بعد دروس الاستااذه للاقتصاد!!!

[زيزو الوايليه]

الله يخلف تعبنا امين وسوري تاخرت توني ادخل البيت من سته الصبح بريح شويه واشرح لكم .

[Zuoon]

يعطيك الف الف عافيه والله يكتب اجرك
ابدعتي

[* آمل *]

ممااقصرتي

[ابو وليد 2020]

المشاركة الأصلية كتبت بواسطة oxjen

هلا بك طعيسان

ممكن توضح اكثر ليش زبدة المحاضرات من الثامنه الى 12

هلابك اخوي

انا قصدي ان هذه المحاضرات تحتاج جهد اكثر لان فيها منحنيات اكثر وبينها تشابه وتحتوي ع معلومات كثيره ودقيقه يجب معرفتها والتفريق بينها اما باقي المحاضرات فهي بلا شك مهمه ولكنها من وجهة نظري المتواضعه انها اسهل في الفهم


تحياتي لشخصك الكريم

[ابو - لانا]

تكفين يا إخت زيزو ترى الوضع متأزم والوقت مامن وقت يعني دقت ساعة الصفر

[زيزو الوايليه]

بسم الله نبدا > الحين بناخذ تاثير الضرائب ع المرونه السعريه طبعا علشان الدوله تستفيد شويه من التجار تفرض عليهم شي اسمه ضريبه .. طيب الضريبه هذي عباره عن اموال يدفعها التاجر للدوله مقابل تسويق بضاعته طيب بما ان التجار اذكياء ويحبون القريشات راح طبعا يستغلون حاجتنا لبعض البضائع ويخلونا احنا كمساتهلكين مساكين نتحمل الضريبه عنهم ليه ؟؟ لاننا مانقدر نستغنى عنها مثل ايش؟ مثل الادويه الكهرباء .. اهاا يعني الطلب هنا مرونته ايش؟ اكيد عديم المرونه لانه ماتجااوب مع تغيرات السعر بدليل لو رفعو علينا الكهرباء رضو راح نستعملها واحنا نضحك والادويه كذلك اذا الضريبه منو راح يتحملها ؟؟ اكيد احنا المستهلك المقرود راح يتحملها لانها عديممه المروونه فهمتو؟؟ نجي الحين للاشياء الي ماهي ضروريه لنا مثل الاكسسورات والذهب هذي لو عليها ضريبه التاجر بغلي سعرها علشان يطلع الضريبه مننا احنا المستهلكين بس حررره وقهر لهم ماراح ندفع الضريبه عنهم ليش؟؟ لاننا ماهو ضروري نلبس ذهب ممكن نستغنى عنها ليش؟ لانها مرونه تاامه يعني الطلب استجااب لتغير السعر وقللنا او حتى استغنينا عنها فهمتو؟؟


طيب برضو للمرونه السعريه علاقه مع الايراد الكلي يعني ايش ايراد كلي يعني الارباح تبع الشركه طيب نرجع لانواع المرونه ونشوف
1- اذا زاد سعر سلعه مرنه. يعني اكبر من 1> مثل اللاكسورات ايش يحصل بالارباح ؟ تنقص ليه لانه سلعه مو ضروريه ومع هذا زادو سعرها فمن باب اولى نتركها علشان نوفر فلوسنا للي اهم منها يعني الايراد الكلي يقل والعكس صحيح اذا خفضو سعرها يزيد الايراد علشان لاننا نروح نشتريها ماتشوفون لاسوي ديس كاونت او تخفيض ع الشنط والاكسورات الحريم يقشن قشن ههههه
2- اذا زاد سعر سلعه احادي المرونه يعني مرونته = 1> هذا الي ماله سلعه تذكرونه حق التحشيش ايه هذا مايتاثر الايراد لاارتفاع ولا نقصان > مدري وش يبي ذا الشي ؟؟
3- اذا زاد سعر سلعه مرونته اقل من 1> يعني عديم المرونه يعني الكميه ماتتجاوب مع السعر شارينها الله لاعيوق بشر نحتجها الشكوى لله قلنا مثل الادويه طيب لما يزيد سعرها اكيد ارباحهم تزيد ولما يسون تخفيضات راح ينقص الايراد ليش لانهم بدال مايبعون علينا الفيفادول بشعره خلوة بخمسه يعني قل ربحهم >
فهمتو؟؟ ايه صح المنحى حق عديم المرونه يكوون عاموودي > مهم تعرفونه لايتغير بتغير السعر
والمنحنى حق تام المرونه يجي افقي اوكيه؟
-

