أعتذار لسعادة الدكتور /عبدالرحمن الشهري

[رانيا ع]

المشاركة الأصلية كتبت بواسطة التميمية

ي الله ي رب ان الدكتور قبل ما يحط الأسئله يخذ له رحلة استجمام ويرجع وهو مستانس ويحط لنا أسئله مثل العسل وننجح وناخذ a+ بالساهل


بصراحه من ضجتكم وبلبلتكم بهالموقف اكتشفت ان العيال حامين وعصبيين اكثر من البنات لأن تقريبا حصل موقف مشابه بالمحاضره اللي قبل هذي هاوش وحده من البنات قال ي فلانه ليش تضحكين وعدينا هالامر ومشيناه

ما أقول الا والله ي حليلنا حنا ي البنات

لان من حق الدكتور يستنكر الضحك في مكان علم الله يرحم ايام ما كنا نرمي بالطبشوره اذا همسنا مع اللي جنبنا...

[شطورة]

الله يهديكم بس داخل شات الأخ

[خالد السعد]

انا قريت بعض الردود ... وعرفت الموضوع
بعض الطلاب عقليته للاسف صغيره ، اولا انت تكلم دكتور
عن محتوى ماده فقط ،، يجيك من الطلاب يقول ( سهل علينا الاختبار )
والا يجيك طالب جامعي ( للاسف ) يقول بتجيب نفس اسئله الترم الماضي ؟
ليش ماتشرهون على هـ العقليه اللي الدكتور مستحملها وصابر يحتسب الاجر ؟
يعني عشان الدكتور قال كلمه وحده قامت الاعتراضات على الاسلوبه ؟
لو انا من الدكتور اقول في المباشره الكتاب كامل 200 صفحه مطلوب عشان الكل يحترمه

واللي يقول دكتور مايصير يتكلم كذا ،، اقوله رح اسمع اسئله الطلاب تحس انه باول متوسط

الله يوفق الجميع

[ABO-NAYEF]

السلام عليكم .. بصراحة بعض التصرفات في المحاضرات المباشرة من بعض الطلاب الله يهديهم ترفع الضغط .. والله حتى تسيء لطلاب التعليم عن بعد .. مثل الي يفتح المايك ويشغل اصوات مزعجه أو يكون صوت أطفاله مزعج جدا ما يخليك تسمع الدكتور و الا البعض يتكلم مع الدكتور بأسلوب كأنه جالس يتكلم مع أي واحد في الشارع .. مهما يكون للدكتور احترمه وتقديره .. وبالنسبة للدكتور عبدالرحمن الشهري انا مآخذ مادة فقة السيرة عنده الفصل الثاني والله يوم شفت شدته في المحاضرات المباشر حسبت اننا بنرسب وان أسئلته موت ومن الكتاب المقرر .. والله جت الأسئلة سهله جدا وكلها من المحتوى .. الله يجزاه بالخير وبالجنه والله دعينا له يوم شفنا أسئلة الامتحان البعيده عن التعقيد او مواضع الأسئلة الي تحتمل اكثر من إجابة مثل أسئلة بعض الدكاتره الله يهديهم .. هذه وجهة نظري الشخصية وأتمنى للجميع التوفيق ان شاء الله ..

[بحـر الكـلام]

انا قدمت اعتذار لدكتور عبدالرحمن من ايملي الخاص ورد علي شكراا وتم قبول العذر والي صار انسوه وركزوا علي الي جاي موفقين

[متعاون]

المشاركة الأصلية كتبت بواسطة ندى العمري

والله انا من رأيي ان كل واحد يتكلم عن نفسه ومع احترامي للجميع بلاش حركات نيابة عن زملائي والكلام هذا ..
انا سبق لي دراسة جامعية انتظام وميزة اللقاءات المباشرة هي وجود تفاعل بين الطالب والمعلم وفي كل المحاضرات يكون في اخذ وعطا بين الطالب والدكتور واشوف من منظوري الشخصي انو الطلبة اللي ضحكو ماغلطو بالعكس الدكتور يحمد ربه انه ما أحد من الطلاب رد عليه رد وقح وللا قاله احترم نفسك واحترم مجلس العلم اللي انت فيه ..
واذا بتقولو انه معلم وقم للمعلم ومن الكلام هذا اقول إنما المرء حيث يضع نفسه واللي يدق الباب يسمع الجواب حتى لو كان دكتور واللي مايحترم اللي قدامه بالمقابل اللي قدامه مارح يحترمه

ما هكذا تورد الابل يا بنت العم
الدكتور اخطا في حق الطالب ومفروض عليه يعتذر بصراحة لكن يبقى معلمنا ورجل كبير في سنه وفي منزلت الاب او الاخ الكبير لبعضنا ويجب ان تؤخذ الامور من هذا الجانب

بالنسبة للي ضحك على كلام الدكتور اساء لنفسة ولزملائة الحاضرين للاستفادة من المحاضرة بالاضافة الى مدى الاحراج الي سببوه لزميلهم الذي تعرض للموقف وهذا يزيد من حدة الموقف
انا ارى بان الخطا مشترك ومن يبادر بالاعتذار سواء دكتور او طالب فهو يعبر عن طيب معدنه وبالتوفيق

[مفخر]

بصراحة أخذت المادة هذي الدكتور روعة وقمة في الأخلاق .
بس مدري وش سويتوا فيه هذا الترم .

