استطلاع وتصويت (مارأيكم فى توقيت الاختبار "عصر" رمضان)؟

[mansor 25]

والي مريض وعنده السكر .. صعب يختبر وهوا تعبان . اقل شي ممكن يصادفه حالة اغماء .. الجو حار جدا وايضا الاختبار في نهاية فترة الصيام . الي عنده احد بالبيت مصاب بالسكري راح يعرف انا عن ايش جالس اتكلم ,

معا اني الحمد بصحه وعافيه ومافيني شي لاكن غيري مريض ويستاهل الوقوف بجانبه

حتى الطالبات . اذا الاختبار العصر متى راح تطبخ الفطور لزوجها وعيالها . لو كان مايقدر الضروف مستحيل يسمح لها تسجل صيفي ..

بالنسبه الي جالس يصوت وهوا ماراح يسجل صيفي هذا ماعنده انسانية ولا رحمه . ولازم يترك الناس بحالها

[kmsj1234]

المشاركة الأصلية كتبت بواسطة سما الخلود

انت بعد احترم 15 والا بس انت الانسان

انا من الخبر وافضل الصباح لان السواق مو فاضى لى بعد الفطور

سما الخلود تحيه طيبه / هذا مجرد استفتاء وليس قرار
انا ابعد عن الاحساء 1500 كيلو وانتي بينك وبين الاحساء 130 كيلو .
انا اريد وانت تريد والله يفعل مايريد..

[Mishail]

أنتم شعب ماتلتزمون بالقوانين ولا كلل شي عاجبكم قلتو الجامعه مو زينه مافيها صيفي سوو لكم الصيفي قلتو المواعيد مو زينه ومدري شنو وليه بالحساء خلاص دام محد عاجبه لايسجل صيفي ويريح عمره
وأذا الجامعه بكبرها مو عاجبته هم يطلع ويريح عمره مو زين كل شوي فاتحين موضوع وتشوهون بسمعه احد وتتكلمون فيه وهو ماقصر وياكم وفتح لكم مجال لدراسه

أحنا من قبل كنا ندرس برمضان وعادي جت على ساعتين اختبار واغلبكم بياخذ سكن هناك بيرجع لسكنه وبيفطر هناك يمدينه المغرب الساعه ٧ مو العصر والجامعه فيها تكيف للي يقول حر

آخترامي لك بس اتكلم عن كل شخص مو عاجبه شي
كل شي سوا جامعات مدارس مؤسسات فيها قوانين لو كل واحد يطلع عيب بكل شي ومايسمع ويسوي حمله ماخلصنا

[حواء ال المدينة]

اكييييييييد راح اصوت بلا
لمصلحة الطالب أنه يختبر بوقت يكون مرتاح له
والله يهئ الي فيه خير

[prince2112]

غير مناسب

[mansor 25]

والجامعه فيها تكيف للي يقول حر

والمشوار الي بياخذه من البيت للجامعه والتنقل من مبنى لمبنى ..
هذا غير الي بيمشي بسيارته من من الدمام للاحساء او المدن القريبة للاحساء
وكلنا عارفين ان المكيف في الصيف لو تشغل لاعلى درجة التكييف مايفيد درجة الحراره خارج السياره لن تقل عن 40 !!

[الناشي]

غير مناسب ابداً

[دلوعه جدتها]

انا اصوت بلا

لاني ماخذت صيفي والله يوفق الجميع

[Mishail]

المشاركة الأصلية كتبت بواسطة mansor 25

والمشوار الي بياخذه من البيت للجامعه والتنقل من مبنى لمبنى ..
هذا غير الي بيمشي بسيارته من من الدمام للاحساء او المدن القريبة للاحساء
وكلنا عارفين ان المكيف في الصيف لو تشغل لاعلى درجة التكييف مايفيد درجة الحراره خارج السياره لن تقل عن 40 !!

تبون تطلعون أي عذر عشان تسون سالفه لو مو رمضان بيصير الجو براد

لو كل واحد أحترم القوانين ويلتزم فيها يريح عمره ويريحنا بعد

[mansor 25]

المشاركة الأصلية كتبت بواسطة mishail

تبون تطلعون أي عذر عشان تسون سالفه لو مو رمضان بيصير الجو براد

لو كل واحد أحترم القوانين ويلتزم فيها يريح عمره ويريحنا بعد

على كيفك حكمت علينا نطلع اعذار !! , ياخي بكيفك اذا مابتقتنع بس ياليت تحترم وجهات النظر
في النهايه ماجتمعنا هنا الا عشان نطلع بحلول .