[ اسئلة اختبارات ] : ياليت تطلبو اعادة اختبار للغة الانجليزية كتابة

[ووجف القحطاني]

السسسسسسسسسسسسلام عليكم ورحمه الله وبركاته
يسعد مسساءكم جميعاا ,, ولا عليكم امر ممكن استفسار ابي حل اسئله اختبار الانقلش كتابه هل سبق نزل لها حل ولا لا ,,

[اخصائي اجتماعي1]

المشاركة الأصلية كتبت بواسطة ووجف القحطاني

السسسسسسسسسسسسلام عليكم ورحمه الله وبركاته
يسعد مسساءكم جميعاا ,, ولا عليكم امر ممكن استفسار ابي حل اسئله اختبار الانقلش كتابه هل سبق نزل لها حل ولا لا ,,

تفضلي

http://www.ckfu.org/vb/t531770.html

[Mahosh]

اغلب الاساله من القطعه ليش وش فيكم سلامات
انتم إظاهر فاهمين الاختبار خطا هو ماقال راح يجيب القطعه وانت تجاوب

لا ياحلوين راح يجيب القطعه وفيها فراغات وانت تكمل الفراغات مثلا يحط لك فراغ تحط فيه ايش من صيغة الجمله الجمله راجعه ع فرانسيسكو ان عمره15طيب الضمير الي تحطه هو(He) خلاص واضحه يعني مو لازم يحط لك القطعه حط لك فراغات اغلبها من القطعه او نصها بالأصح الي هي عمل أبوه أيضاً امه بعد اسم أخته بعد عائلته الفلمي عددهم كلها من القطعه بس كلاً ومذاكرته انا بالنسبه لي ما أطالب مو عن شي بس الاساله مثل ماقال من القطعه ركزو ع القطع الأولى وفعلاً جابها بعد جاب التعداد الخضروات والفواكه واللحم ووووو من قطعة السوق بعد جاب الأكل المفيد وش تختار كلها كلها من القطع وجاب مثل ماقال الجمل البسيطة الجمل المركبة الجمل المعقدة جابها والله انتم الي مو مركزين بالمذاكره انا جداً جداً جداً كسلانه بالانقلش وأخذت مستوا اول 30ع الورقة و30المشاركه يعني 60 والمستوى هذا كذلك ماني فاهمه شي بس خذيت مدرسه وشرحت لي وبعد سمعت كلام الدكتور واضح جداً ليش الخطأ علينا نحطه عليه والله ربي ما يضيع تعب احد الي ذاكر وتعب وتخصر ودفع بالملازم وصور أوراق واشيا وطالع نازل ربي ماراح يضيع تعبه

والي جا وفتح الملزمة كيذا بدون مقدمات ومو داري وين ربي حاطه معليش يعرف وش بحل وقتها بقول لنفسه انا ماذاكرت

هذا انا أعترف مستوا اول ماني فاهمه حرف واحد وفتحت الماده قبل الاختبار واستاهل30لاني ماني فاهمه شي أبداً

[Mahosh]

المشاركة الأصلية كتبت بواسطة بارق الوادي

الدكتور انبح صوته وهو يقول اول اربع محاضرات احفظوها زي اساميكم وايضا قال ركزو على الجمل البسيطه والمركبه والمعقدة

يعني وش تبون اكثر من كذا .. ما ناقص الا ينزل لكم الاسئلة .. بصراحه ما قصر

العلم العلم والله في الاحصاء مدري وش الدبره معه ...

كلامك بالصميم انا حفظت حياتهم أكثر من حياتي هههههههههههههههههه

[hessah.f]

اللي يقول المادة مفروضه غصب عليهم وهم قسمهم مش انجليش !!
>> اسلاماه يغلي
المادة تعتبر عامة وكل الأقسام يدرسونها واسأل كل طلاب الجامعات بكل مختلف مناطق المملكة وبيقولون لك آنهم درسوها ومرت عليهم مره آو مرتين !

يعني:
إذا آنتم مركزين على اسئلة الأعوام الماضية وتاركين الملزمة اللي آوضح منها مافيه !
هذا غلطكم مش غلطة الدكتور
يعني شرحه واضح + تعليماته بالمحاضرات المباشرة واضحه
وفوق هذا تطالبون باعادة الإختبار !
معليش يعني مسخرتوا آنفسكم بآنفسكم

يعني بالعربي: "الدكتور مش غلطان"
آنتم اللي غلطانين بطريقة المذاكرة ..!


وشيكرًا

[يآرب التوفيق]

بصراحه انا ماذاكرت الا ليلة الاختبار وكله من المحتوى والمحاضرات المباشره ع النقاط اللي تكلم عنها وراجعت الكويزات اللي هنا اللي كانت مررره مفيده والحمد لله الاختار ماتعدى عن الاشياء هذي وكثر خيره اللي كان مسهلها هو صح ماجاب قطع بس كانت واضحه للي قرا القطع.. وطلعت مرتاحه ومبسوطه من الاختبار ولله الحمد

وطبعا ماذاكرت اسئلة الاعوام السابقه لأن مااحب اتوهق ممكن الدكتور يغير الأسئلة مثل ماصار بالانجليزي لا تعتمدوووون عليها

[slmanalshehri]

جبنا العيد جبنا العيد بتوفيق للجميع

[ام بندووري]

لا الاعاده مو الحل

فيه ايقونه تظلم راح تفتح بعد الاختبارات انا بتابعها شخصيا وراح نتعااون ونرسل عليها الاختبار ماكان فيه اي مساواه ولا تقدير لي مستويات الطلاب المتفرقه او حتي التفريق بين الاقسام المشتركه بالماده
بما انها ماده عامه يعني لازم الدكتور يراعي جميع مستويات الطلاب

[ام بندووري]

رجاء رجاء الي مو عاجبه الموضوع ولا عاجبه انتقدنا للاختبار لا يجي يتفلس علي روسنا واخص بقوولي طلاب الانجليزي

[بيدو1]

والله انه اسهل من المستويات السابقه واضح كل شي والدكتور كثر خيره ماقصر فلا تشغلونا باعاده ماراح يرضون ابدا وماتوقع الطلاب المتذمرين كثير كل من سالتها امس عن الاختبار تقول الحمدلله حلو

اغلط منكم اهملتوا كلام الدكتور وهو كرر مليون مره يقول ركزوا ع القطع الاربع مهمه جدا احفظوها كصوره امامكم والله يسعده جاب الفراغات السهله مره

اتركوا الماضي وفكروا بالقادم الاحصاء اكثر من مره والطلاب اللي قبلنا تتذمر من دكتورها فعسى الله يهدي قلبه وبكون طيب معنا :(