[ مواد مشتركة ] : هنا مناقشه الرياضيات

[شــــوق]

محد قال انكم تخطون احساس
وانا كان عبالي مافهمتي الاجابات وحبيت ابسطهم لك


ايش هي الاشياء اللي ماعرفتي كيف جت ؟؟

[وجود الخالدي]

ياخيتو عارفه محد قال اننا نخطئ اجابات احساس جمله على الهامش عشان نلقى دعم وحد يبسط لنا

وانتي اول الفازعات ماقصرتي عاد يقولون اذا صاحبك عسل لا تلحسه كله بس عاد وش السواة ماصدقت لقيت احد


جمعت لك كل اللي اشكل علينا فهمه وانتي ماتقصرين اللي تقدرين عليه فهمينا اياه وبث ..

اولا ::

هذا سؤال (79) 0.021 تساوي :
أ- 0.21
ب- 0.210
ج- 0,0210
د- 0,0021

انا فهمته لا انون هيك ودي اتاكد مابي اورط البنوته

(79) 0.021 تساوي :
أ- 0.21 ======== من عشره
ب- 0.210 ==========نفس اللي فوق من عشره واضافه الصفر بعد 1 عشان التشتيت
ج- 0,0210 هون ========= قبل الفاصله فيه صفر واحد اذن من 100
د- 0,0021 هاذي مدري يمكن من 1000 لان مالقيت لها مثال بالمقرر

^
^ تحليلي او تبسيطي لها صحيح ؟




ثانيا ::


(135) كم نضيف إلى 4 أقلام لتصبح 7 تمثل عددياً :
أ / 4 +... = 7
ب/ 4 + 3 = 7
ج/ 7 – 3 = 4
د/ ... + 4 = 7

"حدد بالسؤال تمثيلها عدديا"
لو لم يحدد التمثيل العددي لكان الجواب بطريقة الربط بين الجمع والطرح ويكون الجواب 7-4=3

^ (فقط التنويه مافهمته)



ثالثا ::



(123) كم قطعة خشب يجب ضمها إلى 3 قطع من الخشب للحصول على 5 قطع ؟ الربط المباشر بالتعبير العددي : ( طبعا هذا الي وضح من السؤال حتى الإجابات مو واضحه)
‌ه. 5 – 3 = 2

-وبناء على السؤال ليش اخترناه بالطرح مو بالجمع ؟
- ولو كانت 2+3 = 5 موجود بالخياارت نحتارها ولا لأ ؟؟
- هل الفرق بين السؤال اعلاه والسؤال ادناه
الاول تم الربط المباشر للاعداد فقط .. بينما الاسفل مجرد تمثيل عددي ..


كم نضيف إلى 4 أقلام لتصبح 7 تمثل عددياً :
أ / 4 +... = 7

رابعا ::

(106)عندما يوجد أحد التلاميذ حجم المجسم التالي فأي الإجابات التالية تمثل خطا غير عشوائي :
أ- 18 وحدة مكعبة << ما اختار هاذي ..؟!
ب- 14 وحدة مكعبة
ج- 20 وحدة مكعبة
د- 40 وحدة مكعبة

^ وحسب تحليل العذب يقول لانه خطأ غير عشوائي ..! وتكون 14


خامسا ::
يربط المعلم ما بين الجمع والطرح من خلال الأمثلة التالية :
5 + = 6 و 6 – 1 = ،،، + 3 = 9 و 9 – 3 =
والسؤال كان

(68) عبارة الطرح التي ترتبط بالعبارة التالية 5 + ____ = 6 هي :
أ- 6 - 5
ب- 6- 1 << ليش مو هاذي بناء على ربط الدكتور ..
ج- 5 - 6
د- 1 – 6

ب- 6- 1 << ليش مو هاذي بناء على ربط الدكتور ..




سادسا ::


(57) 0.3 + 0.5 =
‌أ. في الجمع والطرح لا نحرك الفاصلة أما في الضرب نحرك الفاصلة

(57) 0.3 + 0.5 =
0.08
8/10 >> هنا الجواب

لو كان الجواب فرضا 0.8 نختار هذا ولا الكسر ..!؟

وســــــــــــــــــــــلامتكم ..

