الصيفي تجربه لن اكررها

[مـحــمـــد]

المشاركة الأصلية كتبت بواسطة رنو

ابو غيداء كل شي خيره وأنا اختك ..'


انا بحسبها مثلك وبصير قعيطيه هههههههه
الطياره ٦٠٠ انا وماما
الفندق يومين ١٤٠٠
السواق جيت من المطار ١٠٠ ورحت للجامعه ورجعت ب١٠٠ رحت اتمشى بالاحساء ١٠٠ غير الهدايا
السحور حق يومين ٩٥+٩٥+٩٥+٩٥ <لاننا نفرين
الفطور اشوى مجاني ههههههه
اي صح نرجع مع السواق ١٠٠ للمطار
واذا جينا الرياض بركب تاكسي لندن ٨٠ <قلت لاخواني مايجون لان رحلتي الظهر ..'
اي شريت علبة مويه ب٨ ريال
ودلة قهوه ٣٥ ريال


احسبوها
وقسم ماعمري حسبت بس ماااش ابوغيداء علمنا ع القعاطه واللي يشوف مصيبة غيره تهون عليه مصيبته ..'

بس ؟؟؟
عكسي تماما
70 ريال عشاء
30 ريال بنزين
20 نثريات :) وباخذها معي يوم الخميس مره ثانيه
ساهر : ما يحلم يشم ولا ريال
وزرت الاحساء بعد 20 سنه انقطاااع
وفوق هذا ان شاء الله a+

[مـحــمـــد]

المشاركة الأصلية كتبت بواسطة عبدالله الغنام

طيب المسكو الخط من الرياض يعلمونا وين اماكن ساهر

فيه ساهرين :) من الرياض لين تفرق لخريص يعني اول 100 كيلو .. واحد على ما اذكر بعد 30 كيلو من الرياض
بعدها ما فيه شي

[جنة ورد]

المال فدوة عن عمرك لاتزعل ولا يضيق صدرك اهم شي انت بخير وسلامه وان شاء الله ربي بعوضك بالمال ألي خسرته

[العضيد1]

المشاركة الأصلية كتبت بواسطة رنو

الفندق يومين ١٤٠٠
السواق جيت من المطار ١٠٠ ورحت للجامعه ورجعت ب١٠٠ رحت اتمشى بالاحساء ١٠٠ غير الهدايا
السحور حق يومين ٩٥+٩٥+٩٥+٩٥ <لاننا نفرين
اي شريت علبة مويه ب٨ ريال
ودلة قهوه ٣٥ ريال

ال 95 ليه زدتيها أربع مرات وأنتم نفرين وفي وجبة للسحور فقط؟
إسراف وتبذير. الله يهديك ويتوب عليك. شكلك بنت نعمة ما شاء الله عليك. بس ولو، تبذير غير مبرر.
أنا فطوري هنا جبن مثلث بريالين ونصف مع عسل بريالين ونصف وخبز. يكفيني يومين، يا ربي لك الحمد، وعليها إلى الساعة ما بين 12 و 1 منتصف الليل. ربع دجاجة مع الرز ما يتعدى 9 ريال. ويكون هو العشاء والسحور.
ليس بخلاً الصراحة، ولكني مرتاح مع هذه الوجبات.
اليوم في الفطور إن شاء الله، احتمال أضيف زبادي علشانك. ناسيه الزبادي.
-----------------------
وفي كل رمضان، كثير من الأيام أفطر على وجبة ممتازة:
في صحن واحد: جبن كرافت مقطع وقشدة التاج مع قليل من العسل. لازم في صحن واحد.
ليه الفطور يختلف في رمضان عنه في بقية الأيام؟ من قال؟.

[Shoroq]

دوبي وصلت جده الحمدالله على سلامتي والله تعب تسافر فنفس يوم الاختبار صداع وصيام وغثيان وماوصلت في الوقت ورحت الاختبار والناس طلعت وخلصت واني ابكي محلي

انا ماعاد بكررها الا اذا فتحو مركز بجده

[العضيد1]

لكن اختبرت يا شروق هاه؟
إيه ما تسوى مادة واحدة من جدة. ما تسوى الصراحة.

[Shoroq]

ايوه دخلتني بس ماركزت من التوتر قمت احل اي شي

[ملامح يوسفيهـ]

تجربه فاشله والله ما اعيد هالتجربه لو معدلي يطلع 5 من 5

[اسعى للعلالي]

تجربه لن اكررها سجلت ع بالي فيه مركز بمكه وحجزنا وبالنهايه خليت قلبي بمكه ورديت وكنسلنا رحلة المدينه وانا ماشفتها ولامره مراح اكررها احس بضيقه كل شوي يحسفوني حابسيني بالبيت يقولون تردينا عشان اختبارك يله ذاكري ولا مايبوني اروح السوق توبه اذا مافكو مراكز اجل يحرموني من السوق والاهم المدينه كنا بنجلس فيهارمضان كله

[جُ ــنُونُ]

أنا من سكان الدمام كان أمس عندي اختبار

مشيت بعد الفطور على طول الساعه 7 بالضبط

وماشين على راحتنا الساعه تسعه الا ربع أنا عند الجامعه هذا والشوارع مسكره والدنيا زحمه

يعني وضعي لحد الحين اوكي

أما الاختبار نفسه ماعجبني

ماحبيت اللخبطه في االنظام داخل الجامعه

مافيه أسماء معلقه مافيه أي نوع من أنواع الترتيب الكراسي لازقه في بعض ماتقدر تتحرك ونص القاعه فاضيه

يعني حاشرينا فوق بعض الواحد مايتحرك الا ضرب اللي وراه والا اللي قدامه

دخولنا بعد الساعه 10 وسمحوا لنا نطلع قبل 11

يعني نظام زيروو هذا غير الاخلاق الشينه الله المستعان

خلصت اختباري اخذت كوفي والساعه 11 ونص مشينا من هناك

عالراحه طبعاً والساعه وحده أنا في بيتي

ولا ساهر كفشنا ولا شي اللهم لك الحمد

يعني تجربه اقرب للجميله لو استثنينا اللي صار داخل الجامعه