[ استفسار ] بخصوص المذاكره للاختبارات النهائيه

[ساره توت]

أمانه غاليتي ريمنقو ليت توضحين لنا كيف الاختبارات وكيف المذاكرة يعني نذبح نفسنا والا تساهيل وضروري كتب والا عادي عروض مشكلتي ما اعرف احد بالدمام كلهم فيصل انا مبطية عن الامتحانات انا اعترف من 11 سنة متخرجه

[منال~]

فكره حلوه وحتى كثير يقولون تجي منها ونستفاد
وانا لي فتره اجمع الاسئله وجمعت كذا ماده اذا تبونها

[Bnt3lnoor]

ساره
لاتخافين ترا انا مثلك واشوف صعوبه حيل بالحفظ
كله انسي بس مع التكرار ان شاء الله نكون تمام
وحاولي فهمين اكثر من الحفظ وربي يسهل ع الجميع


منال
ياليت تنزليهم
انا جمعت تبع ماده علم لاجتماع

[ريمنقو]

وقت الاختبار العصر الساعه 3 الى 5 ..
تواجدكم اول يوم خلوه من الساعه 1 علشان تعرفون اوضاعكم ,,
باقي الايام عادي 2 او 2 ونص تتواجدون ..

/


ان شاء الله الاختبارات سهله وانا كنت مثلكم خايفه بس الحمدلله عديت بفضل الله ..
بقول لكم كيف ذاكرت للاستفاده ,,

قبل الاختبارات ذاكرت المواد كل المواد من البوربوينت , ماعدا الانقلش من الكتاب المترجم + علم الاجتماع من الكتاب والبوربوينت

كنت اذاكر علم الاجتماع من البوربوينت وبنفس الوقت اذا فيه فقره ماهي موجوده اقراها بالكتاب
دكتورة علم الاجتماع جمعت لنا كل التعريفات اللي بالمقرر وحطتها بملف وورد وطبعتها وحفظتها قبل الاختبارات
يعني ايام المراجعهه ,,

مادة فقه السيره مره كثييييره , ودخلت الاختبار وانا ماخلصت الماده ..
والحمدلله كان الاختبار حلو , ركزوا على الاسماء وعدد المجاهدين و التواريخ
< اتذكر فيه اسئله اختياريه تشمل هالاشياء ..


/

اما اختبار علم االاجتماع انصدمت من الفرحه كان سهل مررهه ,
وكله من المحاضرات مافيه شي من الكتاب ..


/


الانقلش فقط احفظ الكلمات ومعانيها + القواعد ..

/

انا والمشرفه نوره فتحنا لكم موضوع خاص بتجميع المناقشات والاختبارات علشان بمثل هذا الوقت تستفيدون منه بدل ماتروحون تبحثون بين الصفحات ..
بس الله يهدي البعض اخذ الموضوع طلبات و استفسارات واضطرينا نقفله ..

[Deema A. Harbi]

حتى لو نجمع اسئلة الإختبارات معهم
نجمعهم من المذاكرات الجماعية ونحطها في مجلد واحد

[ساره توت]

مشكووورة ويعطيك العافية ماقصرتي كفيتي ووفيتي وربي يوفقك والله ان اليوم رجعت من دوامي متأزمة افكر بالامتحان ريحتيني ربي يريحك

طبعا الحل بيكون باوراق وقت الامتحان نفس اللي فيها الاسئلة والا كيف اعذروني كثرت الاسئلة بس انتو يمكن مريتو باللي احنا فيه نبي نهدي ونرتاح

[ريمنقو]

الاسئله بورقة والحل بورقه ثانيه , تظللين
اذا مثلا الاسئله اختياريه تختارين الاجابه الصحيحه وتظللين الورقه الثانيه بالرصاص

/

اما الاسئله اللي تحتاج كتابه " مقاليه " , تحلينها بنفس ورقة الاسئله

[سسسآره]

طيب ريمنقو تقدرون تفتحون موضوع تجميع المناقشات والاختبارات مره ثانيه وتحطون تنبيه ان محد يطلب او يستفسر واللي بيطلب او يستفسر احذفوا رده :)

والله محتاجين هالموضوع بشششششششده

[ريمنقو]

افتحوا الموضوع وجمعوا كل الاسئله اللي نزلت لكم فيه ,,
واي رد غير الاسئله راح نحذفه

[madeyh]

حلوه هذه الفكره انا لي فتره اجمع الاسئله وجمعت الاختبارات وبنزلها لكم