

أحياناً لمن تتابعون مسلسـل تقولون المسلسل حليو فيـه قصـه بس تسلسل الأحداث سريع أو بطيء أو بـاااايخ صـح

طيب اللحين هـو في هذا التمرين يبي يعطيكم أحداث القصـة اللي أنتوا قريتوهـا "Angels for one Another" بس منثرة وتحتـــــــاج إلى ترتيبهـا كمـا حدثت في القصـة يقولك أنه الغرض من هذا التمرين أنه يختبر مدى فهمك وأستيعابك للقصـة !؟

طيب !؟ شلـــــــــــون نحله !؟

سهـــــــل جداً إذا أنتوا فاهمين القصـة صحححح مـاراح يعوق معاكم بإذن الله
خلـوا ورقة التمـارين بإيدكم وياالله خـل نبدأ

1/ نبدأ نقرأ جملـة جملـة إلى آخر جملـة آوكيه
2/ أنحصرت عندك كـل الأحداث صـح !؟ حلو ؟! يمكن تستغربون موب كل الأحداث موجودة !؟ طبعاً هو مـايبي يسوي copy paste للقصــــة وإنمـا يعطيج بعض الأحداث وأنتي ترتبيهـا على حسبب تسلسلهـا في القطعـة !؟ ولو أستشكـل عليـج شي !؟ سهـــــــــل رجعـي للقطعـه وشوفي !؟

3/ قريتوا كـل الجمل حلــو !؟ ياالله اللحين حدد آيش الجملـة الأولى أو الحدث اللي صـــــــــار أول شي ضع جنبـه 1 وبعدهـا حدد الحدث الثاني وضع جنبه 2 وبعدهـا الحدث الثالث 3 وهكــــــذا !؟

طيب

اللي فهم التمرين وحلـــــــــــــه عن فهم !؟ أبي أسأل سؤاااااااااااال فيـه من جد !؟

إلى هـذا الحد أكتفي وأكمـل البقية غداً أن شاء الله
تذكروا بأنكم إذا عديتوا القطعة هذهِ بفهم وراحـة وهدواء وقنـاعة البقية راح تكون بنفس الأسلوب فلا تخـافون ولا تقلقون أنفسكم

أشوفكم على خيـر

[تخطيت السحاب]

الله يعطيك الف عافية وزيرة
وبارك الله فيك
فعلا انتي مبدعة

[zooz jam]

رووووووعه والله تحمست اذاااكرها

من جد مجهود تشكري عليه
والله ماقصرتي


والله يوفقك ووووووين مارحتي يارب

واصلي اختي. انا ماشيه معاك