[انون]

:( شكررررررررررررررررا ي جميله شوووق تو ضحت لي ان لو حطها كسر نقول على واذا هذا نقول من يختي وش هالدقه بالاسئله يارب مايجينا شي زي كذا يلحس مخنا اي والله ليت تجاوبين ع الاسئله اللي حطها وجود ":( توه فتح عندي النت وسالفه ماشاركتكم

[صبا الهفوف]

بحاول اجاوب على الاسئله حقتك
(123) كم قطعة خشب يجب ضمها إلى 3 قطع من الخشب للحصول على 5 قطع ؟ الربط المباشر بالتعبير العددي : ( طبعا هذا الي وضح من السؤال حتى الإجابات مو واضحه)
‌أ. 5 – 3 = 2

هنا عندك معطيات الى هي 3 والعدد الكلي 5 فعلشان تشرحين للطفل عنده مشكله بتعطينه خمس قطع ويشيل منها 3 علشان يعرف كم باقي
علمان ان الخيارات نقصه لو حصلتي 3+2=5 في الخيارات اختاريها لان السوال قال يضم والضم بمعنى الزياده

(137) أربعة من ألف تقرأ رياضياً :
أ –
ب – 0.04
ج – 0.040
د – 0.004
طلب تمثيل العدد اربعه من الف اول ماتشوفين هذا السوال يعني تكتب بالفاصله تعرفينها من حرف الجر من اما الخيار الاول خطا لان مفروض الالف مقام مو بسط طالع كذا الف على 4 والسبب الثاني لو كان يبيها كسر تعرفينها من حرف الجر على

[صبا الهفوف]

(135) كم نضيف إلى 4 أقلام لتصبح 7 تمثل عددياً :
أ / 4 +... = 7
ب/ 4 + 3 = 7
ج/ 7 – 3 = 4
د/ ... + 4 = 7

هذي لما تسائلين الطالب اش بتقولين بتقولين 4 + كم = 7 علشان كذا اختار هذا

(106) عندما يوجد أحد التلاميذ حجم المجسم التالي فأي الإجابات التالية تمثل خطا غير عشوائي :


أ- 18 وحدة مكعبة
ب- 14 وحدة مكعبة
ج- 20 وحدة مكعبة
د- 40 وحدة مكعبة
هو قال خطا غير عشواني وقع فيه الطالب لان الطالب طالع في الرسمه وعد المكعبات وطلع عددها 14 من الصوره لوكان عارف الصح كان قال 18 لانها 9 وتحتها 9

[صبا الهفوف]

(95) أي الكسور التالية يكافئ ثلثان :
الثلثين هي 2 على 3
3/2
من التبسيط ولما نقول تبسيط كسر اعرفي انك بتقسمين على عدد يقبل نقسم عليه البسط والمقام في نفس الوقت في هذي المساله عندك طريقتين
اما تبداء الاعداد الصغيره وتشوفين هل البسط والمقام تقبل القسمه على 2 هنا البسط ايوه يقبل بس المقام لا مايقبل اجرب 3 اقول 18 تقسيم 3 =6 و27 تقسيم 3=9 طلعت 6 على 9 نقدر نبسطها اكثر نفس الشي نقسمها على 3 يطلع 6 تقسيم 3 = 2 والمقام 9 تقسيم 3 = 3 وبكذا وصلنا الى الثلثان وهي 2 على 3
الطريقه الثانيه الى مفروض اننا حافظين جدول الظرب نشوف على طول العدد الى بيعطني الكسر في ابسط حاله وهو9 لما اقسم 18 على 9 =2 ولما اقسم 27 على 9 =3

(85) يتم تعليم الأطفال هذه الأعداد عن طريقة زيادة عنصر واحد إلى أخر عدد سابق تعلمه :
أ- مفهوم الأعداد من 6 - 9
ب- مفهوم الأعداد من 3- 5
ج- مفهوم الأعداد من 0 - 9
د- مفهوم الأعداد من 1 – 10
من الملزمه المحاضره الرابعه
مفهوم الاعداد من 6 – 9 :
يتم تعليم الأطفال هذه الأعداد عن طريق زيادة عنصر واحد إلى آخر عدد سابق تعلمه الطفل

