[ اسئلة اختبارات ] : لمن اراد رفع تظلم لمادة الثقافه والعولمه دكتور المقرر وتسجيل الأسأله دكتور آخر ...!!!

[خيال الفجر]

الان ارفع التظلم لان الدكتور اللي في الورقه ايمن واللي بالملزمه زين العابدين

[كل وفا]

لو ايمن الي كاتب الاسئلة ماعرفنا نحلها اصلا لان منهجه غيرررر
بس قالوا خطأ بالاسك فقط لاغير

[مسطر دفاتر]

بخصوص تعليق بعض الأخوه تعليقكم على العين
لكن اغلب الطلاب كانو متضررين من الأسأله الدعوه تعاون وهمه وليس تحطيم ....!!!
في حال الطالب احتاج درجه ولا درجتين لا يتم اعطائنا ونحن لا نسمح با أخطائهم ايضاً ونوصل صوتنا إلى العماده

[Impossible-Love]

السلام عليكم ورحمة الله وبركاتة واسعد الله صباحكم اجمعين
من ناحية التظلم ماراح تستفدون شي ابد لان حجتكم ضعيفة حيل ياليت لو تركزون على موضوع الشهادة ومايكتب فيها عند التخرج يوثق في الشهادة انتساب وليس نظام تعليم عن بعد ياليت تتغير صيغة توثيق الشهادة او ارفاق مشهد مع الشهادة يوضح ان الطالب او الطالبة قد درس بنظام التعليم عن بعد وياليت نوصل الموضع الى اعلا درجة ممكنه وفالكم التوفيق في باقي الاختبارات هذا المفيد وتقبلووو تحيات اخوكم

[تنه ورنه]

الاسئلة صح فيها لف ودوران شوي بس دامها من المنهج ولا طلعت منه محد بيسمع لكم حتى لو الدكتور مختلف "خلاص انسو وركزو باللي جااااي لسة بافي الخريف وشطحاته الله يسهل يارب

[خطوات المسافر]

اوكية معاكم

[أسماء عبدالعزيز]

مو أول مرة ناكلها ولا أول مرة نرفع تظلم ,,
من ناحية الاختبارات نادر الندرة يعطونكم وجه
غاسلة يدي من الجامعة
مامر علي اختبار رفعنا تظلم وجاب نتيجة غير مضيعة الوقت ...

خلوا العولمة على جنب والتفتوا للباقي لا تطير من يديكم كلها ...

[عالم ثاني]

ياجماعه ما ودي احطمكم لكن صراحة الاسئلة لا غبار عليها يعني من نفس الملزمة وكانت شاملة جميع المحاضرات ولا اعتقد انها كانت صعبه للدرجه انه تتحول الى شكوى ومطالبات .
بالنسبه لتغيير اسم الدكتور ما يضر احد بشي ايمن او عباس او مصطفى ....
خلونا صريحين الشكوى علشان ماكانت الاسئلة نفس نموذج العام او اللي قبله ايام الدلع والواحد ما يذاكر الا قبل الاختبارات بيوم ويمكن ما يذاكر الا الاسئلة يضمن درجة النجاح يا عيني.
بالمختصر بلاش نظلم انفسنا ونظلم الناس .
اما اذا كانت الشكوى بدل خرعه اتوقع معاكم حق وانا اولكم صدمه عنيفه لكن بعد ما قرأت الاسئلة الحمدلله كانت من نفس المنهج .
واتوقع الجميع ناجح باذن الله ودرجات طيبه ما نقول بالميه ميه لكن اتوقع الثمانين ويمكن التسعين للي ركزوا بالاجابات وهذا شي طبيعي بالاختبارات ..

استهدوا وتوكلوا على الله شدوا حيلكم بالجاي لا تأخذكم العزة بالاثم وبلاش استعجال وتطير لازم تكون نظرتنا الى الامام .

[1 من الطلاب]

تم رفع الشكوى

الدكتور يختلف والاسئلة كتبة بصيغة صعبة

[صادق الوعد]

السلام عليكم

معك اخوي كلامك صحيح الاسئله تم وضعها من شخص بعيد كل البعد عن ايصال المعلومه او حتى لم ياتي منها سؤال من الواجبات لنا الحق في ذلك كيف يتم توريطنا في اختبارصعب مثل هذا والله اني داخل الاختبار مرتاح من مذاكرتي لكن في اللي جاء بالاختبار كاني لم اذاكر بتاتا


كيف نقدام لشكوى لاهنت