[ المحاضرات ] : اللقـاء المبـاشر الثـالث والأخيـر لـ مادة ( القراءات والمطـالعـات )

[أم البواسل]

لا تحرقون اعصابكم بعدين خلوكم متفاءلين أن الاختبار سهل لان العقل الباطن اذا تبرمج علي الاختبار صعب بتدخلون متوترين ولاتعرفون تحلون وقدامنا اسبوعين نفصفص المحتوى ونطلع علي المواضيع الي قالها بقوقل
والله يسهلها علي وعليكم

[ويبقى أمل]

بنات vocabulary معنا

[ملاك ذوقي]

يعني اذا القطع خارجية اكنسل الي بالمحتوى بس امر عليها للتدريب فقط ؟!

الله يوفق الجميع ويسهل علينا يارب ويكفينا شر الماده وخلينا نتفائل ونجتهد وربي ماراح يضيع تعبنا

خذو الموضوع للاستفادة وتفادي الاخطاء بالمستقبل كل غلطه وراها تعليمه جديده

بالتوفيق لي ولكم يارب

[knzi]

ياربي بس :(

وشش يبي ذا الحين مب وقته يعني ليه يحب التعقييد هالدكتور ؟؟

الحين اللي قاله قاله بس وش نسوي
دارس ومتخرج والمنهج عنده مثل حرف الالف والباء
طيب وش ذنبنا حنا ياربي بس ..
الحين الكلمات من الخارج بعد ولا

ونبي موضوع كيف نستخرج التوبك والفكره الرئيسيه ..

[أسيرة المشاعر]

ممكن أحد يقول لي عن القطع وش قال عنهم بالضبط مافتحت معي المحاضره

الله يعنا عليه ذا الدكتور ماشي ورانا بالمستويات الجايه بعد :(

[شذى الورد 22]

نبغا موضوع خاص ندرب فيها علي القطع الله يسعدكم

[lo0lla]

انتم ليش معطين هالماده اكبر من حجمها
انا بنظري فيه اصعب منها كثير مو مستاهله كل هالخوف افهمو شالمقصود من السؤال وعلى اساسه بتجاوبون بغض النظر هي قطعه خارجيه ولا غيرها وترا انتم جامعيين معليش ماندرس ليلي حنا عشان يعطون نسخ لصق من المحتوى ولا اظن اننا بنستفيد لو جابها من نفس المحتوى زي ماهي وهي ماده متوسطة الصعوبه
اعتذر على كلامي بس اللي يشوف هذي الماده صعبه مو مستحق انه يدخل هذا التخصص اصلا
مفروض تتركونه للناس اللي فعلا تبي تدرس وفعلا جاده
الموضوع مو تغشيش او حذف او غيره الموضوع انك تفهم الشرح وتستوعب وش الفكره بالضبط
ماهي حكاية بحفظ وانت جب لي نفس المحتوى ولا انت استاذ ظالم
ترا هذا لمصلحتكم بالاخير انكم تتركون سالفة الحفظ بدون فهم متى نفهم ونستوعب
حتى اشياء زي هذي صعبه
قطعه واسئله !!
بالنسبه للتوبيك يقصد موضوع للقطعه يعني تقرا القطعه وتفهم وش تتكلم عنه واعتقد الجواب محطوط في الخيارات ومايبيلها بس شوفو اكثر جواب شامل للافكار ومقنع بنفس الوقت << الناس اللي فاشله في الانجليزي ماراح تفهم للاسف هذي سوء اختيار لتخصص الدراسه مو مشكلة الاستاذ
بالنسبه للمين ايديا هذي تحصلونها بالجمله الاولى او الثلاث جمل الاولى وغالبا تكون مكرره بالاخيره
اخر شي احب اقوله هي نفسها هذي المعلومات تلقونها بمادة القرائه والمحادثه العربيه .. يعني انجليزي عربي نفس الافكار
اذا جا في السؤال ارقام او كلمات ركزو على القرائه السريعه اللي هي سكانينق نسيتوها ؟؟ << اللي ماكان يفهم وكان يحفظ ماراح يذكرها
المهم دورو الرقم او الكلمه واقروا الجمله اللي هي فيها وارجعوا اقروا اللي قبلها واللي بعدها عشان تعرفون معناها وتتأكدون مررره من المعنى وتحلون ..اذا قال كلمه جديده او غريبه عليكم وبعدها or ثم كلمه ثانيه او فاصلتين او اقواس وداخلها هالكلمه الثانيه فهي نفس المعنى للكلمه الغريبه وهو الجواب
هذا كله مشروح في المحاضرات روحو ارجعو للشرح وعندكم شرح احمد راح يفيدكم

وبالاخير اتمنى محد يزعل من صراحتي بس اتنرفزت لان الماده مافيه مقارنه بينها وبين اللغويات ومواد ثانيه والمستويات الجايه اصعب من كذا بكثير وش بتسوون وقتها!!!!!!

[ميمي اللطيفة]

: جزاك الله خير لولي وربي كلامك جمييييييييل ياجميله وصدق يريح القلب احنا اذا قلنا لانفسنا صعب تصعب حتى لو هي سهله والحمد لله بصراحه لازم نتعلم عشان مانتعب بعدين وكل شي له مفتاح
d5

مع خالص الشكر
:

[ام اباء]

كلامك صحيح يا looola وصحيح اني في الانجليزي مش شاطرة بس التخصص لازم يكون عميق دراسته ولازم نبدأ نتقبل الصدمات في هّذا الترم والمستويات الجاية ,, الله يعديها ذي الدراسة على خير وناخذ اعلى الدرجات

[شذى الورد 22]

شكر لوله فهمتني كيف اطلعهاوصلت لمخي اخيراً