تجميع لكل المواضيع الخاصه بفترة الاختبارات

[Hanin G]

سمسم مشكله مال انا ..
بس بدون دوام ..
انا كنت مواصله امس ونمت الظهر ,, وصحيت 8 الليل ادرس التحرير ولمى خلصته على 1 الليل بديت بالأداره ..
وللحين ماخلصته ..
بس بروح مواصله اكيد لأن بقالي 5 محاضرات مستحيل اخلصها قبل 12 الظهر ..
واذا خلصت بقعد اراجع يعني ابدا مايمدي انام ,, واذا رجعت من الأختبار بنام ..
بس المشكله كيف اذاكر مادتين بربع يوم ..
<< كأني كبيت العشا ..
قصة حياتي في سطور ..

[بنت الخبر@]

صح لازم تكون مصححه

وقسم مره جاني نوم ماقدرت اراجع سلمت الورقه وللحين ندمانه ان في سوال كنت ابي صححه الا نسيت من التعب

[احساس نعومه]

يوه هذا وانا بالبيت ماعندي دوام نفسكم تعبت
اجل اللي يداومون ويذاكرون الله يكون في عونكم

الحمد الله على كل حال

[Hanin G]

والله انا كنت حاطه رجل على رجل ..
بس ماحب اذاكر كيذا احس انا مو انا ..
احس اسمي يتحول ليصبح زكريا ولا كوسر ..

[يارب ننجح]

انا معاناتي لوحدها من بدا الترم ونزلوا الجدول السبت اول يوم بالمحاضرات يوم الاحد كان موعد عمليه ولاده قيصريه وجلست كم يوم في المستشفى وطلعت عند اهلي واستلمت البيبي الجديد لا نوم بالليل ولا راحه بالنهار وبعدها حاولنا نطلع وقت غصب وبدت مسؤليه العيال والتقويم والواجبات والزوج والبيبي الجديد وكل ماافتح البلاك بورد مايفتح والمحاضرات ماتحمل والواجب نحله ويطير ماادري وين طس
وبالاخير يجي قطاونه يحفر لي السطور اما مصاروه ياحليله
والجدول (( ياسااااااااااااااااااااتر يجيب الغلقه والحسره ))

اللهم لك الحمد على كل حال

[شوك الورد]

المشاركة الأصلية كتبت بواسطة واهج الشوق

السلام عليكم
صباحكم ورد
ساااااعدوووني قدر الله انو ما احضرر اختبااار الانجليزي لظروف خارجه عن ارادتي .
فما هوووو الحل تكفوووون

كلم المشرف على امتحانك
وقدم لهم العذر
وان شاء الله خير

بالتوفيق

[Hanin G]

^^
استلمتي البيبي الجديد ولا القديم ..

[3baaady]

قلبتوها شات الله يصلحكم

مافات مات .. أصلاً حتى لو فيه وقت قبل الأمتحانات ماحنا مذاكرين نعرف بعض :)

الله يزينها اليووم ونعدي المادتين على خير


أكلوا فوول أقتداءً بأخواننا المصارية أيام الثانوي

[ريما عادل]

والله انتم اللي تحطون رجل على رجل تجي من الدوام ابو الشباب اكلك جاهز تعبي كرشتك وتخمد وتقوم ابو الشباب تاخذ لك شاور وتصحصح لك بشاهي جاهز برضه وتدعس بسيارتك وتروح ترّفه عن نفسك بالاستراحة مع الشباب وترجع تلقى عشاك جاهز هذا اذا ماتعشيت مع بشكة الاستراحة

اما حنا كرف دوام بالنهار واذا رجعنا للبيت يبتدي دوام ثاني بالبيت
من واجبات الزوج لواجبات الاطفال ومدارسهم ومذاكرتهم لواجب مسؤليات البيت
انا عن نفسي ماادخل الا وهو يأذن المغرب ومع كل المشاغل اللي عندي في البيت قسم بالله كني اركض ركض طول الاسبوع مالي خلق افتح ولا شي من الملازم او الكتب ..
هذا بالنسبة لقولتك رجل على رجل ..

اما بالنسبة لفكرتك عن الاستذكار المبكر انا معك بهذي النقطة وهو مافيه الا يوم واحد بالاسبوع اللي هو الخميس صباحا او الجمعة ..

وفعلا من حقنا انو يكون فيه يوم فاصل بين المواد .. عادي مافي مشكله يحطون مادتين بس ع الاقل يفصلون بينها وبين الاختبار الثاني بيوم على الاقل

والله يوفق الجميع ان شاءالله ولايضيع لنا تعب

[ريما عادل]

اوكي عادي هي حلوه وممتعه ومفيده
لكن اني اجلس احفظ اسماء مادري وش تبي لاهي ابراهيم ولا محمد كلها اصناف غريبة والله تبن بعيونهم يعني مديري بكرا بيسألني من مؤسس الهيكلة التنظيمة مثلا