[قاصد_خير]

القضية ليست قضية اعتذار ونحوه , لكن إذا كان الدكتور يحب ان الطالب يحترمة فيجب ان يحترم الدكتور الطالب وإلا فما قيمة المرحلة التعليمة التي وصل لها ؟؟؟

بعدين حقيقة فيه واحد من الطلاب سجل المحاضرة وهي على المباشر واسمعني إياها وحقيقة الدكتور هو من اخطأ , ورغم ذلك فالطالب اعتذر والدكتور ابلغه انه قبل الاعتذار والحمد لله , لكن من ضمن ما استمعت اليه في المقطع الذي اسمعني اياه هذا الطالب هو حينما سأل احد الطلبة سؤال معين لا اذكره فماذا كان رد الدكتور ؟؟؟
قال هذا السؤال من ضمن اسئلة الاختبار السابق .. لا تعتمدوا على الاسئلة السابقة لن يأتي منها سؤال واحد ابداً الإدارة طالبة التغير لذلك لن يأتي منها سؤال واحد

بذمتكم هذا رد تشجيعي لو تحبيطي ؟؟؟

درسنا الدكتور عدنان الملحم محاسبة ورغم انها مادة غثيثة لكن هذا الرجل يجب ان يكرم من قبل الجامعة ويشهد الله انني لا اعرفه لكنه ذلل لنا الصعاب وشجعنا وقال لا تخافوا وانتبهو من الاسئلة السابقة لأنها ركيزة وشرح ما شاء الله واخلاق الله اكبر , كذلك دكتور اسامة حنفي والدكتور خبابة وغيرهم , حقيقة لا يوجد لدي ما اعلق به الا ان اقول الله يعديها مع الدكتور اصبحنا نكره بعض المواد والسبب الدكتور المحاضر لها فيا عجب من يضع اللوم ( دائماً ) على الطالب , ويجعل من الدكتور ( هالة بيضاء ناصعة وانه لا يخطأ ابداً ) فيا عجبي

[moghtrb]

اجل تشجيعي لو تحبيطي ؟؟؟؟؟؟؟؟؟؟؟؟؟؟؟؟؟؟


يبوي كبرتوها وهي صغيررررره.... هذا معلم وله منا حق الإحترام حتى لو غلط



مالحقتوا على ايام خذوهم لحم وردوهم عظم والا كان عرفتوا قيمة المعلم



الشخص هذا يعيد او مايعيد اسئله ماتفرق المنهج صغير والحمدلله ددينك ويجب فهمه ومعرفته ( الاغلبيه )

يعني مالها لزوم حتى الاسئله... هل يوجده في مادة فقه السيره شيء يحتاج شرح ؟؟؟ هل يحتاج حل مسائل ؟؟؟؟؟


اخواني دينكم


بشششطح شوي سامحوني..

قسم بالله قبل امس اشوف مقطع لواحد يسأل بالسوق ولد عمره بالعشرينات يقوله عدد لي 5 اغاني لرابح صقر من البومه الاخير.. طبعاً جاوب بدون ماينقطع بالكلام دليل الفهم والحفظ ماشاء لله عليه

وبعده قاله عدد لي 3 من ابناء محمد بن عبدالله ( رسولنا صلى الله عليه وسلم ) قام يتلووون وجهه الزبده عرف ابراهيم فقط

بعدها قاله عدد لي خمس بنات من بناته... ونفس لوضع قال زينب امممممممم خديجه امممممممم

نفس الوضع ماعرف بالنهايه




بالله عليكم جميعاً هل وصلنا لهذا الحال لو ندرس دين صح ؟؟؟ طبيعي بتقول هذي مناهجنا وبقولك لاااااا

مناهجنا علمتنا وعرفتنا بسبب المعلمين كان لهم هيبه اوصلت المعلومه ورسخت برؤوسنا وعقولنا

لكن الان ؟؟؟ المعلم ماله احترام ولا له هيبه ومستحيل توصل معلومته لذلك نقوووووووووووووول الله يرحم الحاال بس



قفلوا الموضوع وخلكم من الكلام الله ماله نتيجه للأسف اختلفتوا فيه لدرجة انه حتى اللي حضروا المحاضره اختلفوا في تحديد لمخطئ وهذا معنااااااااااااااااااااااااااته ان مالكم قضيه تناقشوها اصلاً

[الفلاح]

الاعتذار من شيم الكرام

سواء اعتذر الدكتور على تعليقه على الطالب او اعتذر الطالب او الطلبه عما مابدر منهم اثناء المحاضره لاينقص من كرامتهم شيء .. ولو بادر الطلبه بالاعتذار فهذا من باب التقدير والاحترام للدكتور وللمتواجدين في المحاضره وهو يكبرنا سنا وهو معلمنا وفي مقام الوالد والاخ الكبير والناصح لنا ومن الواجب يكون اعتذارنا يسبق ا عتذاره ..