[صبا الهفوف]

(68) عبارة الطرح التي ترتبط بالعبارة التالية 5 + ____ = 6 هي :
أ- 6 - 5
ب- 6- 1
ج- 5 - 6
د- 1 – 6
من هنا صح لانه جاب معكوس الاعداد الموجوده في المساله

(57) 0.3 + 0.5 =
في عملية جمع الكسر العشري نحط العدد تحت بعض
0,3
+
0,5
= 0,8 يعني 8 من 10
في الجمع يحط الفاصله بعد العدد الموجود فهنا نحط الفاصله بعد عدد واحد والخيارات الموجوده كانت 8 من 100 او 8 على 10 وهذي الصح او العدد 8 او الكسر 3 على 10 ماله علاقه في المساله
مستحيل يجيب لنا الدكتور جوابين صح يعني يقول 0,8 وبعد ينزل الكسر 8 على 10

[صبا الهفوف]

(24) ساعتان إلا ربع تعادل :
‌أ. 75 دقيقة
‌ب. 104 دقيقة
‌ج. 6000 ثانيه و 5 دقائق
‌د. 1050 ثانيه
هنا قال الساعتين فيها 120 - 15=105
مافي الخيارات العدد نشوف اش الخيار الثاني وهنا خل 5 دقائق على جنب وظرب 100 دقيقه في الثواني وهي 60 ثانيه
يعني 100 ظرب 60 = 6000 ثانية مع 5 دقائق الباقي


(79) 0.021 تساوي :
أ- 0.21
ب- 0.210
ج- 0,0210
د- 0,0021
هنا العدد الى طلبه الدكتور عليه انه يساوي واحد وعشرين من الف
في الاعداد العشريه تهمنا الاصفار الى على يسار العدد اما الى على اليمين مو مهمه
فاذا اخذنا الخيارات هي واحد وعشرين من 100والثاني نفس الشي واحد وعشرين من 100 والثالث هو واحد وعشرين من 1000 والرابع هو واحد وعشرين من 10000
يعني كل عدد يجيك على يمين الفاصله هو بخانه

[وجود الخالدي]

ســـــــــوري صبا الله يسعدك ويبيض وجهك جننتك ..


(106)عندما يوجد أحد التلاميذ حجم المجسم التالي فأي الإجابات التالية تمثل خطا غير عشوائي :
أ- 18 وحدة مكعبة << ما اختار هاذي ..؟!
ب- 14 وحدة مكعبة
ج- 20 وحدة مكعبة
د- 40 وحدة مكعبة

عجززززت افهمه .. عديتها من الفوق ال9 والجنب 6 طلعو 15 مو 14 شلون تطلع 14 كيف عدها الطفل وطلعت له 14 !!!!!!!!!!!!!!!!!!!!!!

اسئلة الدكتور تبيني اخلي نفسي مكان الطفل واجاوب هذا اللي بجنني ..



(135) كم نضيف إلى 4 أقلام لتصبح 7 تمثل عددياً :
أ / 4 +... = 7
ب/ 4 + 3 = 7
ج/ 7 – 3 = 4
د/ ... + 4 = 7

"حدد بالسؤال تمثيلها عدديا"
لو لم يحدد التمثيل العددي لكان الجواب بطريقة الربط بين الجمع والطرح ويكون الجواب 7-4=3

^ (فقط التنويه اللي اضافه احساس من باب التنبيه مافهمته) ادري شرحتيها لكن




خامسا ::
يربط المعلم ما بين الجمع والطرح من خلال الأمثلة التالية :
5 + = 6 و 6 – 1 = ،،، + 3 = 9 و 9 – 3 = << هاذي نصا من الملزمه

والسؤال كان

(68) عبارة الطرح التي ترتبط بالعبارة التالية 5 + ____ = 6 هي :
أ- 6 - 5
ب- 6- 1 << ليش مو هاذي بناء على ربط الدكتور اللي منصوص بالملزمه ..
ج- 5 - 6
د- 1 – 6

[اكاديمي منتسب]

اسئلة الصيفي كان فيها تغير في الارقام والاسلوب
لذلك لابد تفهمون الكسور جيد والاعداد العشرية

بالتوفيق،،