[مسافر بلا عنوان]

والله انك شيخه

مشكوره بعنف خيتي

[زيزو الوايليه]

نجي للعوامل الموثرة ع المرونه
1- زياده البدائل فكلما زادت عدد البدائل عندي قدرت استغنى عن السلعه وبالتالي مرونتها تزيد > هنا مفتاح الحل للتفرقه بين تام المرونه من عدمها.... اهميتها ..وهل لها بديل ..؟
2- طول الفتره الزمنيه يعني لو اشتريت سياره جديده نوع جديد ماراح يقبلون الناس ع شراءها الا لما يشتريها غيرهم ويجربها ويمدحها صح؟ وكلما زادت وقتها كلما اشتراها عدد اكبر من النااس
3- ضروريه السلعه للمستهلك > اهااا شفتوو يعني كلما كانت السلعه ضروريه كلما تكون غير مرننه والعكس صحيح
فيه سؤال جاء بالاختبار س= يكون الطلب ع السلع اكثر مرونه عندما .... يوجد للمستهلك بدائل عده
سؤال بالاختبار س= السلع ... يتاثر الطلب عليها عكسيا بتاثير زياده الدخل ؟ الخيارات 1.. التكميليه 2- البديله 3- الرديئه ؟؟ هاه شرايكم اذا زياده الدخل له تاثير مباشر ع اي السلع ؟ اكيد الردئيه ليه؟؟؟ لان لو زاد راتبك بتروح تشتري ماركات وسلع كويسه وتترك الاسواق الشعبيه
سؤال بالاختبار ... يتجه منحنى الطلب لاسفل في علاقته مع السعر ويرجع ذلك الي اثر الاستبدال واثر ...1- التكنلوجيا 2- الدخل 3- الاعانات ؟؟ هاه شرايكم بدون ماتعبون حالكم احيانا يذكر لكم كلمات مالها علاقه بالحل بس علشان يعقد الامور الاجابه هي بكل بساطه الدخل ليش؟ لان اولا التكنولوجيا من محددات العرض وليس الطلب والاعانات مال امها خص يعني وش بقى الدخل !! فهمتو؟
سؤال بالاختبار بعد س= المرونه السعريه للطلب تقيس مقدار التغير في .... سلعه عندما تتغير ....
الخيارات 1 الكميه المعروضه من_ اسعارها ...2 الكميه المطلوبه _ الدخول الفرديه ...3_ الكميه المطللوبه من اسعارها
اولا نشوف وش يتكلم عنه؟ هو يقول مرونه سعريه للطلب ركزو هنا قال طلب يعني؟؟ يعني كميه وسعر اها يعني الحل بيكون اكيد الكميه المطلوبه واسعارها فهمتو؟؟
اوووكيه سووري ع الاخطاء الاملائيه بس وربي ماشوف من الفجر قايمه والدجووام اليوم كرررف مو طبيعي ومن الدووام دايركت للمدرسه يعني مهدوود حيلي اعذرووني بالتووفيق

[بنت مطير *]

زيزو الله يسعدك ويبارك فيك ماقصرتي ولاتعبين حالك ارتاحي مشكوووره ياقلبووو
بالتوفيق يارب

[ابو وليد 2020]

ا

لله يعطيك العافيه جهد كبير وشرح ممتع وجميل